宏福苑居民繼續分批上樓收拾個人物品，周三（29日）起開放宏泰閣及宏建閣兩棟大廈。其中宏泰閣在今次大火中有 82 人死亡、14 人受傷，宏建閣則沒有人死亡。
張氏姊妹一同居住在宏泰閣的低層單位，已經在宏福苑居住 42 年，她們形容這是四代人的祖屋，「我哋向前行，都希望大家都向前行⋯⋯只要繼續努力，必有希望」。
政府晚上指，全日共 111 戶 395 人上樓，進出大廈的平均時間是 2 小時 6 分鐘。
Day9｜失父母蘇生：爹哋媽咪我哋走喇，跟我哋走呀
相輯：第十天上樓 搬走冷氣機、電視 「個個出嚟都三、四十袋⋯形容詞係chaotic」
攝：David Chan
宏建低層鍾小姐：政府問卷好 tricky，統計是有趣科學
宏建低層住戶鍾小姐表示，單位的大閘、大門都被爆開，相信是消防員救火時破門，屋內亦留有救火積水，滋生了蒼蠅、蟑螂，但慶幸沒老鼠，亦沒燒過，不過屋內東西有被移動過痕跡，「我哋屋企有嘢唔見咗」。
鍾表示，其單位睡房內一個抽屜，原本有一個裝有散紙的罐子，但上樓時發現罐子放在桌上，裡面清空。但她說不打算報警，因其他貴重物品如電腦、iPad 尚在，亦能執走 40 多袋物品， 形容是「不幸中嘅大幸」，因此「唔 bother（散紙罐嗰） 幾百蚊」。
要在 3 小時內收拾沒受損單位，鍾稱「一定唔夠」，指宏建閣影響不大，同幢住戶大多「成屋都係嘢，係以搬屋嘅心情上去，所以 3 個鐘唔夠，造成大家好似好 panic 咁樣」，落樓後見鄰居「個個見到出嚟都 3、40 袋⋯⋯形容詞就係 chaotic」，而落樓後寄存行李又要排隊、等約 10 分鐘，「我搬一次屋要執一個禮拜⋯⋯3 個鐘做咁多嘢，所以先咁 chaotic，唔知邊度開始入手。」
問及去向，鍾表示「我哋係有 insist 原址重建，係 9％ 裡面嘅人」。她形容政府的問卷設計「好 tricky」、「Statistics 係一門好有趣嘅科學嚟嘅」，指如何詮釋數字，令分子分母表達某種意思，「係一門藝術嚟」。
她說對此感到無奈，並引述早前有上樓居民說，「我哋只能喺佢個選擇裡面再作選擇」。
宏建 6 樓廖小姐：幫老人家斷捨離好難 仲要斷捨離埋下半世安穩喎
宏建閣 6 樓住戶廖小姐，表示單位慶幸沒被波及，但沒電梯，7、80 歲的爸爸媽媽因此未能上樓，「老人家想上去上唔到好無奈」，兩老惟有讓出名額，自己在社區中心等候，由年輕一輩代為上樓收拾物資，以及拍片留念。
被問及 3 小時是否足夠收拾，廖表示「3 個鐘點夠佢哋幾十年斷捨離呀？佢哋初代居民嚟㗎喎，仲要斷捨離埋下半世嘅安穩喎、安穩生活喎，點夠呀？」並指就算收拾了 30、40 袋，都只能帶走屋內三成左右的東西，「好難斷捨離，幫佢哋老人家斷捨離好難」。
至於回購方案，廖指要視乎爸爸媽媽意願，「開咗業主大會先啦，開咗先啦！老人家個心都未定，要開業主大會先囉。等佢哋個心定咗先」。
她又說，「解說隊都唔知解說咗啲乜嘢，解說隊 A 同 B 個口吻唔一致⋯⋯好難具體咁講，總之唔清晰囉好多嘢都，同埋你樓書又無，乜都無⋯⋯買棵菜咩，係咪？」
宏建 5 樓杜女士：唔好成日聽係「唔理想」
宏建 5 樓住戶杜女士上樓收拾後，向記者笑稱自己走慣樓梯，故要上 5 層樓也毫不吃力，其單位亦完整，「開心就係（拎）得返自己心愛嘅嘢，全部嘅嘢喺返晒到」。記者追問心愛的東西是甚麼，她答「最主要係阿女啲相」、錢和戒指，又說有些東西「嗰時預咗唔喺度，但喺度喎」、「無唔見嘢，全部嘢喺返晒度，所以就好安慰囉」。
問起回家的心情，杜表示心情一般，「又唔係太⋯⋯太難過嗰啲囉，難過嗰啲過咗去喇。希望向前啦。希望我哋最好呢⋯⋯我哋唔好成日聽到係『唔理想』，我好想第日畀返間屋我哋係好理想、好滿意，咁我就安樂喇」。她沒有為單位道別，「事實已經成為咗事實，大家向前望啦」。
至於未來去向，杜說是 7 年前女兒婚後才買宏福苑居住，「我哋仲供緊樓。一間唔係住緊嘅樓都要供。希望樣樣都順利啦，能夠解決到呢啲嘢就安心喇」。但她不考慮回到宏福苑居住，「惡劣嘅環境點住呀？返去住都唔敢住。希望安排我哋，係理想嘅單位囉」，又說希望做事的人，不是「查找不足，係查找足夠，係用心去做嘢⋯⋯畀個完完整整嘅安慰就 ok 㗎喇。」
宏建1樓王女士：唔想再留喺宏福苑 去另一個地方向前望
宏建閣 102 住戶王女士表示，自己在此住了 20 多年，今天回家「梗係唔開心㗎喇，因為我哋本來住得好方便」，但「發生呢啲事無辦法」。
她說其單位「冇乜事，冇燒到，不過就好多老鼠屎」。今天亦有足夠時間收拾物品，帶走了爸爸留給她的瓷器公仔，以及錢、屋契等文件，「全部嘢都齊晒」，用了兩個行李箱、幾個紅白藍膠袋就齊了家當，未來不打算再上去，因差不多已收拾完畢。
王續說，未來不打算重住宏福苑，就算有重建也不考慮，「個環境我唔想再留喺度，有少少驚。去另一個地方，我向前望囉」，而她目前心儀啟德、大埔等地，「睇下邊度可以畀我揀」。
宏建6樓林生：若重建，我哋到時入咗安老院喇
宏建 603 住戶林生表示，在宏福苑住了 28 年。事隔多月回家，他說「感慨呀，咁耐無見。都無辦法啦可，what to do？」而他暫未知單位損毀是否嚴重，回家「好多嘢執」，最想取回相簿、保險箱鎖匙。
問及未來去向，林說「大火燒到咁犀利，都唔知情況如何，（宏建閣）好難獨立生存掛，其他都燒得咁犀利」。而他想賣出業權、「樓換樓」，解釋稱「我哋都唔想掂啲錢，因為太老喇我哋」。被問及假如會重建，會否想搬回宏福，他稱「我哋入咗安老院喇到時都」。
宏建3樓賴生：政府收購業權最實際
居住在宏建閣 3 樓的賴生在上樓前透露，由 1983 年已住在宏福苑，「唔捨得就一定有，但都無奈接受」。賴生指，希望可以取回證件、證書、貴重物品等，暫時未知道單位內的情況，「先作最壞打算，上去睇到如果好過自己預期，就當獎勵」。
至於安置安排方面，他支持政府收購業權的方案，認為該做法最實際，「損毀情況咁樣，如果重建，似乎唔太理想」。他又指重建整個屋苑很困難，「再住返，有少少妄想」。
賴生上樓後，指與媽媽尋回太婆傳落的觀世音金鏈，他說媽媽大火以來一直惦記着頸鏈，「一直唔開心，到入屋搵到就好似中獎咁⋯⋯佢好開心，開心到唔識講」，幸單位亦沒有損毀或失竊。
宏泰1樓鄭生：制度點樣行，唔係我哋話事
鄭家居住在宏泰閣 1 樓。鄭生指，大火發生時母親去了旅行，而父親出門吃午飯，因此家人都剛好不在家。他從社工的相片可見，家中應已經燒晒，有支架加固，相信沒有甚麼可以取回，「望吓，影兩張相囉」。
被問到最想取回的物品，他難以決定，見到有回憶的就會取回，「你突然之間喺一個住咗咁多年嘅屋企，話要搵啲咩…其實係諗唔到…就算你一個完整無缺嘅屋企都難諗啦，係咪先？何況你而家燒晒，咁點諗先？」
鄭生在宏福苑居住了超過 30 年，至結婚才搬走，形容對宏福苑印象最深刻的，是「隔離鄰舍由細睇到大」。至於政府的安置安排，鄭生表示，「呢個世界點都有啲制度，制度點樣行，唔係我哋話事囉」、「政府安排啲咩，妥協到就妥協」。
鄭生媽媽則指，最希望可以見到同層的鄰居，「聽聞有兩個唔喺度（離世）」，「失散晒……無電話聯絡，唔知可以點樣聯繫到」。她亦希望可以找回家中金粒，至於會否被偷則已有心理準備。
宏建低層温小姐：點解一定要我賣個業權畀你 希望合安盡快開業主大會
父母住宏建閣低層的温小姐，下午與朋友返回單位執拾。她指雙親已 60 多歲，體力有限，加上不肯定是否真的有第二次上樓機會，故找了朋友幫忙，打算「狂風掃落葉，執到幾多得幾多」。
她指，父母在宏福苑居住二十多年，父親於大火後情緒不穩，正接受治療。被問及父母會否希望在原址居住，她說：「你問我，大家都係希望整得返住得到嘅 ，咪繼續住囉，點解一定要我賣個業權畀你呀？」她又質疑政府周二（28 日）公布指宏志閣有 77% 業主有意賣業權，「但我哋冇任何實質數據睇到」，而她父母亦不願意出售業權。
她又主動提到宏福苑現時的法團管理人合安，促請盡快召開業主大會：「喺無任何基礎、長遠安置方案冇任何明確細節下，開業主大會係必須㗎，如果唔係，街坊未必有個好清晰嘅思路去決定未來條路點行。」她舉例提到維修餘款、保險賠償都未釐清，令居民感到困擾，「選址畀你，居民又揀唔揀得落呢，我覺得呢啲佢哋都要深思。」
温小姐傍晚離開宏福苑，指自己沒有上樓，因名額不夠，故在樓下等家人，他們走了六轉左右，帶走了 30、40 袋物品，包括小家電、爸爸的單車。
她指家人上樓後，發現廚房的窗爆開，有竹支伸入單位，以致裡面有水，整個廚房的東西都因此未能取走。而她說 3 小時的限制，令收拾情況變得趕急，「變咗唔可以諗、無時間俾你諗」，因此也沒能做到斷捨離，「你點能夠斷捨離啫？無辦法。咁短時間做唔到。」
宏建10樓伍先生：盼成立獨立調查委員會 政府部門職權不透明
居於宏建 10 樓的伍氏一家，20 多年前由廣福邨搬至宏福苑。伍父表示，單位「乜都無燒過」，除了廚房略為骯髒外，其餘仍乾淨，「濕都無濕」。今次上樓已取走六、七成物資，包括結婚證書、相片，只餘大型傢俬等帶不走。
伍父又指，大火時自己身在內地，回港時即見到宏福苑「燒晒」，原本打算在單位「住埋下半世」，亦為此有所裝修，「突然間要走，遺憾啲啦。」
伍子則說，自己在此長大、住了 15 年，自己雖在大火前已遷出，但大時大節會回家吃飯。等了多月終能回家，他說心情複雜。得悉宏志閣可以再上樓收拾，他亦期望有第二次。
就宏福苑大火，他最希望政府成立有法定權力獨立調查委員會，而不是獨立委員會，因目前聽證會有許多相關人士缺席，例如宏業代表、議員，認為若有法定權力，便可傳召他們作供、交代事件，有助了解事實全部，對事件有好處。
伍子又表示，宏福災民都不想有第二次類似事件發生，「其實可能我同你身邊都係會有人，佢哋住嘅屋苑遲早有一日都會大維修。當我哋住嘅地方大維修，如果我哋發覺有啲問題嘅時候，其實我哋可以向乜嘢部門反映呢？其實而家好多政府部門，佢哋都各自有自己嘅職權，但係相互之間關係係點呢，其實係唔透明。」他續指，「發生火災之前，我哋都發現好多問題嘗試表達，但唔同部門因為各自職權不在那裡，而我哋覺得個問題唔能夠反映得到。」
他舉例稱，例如維修時見到有人抽煙，亦擔心發泡膠不阻燃、一次過維修七幢的火災風險、承建商投標價逾 3 億、授權票情況，但得不到確實答案。他期望政府檢討後可以立例，處理類似情況時應如何申訴。
被問及安置方案，伍子說政府向居民發問卷時，居民尚未能回單位視察自己單位情況，認為政府應在居民了解自己單位情況後再問意願，「因為（當時）個意願係未了解自己單位」。他認為宏建閣大部分單位完整無缺，若要拆、放棄將感可惜，而目前他的父母接受「樓換樓」方案，之後要處理屋契、業權轉移等文件。
宏建5樓陳小姐：剛花數十萬新裝修
陳小姐一家四口居住在宏建閣 5 樓，是第一手入住的居民，已經住了 40 年。她今日希望上樓取回自己的「心肝寶貝」，包括金銀珠寶等貴重物品，擔心被人偷竊，「一聽到有人破門（盜竊），心都實晒，呢排個個都訓唔著」。
陳小姐指，單位剛花費了數十萬裝修，新裝修只是住了一年多就發生大火，「啱啱畀完錢裝修，跟住畀十幾萬（大維修）燒我自己間屋」。她希望可以回來繼續居住，「出面買層樓畀你，咁裝修邊個畀啊？」
宏建10樓陳生：屋企係我命根、係世外桃源
陳生是居住在宏建閣 10 樓的第一手業主，稱一家四口合計共居住接近 170 年。今日他與家人一同上樓收拾物品，事前沒有收到相片，相信家中的情況「OK」。他指太太希望取回衣服，自己則希望取回契約、證件，「樣樣都特別，樣樣都有紀念性」。
陳生坦言對家園感到不捨，「如果調轉係你都唔捨得啦」。他形容，「屋企就係我嘅命根」、「住咗咁耐，我當咗係世外桃源」。
他指火災當日出門做物理治療，幸好趕及回家，聽到有人拍門，他才能陪同行動不便的太太離開。
宏建低層余小姐：要社工帶出帶入，有啲多餘
居於宏建閣低層單位 40 多年的余氏一家，周三上樓收拾物品。余小姐表示，她事發前已搬了出去住，單位餘下爸爸、哥哥居住。而其單位完好，今次回家主要帶走媽媽的遺物，以及藥物、衣服，搬了三轉，共 20 多袋，其餘物品希望留待下次再取。
上樓之前，她指自己「心掛掛」，因不知單位情況如何、有否盜竊情況，又指自己在宏福苑長大，每樣物品都有紀念價值，「裡面每一樣嘢都係陪我成長」。
余又說，不明白為何出入都要由社工陪同，「我哋要等埋社工。其實我啲嘢齊晒㗎喇，（但要）等社工帶出帶入，覺得有啲無謂、多餘」。她又稱，不覺得需要搬走，「我哋嗰幢情況，其實應該係冇乜問題，其實應該可以再住」。她希望可原址重建，但認為沒選擇、政府是「焗」居民出售業權。
宏泰低層張女士：我哋向前行，希望大家都向前行
張氏姊妹一同居住在宏泰閣的低層單位，已經在宏福苑居住 42 年，她們形容這是四代人的祖屋，「爺爺、嫲嫲、父母，成就我哋」。她們今次回家取回了相簿等貴重物品，「相簿最值得紀念」。
張女士（圖左）指單位焚毀情況嚴重，對此感到傷心，「有少少唔捨得，同間屋講 bye bye」。但她亦自言感到豁達，「豁達咗，我哋向前行，都希望大家都向前行⋯⋯只要繼續努力，必有希望」。
她又表示：「我哋好傷心，但我哋畀好多希望我哋⋯⋯希望香港人，愛香港，大家一齊團結精神，向前望，香港會更好。」
宏建閣低層張女士：百感交雜、要放棄間屋
張女士的家人住在宏建閣低層單位。她在下樓時表示，單位狀況完好，但入屋的時候感到百感交雜。
她又指收拾的時間不足，已取回了屋契、結婚證書、保單等重要文件。被問是否有失而復得的感覺，她指：「始終間屋畀人燒咗，我哋要放棄間屋。」
宏建4樓楊生：單位情況尚可、保存原狀
宏建 4 樓住戶楊生，周三推著單車離開宏福苑。他表示單位情況尚可，「係乜都保存原狀」，總共用了兩個多小時收拾，走了六、七轉，形容已「乜都執晒」，但仍希望可以再次上樓。
被問及回家心情如何，他指「唔使講嚕」。
宏昌閣單位淪「垃圾站」 政府致歉
政府周二（28 日）開放宏福苑兩座大廈供居民上樓收拾，當中宏昌閣 30 樓住戶崔生表示其單位已被焚毀，卻出現大量外來未被燒毀物品，如隔壁單位的文件、吃剩的杯麵等，形容單位被當作「垃圾站」。
政府發言人就事件對居民致歉。政務司副司長長卓永興周三（29 日）承認，不只一個單位被堆雜物，稱是為了救援失蹤寵物所致。
宏泰閣低層廖生：上樓如開「盲盒」心情忐忑
他指未知單位燒毀情況，只收到一張單位門口被燒黑的相片，上樓如開「盲盒」。他希望社工可以多單位內的情況，「等我哋有心理準備，可以攞到啲咩」。
他指在宏福苑居住了 40 多年，是第一批入住的居民。他見證社區的變遷，「由無到有，我入嚟住嘅時候無街市」，因此對事件感到心情忐忑。
宏建閣低層林生：想件事快啲完
林先生居住在宏建閣低層單位 40 多年，稱事前沒有收到相片，相信單位沒有被燒毀。今日 4 人一同上樓收拾，未知 3 小時是否足夠。被問到有何感受，他指：「想快啲完啦件事，因為已經磨咗半年。學吓做壞人，貪新忘舊，好事嚟嘅。」
林生又指懷念這個地方，「但無辦法啦，都燒到咁，焗住要搬屋⋯⋯當換個新環境」。
