2020 年初，明愛醫院、羅湖港鐵車廂被發現有爆炸品，Telegram 頻道「九十二籤」事後承認責任。7 人被控《反恐條例》罪名，餘下 1 人被控以「企圖製造炸藥」罪。8 人不認罪，周一（28 日）於高院踏入第 95 天審訊。首被告何卓為續供稱被捕後被帶往警署的情況。
何稱，他拒絕透露手機密碼後，被 O 記警員以黑色頭套蒙頭，其上半身隨即被人拳打 10 多秒。何指，自己隨口說出一組數字，其後有警員指「密碼唔啱」。何又指，有警署警長向他稱「玩嘢呀嘛，同我再打」，然後感到有人用拳頭「一下壓我個頭撞落前面張檯」，撞到其左眼眉近額的位置。
何續稱，有人拉開其頭套後，有警員用右腳「好大力踩落我下體度」，並稱「我承受唔到個痛楚，所以我將個密碼講咗出嚟」，案件周二續。
第 94 天審訊｜首被告供稱被捕後問是否因「逃票」 上警車前警員稱「玩炸彈呀嘛」
何供稱拒絕交密碼後 遭警員蒙頭拳打
何卓為周一第 13 天作供，其辯方大律師姚本成續問及他 2020 年 3 月 7 日晚被捕後，被帶往青衣警署的情況。
何供稱，當他見畢警署值日官後，由有組織罪案及三合會調查科（O 記）的偵緝警員梁家俊帶往一間房，其後警署警長林偉亮、警長劉永旭及偵緝警員李百謙亦跟隨身後。
何稱在房間內，林偉亮坐在桌子的前方，向他說「嗱，我唔同你晒時間，快啲招晒佢，交個電話密碼出嚟」，何拒絕，林則稱「得，咁打啦」。何指，梁家俊將黑色頭套套在其頭上，何隱約看到梁站在其左方，劉永旭則站在其右方，其上半身被人拳打 10 多秒。
何又稱，頭套被拉開後，林問何「講唔講呀？」，何則隨口說出一組數字，李百謙隨即離開房間，其後折返房間告知林，「密碼唔啱」。
何：遭警員「好大力踩落我下體度」
何續供稱，林偉亮之後稱「玩嘢呀嘛，同我再打」，自己再度被蒙頭，並感到有人用拳頭「一下壓我個頭撞落前面張檯」，撞到其左眼眉近額位置。何形容，「大概有幾秒鐘係頭暈嘅」。
何續說，有人拉開其頭套後，劉永旭則用右腳「好大力踩落我下體度」，「佢仲做咗痴咗狗屎或者香口膠扭嘅動作」。何按辯方要求，站起示範當時動作，何站在證人檯的右方，向證人席位置舉起右腳，作出扭動的動作。
何續稱，劉永旭問他，「講唔講密碼？唔講我繼續踩落去」。何指，「我承受唔到個痛楚，所以我將個密碼講咗出嚟」。何補充，他的 3 部手機中，只有黑色及金色 iPhone 需要密碼打開。李百謙離開房間後，一分鐘內折返並取著何的金色 iPhone，李告知林偉亮「個密碼啱」，李亦向何展示已解鎖的屏幕，其後李離開房間。
何確認，他提供的密碼可開啟兩部電話，可閱覽手機內的訊息，包括「烘焙同好會0.3」的 Telegram 群組。何續稱，其後有一名警員將其釣具及個人物品放入「包頭」，並著何簽名。
何稱簽名確認同意讓警檢視手機
「因為我驚再俾佢哋打」
何續供稱，李百謙其後再回到房間，並要求何在其警員記事冊上簽署，「我記得佢寫咗，我係自願提供密碼畀警方」，何閱讀內容後簽署，並同意讓警方檢視其手機，「因為我驚再俾佢哋打，所以我講咗同意」。
辯方問，李百謙有否告知何，開啟其手機的目的？何稱「冇」。辯方追問，警員有否告知會使用其電話紀錄作為證供，「有冇人咁樣警告過你，或者解釋過個運作畀你聽」？何同樣稱「冇」。
何指警員沒解釋下要求簽記事冊
何續說，其後看到梁家俊亦取出其記事冊，「寫咗頗長嘅時間」，並將羈留人士通知書遞給何，但指梁沒作出解釋，又指「當時我嘅精神狀況唔係好好，睇咗大概有啲咩嘢」。
梁寫畢後，將記事冊推向何，何指當時見到一句句子「我剩係借咗個單位畀佢哋，呢 3 單嘢唔關我事㗎」。何指「咁我見到呢句說話都係事實，咁我咪簽名囉」；又提及對於「3 單嘢」的理解，「當時我有推測係咪因為年頭嘅爆炸案」，即指明愛醫院爆炸案、羅湖港鐵站爆炸案及深圳灣口岸爆炸案。
惟何稱，當時沒留意上半部分提及「阿 sir，啲炸彈係家俊整嘅，我剩係知道佢哋成班人對政府不滿，我點知佢真係放炸彈㗎啫」。
何：「覺得要講返唔關家俊事」
故拒絕送院
何卓為稱，其後在警署見律師時透露自己被打，律師建議他看醫生。何遂告知值日官，並獲移送至另一間房問。何指，他曾向警員投訴，「我話我都冇講過啲炸彈家俊整，我都冇咁講過，你屈我喎」。
何續指，劉永旭之後向他稱，「不如唔好睇醫生先啦，我哋做個錄影會面紀錄，畀你講返件事，講返唔關家俊事」，又指「唔係到時啲同案隊阿家俊，你就幫唔到佢㗎啦」，故當救護車來到，何簽名拒絕送院。
何指，他再會見律師時獲對方勸喻應該入院，「但我當時覺得要講返唔關家俊事，呢件事比較緊要」。
何：警員曾建議錄影會面
「唔好有律師在場」
何續說，律師亦曾提議可以陪同參與錄影會面，惟劉永旭曾建議「唔好有律師在場」。何引述劉稱「呢個係我哋兩個，我同警方之間嘅交易，如果有第三方在場，個交易就唔會成立」，同時劉曾稱「會同上面講，考慮畀我警署保釋，亦都承諾唔會對我使用暴力」。
何稱，他同意進行錄影會面後，有警員稱「肯講咪好囉，唔係你點幫家俊呀」。在錄影會面開始前，林偉亮曾稱「乖乖地錄咪好囉，唔打你啦」。
何又指，梁家俊取出宏創方的閉路電視截圖，當中顯示第二被告李嘉濱、第三被告吳子樂手持平底鍋，並告知何「山雞同夠鐘改名隊咗你出嚟㗎啦，你想幫家俊同幫自己嘅，你自己諗啦」，故他當時懷疑 「山雞」為李嘉濱。
辯方其後問及錄影會面的內容，指何提到「炸彈唔係家俊整嘅」，又稱沒有女性涉案。
官關注，何早前在庭上作供時，提及懷疑一名女示威者 Rachel 涉及爆炸案。何解釋，他當時不清楚 Rachel 的情況，且只是懷疑對方涉案但沒有證據；又指錄影時，從梁家俊向他展示截圖看到一些女性，但以他所知，圖中的女性並沒有涉案。
HCCC186/2022