47 名民主派被控「串謀顛覆國家政權」罪，參與九東初選 6 人，包括認罪的黃之鋒、譚文豪、李嘉達、譚得志、胡志偉，以及經審訊被裁定罪成的施德來，周五（5 日）在西九龍裁判法院展開首日求情，料需時 2 天。
有人凌晨已到庭外排隊，65 歲的陳先生指，2012 年「反國教行動」時開始留意黃之鋒，形容「呢個小朋友真係好犀利」，盼入正庭見他一面。譚文豪友人則指，3 年來沒見過譚，「佢係我個 role model 嚟，我會喺生活遇到挫折嘅時候，就會諗人哋喺入面都頂住，你同我頂住呀咁樣」。
被告昔日同事亦有到場，前觀塘區議會主席蔡澤鴻表示，被告或因「23 條」失去三分一減刑感失落，但他們「唔會喊苦喊忽，人生呢幾年都經歷咗好多嘢，咁我諗佢哋最大嘅經歷就係不可預期」。前區議員張茂清則形容，胡志偉十分堅強，「佢好似視入去嗰段時間係一個 training（鍛煉）」。
官關注黃之鋒沒寫求情信 譚文豪望早日與家人團聚
47人案求情、判詞分析、裁決日報道一覽
六旬翁凌晨排隊為見黃之鋒
「呢個小朋友真係好犀利」
參與九東初選的黃之鋒、譚文豪、李嘉達、譚得志、胡志偉及施德來，周五（5 日）展開首日求情。截至早上 8 時，有約 50 人排隊輪候，胡志偉前黨友如民主黨前主席劉慧卿、民主黨副主席莫建成亦有到場。
有旁聽人士凌晨到場排隊，65 歲不願上鏡的陳先生表示，他於凌晨 3 時半到場排隊，「主要想見黃之鋒⋯少少攰，不過冇所謂啦」。陳稱，在 2012 年「反國教行動」時留意黃之鋒，「呢個小朋友真係好犀利，由學民（思潮）到依家，都企得幾 strong、幾有原則」。
他指，「以一個咁後生嘅小朋友，企出嚟話畀人聽，邊啲做錯嘢，有批判思維」。陳再指，「中學生可以諗咁多嘢，其實都唔差㗎啦」，不像以前的自己如「一嚿飯」。他稱，黃以往甚少出庭，盼入正庭見黃一面。
譚文豪友：「佢係我 role model」
凌晨近 4 時排隊梁小姐表示，主要想見到譚文豪，指兩人認識 7 年。梁指，因譚較多家人，「唔好意思霸佔佢個探訪名額」，她已 3 年沒見到對方，「我一定要入到正庭」。
梁稱，她眼中的譚文豪，是一個目標明確、很堅毅的人，「佢係我個 role model 嚟，我會喺生活遇到挫折嘅時候，就會諗人哋喺入面都頂住，你同我頂住呀咁樣，呢啲時候都會諗起佢」。
蔡澤鴻：被告最大經歷是不可預期
不少旁聽人士在地區事務上與被告相識，或是曾與他們共事。常旁聽 47 人案的前觀塘區議會主席蔡澤鴻，今日提早於 7 時多到場排隊，「如果真係要（與其他被告）比較，真係會特別關心，九東呢批最少都識咗十年」，與胡志偉更是相識 30 年。
蔡指，被告還押 3 年，已適應獄中生活，「未有『23 條』之前，大家都傾緊出嚟做啲咩，阿偉（胡志偉）話要睇世界盃呀⋯依家差唔多踎咗 4 年，其實都放啦⋯但依家大家都唔講，因為冇咗（獄中行為良好減刑）三分一」。
蔡續指，雖然他們願望落空，但仍表現平靜，「其實大家都數緊日子，佢哋等判刑數日子，我哋等佢出嚟數日子⋯最樂觀都 2027 至 2028 年（獲釋），希望唔使啦」。蔡又形容，「佢哋唔會喊苦喊忽，人生呢幾年都經歷咗好多嘢，咁我諗佢哋最大嘅經歷就係不可預期」。
胡志偉舊同事：胡個性堅強「視入去係 training」
前黃大仙慈雲西選區議員張茂清同於 7 時多到場排隊，指自己是胡志偉的舊同事，胡還押後亦有探望對方，稱其精神不俗，「佢好似視入去嗰段時間係一個 training（鍛煉） ，人瘦咗啲，之前做嘢肥啲，依家入去清淡啲，佢係好 tough（堅強）」。
張憶述，胡志偉本身是其選區的區議員，形容他「咩都理」，涉獵政策範圍廣闊，後來受到胡的「魅力感召」，加入其團隊在社區工作，「佢都係我哋 mentor（導師），好勤力、溫馴嘅領導者」。
他指，胡擔任區議員時，清晨 6 時多踏單車上班，跟街坊打招呼，在辦事處為街坊量血壓，深夜仍繼續處理街坊問題，笑稱「條友癲㗎，唔使休息」。張又指，胡並非「嗰種喺鏡頭面前曝光，或者好需要有咩 soundbite（突出語句）嘅人，佢比較務實、沉穩啲，咁呢個係我哋比較 admire（欣賞）佢嘅形象」。
胡、譚朋友：對上一次聽快必案
之後「唔敢嚟，廢事流淚」
林先生亦在地區工作時認識九東區議員及立法會議員，與胡志偉、譚文豪相熟，形容胡「非常好人、勤力、心地好」，譚亦「非常、非常、非常好人」，也是好爸爸、好丈夫，在其餐廳「一日三餐」開張時曾捧場。
林稱，對上一次聽審是快必譚得志的案件，之後未有再旁聽，「唔敢嚟，廢事流淚⋯聽完快必之後，譚文豪、胡志偉嗰啲更加⋯你問我，大家嘅相識仲耐啦，真係朋友嚟嘅」。他表示，今次旁聽是「想知吓個真相，不過聽審都未必係真相，希望公道啲，希望上天保佑」。
他又指，一切 「在心中」，若能入正庭見到被告，「最多咪點點頭」。
被告友：即使被告失落仍抱希望
在社區認識被告的鄧先生表示，「個個（被告）都係朋友，喺我心入面嘅份量都好重」。他指，被告心情在「某法例」生效前後相差很遠，惟相信「佢哋就算失落，心入面都會有一絲希望，呢啲希望就係佢身邊朋友、家人，同埋社會上嘅支持帶畀佢哋」。
鄧稱，最近因工作原因較少探監，但會留意新聞，也是對被告的一個支持，「因為始終社會上仲有人關注佢哋、冇人遺忘佢哋，歷史上仲有佢哋嘅記憶、佢哋嘅位置，我諗呢個係最重要」。
他提到，其中一位朋友很樂觀，「話想出嚟做貨車司機，好多嘢想試嘅，人生仲有好多唔同選擇同方向」。鄧盼「所有喺入面同出面嘅人都堅持住」，在被告獲釋後與他們「食餐好」。
HCCC69/2022、HCCC70/2022