時事評論員王岸然（原名黃覺岸）2025 年 12 月擬召開宏福苑火災民間記者會，當天遭警方國安處約談。他被控透過 YouTube 影片披露會面內容，屬妨害調查罪首案，另被控發布煽動影片，周一（12 日）在區院踏入第二日審訊。
控方播放涉案影片。王在片中稱，國安警員曾提醒他須對會面內容保密，並提供列出相關保密法例的文件。他當時認為與廉署調查的保密法例相似，故「快擸」便簽署。
王被捕後與警方進行錄影會面，多次被問及披露會面內容有何目的。王稱，他被國安約談的消息早已「賣晒報紙」，又認為國安只是約他「傾下計」而非立案調查，「成件事我覺得係 open（公開）嘅，冇乜特別、或者有咩要保密」。審訊周二續。
首日審訊：王岸然案開審 國安處兩警長：情報指企圖藉宏福火災記招製造矛盾 警告勿披露會面
兩影片涉披露國安會面內容
王岸然自去年 12 月被捕後還押至今，他沒有律師代表，坐在辯方律師席自行應訊。散庭時，王由懲教人員帶返囚室，他一度向旁聽席揮手；控方代表為律政司高級檢控官莊文欣、署理高級檢控官楊澄。案件由區院法官張潔宜審理。
控方播放涉及「妨害調查危害國家安全的罪行」罪的兩段 YouTube 影片，均在 2025 年 12 月 3 日，即王會見國安警員翌日發布，首段為 YouTube 直播影片，題為「記岸伯興奮會國安！開記招當然係合情理法的人權。當屈小姐陳淨心太公報連線倒超時, 你仲頂得幾耐？「獨立委員會」不會獨立。【岸伯時評】251203 Wed」。
王在直播中談及他與國安會面，並詳述國安警員早上致電聯絡他，相約到警署會面，到他前往旺角警署，在警署與警員交涉，以及描述兩名會面的警員表現專業、有禮、友善，向他提供可樂等。控方指這些內容全與控罪相關。
王稱警方提供文件要求對會面保密
王在直播續指，國安警向他表明會面內容須保密，惟他質疑警方是否已正式展開調查，「你開咗案未先？你唔係查緊案，我唔使保密㗎喎」，又指警方提供一份文件，列出法例條文，「應該國安條例啦，第幾條，咁咪會談個內容呢需要保密咁樣，咁我就好快一擸」，他覺得與自己 40 多年前擔任廉政公署調查員時，要求會面人士對調查保密的提醒相近，所以很快簽署文件，「呢啲 40 年前都見過，我清楚㗎喇」。
影片顯示王問國安警員，他能否繼續開記者會，王引對方回應指「咁樣唔係幾好㗎⋯⋯政府做緊嘢，好似嗰日新聞話，特首出嚟話要成立獨立委員會咁樣，係咪呀？咁我哋係查緊好多嘢」，然後王指在會面中談及，他原打算在記者會講述與圍標相關的法律條文，有其他參與者會講及房屋、安置相關內容。
王談及與國安警對答
控方續播放另一條涉案影片，題為「【岸伯晚報】【短評】岸伯準備在結果開不成的記招上談什麽呢? 宏福苑事件看圍標法律, 還有防賄的法律, 並呼籲民建聯/公聯會成立黨內反圍標反貪腐紀律組. 唔識搞可請中紀委幫忙 251203 Wed」。
王在影片談及，「國安都問我，你扮演咩角色呢？⋯⋯咁我就識法律吖嘛，咁佢哋都好有興趣」，他引述國安警員「又冇話到我聽唔開得記招喎，只係想、我想知道下咁吖、溝通下咁吖，而家政府係做緊嘢囉，咁樣你哋係想做咩嘢呢？咁樣，咁我咪講佢聽囉嗰度，我哋講下呢啲嘢咁樣，唔犯法㗎」。
錄影會面承認製作涉案影片
控方續放王在 12 月 6 日被捕後，與警方進行的錄影會面片段。首個會面是在 12 月 6 日晚上 9 時許開始，警員在會面中播放上述兩段涉案 YouTube 影片的選段，逐段詢問他為何在片中披露與國安會面的內容，王確認兩段影片都由他「一腳踢」拍攝、製作及上傳。
警員詢問，王在片中指「終於會到國安」是甚麼意思？王解釋「國安」是指警方國安處，他披露與國安會面是因為「我認為冇問題囉」。王亦確認，他在片中談及簽署了一份要求他對會面保密的文件，「我理解係一張通告，印咗國安法例，我需要調查嗰個案件內容係保密」，警員即時提供一份「國安處接見人士通知書」，王確認通知書上的簽名由他簽署，而他對通知書內容「基本明白，因為我都冇耐心睇」。
警屢問披露會面有何目的
警員追問，王為何要在直播中「披露簽咗呢樣嘢」、「你咁做有咩目的」？王回應指，警員要求他保密，他理解為「你唔好同記者講」，但他當時亦向國安表示「但係賣晒報紙喇喎，通咗天喇喎」，亦覺得「因為我自己都係 media，你話唔同 media 講，我唔明咩意思」。
王又指，他與國安會面本身「係新聞嚟㗎嘛，係人都知啦，呢件事本身唔係犯法，見國安唔係犯法，開記者會唔係犯法，我理解係」，又認為他與國安會面的性質僅「傾下計」而非接受查問，「如果你查緊啲嘢就係我犯法啦，咁我理解唔係，傾下計之嘛」。
被問及為何在直播中，談及他詢問能否繼續開記者會、以及記者會上原本打算談及的議題，王在錄影會面中表示，以他理解，國安約他會面僅想了解他開記者會打算做甚麼，「唔係一件案件嚟㗎嘛，我理解唔係一件案」，而他認為「開記招，合法㗎嘛⋯⋯我由始至終都係咁諗」。
王強調約談一事「賣晒報紙」
警員追問他為何披露與國安的對話，王表示「我覺得冇問題囉⋯⋯佢話唔好同人講嘢，我話，我交代幾句都要㗎，賣晒報紙，我未出嚟都賣晒報紙。」他在警員詢問下補充，在國安警員聯絡他會面時，他瀏覽 Facebook 上的新聞，知悉傳媒已報道宏福苑民間記者會的參與者被國安約談。
警員續就第二段涉案影片提問。王解釋，他在影片談及原擬在記者會發表的內容，「我理解呢啲嘢冇任何法律上唔講得嘅理由吖，講圍標、防賄，咁我係講法律㗎嘛，既然記招可能開唔成喇，咁我咪喺條片度講解」。
受訪談及會面內容 王：沒特別要保密
警員另播放王接受《大紀元時報》記者梁珍 YouTube 頻道「珍 Talk」訪問的影片。王在訪問中談及與國安會面的過程。警員詢問王為何披露被國安約談的過程，王解釋因為「佢（梁珍）搵我吖嘛⋯⋯佢好自然問，本來今晚都有人想同我做訪問，有人想知，我咪講囉」。
王又指，覺得被國安約談「成件事我覺得係 open（公開）嘅，冇乜特別、或者有咩要保密，似乎冇咩人好嚴肅講呢啲嘢好嚴重呀」。
王在節目上又談及，與他會面的國安警員「專業、有水準」，應該調查更重要的案件，「快啲執咗佢哋國安處，唔好嘥我哋啲警務人員」。王向警員解釋，此屬其「政治理解」、個人意見，他接受訪問「冇特別目的」，僅談及公眾關心、已獲傳媒廣泛報道的內容，無人指使他接受訪問。
控方播放 4 段涉煽動影片
控方接續播放 4 段王在其 YouTube 頻道「On8 Channel – 王岸然頻道」上發布、在本案被指煽動的影片，日期橫跨 2025 年 1 月 1 日至 2 月 23 日，包括一些直播精華重溫片段、YouTube 短影片等，4 段影片如下：
1）【精華重溫】港人轉求小確幸小理亞超雁雄寶龍廢話，香港自然治而不興。補充一年大事回顧。【岸伯時評】250101 Wed
2）【Shorts】食窮共產黨因香港衰敗係佢責任【岸伯時評】250217 Mon
3）【精華重溫】郵政結束暫停，非朝令夕改，係要香港取消國安法及釋放政治犯的強烈訊息，否則香港就是中國！【岸伯時評】250206 Thur
4）【精華重溫】侵將香港視為外國敵對勢力，港官放假未回應，制共制埋香港港人高興定慶？【岸伯時評】250223 Sun
控方指稱煽動的內容包括，王談及香港人追求「小確幸」北上消費，他形容港人「活喺一個監獄咁、監獄咁嘅環境裡面」，因港人對政府、對香港失望，「我會有一個感覺，你都唔抗爭，你香港人個個算喇，做鵪鶉，係咪？政府叫你做乜就乜，叫你戴口罩就戴口罩」。
王在片中又指，只要香港的「氣氛一變」，「香港人嘅本土意識」便會回復，可以重新提出「五大訴求 缺一不可」，而氣氛改變可以是取消《國安法》，「你肯取消《國安法》已經爭好遠啦，即係個氣氛唔同㗎喇」。
影片談及香港議會成立 「大家都想搞死老共」
王又批評政府削減開支，「cut 呢樣 cut 嗰樣，就係唔 cut 你自己嗰班高官，咁你當然啦，你益己啫，係咪呀？⋯⋯你就揸住權自己就唔郁，郁人哋，係咪呀？」
王另談及在海外成立的香港議會，「海外嘅領導人越嚟越多喇，係咪呀，咁你哋點樣團結起嚟呢？或者你哋要爭取下做嘢，做嘢就可能爭取香港人支持啦，香港人要支持你哋啦，咁國際勢力要支持你哋你先有嘢㗎」。王形容，「香港議會梗係代表香港人利益啦，你唔係代表美國嘅戰略利益，係咪？話之佢啦，冚唪唥咁搞死香港，即係搞死埋老共，咁好囉，大家都想搞死老共」。
審訊周二續，控方將繼續播放涉案 YouTube 影片。
DCCC303/2026