身在現場 見證記錄

WhatsApp 群組內稱「劈佢老母黑警」遭舉報 43 歲司機被控煽惑傷人 警誡下稱「亂嗡」

WhatsApp 群組內稱「劈佢老母黑警」遭舉報 43 歲司機被控煽惑傷人 警誡下稱「亂嗡」

分享:

2019 年 7 月,43 歲司機被指在 WhatsApp 群組發表「反正都係坐十碌八碌開山刀劈佢老母黑警」等言論,後遭群組會員舉報,被控一項「煽惑他人有意圖而傷人」罪,今(3 日)在區域法院開審。開案陳詞指,被告在群組發送警員手持雷明登長鎗的相片,有會友表示「咁大犧牲,唔通只係為左攪到大家反工遲到」,被告回應指「好多人都係自私理柒你」。事隔一年多,被告於住所被捕,警誡下稱「我亂嗡我無諗過真係會咁做」。

開案陳詞指 2019 年 7 月 30 日晚上,在有數百人的 WhatsApp 群組「交通實況互動港車薈超速.RB.塞.阻街」,由被告登記使用的電話號碼、名為 Caron Fong 的用戶,發送一條網絡連結,顯示兩張有關軍裝警員手持雷明登長鎗的相片,及寫有「啱啱係葵涌警署出防暴,旗都唔出直接攞支槍出嚟,佢手上嗰支係雷明燈,真槍,入實彈,你今晚實好出名」的帖子。

被告曾稱「鬼同大陸人做自己人」

當晚有 12 人在群組內發出 62 條文字或圖像訊息,以表達他們對社會議題的看法。有人表示:「佢地咁做閒閒哋都比人判 7-8 碌咁大犧牲唔通只係為左攪到大家反工遲到」、「我嚴今朝塞唔夠耐添」。被告則回應「果的人怕事多一事不如少一事唔好煩到我人係自私好多人都係自私理柒你唔好搞到老子老娘心情唔好」、「鬼同大陸人做自己人」、「共黑統治」,及「反正都係坐十碌八碌開山刀劈佢老母黑警」。

有會友不認同被告所言,於 2019 年 8 月 1 日向警方舉報。警方於 2021 年 1 月 24 日前往被告住所,以「煽惑傷人」拘捕他,被告警誡下表示「我亂嗡我無諗過真係會咁做」。

被告方文浩(43 歲,司機)被控一項「煽惑他人有意圖而傷人」罪,指他於 2019 年 7 月 30 日在香港,意圖使警務人員受嚴重傷害,而非法煽惑其他身份不詳的人非法及惡意傷害該等警務人員。

DCCC437/2021
焦點
最新文章
最新影片

訂閱支持,撐起《法庭線》

所有報道免費向公眾開放,
有賴讀者付費月訂或年訂支持營運。
全部訂閱收入均用於營運和發展。