2020 年初，明愛醫院、羅湖港鐵車廂被發現有爆炸品，Telegram 頻道「九十二籤」事後承認責任。7 人被控《反恐條例》罪名，餘下 1 人被控以「企圖製造炸藥」罪。8 人不認罪，周五（25 日）於高院踏入第 94 天審訊。
首被告何卓為供稱，他在青衣站被捕後的情況。他指曾向警員提問「係咪嗰啲逃票、查票拉我」，「佢（警員）話咁小事就唔會拉你啦，但佢又唔講咩事，所以嗰陣時我都唔知發生咩事」。何稱，警員搜出其身上物品後稱「吓得呢啲嘢咋？」何回覆「你想有啲咩喺度呀？」
何又指，警員從沒告知他截停、拘捕原因，亦沒警員宣布拘捕或對他作出警誡。另他提及，上警車前，其中一名警員對他說「玩炸彈呀嘛，一陣有排慢慢同你玩。」何稱「當時我回應佢，咩炸彈呀？咩事呀？跟住佢就話返去警署先講啦」。案件下周一續。
第 93 天審訊｜TG訊息提「需要早一日運去Tko」 首被告稱沒獲中學同學告知
辯方續問及 TG 群組訊息
何卓為第 12 天出庭作供，他早前作供提及，因打算慢慢淡出社運圈子，故請其中學同學「阿蛋」登入其 Telegram。其代表大律師姚本成問及「維港煙花夜2020」的 Telegram 群組。群組共有 4 名成員，包括「五飛」（即何卓為）、「謝利葉」、「Cock popo」、「來自天堂的魔鬼」。
在 2020 年 2 月 19 日，「來自天堂的魔鬼」曾發訊稱「哨一個人 接頭 快閃 一個人接頭 放蛋糕就一個人接頭」。何卓為供稱，理解「 放蛋糕」是指「溝咗發泡膠嘅大支汽油彈」。
何稱曾計劃在尚德停車場
「掉一支好大支汽油彈」
在 2 月 29 日，「五飛」在群組發送將軍澳的地圖，「Cock Popo」問「Target?」，「五飛」答稱「之一」。在 3 月 1 日，「五飛」發訊稱「最後決定一發定勝負」、「但會好重料」。
何卓為庭上解釋，他們計劃於 3 月 8 日在將軍澳投擲汽油彈，尚德邨曾是目標之一。何續指，他們計劃在尚德停車場，「喺好高嘅地方，掉一支好大支汽油彈」，並使用 1.5L 的樽及將汽油彈加入發泡膠。
3 月 2 日下午，「Cock Popo」發訊稱「del gp la」，其後刪除群組。何解釋，「我哋最後都決定冇呢個行動」，又指「搵唔到個樽我唔搞啦」。
辯方問及手機內片段
何稱其他人「燒煙花」
辯方問畢所有 Telegram 訊息後，問及何金色 iPhone 內 6 段懷疑測試炸藥的片段。何供稱，從未看過片段。
辯方亦問及何黑色 iPhone 內的片段，其中一段顯示廁所馬桶有物件燃燒及冒煙。何供稱，2020 年 1 月 25 日，第二被告李嘉濱、第三被告吳子樂、TG 帳戶為「大鵬金翅鳥（華御結）神獸」的男子到宏創方 503 室，何指「佢哋話燒吓煙花」，而何當時在房間床上使用 iPad，故無目睹過程。
辯方問及何黑色 iPhone 內的一張相片，顯示疑似遙控器連電線的裝置。何供稱，曾問「阿蛋」「咩嚟㗎」，「阿蛋」稱是從其他群組看到，「有啲示威者整左啲咁嘅野」，但不記得「阿蛋」有否提及是甚麼物品；並指自己從無參與製作引爆炸彈的遙控器。
辯方另展示一張平底鍋的相片，鍋上有深色物。何供稱，是加入不同公海群組後自動下載相片；又指「當時睇到呢張相，我認知係佢哋整緊偈油彈」，解釋「偈油彈」是將機油及麵粉混合形成，「做到好似排泄物咁」，示威者掉到警車上，會難以清理。
何稱被捕後曾問警員
「係咪個啲逃票、查票」
辯方其後轉問及何，在 2020 年 3 月 7 日晚於青衣站被捕後的情況。何供稱，他被捕至被帶離地鐵站時，身體沒有受傷。何指，警員在車廂內並無告知他因為何事而截停他，何其後被帶離車廂往月台，警員等候支援。
何稱，當時曾向監視警員 SO 18 提問，「我有問佢係咪嗰啲逃票、查票拉我」，「佢（警員）話咁小事就唔會拉你啦，但佢又唔講咩事，所以嗰陣時我都唔知發生咩事」。
何稱警員將其物品取出
警署警長稱「吓得呢啲嘢咋？」
何續指，其後有組織罪案及三合會調查科警員到場支援，記得有警署警長林偉亮、警長劉永旭、偵緝警員梁家俊、李百謙。
何指，他其後被帶往地鐵站內一間房間，警員將其身上物品、背囊和腰包等物「攤晒出嚟喺個檯上面」，手機則由警員保管。何續稱，警署警長林偉亮看到檯上的東西後稱，「吓得呢啲嘢咋？」，何覆稱「你想有啲咩喺度呀？」 警員其後將何的物件打包，將他帶上警車。
何稱，警員從沒告知他截停、拘捕原因，亦沒警員宣布拘捕或對他作出警誡。何指，在上警車前，其中一名警員對他說「玩炸彈呀嘛，一陣有排慢慢同你玩」，何稱，「當時我回應佢，咩炸彈呀？咩事呀？跟住佢（警員）就話返去警署先講啦」。
辯方問，有警員供稱，何警誡下說「阿 sir，啲炸彈係家俊整嘅，我剩係知道佢哋成班人對政府不滿，我點知佢真係放炸彈㗎啫，呢 3 單嘢真係唔關我事嘅，我剩係借咗大角咀個地方畀佢哋用咋嘛。」何庭上稱，「從來冇」說過上述言論。
官關注何沒向值日官投訴
何確認，約凌晨 12 時半被帶到青衣警署及見值日官。何指，當時沒向值日官作出投訴。官問，「你唔知因咩事拉你返差館，但你冇投訴？」辯方則提出，「你知道因咩事返差館，因為有警員講過炸彈，一陣你就知呀嘛？」何同意。
辯方問，何當時有否想過找律師？何答稱「當時我仲諗緊點解畀人拉，點解會牽涉喺呢件事，所以我當時未諗到搵律師。」官問「雖然有警察話你玩炸彈，但你仲諗緊點解牽涉喺呢件事，就冇問值日官？」何稱，當時警員「好惡講咗」，「咪知牽涉咗喺入面囉」。
何續稱，見畢值日官後，由梁家俊帶往一間房，其後林偉亮、劉永旭、李百謙亦跟隨其後。案件下周一續，何續接受主問。
HCCC186/2022