再有宏福苑租戶指，上樓執拾時遇到業主阻撓。租住宏道閣 30 樓單位的丘生向《法庭線》指，自火災後與業主關係差劣，對方事發兩天就發訊息問他會否續租，家人申領災民津貼時，又從工作人員口中得知業主聲稱「租客已經唔租」，並領取了部分援助。
丘生一家三口周二抵達宏福苑，業主事前表明只給丘生及其妻兩個上樓名額，不過最後男業主遲到、女業主缺席，但男業主仍拒讓丘生兒子同行。最終，男業主由社工協助拍攝照片後離開、沒進入單位，之後丘的兒子才可上樓，但 3 人最終只有約兩小時收拾，來不及帶走家當。
丘生：業主一人到場
卻不讓兒子一同上樓
丘先生一家三口在前年開始租住宏道閣的單位。他指業主早前只給予他們兩個名額上樓，並要他答應兩個條件：只能安排住戶上樓，亦需替業主取回抽濕機，「原來係佢（業主）決定我上唔上到去㗎喎，咁嗰時已經覺得好愕然」。
丘問社工若他不願意遵守條件，業主能否拒絕讓他上樓？「社工都『誒』咗好耐，我話唔緊要啦，你直接答啦，咁（社工）其實都話『係』嘅」。
丘與業主透過社工多番周旋後，業主始終不讓步。一家三口周二早上來到廣福社區會堂登記，希望獲酌情處理，但業主不僅遲到 20 分鐘，更只有一人到場，沒有用盡名額，「其實我哋一家三口喺晒度，咁你（業主）老婆既然嚟唔到，咁點解唔讓個位俾我呢 ？佢死都唔肯讓啦，即係有佢嘅原因啦」。最終的安排是業主上樓檢查完畢後，才可安排丘的兒子上樓。
丘生指，業主隨他們兩夫婦上樓後，並沒有走入單位，「佢驚入屋後我哋有乜閃失會賴咗佢」，而社工協助拍攝單位照片和石油氣錶度數後，業主便離開，最終也沒有拿走抽濕機，「業主就話呢，我哋買咗部新㗎喇，我哋唔要呢部喇」，前後擾攘大半個小時，丘的兒子才可以上樓。
丘生的兒子則對終可回家心情興奮，「一條氣咁向上 30 樓」，而一家三口亦在家中拍攝全家福。
丘生：安排對業主、租戶都不公平
丘指上樓的安排對業主、租戶都不公平，認為至少應確保實際的住戶可以上樓，「我就唔係好明白點解係業主決定邊個住嗰個人上去囉，因為政府叫我哋自己傾吖嘛，咁但係其實個權都唔喺我哋度，咁我哋點傾呢係咪？……成件事我覺得係好唔公平囉」。
由於業主遲到、再待安排兒子上樓，丘生一家最終只有約兩小時收拾，「其實係執得好倉促」，他的單位基本上沒有損毀，僅洗手間窗口熏黑，但時間、空間有限，他事前寫了清單想帶走幾本書、幾張光碟，最終卻「一本都攞唔到」，僅能拿走最重要的家庭相簿、文件、財物、電腦和硬碟，妻子則帶走父母傳下的首飾、遺物、自己的畫具，兒子雖然帶不走心愛的單車，亦拆下自己改裝單車的零件，全塞進 6、7 個紅白藍袋帶走。
丘生：大火兩天
業主發訊息問會否續租
丘生指，自火災以來與業主關係惡劣，事發兩天業主就發訊息問他會否續租，並指「你攞咗幾萬蚊資助㗎喇，咁以後嗰啲資助呢，就由業主去攞喇咁樣，希望你明白咁樣。我問佢，明白咩？我真係唔明白」。
其後丘太嘗試領取災民津貼時，得知業主已取津貼，工作人員表示業主聲稱「租客已經唔租」及已取得災民證。其後丘家申請援助時，部分機構稱業主已領取。
隨後因民青局局長麥美娟表明，援助是給予住戶，業主才重新聯絡丘生希望討論安排，「即係頭一個禮拜其實好混亂，邊有時間同你傾呢啲嘢呢？」丘的租約在家中、暫未能取回，他遂要求業主提供租約以便商討，但業主一直拒絕提供。
至 12 月中起，業主每天發訊息催促丘交 12 月的租金，並聲稱會到丘的工作地點找他，丘索取義務法律意見後，表明若業主不提供租約，便不會再回應租金事宜，亦不再與業主有直接聯繫，而是透過社工傳話。
丘希望，可以再次獲安排上樓，執拾今次未及收拾的物品，已經向社工表達「希望如果有第二次上呢，咁就真係個目的真係執嘢嘅啫，可唔可以真係唔好有業主決定我哋啲租客上呢？……即係好唔公平，你又唔係喺嗰度住，我亦都唔係搞你間屋啲乜嘢，咁點解係佢決定我上呢？」
