2022 年新冠疫情期間，醫生蔡淑梅被指以「疫苗恐懼症」為由，濫發逾萬張「免針紙」，與丈夫白偉雄被控不誠實取用電腦及洗黑錢等 24 罪。案件原訂周三（11 日）在區域法院裁決，官指兩名被告已解聘法律團隊，蔡有意重開案情，由新律師團隊代表，白則自行處理。
蔡淑梅解釋，「對我有利嘅證供冇喺庭上呈現」，需時兩至三個月找律師。官質疑審訊早於去年完結，「你好耐之前已經發現不滿」，卻於裁決前一周才作出申請，表示只會予她 3 星期找律師，押至 12 月 3 日再訊。兩人續准保釋。
控方由高級檢控官吳加悅、歐陽巽熙代表，案件由區院暫委法官勞潔儀審理。蔡淑梅被控一項「不誠實地意圖欺騙而取用電腦」罪及 16 項交替控罪，以及一項「洗黑錢」罪；蔡與丈夫白偉雄同被控 6 項「洗黑錢」罪，處理逾 700 萬元的診所收入。
官指被告已解聘法律團隊
兩名被告原由資深大律師蔡維邦代表。官指，案件原訂今日裁決，上星期收到兩名被告表示，已取消或中止與法律團隊的合約，蔡淑梅另存檔書面誓章，指有意重開案情、加入新證供，並要求找新的律師代表；白偉雄則自行處理本案。
官另指，案件在開庭前半小時作非公開提訊，因部分內容不適宜在公開法庭公布，但強調與判決無關。
蔡淑梅：法律代表沒呈有利證供
兩人周三沒有律師代表，自行陳詞。蔡淑梅指案情複雜，需時兩至三個月找律師，「希望法官大人畀我重新搵一個我信得過嘅法律團隊，對我有利嘅證供喺聆訊期間，冇喺庭上呈現畀法官睇。」
官指，明白被告有權利作出申請、找律師，但質疑審訊於去年 12 月完結，今年 3 月 31 日結案，「依家作出申請，（距離結案）已經過咗 7 個半月」，又指她對律師不滿意，「舊年 12 月之前你應該知道，過咗 11 個月先醒覺⋯⋯由你取消佢代表你，到今日都有 9 日，唔容許你啱啱講（需時）兩至三個月」。
一點支持，一起見證。
與《法庭線》同行。
訂閱／贊助／購物，有力出力！
官：木案不能無了期押後
官指，案件不可能再延誤，亦不能無了期押後。蔡淑梅指本案有很多客觀因素，「我唔係想延誤嘅」，指今年 10 月 25 日開會，指律師代表「唔會幫我入稟」，「我逼於無奈先做呢個動作，我都好想完結，但唔係咁短時間可以搵到律師團隊」。
官重申，不可能給兩、三個月時間，只會給予兩星期，「搵唔到你要代表自己，照返正常程序咁做⋯⋯你選擇一年後同我講，裁決前一星期作出申請，任何旁觀者都會覺得那個嘅，你搵完律師返嚟安排」。蔡指兩星期太短，官指「搵律師你一早搵緊，唔係今日先搵」。
蔡問可否給予 4 星期時間，官指「3 個禮拜啦，搵到就搵到，搵唔到就搵唔到⋯⋯我畀 3 個禮拜你搵，你好耐之前已經發現不滿，對佢冇呈遞某啲文件，3 個禮拜係必須，搵唔到你唯有代表自己」，最終押至 12 月 3 日再訊，「請律師同你一齊上嚟講你申請係咩，需要幾多時間」。
DCCC228/2024