37 歲父親被指虐殺 3 歲女兒案，周三（12 日）在高等法院踏入第 16 日審訊，被告第三日作供。控方質疑被告於事發當日報警時，聲稱女兒「應該跣倒，唔知係咪俾被嗰啲扯住」，是「講大話」，又指他當時沒告知醫護人員曾搖晃女兒，因他知悉行為「激烈、粗暴」，被告一概否認，重申自己沒交代細節，是「驚唔可以再見到個女」。
控方另引述被告與警員錄影會面謄本，顯示他在女兒危殆期間，曾替朋友打電話「搵女人」。控方問，「你幫你個 friend 召妓？」被告一度否認，後在法官追問下確認。控方指，「你個女喺 ICU 唔穩定危殆，你 6 點幾幫你朋友打電話召妓，係咪？」被告稱，「就咁幫佢打電話咋…我就咁打電話同人單聲。」案件周四續。
控方質疑沒交代「嗷」雅思
因知悉搖晃激烈、粗暴
被告劉佳坪周二接受控方盤問時提及，事發 7 月 18 日，女兒雅思在房間內倒地抽搐後報警，當時沒告知救護及醫護人員曾經「嗷」雅思，「因為嗰下好驚唔知點樣講」，其後得悉醫生指女兒情況或是搖晃所致，他亦沒告知他人當日曾搖晃女兒。
劉周三在控方追問下承認，當時有懷疑女兒抽搐等狀況，與她曾被「嗷」有關。控方質疑，劉正正知悉當日「嗷」雅思時「好激烈、好粗暴」，故不敢向救護、醫護人員透露。劉否認，稱「因為第一次都冇嘢，冇諗過會出事，我冇心咁樣去嗷佢」。
控方續問，其後雅思被送入深切治療部，劉為何仍沒交代曾「嗷」雅思？劉稱「驚囉」，「驚唔可以再見到個女」。控方指，劉沒告知女友梁小欣、自己家人曾「嗷」雅思，唯一合理原因是他知悉當日行為激烈、粗暴，又指女友已多次提醒劉大力搖晃、將女兒倒轉都很危險。劉不同意。
控方再引述劉當日致電報警的謄本對話，劉提到女兒「應該跣倒，唔知係咪俾被嗰啲扯住」，質疑劉「講大話」，劉否認。
控方指被告事發當日
曾致電為朋友召妓
控方另引述劉的錄影會面謄本，警員問及他事發當日的通話紀錄，劉稱當日曾致電「婉姐」，為朋友「搵女人」，指「婉姐」做「嗰啲媽咪」，形容是「家庭形式」經營。
控方問劉，「你幫你個 friend 召妓？」劉答稱，「唔係召妓…係搵女人，出門口就撞到個 friend，跟住佢話想搵女人，所以幫佢打畀婉姐…我冇同佢上佢嗰度，所以幫佢打電話。」控方續問，「婉姐」做甚麼？劉稱，「媽咪。」 控方追問，「媽咪即係咩嘢？媽媽桑？馬佚？」劉稱，「即係可以搵女仔陪嗰啲媽咪。」控方再問，「搵女仔陪做咩嘢？」劉指，「我點知呀，佢叫我幫手打個電話。」
法官問，「其實係咪即係召妓？」 劉重申，「可以搵女人陪。」官遂著劉直接回答，劉稱，「都係。」 控方問，「你個女喺 ICU（深切治療部）唔穩定危殆，你 6 點幾幫你朋友打電話召妓，係咪？」劉則稱，「就咁幫佢打電話咋…我就咁打電話同人單聲。」
控方指被告不著緊女兒危殆
到醫院前曾到訪多處
控方續引述 WhatsApp 訊息等紀錄，指雅思危殆期間，劉到過多處地方。劉稱，曾到太子用膳、為女友買紅酒及食物、欲到旺角財務公司還錢但關門，用膳後再為梁買飯，最終回家執拾物品，約於晚上 9 時許到醫院。 控方質疑，雅思留醫期間，劉並不驚慌、緊張，劉否認。
法官其後問及，劉多次稱想女友戒酒，為何事發當日仍為她買酒。劉稱，「佢叫我買咁可以點？」控方指，「冇人可以逼到你買酒㗎嘛。」劉同意，但指梁平常都會買他要求的東西，如果不買，「咁之後又攞呢樣嘢嚟嘈，喺醫院嗰度」。
控方質疑被告作供時哭泣
與愛錫女兒毫無關係
控方另提到，劉庭上作供期間是否曾哭泣？劉稱有。控方追問原因，劉答，「因為個女囉」，反問「唔係喊都唔得？」
控方播放部分錄影會面，著劉留意其坐姿、神態。片段顯示，劉坐著時右手托頭，整個人的重心傾向桌子，側身望向警員。劉確認，錄影會面期間沒喊過。
控方指，劉當時「少少緊張、驚或者擔心嘅表現都冇」；並指他在庭上作供時喊，「我向你指出，同愛錫雅思一丁點關係都冇」。劉一概不同意。
控方再向劉指出，「你嚟到法庭謊話連篇，一啲悔意都冇，同唔同意呀？」劉稱，「我唔同意喎。」
控方質疑向梁淋腐液後
被告與另一女子結婚
控方提到， 劉於 2017 年向女童母親梁小欣淋通渠水後，於 2018 年 6 月曾與另一名女子結婚。劉稱，是朋友介紹認識，「睇下放唔放得低梁小欣，同埋之前吵鬧緊佢段婚姻未搞掂」，但與梁於 8 月復合。
控方指，劉早前供稱想與梁有將來。劉稱，「我記得呀，但啲時間位會唔會混淆咗？」控方再稱，「喺梁小欣毀緊容嘅時候，你同第二個女人結咗婚？」劉稱，「係呀，但隔兩個月又一齊返啦喎。」
控方指被告沒再為雅思拍片
因襲擊、虐待次數多現瘀傷
控方另播放雅思「做 sit up（仰卧起坐）」的片段，指劉當時著雅思「笑住做 sit up」， 被告確認。控方指，片中可見雅思感到辛苦，劉答稱，「唔算辛苦，佢自己話要做，我咁樣同佢一齊玩，都係想影畀佢姑姐睇。」
控方再播放一段雅思站在床上唱歌的片段，指雅思當時「好驚、想喊、把聲震緊」，劉否認，稱僅聽到歌聲。
控方指，劉不時拍下雅思向爺爺、嫲嫲、姑媽、姑姐問好的片段，為何在事發前一、兩個月沒有再拍攝？ 劉解釋，因當時與梁小欣經常爭吵，沒有心情。
控方指出，因劉襲擊、虐待雅思「愈嚟愈勁」，令她出現瘀傷，故無法再拍片；並指雅思與劉在涉案單位居住後，「愈嚟愈難笑得出」，劉均稱不同意。
另外，對於劉稱未曾恐嚇梁及其家人，控方引述 WhatsApp 訊息，指劉曾向梁發訊提及「收嘢」。劉解釋，梁於 7 月 7 日帶父親到深水埗住所大吵大鬧，又聲稱要報警。官打斷問，「係咪死人，收陰司紙嗰啲收嘢？」劉稱，他是指報警處理。控方則指，劉是在恐嚇梁。劉稱，「我唔同意，呢個我同佢 WhatsApp 講法不嬲係咁。」
控方不接納被告認誤殺
被告劉佳坪（案發時 37 歲，報稱送貨員）被控虐兒、謀殺兩罪，指他於 2020 年 5 月至 7 月 18 日，故意襲擊、虐待親生女兒梁雅思；7 月 29 日在香港謀殺梁雅思。庭上透露，被告承認虐兒罪，另承認誤殺罪（法律 101 文章），不獲控方接納。
案件由法官黎婉姫及 4 男 3 女陪審團共同審理。控方由高級檢控官林曉敏、黃樂同代表；辯方由大律師張耀良、陳思齊代表。
據控方案情，雅思她過身時剛好生日、踏入 3 歲；其生母梁小欣，與被告為沒結婚的情侶。
HCCC61/2022