正就 47 人案服刑的前香港眾志秘書長黃之鋒，去年 6 月在獄中被捕，被控 2020 年串謀勾結羅冠聰等危害國安，周三（2 日）在高等法院認罪。多名前學民思潮成員到庭旁聽，與黃之鋒相識十多年的 Louis 指，黃仍努力讀書及學習新事物，囚外的朋友會做好自己崗位，在各自領域上努力。
另一前學民成員錢詩文則表示，刑期只有「黎智英案」可參考，故不會太樂觀，「會一路用任何方法陪住佢」。她希望外界如果認識黃之鋒可繼續寫信，「等佢知道出面仲有好多人關心佢」。
相關報道：
辯方指黃之鋒在囚近6年已充分反思 不計本案原料明年1月出獄
案情指如何國際游說？見哪些外國政要？
司法機構公布，案件設 211 個公眾席，當中正庭佔 29 席。至周三早上約 8 時，高院外 LG4 層有約 50 人排隊輪候旁聽籌，包括手持拐杖到場的「大黃伯」。民主派初選 47 人案出獄被告、前社民連副主席岑子杰、鄒幸彤母親、前社民連成員曾健成、多國領事均到場旁聽。
前學民成員 Louis：佢好努力讀書、維持日常
多名前學民思潮成員到庭旁聽，包括與黃之鋒相識十多年的 Louis。他說，大家對黃之鋒再被控感到不開心，「始終大家都冇人想坐多一日監」，指未計本案，黃之鋒原有望於 2027 年 1 月出獄，現時則難以估計。
Louis 續指，儘管如此，黃之鋒仍努力讀書、看書，維持日常生活，亦有學彈結他、健身等新事物，「佢都係不停咁向上，努力去發掘自己新嘅興趣同事物，希望大家都學習到佢呢樣嘢」。
被問會否擔心刑期超過 10 年，Louis 指目前太多未知之數，難以估算，「我哋 keep 住都會繼續支持佢，希望外界嘅人會繼續關心佢同支持佢」，「我相信我同佢同出面嘅朋友，我哋會各自做好自己嘅崗位，各自喺各自嘅領域上努力」。
前學民成員錢詩文：量刑只有黎智英案可參考 不會太樂觀
前學民成員錢詩文形容自己心情沉重，「我諗無論結果係點樣，都會同佢一齊去面對，同等待佢出嚟」。
就刑期方面，錢指，案例上只有「黎智英案」可參考，故不會太樂觀，預期刑期會較長，「會一路用任何方法陪住佢，等佢出嚟」。被問會否擔心黃之鋒 40 歲後才能出獄，錢指「一定會擔心」，仍要等法庭的決定。
錢又指，有定期探訪黃之鋒，稱黃「都有心理準備」，有每天做運動和看書，「行動上係積極嘅，但心理精神上一定有大壓力」。她希望外界如果認識黃之鋒可繼續寫信，「等佢知道出面仲有好多人關心佢嘅案件」。
前學民成員 Candy：30 歲理應發展事業家庭 替對方感可惜
前學民成員 Candy 指，她自 2013 年起認識黃之鋒，當時已認為對方工作態度認真，而她近年都有探訪及寫信予黃之鋒，指對方或受案件影響，狀態「有時好啲，有時就無咁好」。
Candy 續指，兩人年紀均相近，稱 30 歲理應是發展事業、家庭及享受生活的階段，但黃之鋒只能在獄中度過；雖然他不介意，「因為佢選擇咗呢一條路，去繼續為香港政制發展去付出努力」，但她仍替他感到可惜，認為黃對方值得有更多機會與朋友和家人相處。
Candy 又指，「（若判囚）10 年梗係多啦⋯⋯尤其之鋒由 2020 坐到而家，雖然關於其他案件，但已經喺入面六年嘅時間，真係好長」，希望他能保持開心、身體健康。
前學民成員 Gloria：兩人認識 10 多年 對方幾乎一半時間還押
前學民成員 Gloria 指，一直與黃之鋒書信來往，指他較渴求外界資訊，不時關心不同朋友的近況，亦有留意財金資訊。
Gloria 續指，在她心目中，黃之鋒是有理念、有堅持的人。對於黃之鋒在獄中再被捕及被控，Gloria 形容朋友間有心理準備，但仍感難過，「大家認識咗十幾年，佢差不多有一半嘅時間都喺裡面。」她希望黃之鋒能保持樂觀，好好生活，刑期方面可以「判輕啲」。
排頭幾位市民：希望見證案件
另外，隊伍中亦不乏普通市民的身影。有排頭幾位的市民指，昨晚約 7 時到場，希望今天可入到正庭見黃之鋒一面。
排在第五位的「女長毛」雷玉蓮，手持寫有一張「黃之鋒」及一串電話號碼的紙。她憶述在 10 多年的示威現場，認識小時候的黃之鋒，指黃當時帶着相機、乘搭的士到場，「佢為咗一個鏡頭，捕喺度成個鐘唔郁」，「真係冇諗過一個十幾歲咩孭住相機影我哋嘅小朋友…為爭取民主發展，（導致）而家咁樣」。
排第三位的 Margart 指，自己一直支持黃之鋒，自 47 人案起經常旁聽，今日希望能跟他打招呼。她穿上寫有「The Truth About Lying」的上衣，稱希望見證案件，「我自己就係要見證，好似你哋一樣。」
另一市民廖女士則說，希望在精神上給他一點支持，認為黃之鋒不應受到如此對待，「佢冇做錯事，佢唔應該坐監。」
HCCC181/2026