壹傳媒創辦人黎智英與《蘋果日報》3 間相關公司，被控「串謀勾結外國勢力」等罪，案件周一（15 日）在西九龍裁判法院裁決，黎被裁定 3 項控罪全部罪成。早於周日（14 日）起，法院外已有超過 70 人排隊。至周一早上，輪候旁聽人士超逾百人。
旁聽者中，亦有《蘋果》前員工的身影。曾任職《蘋果》的黃小姐稱，對任職《蘋果》感到自豪，「《蘋果》結束咗之後，損失嘅唔淨係員工冇咗份工，而係成個香港社會」。不少旁聽市民亦提出到場旁聽的「盼望」。65 歲的黃先生便指，自己恆常到庭旁聽，指自己希望「有奇跡出現，等佢唔使喺監獄終老……同家人安享晚年」。
除市民外，排隊隊伍中亦有多國領事及辦事處人員，包括歐盟、英國、美國、加拿大等，其中歐盟駐港澳辦事處政治、新聞和信息部主管 Matthias Kaufmann 指，前來旁聽案件，以表達歐盟對人權及法治的承諾；英國領事 Sapphire Le Sage 則指，黎智英是英國公民，其案件備受英國政府重視，英方會在裁決後發表聲明。
裁決日主稿：智英勾結外力罪成 9人明年1.12求情 港澳辦港府批黎 英澳歐盟譴責反對裁決
至裁決日逾百人排隊輪候旁聽籌
根據司法機構資料，案件於周一早上 10 時，在西九龍裁判法院 3 號法庭進行聆訊，正庭將設 58 個公眾席，另設 7 個延伸庭，所有法庭合共設 507 個公眾席。
周日（14 日）下午約 5 時，西九龍裁判法院外已有超過 70 人排隊。有排隊人士指，周日早上約 10 時半，見到約 40 人同時出現，部分人樣貌陌生，過往旁聽未曾見過。記者上前查詢，大部分人均拒絕回應，一名操普通話女子被追問旁聽誰的案件時則稱，「黎智英囉，我就是想來看看黎智英的下場」。
至周一（15 日）早上約 9 時，法院外有逾百人排隊，包括《蘋果》前員工、《蘋果》的讀者、年屆 101 歲的「大黃伯」、前社民連成員「阿牛」曾健成等。現場有至少 50 名軍裝警員及警犬戒備。
前員工：對任職《蘋果》感自豪
曾在《蘋果》任職的黃小姐到場排隊旁聽裁決，她稱黎智英是「好顧員工利益嘅老闆」，「我哋好多《蘋果日報》同事，覺得喺《蘋果》做過係好自豪嘅事，同埋好感恩喺《蘋果》做過」。她認為，《蘋果》給予記者自由度採訪，亦為香港人監察政府，「《蘋果》結束咗之後，損失嘅唔淨係員工冇咗份工，而係成個香港社會」。
她續指，對裁決結果沒有盼望，「香港市民都會預料到個結果係點」，寄語黎及全體《蘋果》員工，「希望大家平安，好好生活」。
《蘋果》讀者：好值得尊重嘅傳媒人物
首次到庭旁聽的《蘋果日報》讀者陳先生，說在周一凌晨 3 時許下班後，遂到法院門外排隊，「覺得呢個案件有好重大意義，所以都專登過嚟」，又指「黎生係一個好值得尊重嘅傳媒人物……（對裁決）已經有最壞結果（打算），希望就算佢（黎）唔知道我哋存在都好，都畀到啲支持畀黎生」。
陳先生表示，已支持《蘋果日報》10 多年，認為《蘋果》較其他媒體，更會反應不同聲音，亦對其創刊廣告感到印象深刻，「黎生又俾人射箭，又咬住個蘋果」，希望黎智英可度過難關。
《蘋果》讀者：「香港人會繼續同佢一齊行」
同樣已支持《蘋果日報》10 多年的陳小姐指，冀透過親身到庭，讓黎智英知道「雖然案件歷時好耐 ，但係香港人都好關注佢，都好關心佢嘅狀況」。對於有報道指黎的身體情況轉差，陳對此感到痛心，「始終佢真係年紀都唔細」。
陳續指，縱使黎現時需面對多項罪名，但認為其初心「都係想為香港人發聲，都係為香港好」，「希望佢（黎）知道香港人都會繼續喺度同佢一齊行」。
長期關注審訊市民：
「仲有好多人冇忘記佢（黎）」
現年 65 歲的黃先生，過往一直有旁聽黎智英案，他稱凌晨約 2 時開始排隊，當時已知未能進入正庭，「希望親身嚟，就算延伸庭都好，希望個人喺度」。他又指，不會恐懼到庭旁聽，「恐懼唔應該自己畀自己，做返自己咋嘛，好多人會逃避、唔面對，我平常心，雖然有時都會（被）搜身，都係做返正常、冇問題嘅嘢，普通市民嚟咋嘛。」
黃稱，聽審期間已覺得裁決不樂觀。他指，黎作供時仍然「好有力量」，但今年 8 月結案陳詞，「最後嗰日見佢，已經憔悴咗」，後來從黎的女兒所指，得知黎的身體狀況「差咗好多」。
黃表示，「希望佢知道，仲有好多香港人冇忘記佢、支持佢，希望佢堅持住，同埋希望有奇跡出現，等佢唔使喺監獄終老，希望佢出到嚟，同家人安享晚年，畢竟 78 歲，年紀都好大，已經困咗 1,800 日，已經太多啦，對佢嚟講。」
多國領事代表到庭旁聽
隊伍中亦有多國駐港領事館代表，包括歐盟、英國、美國、法國、德國、瑞典、加拿大等。
歐盟駐港澳辦事處副辦事處主任 Matthias Kaufmann 指，歐盟關注香港民主派及國安法相關案件，而司法機構安排「黎智英案」公開進行聆訊，故今天前來旁聽案件，以表達歐盟對人權及法治的承諾。
英國駐港副總領事 Sarah Robinson 則指，黎智英是英國公民，其案件備受英國政府重視，英方會在裁決後發表聲明。
黎智英妻兒及陳日君同離法院
沒回應會否考慮上訴等
黎智英妻子、兒子黎耀恩、天主教香港教區榮休主教陳日君樞機在裁決後，一同離開法院並乘搭私家車離開。期間有傳媒問及三人對裁決的看法、會否考慮上訴等，三人均沒回應。
HCCC51/2022