宏新住戶、87 歲的周婆婆，周五（22日）在孫兒 Dorz 陪伴下，事隔半年首度回家，一口氣起登上 14 樓，抵達一刻引來全場掌聲。
大火燒不滅周婆婆的信仰，她在漆黑中彈奏詩歌《耶和華是愛》，感恩天父保守她一家平安。在孫兒面前變成頑童的周婆婆，為可否回廚房尋「刨瓜皮」工具而與 Dorz 拌嘴，Dorz 則為她不顧安全而哭笑不得。
為了嫲嫲，牽掛宏福苑的 Dorz 說傾向出售業權，「因為一個就嚟 90 歲嘅老人家，佢一定要有一個好嘅安樂窩」，但他無奈形容安置方案似馬戲團，「我哋係啲馬戲團入面嘅野獸、獅子、老虎⋯⋯我哋好想不斷去講啲嘢，我哋盡量都好乖，但唔係喎，你繼續咁樣鞭打我哋」。
相關報道：
葉家駒尋妻婚戒不果 僅剩錶殼仍會好好收藏「算係少少安慰」
周婆婆漆黑中彈奏《耶和華是愛》
漆黑中的宏新閣單位，這天下午揚起了一陣鋼琴聲。
因手術錯過第一輪上樓的 87 歲周婆婆，今天在孫兒 Dorz 陪伴下，一口氣登上 14 層樓，事隔大半年後首度回家。
收拾一輪家當之後，她沾滿汗水的頭髮從帽邊溢出，雙手隔著手套觸碰半年沒見的鋼琴，在「老朋友」面前彈起她心愛的詩歌《耶和華是愛》。
周婆婆一邊彈奏、一邊輕聲哼唱。奏畢後，她緊張問孫兒有否跟著唱，孫兒笑著答「有呀有呀」。
苦難中牽掛上帝
督信基督教的周婆婆，受訪時把上帝、耶和華掛在嘴邊。
上樓之前，她說「好多嘢都燒咗，而家我都有喇，我一路覺得上帝恩典夠我使用，我個心好平靜，好感恩」。
孫兒 Dorz 透露，嫲嫲早已印好歌詞，讓家人上樓時一起唱。而這首《耶和華是愛》，是嫲嫲最喜歡、最熟悉的歌，指嫲嫲相信可能是最後一次回家，故一定要彈琴。
周婆婆事後分享，覺得耶和華保守了他們一家平安。她認為苦難是「偽裝嘅祝福」，指大火後獲得很多人關心，例如有不算富有的舊生，特意從上海飛來探望她、向她提供財政支援。
周婆婆又說，回家最想找到的物品之一，是藏在自己房間的一堆「耶穌愛你」毛巾，希望他日傳福音時可以送給對方，但可惜找不到。
一口氣攀上14層 孫兒為嫲嫲自豪
一直陪伴在側的孫兒 Dorz，盛讚嫲嫲厲害，稱她一口氣爬上 14 層樓、沒有間斷一直往上走，引來全場人鼓掌。
周婆婆則說上樓比想像中輕鬆，期間沒想過要停，因旁邊有扶手，上樓不算辛苦。
她又笑言，前一夜無法入睡，今早特意早起檢查有否遺漏物品，「緊張到頭先手機喺度（示意背包）都唔記得」，但對終於能回家感到開心，「因為始終呢間屋住咗廿幾年喇，所以今次可以上去睇吓，我好開心」。
兩嫲孫為尋「刨瓜皮」工具鬥嘴
嫲嫲的樂觀本是好事，但有時也令 Dorz 哭笑不得，兩人偶爾為此拌嘴。
Dorz 說，「本身我哋個廚房係危樓咁樣，好似鬼屋咁樣，啲嘢吊晒落嚟，仲要下面都係啲會整傷你嘅嘢、瓦礫咁樣」，惟嫲嫲不聽勸告，拉著她仍要硬闖，「自己癲到行咗入去個廚房度，仲要係喺冇戴頭盔嘅情況下⋯⋯佢都照行入去，係叫唔到，好似個小朋友咁樣衝咗入廚房，係真係我好大聲喝佢『你咁樣係會受傷』，我真係夾硬拉返佢出嚟」。
周婆婆則理直氣壯稱，她想入內找「刨瓜皮」的工具，強調它很好用，是從德國購買，香港怎也買不到，其後有點埋怨地說因孫兒說危險不能入去，最後沒找到。
Dorz 聞言勞氣稱，廚房有蟲飛出來，「你見唔到咩？」周婆婆則似小朋友般稱見不到。
為嫲嫲帶不走的東西心酸
問起嫲嫲有否不想離開，Dorz 說「梗係有啦，執咗咁耐，係咁依依不捨。係咁話『哎呀，有冇下次啦』⋯⋯但係不斷地翻爐倒灶，不斷地喺度睇，我自己睇都覺得心痛。」
Dorz 舉例，「佢無端端攞住我嗰件，我老竇結婚嗰一件衫，嗰件衫仲要大過我」。他問為何要帶走，嫲嫲說因兒子結婚時穿過。即使衣服已陳舊，她最後仍決定帶走。
尋相簿拍復刻照
Dorz 又指，今次因嫲嫲上樓坐陣，令上次找不到的相簿得以出土，但因相簿擺近窗邊，不少照片已浸壞。
其中一張倖存的照片是在單位內拍照，Dorz 特意在相同場景，拿著舊照邀朋友替他拍下一張「復刻版」。
他亦找到不少童年照片，包括妹妹在廣福一帶公園的照片，以及自己幼稚園畢業照。
以馬戲團比喻安置
再次上樓，Dorz 說自己較上次平靜，「其實你已經過咗最唔開心嘅時間，所以今日係比較會多咗時間去望真啲自己屋企、成幢大廈或者成個屋苑係點樣，所以相對比較冷靜啲」。
被問及未來去向，Dorz 說自己傾向出售業權，「因為我無得選擇，因為一個就嚟 90 歲嘅老人家，佢一定要有一個好嘅安樂窩，咁但係我選擇賣嘅時候，我都會好無安全感，好無方向，究竟呢個所謂嘅安置方案係咪真係會令到老人家有個安樂窩，好似唔係幾大保障咁」。
Dorz 又以馬戲團比喻安置方案，「我哋係啲馬戲團入面嘅野獸、獅子、老虎，哦，ok，我哋好想不斷去講啲嘢，我哋盡量都好乖，但唔係喎，你繼續咁樣鞭打我哋」。