壹傳媒創辦人黎智英與《蘋果日報》3 間相關公司，被控「串謀勾結外國勢力」等罪，案件周三（17 日）在西九龍裁判法院（暫代高等法院）展開第 62 日審訊。第五名「從犯證人」陳梓華第四天作供，稱 2019 年區選前，李宇軒團隊舉辦監選行動，邀請外國議員來港，而他助李向黎助手 Mark Simon 請求資助，李其後告知獲 50 萬元。
陳又稱，區選後與 Mark Simon 見面，對方提及網上平台宣傳及國際遊說，比登報更有成效，另一方面，他亦與老闆「開始研究緊初選」，以在 2020 年的立法會選舉取得大勝。陳稱，2020 年 1 月時，黎亦告知已經「攞咗個報價，一間歐洲嘅公司，去做一個初選公投嘅程式」。
庭上昨展示 2019 年 11 月「馬鞍山火燒人」事件後，黎智英以 WhatsApp 向陳稱感到害怕。陳供稱，翌日出席黎與李永達、李卓人等的飯局，黎大力批評「勇武派」濫用暴力，憂慮若「搞出人命」，運動便失去道德高地及國際支持。
案件由高院《國安法》指定法官杜麗冰、李素蘭及李運騰審理。控方由副刑事檢控專員周天行、助理刑事檢控專員張卓勤、高級檢控官陳穎琛代表；黎智英由資深大律師彭耀鴻、大律師關文渭及有香港執業資格的新西蘭御用大律師 Marc Corlett 代表。
全日綜合報道：
黎智英案第62日審訊｜陳梓華確認在黎智英要求下 協調黎與劉祖廸會面
周二報道：
黎智英案第61日審訊｜馬鞍山火燒人後 陳梓華指黎批勇武濫暴、憂失道德高地
16:20 休庭
16:04 陳供述在台灣與黎智英、劉祖廸會面行程
控方續針對 2020 年 1 月在台北的會面提問。陳梓華供稱，參與者包括一名林姓女子。陳憶述，當時他在 Telegram 群組提到黎的會面，當中有人有意與黎見面，即姓林女子，她亦曾提供勇武派資訊。
至於會面中的施明德，陳形容他是台灣的民主運動人士，曾因而「坐咗好多年監」，又做過「倒扁」行動，而最令其印象深刻的是「紅衫軍」事件，因為陳與施見面時，「佢有畀我睇」。
控方續就 2020 年 1 月 10 日至 12 日台北之行的行程提問，陳憶述，當時他抵桃園機場後，再到酒店。翌日，陳及林姓女子由司機接送至陽明山、黎的別墅會面，同場另有「攬炒巴」劉祖廸。陳稱，最終無法觀察台灣總統大選，只在黎的寓所看電視。而第三天行程包括與施明德見面，劉祖廸及姓林女子亦有參與，之後再返回酒店開會。
15:55 陳：黎智英曾問李宇軒是否「港獨派」
陳梓華指，隨後再告知李宇軒，表示會到台灣「睇大選」，以及與黎智英會面，屆時再進行線上會議，但黎沒有提及「可唔可以帶李宇軒」，陳亦沒有問黎「李宇軒可唔可以去」，而李亦覺得無所謂。
控方問，陳又有否於 2020 年 1 月向黎提及李宇軒？陳確認有，指眾籌時，「統籌嗰個係佢（李）唔係我」。及後黎智英又曾問，李宇軒是否「港獨派」，「我話我相信唔係」。而且黎智英又問及，為何陳沒有去聯合國，「因為當時明明其實應該係我去講嘅，點解讓畀人哋」？陳又稱，在這些對話中有提及過李宇軒。
15:40 控方屢問及黎智英想與劉祖廸見面原因 陳：因為黎「真係好想成立領袖團隊」
控方問，陳梓華有否把 2019 年 12 月與黎智英會面的資訊，轉告李宇軒？陳確認有，他轉達黎的意思，另包括黎將與「攬炒巴」劉祖廸會面，以及在國際線上「黎智英唔想我哋咁搶咪、攞咗個話語權」；以及在國際線上應統一講「五大訴求」，亦有提及初選。但指李當時回應，立法會選舉「有一段時間先到」，所以李沒有興趣。
控方再展示黎與陳於 2020 年 1 月 2 日的 WhatsApp 對話，當中黎問「Has our guest confirm the Taipei trip for Monday and Tuesday?（中譯：我們的嘉賓確定周一與周二在台北行程了嗎？）」陳確認，「the guest」為劉祖廸。
陳又確認，最終劉及黎於 1 月 10 至 12 日在台北會面，出席者包括陳本人、劉祖廸、黎智英、林姓女子，李永達夫婦、何俊仁夫婦，以及施明德夫婦。
控方再問，黎似乎在訊息中多次提及想與劉會面，為何黎想見劉？陳解釋，因為黎「真係好想成立領袖團隊」，而劉則領導「攬炒團隊」及「SWHK」（重光團隊）。
15:15 陳供述再次與黎智英會面內容 指黎提及「國際嘅支持比起勇武派嘅支持更加重要」
陳梓華憶述，他於 2019 年 12 月再次與黎智英會面。控方展示二人於同年 12 月 31 日的 WhatsApp 對話。當中黎發訊息提議與陳會面，二人再次在黎的車內見面。當時黎希望陳向他講述，在英國與劉祖廸見面的詳情。陳遂談及劉祖廸的猶豫，劉認為黎智英對「勇武派」的取態，「似乎唔適合佢哋兩個見面」。陳引述，當時黎表示「佢希望我明白，佢唔係唔支持勇武，只係佢需要迎合西方，去獲得國際嘅支持，所以佢需要有咁樣嘅姿態」。而黎又認為，「無可否認地，國際嘅支持比起勇武派嘅支持更加重要」。
陳形容，當時國際線上「係好亂嘅，有唔同嘅聲音，有人提倡港獨」，但亦有人只想捍衛「一國兩制」，亦有人提倡制裁或者封鎖香港。而黎智英認為「年青人喺度搶緊嗰個話語權」，即主流意見，而黎不同意此取態。
陳續指，黎認為應該用「『老泛民』嗰種思想，去作為一種主流意見，同埋佢想團結國際線同埋攬炒派」。陳指據其理解，「佢（黎）想主導成條國際線」。陳憶述，當天會面時，黎著他把當天的內容，及後來「佢講初選嗰啲嘢，話畀年輕人知」，包括指年輕人應多注意選舉工作，「咁樣啲民氣先會集結，同埋佢講初選有啲好處」。
陳在提問下指，黎認為「搞初選」可以集中「黃絲」票源，而由於 2019 年反修例運動有大量年輕人參與，黎認為初選可以「吸納到呢啲年青人嘅票」，提高投票率。此外，若有素人參選，如果素人在初選中敗選，最終立法會選舉時，相關票源「可以流落去佢哋啲老泛民嗰到」，其他候選人可以得到這些票源，最終可鞏固泛民立法會議席。
15:00 陳：曾向黎智英及李宇軒提及在英與羅傑斯會面情況
陳梓華補充指，他在英國與羅傑斯會面時，對方問及香港的情況，以及探討「會唔會有一啲途徑解決到啲矛盾」，即香港人同香港政府之間的矛盾。當時對方提議，「我可唔可以將社會問題，例如反修例運動呢件事，放上去國際嘅法庭去解決」。
陳形容，羅傑斯相信，最終要通過對話解決香港的問題，對方亦再問「有冇一啲具體嘅嘢，其實我可以講到出嚟，要求到外國嘅人幫手」。陳在英國之行後，亦與黎智英及李宇軒，提及英國會面的情況。陳指，當時由他自行負擔旅費，但最終黎向他退還款項。
14:31 陳稱協調黎智英、劉祖廸會面 黎亦想陳在英與「香港監察」創辦人等見面
控方續就李宇軒於 2019 年 12 月訪美一事提問，陳梓華供稱李在訪美之旅後，告知他訪美的情況。控方則問，陳有否把李提供的資訊轉告任何人？陳稱，他把李的資訊告知 Mark Simon，亦包括李曾訪日、展示催淚彈彈頭等情況。
控方再就著黎智英及陳梓華於 2019 年 12 月的 WhatsApp 對話提問。當中陳表示「the guest agrees to fly to Jap for a meeting. I will be going to UK to see him.（嘉賓同意飛往日本參加會議。我會到英國見他。）」陳庭上指，「the guest」為劉祖廸，而當時黎要求與「攬炒巴」劉祖廸見面。
控方問，為何黎要求與劉見面？陳解釋，早前與黎會面後，黎曾與他有電話聯絡，黎留意到「攬炒團隊」「發展得好好」。黎得悉陳無法聯絡勇武小隊，但指陳應該可以聯絡，在國際線及文宣上較出名的「攬炒巴」，所以陳聯絡劉祖廸，表達黎希望與劉會面，「見一見佢，了解佢嘅諗法」。陳指，最終他於同年 12 月於英國與劉會面。
控方再展示陳、黎的 WhatsApp 對話，陳向黎發訊息指，「I am going to meet him in person this week. Then I will let you know in advance about his schedule. He feels right to meet you in taipei/ japan subject to you availability. （中譯：這星期我會親自與他見面，然後我會提前告訴你他的行程。他覺得在台北/日本與你會面合適，視乎你是否有空。）」
控方問，為何黎想與劉會面？陳指，黎想「傾吓組成嗰個領袖團隊嗰個諗法」。陳憶述，當他與劉會面時，把黎的想法，即應該結合「鐵三角」力量，組成領袖團隊的想法轉告劉，而劉祖廸有猶豫。陳又指，劉對於黎認為應該以「和理非」抗爭手段作為主旨有保留。陳形容，當時提議劉及黎二人可以直接對話，而且黎會負擔相關費用，包括機票及住宿等。最終劉同意與黎會面，於 2020 年 1 月在台北會面。
陳補充，他的英國之行除了與劉會面外，亦與人權組織「香港監察」創辦人羅傑斯（Benedict Rogers）會面。陳稱，黎本希望他再與英國上議院議員奧爾頓勳爵（Lord David Alton）會面，但最終因對方沒有空，未能成事。控方問，為何黎想陳與奧爾頓勳爵及羅傑斯會面？陳解釋，因為黎想他「識多啲人」，方便將來參與國際遊說工作。
12:44 午膳休庭
12:12 陳：李宇軒稱到美國進行國際遊說 「同人影咗啲相、識咗啲人，同埋畀咗一份制裁名單」
控方圍繞李宇軒與美國參議員 Rick Scott 會面提問。陳梓華確認，除了於 2019 年 9 月在港會面後，兩人亦於同年 12 月再會面。陳憶述，李宇軒曾致電自己，表示準備前往美國，「見吓啲政要」，但憂慮「自己飛咗過去之後，一個人都見唔到」，而當時 SWHK（重光團隊）及「攬炒團隊」為他「拉緊關係」，李有意再與 Rick Scott 會面，希望陳提供協助。李希望陳問「Mark Simon 嗰邊」，可否提供協助。此外，李亦知道，朱牧民與黎智英及 Mark Simon 關係特別好。陳表示「可以幫你問吓（Mark Simon）」。
陳遂致電 Mark Simon，表示李需要協助，Mark Simon 則問，「呢一程李宇軒去，佢想 achieve 到啲乜嘢，有冇咩人其實佢特別想見，同埋有冇其他嘢需要幫手」。陳再向李轉達，李表示「想去見吓啲官員呢，就想講解下香港嘅情況，想做國際遊說」，又稱考慮把制裁名單交予美國官員，因為「佢唔想兩手空空咁過去」。
陳再把李宇軒的想法轉告 Mark Simon，對方表示「放心」，會作出相應安排，著陳告知李「唔會一個人都見唔到」，「至少會見到 Rick Scott」，亦會就朱牧民方面作出聯絡，著陳鼓勵李。陳再轉達 Mark Simon 的說話，著李「放心去 network 下，加油」，又表示可方便李與相關人物繼續「keep in touch」（保持聯絡），有助其將來國際遊說工作。
就李宇軒提及的制裁名單，陳供稱，後來李在訪美之旅後告知他，使用了 SWHK 版本的名單，李亦把制裁報告的檔案連結傳予他。李同時亦告知他，「同人影咗啲相、識咗啲人，同埋畀咗一份制裁名單」。
法官李運騰關注，聽起來李似乎正在向陳匯報訪美事宜，他當時是視陳為朋友，抑或想陳把這些資訊轉告他人？陳回應指，李當時的確與他分享「做咗啲咩嘢」，而當時已決定由李「去打條國際線，佢特別同『攬炒巴』劉祖廸，就會喺唔同事務上面好多聯繫、比較緊密」。而陳沒有參與他們的國際遊說工作，所以當時李「話返畀我聽，其實佢做過啲乜嘢」。
11:27 休庭
11:00 陳稱黎智英將離岸公司轉至自己名下 Mark Simon 曾倡用作社運或國際文宣
就首次會面時，陳梓華向 Mark Simon 提及難以在港開設離岸公司的戶口，而 Mark Simon 稱「其實我可以幫到你，你當係一個獎勵畀自己」。陳周三稱，在區選後的會面，與 Mark Simon 再談及此話題，並引述 Mark Simon表示，難以開設「BVI」（英屬處女群島）的離岸公司戶口，但指手上有兩間空置公司，而他與黎智英已商討過，表示可把其中一間轉予陳，「間公司會連埋一個本地戶口」。Mark Simon 再介紹其助手跟進公司的轉名事宜。
陳指，最終該公司於 2020 年初轉至自己名下，當時陳到壹傳媒大樓簽署轉讓文件，公司名為 Lacock，可見文件有黎智英的簽署。控方展示 Lacock 的銀行月結單，顯示 2019 年 11 月 30 日戶口有 8 萬元。陳確認，當接收該公司時，戶口內有 8 萬元。陳再與 Mark Simon 談及此 8 萬元，Mark Simon 著「還返畀佢，叫我攞 cash 畀佢」。但陳指，直至被捕前亦沒有還款予對方。
陳指，二人亦曾商討如何運用 Lacock，當時自己想用作做生意。而 Mark Simon 建議可用作進行社會運動，或國際文宣活動。控方問，Mark Simon 有否提及，如何用作國際遊說之用？陳確認有，指因為屬「公司匿名」，所以如果在海外與不同單位聯絡時，或可使用此公司。當與海外單位接洽時，均需要轉款，「如果你唔想用自己名，咁就可以用呢間公司做，但我有同佢講我應該唔會啦」。
10:55 陳：Mark Simon 區選後指
與老闆「開始研究緊初選」以在立會選舉大勝
陳梓華續供述 2019 年 11 月區選後，與 Mark Simon 會面的情況，指與對方亦談及區選，Mark Simon 認為「黃絲」勝選屬大勢所趨，又表示與其老闆「開始研究緊初選，就希望延續呢股氣勢」，以在立法會選舉取得大勝。當中「黃絲」意指反修例運動的支持者。
有份審理 47 人初選案的法官李運騰聞言追問，二人會面時約在 2019 年 12 月，當時已有人談及立法會初選？陳回應指，及後於 2020 年 1 月時，黎智英亦告知佢，已經「攞咗個報價，一間歐洲嘅公司，去做一個初選公投嘅程式」。
至於 Mark Simon 指，希望透過遊說，令國際政府採取措施，逼港府回應市民要求。控方問，當時二人有否談及甚麼措施？陳表示沒有，Mark Simon 僅稱「do something at the international front」。
10:45 陳：Mark Simon 區選後提及
網上平台宣傳及國際遊說比登報更有成效
陳梓華續指，Mark Simon 著陳提供李宇軒的銀行戶口號碼，Mark Simon 指會直接與李宇軒聯絡，及後得知 Mark Simon 轉帳 50 萬元予李，「係一個 double」。陳續稱，當李告知他情況後，陳回應「佢（Mark Simon）都冇咁樣畀過 50 萬我」、「你好犀利」。李回應「呢樣都唔犀利呀」，「另一個人仲 resourceful」，即李宗澤，指李宗澤可以安排酒店等。陳稱，當時二人沒有談及為何 Mark Simon 會額外提供 25 萬元予李宇軒。
陳另在提問下指，在 2019 年 11 月區選後，曾與 Mark Simon 於沙田君悅酒店再會面。當時談及監選團的情況，Mark Simon 表示「做得好好，呢啲就係佢哋想要嘅嘢」，又指好多民主人士會聯絡他及「佢老細」，尋求金錢上的幫助，但 Mark Simon 稱「我老細好有錢，唔代表佢任何人都要贊助」，並指可以決定細額的款項，「但係大額呢，就需要佢老闆決定」。
陳續稱，Mark Simon 形容李宇軒「每一次都係最後一刻搵人幫手」，指李「唔係好識做人」，希望陳繼續在中間作出協調。當時 Mark Simon 又指，針對將來的文宣工作，應該要放棄登報紙，轉至網上平台宣傳及國際遊說工作，指 Mark Simon 認為「咁樣係更有成效」，但當時沒有提及哪種國際遊說工作。
至於為何要放棄登報紙，陳憶述，Mark Simon 認為「唔係個個都會讀報紙」，而且當時已有好多人關注香港情況，毋須靠登報引起關注，反而官員及政府，更想知悉香港的情況，所以更需國際遊說。而遊說針對反修例運動，希望國際間政府採取措施，逼港府回應市民要求。陳形容，市民要求包括撤回修訂《逃犯條例》，以及落實雙普選。
10:20 陳：李宇軒團隊舉辦區議會監選行動 助其向 Mark Simon 請求資助
控方開始圍繞 2019 年 11 月區議會選舉「監選團」的情況提問。陳梓華表示，區選前李宇軒致電他，表示會「搞一個監察區議會選舉嘅行動」，但李指其資金不足，尚欠 25 萬元，問陳可否提供協助，陳則回應「要諗諗辦法」，李則著陳「你問吓人啦」。陳表示，當時李沒有明確表明，但據其理解，「佢（李）好似之前咁，想暗示我搵黎智英同 Mark Simon 幫手」。陳遂聯絡 Mark Simon，提及李有意舉辦區議會監選行動，當時 Mark Simon 顯得「好有興趣」，著陳提供內容及細節等。
陳隨後再向李宇軒轉達情況，陳問李「點解你哋唔直接聯絡？你哋已經見過面，亦都交換咗聯絡方式」，但李僅稱「我講會好啲」。陳憶述，當時李談及「其實想做乜、佢點解會咁做」，而李指原本只有一名議員欲訪港監選，但後來「佢哋團隊」，即「攬炒團隊」討論過，決定「發大嚟搞，咁所以就開始邀請啲議員嚟香港」。李指，有議員確認會來港，部分未回覆，李提及包括英國、澳洲、日本等國的議員，而且嘗試接觸美國議員，所以再需要 25 萬元支出。
陳再問李，「啲議員佢係受薪㗎嘛，佢哋嚟香港睇個選舉，究竟有咩支出」？陳表示，酒店、機票等開支。陳表示會轉達 Mark Simon，「但最好你係有個名單，咩人會嚟，咁我就可以畀埋 Mark Simon」。李最終為陳提供名單，陳再轉予 Mark Simon。
陳憶述，及後 Mark Simon 致電他，關注名單上包括英國上議院議員奧爾頓勳爵（Lord David Alton）？陳遂向李宇軒查問，獲李確認。 Mark Simon 表示「我哋會大力支持」，陳及後得知監選團稱為「EOM」。
10:05 陳梓華供述對黎智英結合街頭、議會及國際力量說法的理解
控方續圍繞 2019 年 11 月 27 日，陳梓華與黎智英會面一事提問。陳周二供稱，當時黎提及要結合街頭、議會及國際力量，「先可以延續反修例運動嘅熱情，同埋推爆個政府，去逼迫個政府回應市民訴求」。
陳周三補充指，當時黎又透露欲支持「本土嘅力量」，陳認為意指「本土派」，引述黎稱當時「有一種聲音係另起爐灶，組織新嘅政黨」，惟黎對此不同意。陳憶述，「佢話歷史上嘅經驗係，如果當啲年青人去自己再組織政黨的話，就會令到個社會運動變質」，黎認為應以泛民的思想為中心，以爭取民主。
至於陳指黎覺得要結合街頭、議會及國際力量行動。控方追問，街頭、議會及國際力量分別包括甚麼？陳形容，街頭力量意指街頭上的遊行、示威者，「我諗包括堆勇武派」；議會力量則指區議員、立法會議員，及 2020 年的立法會選舉；國際力量是「國際線」，包括當時進行國際遊說的人、海外抗爭者，即海外支持反修例運動的「同路人」。陳補充，黎欲建立領袖團隊，而此團隊分別來自「呢 3 個板塊」。
10:02 開庭
HCCC51/2022