蔡天鳳疑遭殺害碎屍案,周四(19 日)踏入第 41 日審訊,次被告鄺球繼續接受控方資深大狀郭莎樂盤問。控方多次問及烹煮蔡天鳳屍體的過程,鄺球稱不知道當時為何要烹屍,不記得烹煮過程,亦不記得為何要與青紅蘿蔔一同烹煮,「自己精神都崩潰咗囉,自己都唔知自己做緊啲乜嘢」。控方質疑他事前購買工具、租用單位等「巧合」反映行動有計劃,惟鄺球否認。
Day40|鄺球:無計劃殺蔡烹屍 買青紅蘿蔔原為餵流浪貓狗
訂閱/贊助/購物,支持《法庭線》報道香港,記錄香港。
報道涵蓋庭上描述的案件過程細節,或會引起不安。

10:47 覆問稱被捕後無從取內地商業文件
代表鄺球的大律師戴偉奧進行覆問。鄺球早前在庭上作供,同意控方指其無法提供證據證明國內生意有賺取利潤。鄺球表示,他被捕後一直被拘留,無法接觸與國內生意有關的商業文件,鄺球同意,如控方提出,警方可容易取得這些文件。
戴偉奧詢問,鄺球是否在庭上看到任何文件,能夠證明蔡從模特兒工作、經營 Instagram 獲利。鄺球回應,「睇唔到」。戴偉奧再問,是否見到任何文件證明蔡從買賣物業獲利,鄺球答,「淨係一樣嘢見到,就係海南嗰個單位係賣咗,係我經手,入錢畀張燕花嘅銀行戶口,嗰度係賺到錢嘅」。鄺球表示,沒有見到任何文件,證明蔡做任何投資生意有賺取任何利潤。
對於鄺球曾代鄺港智賠償 600 萬予 2015 年盜竊案受害人,鄺球表示目的並非為了撤控或說服證人不出庭作證。鄺球補充,他知道鄺港智當時承認 6 條控罪,亦知道 6 條控罪的涉案金額大約 600 萬。鄺球完成作供。
10:20 鄺球否認連串「巧合」屬有計劃行事
郭莎樂再問及租用凱旋門單位的情況,鄺球早前供稱租用單位予情婦居住,而他的情婦當時住在銅鑼灣。鄺球於盤問下提及,她的銅鑼灣租約將於數月後完結。郭莎樂質疑當時並無迫切需要租用單位,鄺球回應「睇啱咪租囉」。郭莎樂再問,在蔡死前數天租用單位只是巧合?鄺球回應「絕對係喇」。
郭莎樂續指,鄺球又剛好在事發後數天,把凱旋門單位租約及鎖匙交予鄺港智?鄺球稱「唔係巧合,我畀個租約同鎖匙佢,目的呢就話佢返嚟香港,係 Abby 叫佢返嚟㗎嘛,Abby 知道佢上邊有女朋友,我相信呢,Abby 一定會畀面色佢睇,所以我就畀多個地點佢落腳」。鄺球稱鄺港智回港後,「Abby呢成日都對佢呢,用欺凌嘅字眼囉」。而鄺球希望兒子,「多個地點可以去」。
郭莎樂指出,當時鄺球明知鄺港智殺蔡後需要地方躲藏?鄺球不同意。郭莎樂又提到,鄺港智事後打算搭船到國內,而他過往亦屢次以此方法來回中港,對他而言是容易的事。鄺球確認。
郭莎樂又問及鄺球購買電話卡一事,鄺球曾稱因應政府推行電話號碼實名制而購入電話卡。郭莎樂質疑,他大可保留原有電話號碼,只需登記註冊自己的名字即可。鄺球指他在電訊公司,對方讓他挑選號碼,「我咪揀兩個電話號碼囉」。郭莎樂又指,鄺港智原本的號碼登記在譚方駿的名下,所以他毋須再用另一號碼?鄺球確認。
郭莎樂最後指,鄺球給鄺港智電話卡,因為是鄺港智逃走的一部分計劃,亦包括凱旋門單位。鄺球表示「巧唔巧合咪見仁見智去睇呢件事囉,同時你成日講話逃走返大陸,大陸啲公安拉你仲快啦,快過香港」。
郭莎樂又提到,所有的「巧合」其實是有計劃的行動。鄺球回應「根本冇呢啲咁嘅計劃」,又指「我都唔知道點樣巧合法,計劃就當然係冇喇,我做返我平時做嘅嘢啫嘛」。
郭莎樂追問,鄺球於上海街購入的物品、租用龍尾村單位,只是剛巧對於肢解蔡有用?鄺球回應「我買嗰啲工具係 for 裝修用」,而租單位「係我做運動、養生嗰啲程序嘅,醫生話如果唔做多啲運動,血糖指數一再唔降低嘅話呢,就要打嗰啲糖尿針,所以我用兩年時間去調理返我個人嗰身體啫」。
郭莎樂指出,租用龍尾村單位剛巧與蔡的長女學校屬同一方向,所以當蔡在車上時,她便不會起疑。鄺球不同意。郭莎樂續指,其實是鄺球與兩名兒子有計劃殺蔡,再帶到龍尾村肢解及處理其屍體,所有「巧合」便可以輕易解釋。鄺球回應「唔同意你嘅推斷」。控方完成盤問。暫委法官祁彥輝問及,鄺球曾與名為「 伍志榮」的女子到凱旋門單位,該女子為鄺的情婦?鄺球確認。
10:00 鄺球稱不知為何烹屍
次被告鄺球繼續出庭作供,接受控方、資深大狀郭莎樂盤問。
郭莎樂問及肢解蔡的情況,問鄺球為何要烹煮蔡的屍體。鄺球回應「我都唔知點解,諗唔到」。郭莎樂質疑要令自己烹煮另一個人類的屍體,亦是困難的事。鄺球稱「當刻冇諗呢啲嘢」。郭莎樂續問,為何鄺球當時要煮蔡的人肉?鄺球表示「其實自己都唔知自己做緊啲乜嘢,喺當刻」。
郭莎樂再問,要烹煮蔡過程冗長,首先要把蔡切開、再把骨頭上的肉移除?鄺球續表示不記得。郭莎樂續指,鄺球之後要把蔡的肉放入煲,再與蔬菜及水一同烹煮?鄺球反問,「蔬菜?青紅蘿蔔嚟㗎。其實青紅蘿蔔一早我煮定咗喺度㗎,愛嚟餵啲流浪貓狗㗎,朝早、每日嘅習慣」。郭莎樂質疑,但現場發現已切開,但未煮熟的青紅蘿蔔?鄺球回應「啱吖,一切開就切晒佢,方便一堆堆烚熟佢,攞去餵流浪狗」。
郭莎樂續問,為甚麼青紅蘿蔔會與蔡的屍體一同烹煮?鄺球再稱「唔記得當時個情況」。郭莎樂質疑鄺球說謊,鄺球否認,強調當時「自己精神都崩潰咗囉,自己都唔知自己做緊啲乜嘢」。
郭莎樂提到,CCTV 可見於案發翌日凌晨,鄺港傑曾 3 度步出車並把大垃圾袋掉到垃圾桶。而鄺港傑曾供稱,他當時曾扔湯渣及骨頭等。鄺球表示當時只是掉青紅蘿蔔,又指「拎去垃圾站嗰個位置係餵狗嘅,因為嗰個位置最多流浪貓狗出現」。至於鄺港傑提到有骨頭,鄺球又指鄺港傑當時可能記錯,「大家個精神情況呢都唔係好嘅」。郭莎樂指出,鄺球於事發當天下午已開始、當兩名兒子離開後,鄺球便使用屋內工具肢解及烹煮蔡,而當晚已扔棄大部分蔡的屍體。鄺球一概表示不同意。郭莎樂再指,鄺球當時已按計劃行事,鄺球着鄺港傑當晚回龍尾村單位,穿上雨褸及水鞋等,協助鄺球扔棄蔡的屍體。鄺球回應「冇呢啲咁嘅計劃」。

3 人被控謀殺、阻止合法埋葬
被告依次為鄺港傑(31 歲,司機)、鄺球(65 歲,退休人士)及鄺港智(28 歲,無業)。鄺港傑由大狀 Trevor Beel、劉奕勤、李宣儀代表;鄺球由大狀戴偉奧(Oliver Davies)及羅天祺代表;鄺港智由大狀安華暉(Andrew J. Raffell)、劉皚淇及鄧樂齊代表。
控方由外聘資深大狀郭莎樂(Charlotte Draycott)、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝(Brian Keith)審理。
3 人承認阻止合法埋葬屍體罪,否認謀殺罪。阻止合法埋葬屍體指,3 人於 2 月 21 日至 23 日期間,在香港阻止蔡天鳳的屍體被合法埋葬;謀殺罪指,3 人在 2023 年 2 月 21 日,在大埔龍尾村 56B 地下謀殺蔡天鳳。
HCCC198/2025