持續更新|蔡天鳳案Day38 鄺港傑開始接受控方盤問

蔡天鳳案 Day38

分享:

報道涵蓋庭上描述的案件過程細節,或會引起不安。

訂閱/贊助/購物,支持《法庭線》報道香港,記錄香港。

鄺港傑(繪圖:@wongyukkkshan)
之前在被告欄聽審的鄺港傑。(繪圖:@wongyukkkshan)

10:00 鄺港傑同意
曾打算與弟夾口供指控父殺蔡

主控郭莎樂續指,鄺港傑亦有留意到,當蔡天鳳的屍體被放入膠箱時,他在 CCTV 片段顯得太放鬆、冷靜,會對自己構成問題。鄺港傑庭上回應,「唔認同呀,如果係好緊張我就會驚,所以我先要強裝我好鎮定囉」。

郭莎樂又形容,他同時要解釋為何要把蔡的手機放在大埔超級城。鄺港傑表示,如果他庭上沒有供出當時情況,便不會有人知道。

郭莎樂反駁,指警方已找到 CCTV 片段,見到他出現在超級城商場,而譚方駿亦有追蹤到蔡天鳳的手機位置,證據明顯,所以他要解釋為何把蔡的手機扔掉,可見他作供時已考慮所有證據,曾深思熟慮並作出解釋。

鄺港傑強調,「我上庭作嘅供係,正確嘅真相,如果啲證據係真實,咁當然 match 我嘅真相啦」。

針對鄺港傑曾寫信予胞弟,郭莎樂指他在信中指控父親鄺球殺人,而事實上父親根本沒有殺人,因為蔡遇害時鄺球並不在車上?鄺港傑確認。

郭莎樂又提到,鄺港傑當時打算在庭上說出此辯護理由?鄺港傑回應指他大可選擇不作供,但「因為還押時間都漫長呀,我只可以為我自己嘅 case 去思考。而所謂嘅決定,我未有足夠、有資格答到我應該點樣做嘅人,例如律師,所以我只可以喺自己間房度,諗諗諗」。

郭莎樂指,當時鄺港傑欲與胞弟夾口供,講述辯方案情?鄺港傑稱「當刻係有咁嘅愚蠢嘅諗法」。郭莎樂追問,「即指控父親殺蔡?」鄺回答「係呀,非常愚蠢」。

鄺早前供稱,「一直到我終於有自己嘅律師代表了,我同律師,以為自己好醒喇,講咗呢個版本畀律師聽」。

郭莎樂問鄺港傑,他認為歸咎於父親身上是好的辯護計劃?鄺港傑回應「為咗呢個家庭囉,以為咁樣係最少嘅損失」。被告欄內的鄺球輕輕點頭,又用手摸頭。

郭莎樂追問,鄺港傑認為即使父親沒有殺人,但仍可指控他,因為相較於指證胞弟殺人,指控父親對家庭的傷害較低。鄺港傑稱「我當時係咁樣諗法」。

至於他早前供稱,「講咗呢個版本畀律師聽,律師睇完之後,第一句就話:『呢個係非常愚蠢㗎 、呢個係假㗎,呢個幫唔到任何嘅人,你要講真相先得。』」鄺港傑周一於庭上強調,「律師團隊同我講要講個真相,而唔係叫我講另一樣嘢,或者另一個版本,係要講個真相」。

郭莎樂追問,律師認為此辯方版本不佳?鄺港傑回應,「我相信我律師係叫我講真相,唔係話呢個好,呢個唔好,唔係咁嘅意思囉」。

09:30 鄺港傑開始接受控方盤問

首被告鄺港傑繼續作供,主控、資深大狀郭莎樂進行盤問。

上周五庭上提到,鄺港傑曾透過囚友去信予胞弟鄺港智,提到父親鄺球上車與蔡天鳳談判,而鄺港傑「開車門時目睹 Abby 已躺在中排座位上無知覺,頭部流咗好多血,我並無細心留意爸有否武器」。鄺港傑庭上供稱,該信件的內容屬虛構,當時「我不斷喺度諗,點樣有個版本可以令大家個罪責輕啲呢?可以好啲呢?然後同細佬溝通咗幾次之後,就用我同佢嘅小聰明,以為得出咗呢個版本係好好嘅。」

郭莎樂周一問,所以當時鄺港傑於兩年間與胞弟一同構思信中的辯護理由?

鄺港傑指,胞弟曾於石壁監獄服刑,所以沒有構思兩年,而是「我自己喺荔枝角(收押所)諗」。郭莎樂續指,他的說法是為了令自己可以脫罪。鄺港傑回應,「其實我主要目的係 for 細佬」。

郭莎樂再指,鄺港傑作供時,曾考慮現有證據,包括現場找到的 DNA、膠紙上有他的指紋等。

鄺港傑回應,「指紋太深奧唔識睇,通常都係開車嘅事」,又稱他不理解詳細關於指紋的證據,而他獲法援前,事務律師只簡單提及有找到他的指紋,但他沒有親自看文件。

郭莎樂表示,正因為在膠紙上找到他的指紋,所以他要作出解釋,便承認掛起帆布?鄺港傑回應,「就算有冇(找到指紋)我到到上 court ,都會而家咁嘅版本,我相信」。

郭莎樂再引述,由於在雨褸及水鞋找到鄺港傑的 DNA,所以他才供稱整晚留在廁所?為了說明自己沒有肢解蔡?

鄺港傑表示,「我知道同我咁樣講,好似唔係矛盾呀」。他補充指,他曾穿上雨褸及水鞋,「但並不是由於唔想承認,譬如我有做肢解嘅行為,所以話我成晚都喺廁所,而事實上係我真係着住呢啲雨褸同水鞋,成晚都喺廁所」。

蔡天鳳 鄺港傑 鄺港智 鄺球
(左至右)被告鄺港傑、鄺港智、鄺球

3 人被控謀殺、阻止合法埋葬

被告依次為鄺港傑(31 歲,司機)、鄺球(65 歲,退休人士)及鄺港智(28 歲,無業)。鄺港傑由大狀 Trevor Beel、劉奕勤、李宣儀代表;鄺球由大狀戴偉奧(Oliver Davies)及羅天祺代表;鄺港智由大狀安華暉(Andrew J. Raffell)、劉皚淇及鄧樂齊代表。

控方由外聘資深大狀郭莎樂(Charlotte Draycott)、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝(Brian Keith)審理。

3 人承認阻止合法埋葬屍體罪,否認謀殺罪。阻止合法埋葬屍體指,3 人於 2 月 21 日至 23 日期間,在香港阻止蔡天鳳的屍體被合法埋葬;謀殺罪指,3 人在 2023 年 2 月 21 日,在大埔龍尾村 56B 地下謀殺蔡天鳳。

HCCC198/2025