47 名民主派被控「串謀顛覆國家政權」罪，初選時參選港島區的 6 人，袁嘉蔚、梁晃維、徐子見、鄭達鴻及楊雪盈完成求情陳詞，周三（3 日）將由彭卓棋一方陳詞。早上旁聽人龍較昨日減少，有人用排隊時間寫信。
有梁晃維的朋友稱，雖然得知他已完成求情，但仍想「搏一搏」在法庭內望見他，更一度哽咽稱，「佢講嘅嘢真係好打動到我，我覺得佢喺咁困難嘅環境，都會想鼓勵香港人」。
他又稱，「可能呢幾年身邊有好多人一路抽離，變到好唔理時事」，而自己想放棄的時候，「我會諗起佢…然後我唔可以耷落去啦，同埋真係好 proud of 佢」。
5人完成陳詞 袁嘉蔚獄中成婚 梁晃維自感與香港命運緊扣
47人案求情、判詞分析、裁決日報道一覽
人龍較昨日短 前區議員邊等邊寫信
參選港島區的 6 人，袁嘉蔚、梁晃維、徐子見、鄭達鴻及楊雪盈周二（2 日）完成求情陳詞，周三（3 日）將由彭卓棋一方陳詞。記者現場觀察，旁聽人龍較昨日短，排首位的男子未有回答記者何時抵達。
截至早上 8 時，約 40 人在法院外排隊，包括年屆 101 歲的佔中「大黃伯」，他撐著拐杖及雨傘到場。他稱，其雙腳仍未完全消腫，但「堅持就堅持啦，唔係辛苦」；而前區議員韋少力則利用排隊時間，寫信予被告的友人。
梁晃維友稱被梁打動：覺得今日要嚟
梁晃維友人 Anthony 今日約 7 時半到庭外排隊，他說昨日因上班未能到來旁聽，知道梁已完成求情，「有冇機會見到佢，我都唔清楚，搏一搏」。Anthony 指，與梁十多年前一起打機相識，最初只是網友，後來成為朋友，更「一齊入場睇香港（足球）隊」。
Anthony 指，曾在 47 人案於 2021 年提堂時旁聽，但未能進入正庭，已有數年沒有見過梁，笑稱「我諗住寫信畀佢，但一路拖住，我自己都好慚愧…覺得今日要嚟」。
他稱，梁面對公眾「好 charm、好有自信」，擔任區議員提倡動物相關工作時溫柔，一度哽咽稱，「佢講嘅嘢真係好打動到我，我覺得佢喺咁困難嘅環境，都會想鼓勵香港人」。
梁晃維友：身邊多人抽離 想放棄時「我會諗起佢」
梁在求情信提到「我們這一代常被戲稱為『被詛咒的孩子』」，經歷「沙士」、「豬流感」、雨傘運動及反修例運動等。Anthony 稱「可能呢幾年身邊有好多人一路抽離，變到好唔理時事」。
他續指，「捲唔捲入係自己可以選擇到嘅事，即係就算個時代叫你捲入，但你唔主動參與，其實你都係可以若無其事咁過生活。但係我又好，還是佢都好，都係主動捲入去」。
Anthony 形容，「我諗佢係我其中一個動力，當我有時想放棄堅持嘅時候，我會諗起佢。佢喺一個咁樣嘅環境，都仲繼續熱愛香港，然後我唔可以耷落去啦，同埋真係好 proud of 佢」。
昨日前來旁聽、梁的中學班主任林老師今早繼續到來排隊，指除了想聽梁的求情，亦想跟進案件。持續來旁聽求情的黃先生則指，昨日留在延伸庭，與列席被告打招呼、為他們加油，今日想入正庭，「想去勻返 3 個庭⋯畀啲鼓勵被告，香港人冇忘記佢哋」。
HCCC69/2022、HCCC70/2022