蔡天鳳案Day42 鄺港智否認因被激怒殺蔡 指父上車與蔡「傾偈」後蔡倒地 

蔡天鳳案 Day42

分享:

第四年,我們仍在現場。
支持《法庭線》,讓我們走得更遠。

智:掂都冇掂過錘仔

鄺港智周五繼續作供,由辯方大狀安華暉進行主問。

控方曾指,鄺港智向友人聲稱他原有的車輛要維修,遂借車牌 VY9157 的七人車,供謀殺蔡時使用。鄺港智庭上指,他為父親借車協助搬屋,向友人說謊只是「費事咁複雜咁講」。

承認事實提到,鄺港智曾與胞兄鄺港傑在日本城購物,當時胞兄購入保鮮紙、螺絲批等。鄺港智確認,指當時沒有留意胞兄購物,亦不知道物品有何用途。

至於被指為兇器的錘仔上有鄺港智的 DNA,他指「但我冇掂過,掂都冇掂過」。安華暉再問,據鄺港智所知,錘仔與蔡的死亡是否有關?鄺港智稱沒有。

鄺港智 鄺港傑 鄺球
鄺港智(左)、鄺港傑(右)與鄺球(中)皆選擇作供。鄺港智供出與父兄不同的事發經過版本。(繪圖:@wongyukkkshan)

智:七人車上與蔡談笑

針對 2 月 21 日事發當天的情況,鄺港智確認他當天中午到旺角新世紀廣場(MOKO)的 Starbucks 與胞兄用膳。

鄺港智指,當天他打算去健身,膠袋內有健身衣物。鄺港智向胞兄提及聘請健身教練一事,「咁佢(傑)就話我被人呃、我傻仔,冇人請教練㗎,佢都識喇,教返我轉頭咁樣囉」。

控方早前指,CCTV 片段顯示鄺港智的動作正示範如何襲擊蔡。他於庭上指,當時是嘲笑胞兄,「佢講起做 gym、又話識教練嗰啲,佢咁嘅身形,好難去說服倒我㗎嘛」。被告欄內的鄺港傑微笑。

鄺港智及後乘搭鄺港傑駕駛的七人車 AA3383。他庭上確認,當時蔡天鳳已在車上,而他坐在蔡的左邊,當時蔡「同人傾吓偈、講吓電話」。

安華暉再指,蔡最後發出的訊息是「好」,而控方認為她及後已被鄺港智襲擊。鄺港智不同意,指當時蔡一直與他聊天,蔡提到「一陣間去 high tea」、「阿媽又爭人錢,每個月幫佢還緊啲利息,好大壓力咁」。他指,蔡要負擔蔡母張燕花的賭債。

他續稱,當時蔡另提到幫譚方駿母親購買衣服,他問蔡「呢排唔買嗰啲天珠吖,轉買衫?」當時二人在笑。他庭上解釋,因為譚母喜歡買「天珠」,「話天珠嗰啲係慈禧嘅」,他與蔡當時在開玩笑。

智:蔡車上罵鄺球
表示要「即刻去講清楚佢」

鄺港智供稱,隨後蔡天鳳提及年初一的情況,即鄺球帶兩孫兒遊玩一事,他遂告知蔡,「佢(鄺球)就話唔畀佢耐唔時見吓啲孫呢,佢就咩都唔再配合」。而蔡聞言「開始有啲嬲」,着他轉達給鄺球,他稱「關於細路仔事,我就冇辦法講喎」,蔡遂罵他「冇撚用」,又罵「死老嘢又同我玩嘢」。

蔡再問及鄺球身處的地方,表示要「即刻去講清楚佢」,而胞兄鄺港傑則指父親在大埔,決定即刻找父親「講清楚」,蔡亦叫傑致電鄺母李瑞香,着李接蔡的女兒放學。

鄺港智供稱,當時蔡「一路鬧緊我老竇」,提及「唔可以再畀佢見啲孫、怕教壞,跟住話佢臨老入花叢囉」。法官祁彥輝追問意思,鄺港智稱「話啲人老仲走去媾女」。

他指蔡續罵父親,「佢 60 幾歲仲喺度媾骨妹呀,跟住就話佢(鄺球)當人哋係老婆、人哋當佢係客人,一陣間啲錢被人呃鳩晒。真係呢世都唔可以畀佢見啲仔女,一陣間教到個仔就媾骨妹、教到個女就做骨妹,就仆街啦」。

蔡天鳳
鄺港智供稱蔡天鳳抵達大尾篤時仍在生。

智:父與蔡在車上「傾偈」
其後發現蔡倒下淌血

鄺港智稱,及後七人車駛至大尾篤停車場,蔡當時仍生還,隨後「老竇上咗車同 Abby 傾偈,跟住我同我阿哥行開咗嘅,一路食緊煙喇,但係就唔係好遠嘅啫,跟住之後食完枝煙返到去,跟住之後⋯⋯應該係我阿哥開門⋯⋯就見到 Abby 瞓咗喺度,跟住我老竇就坐咗喺度喇,本身我個位嚟嘅,跟住之後呢就問佢『咩事呀?發生咩事?』」父親稱「唔好講住啦,返村屋嗰度先」,隨後父親離開 AA3383,駕駛 VY9157。

他便走上 AA3383,「我就即刻睇吓 Abby 點樣,跟住就見到已經有血喇,個頭度有血。我有郁佢隻手、叫佢喇,摸吓佢心跳,我亦都有睇吓有冇呼吸了,跟住之後就冇反應」。

及後兩車駛至龍尾村,父親登上 AA3383 檢查蔡是否有生命跡象。鄺港智問「點算呀而家,報警定 call 白車」。父親則回應「吓,你通緝緊㗎喎,啲仔女點算吖?」

CCTV 片段顯示,七人車駛到龍尾村後,鄺港智曾在車內逗留。他庭上指,當時檢查蔡的心跳及反應,形容自己「好驚、好緊張」。

就 CCTV 片段顯示,鄺港智落車後有「揈手」的動作,控方案情指因為鄺施襲時受傷,鄺港傑庭上強調,自己沒有受傷,他當時是「掹住呢個扶手、用錯力,䟴到隻手」。

安華暉指從 CCTV 片段可見,鄺港智的父親及胞兄當時把蔡天鳳的屍體搬入村屋內,而鄺港智在外「睇水」。他庭上形容,「嗰時我好驚,周圍都有人」,亦有閉路電視。就控方形容鄺港智當時神情冷靜,鄺庭上指「其實我好緊張、好驚㗎」。

鄺港智供稱,他當時亦與胞兄鄺港傑清潔車廂,而他下車時脫下外套及衣服,因為其衣服沾上血跡。至於他及後離開村屋,因為「我驚、同埋我好唔開心,同埋我老竇叫我走先吖嘛,佢會處理」。他補充,「我深知我自己被人通緝緊,如果我唔走、報警、call 白車,都做唔到,咁我咪嗱嗱臨走先」。

就鄺港傑早前供稱,鄺港智當時一直大哭,鄺港智庭上否認,但指他返回加多利山單位後走入房間哭,又形容自己「忍唔住嗰啲眼淚就流出嚟」,但「我知啲仔女喺出邊嘅,我好抑壓我啲情緒,因為我行返出去又要好似冇事咁樣」。

智:父稱「會處理」
「我唔知道佢會咁樣處理吖嘛」

鄺港智指,當天譚方駿、蔡母張燕花亦問他蔡的去向,晚上蔡母表示報警,他回應對方,「仆街你報警都唔話我知嘅?」他庭上解釋,當時有此反應是因為自己正被通緝。他亦致電予父親,「你話處理嘅?仆街佢阿媽報咗警」,又問父親「圓方(凱旋門單位)有冇人喺度㗎 」,隨後他便到該處。

他庭上解釋,事發日下午父親表示會處理,然後着他離開龍尾村屋,但「我唔知道佢會咁樣處理吖嘛,我以為佢係報警或者 call 白車」。

安華暉表示,最終大家都知道鄺球如何處理屍體,但鄺港智當時是否知道會發生此事?鄺表示不知道,他稱事後看《香港01》的報道才知悉,當時感到「好驚」。

智:沒計劃用凱旋門單位避難

鄺港智確認,那天是父親鄺球首次提到,他可到凱旋門的單位過夜。安華暉追問,於事發前,是否有計劃讓鄺港智在凱旋門避難?鄺港智表示沒有,強調該單位是父親「畀佢二奶」。

至於他被捕時身上有凱旋門的租約及鎖匙,鄺港智解釋父親早前已給他鎖匙,「佢話費事唔記得帶啲鎖匙,就擺一條喺我度」。

庭上證供顯示,鄺港智於事發翌日到貴族鐘錶取回暫存的現金及名錶。他庭上供稱,當時「知道出咗事,我同(蔡母)張燕花通過電話,佢叫我或者返大陸先,我自己都心驚驚,諗住嗱嗱臨攞返啲錢先,就返大陸先,或者澳門」。

就錶行職員早前供稱,鄺港智當時在電話上聽起來「好 sad」,鄺港智庭上稱,「梗係 sad 喇,電話都聽到我 sad⋯⋯因為 Abby,即係走咗吖嘛」。

智否認被蔡激怒而襲擊蔡

鄺港智續講述潛逃的情況,指他當時打算坐「大飛」離港,當時要付 30 萬元,比一般 10 萬元貴。他指,「因為我要話快吖嘛,錢唔緊要」,但稱最終「被人呃咗」、「去到碼頭就俾人拉吖嘛」。

他解釋當時要離港,「因為我之前俾人通緝緊㗎嘛,同埋我知道出咗事吖嘛,咁張燕花又同我講話警察搵我」。

承認事實提到,鄺港智被捕時身上有中移動的電話 Sim 卡。鄺港智指,他原本使用譚方駿的電話,不時有人來電找譚,令他每次均要告知譚,及後父親得知情況,「嗰陣我就叫佢(鄺球)開張 sim card」。

他又稱,「Abby 嗰陣時成日 check 住我電話有冇同 Ivy 聯絡,所以我就要個新電話囉」。安華暉續指,在蔡天鳳遇害當天,有人為鄺港智購入新的電話卡,是否巧合?鄺港智表示,「我幾個月前叫佢㗎啦,係巧合」。

安華暉再問,他事發當天在 AA3383 七人車內,有否被蔡天鳳激怒而襲擊蔡?鄺港智回應「沒有」。安華暉另問於大尾篤停車場時,鄺港智有否參與襲擊蔡?鄺表示「沒有」。安華暉再指「事發經過,正是你早前向法官及陪審員所述的情況」?鄺港智確認。

智:14 歲與蔡有性行為
蔡有參與盜竊案

代表鄺港傑的辯方大狀 Trevor Beel 其後開始盤問,鄺港智確認於 2022 年 6 月從內地返港,他又指,仍有從事鐘錶買賣業務,利潤過百萬元。

Beel 指,鄺港傑、蔡或鄺母,以家族外遊為由要當時的司機阿信放無薪假,逼阿信於 2022 年 10 月辭職。鄺港智表示「唔係逼囉,佢做得麻麻地」。鄺港智確認,阿信辭職後,鄺港傑自 2022 年 11 月中接手司機工作,而胞兄起初不願意接受這個安排,隨後由蔡及鄺母說服胞兄。

Beel 詢問鄺港智與蔡的關係。鄺港智指他 14 歲開始與蔡交往,及至 15 歲、即 2009 年才搬入黃埔花園。Beel 追問當時誰提出讓鄺港智同居。他回應「冇話特別提出,大家自自然然咁樣喎」。

Beel 再指,當鄺港智遷入黃埔花園時,他與蔡同房,相信二人當時已有性行為?鄺港智回應約 14 歲已發生性行為。Beel 追問,當時蔡母不反對?鄺港智回應「佢好鍾意𠻹」。鄺港智確認,他在黃埔花園居住期間開始學習海南話,長子於 2013 年出生,同年 9 月他和蔡結婚,而女兒 X 於 2014 年出生。

庭上早前提及鄺港智干犯盜竊罪,Beel 問當時蔡天鳳是否知道鄺犯案。

鄺港智供稱,「知道,一齊做㗎嘛」,又指「佢(蔡)幫我睇水囉⋯⋯咁我要攞走啲嘢嗰陣時,我要人幫我睇住,即係我交畀佢」。Beel 引述盜竊案的案情指,鄺港智約於 2013 年 6 月干犯首罪,涉款 6.15 萬元;次罪發生於 2013 年 10 月 19 日,涉款 167 萬元。鄺港智表示不記得,及後在法官提問下確認,他早前已同意盜竊罪的案情。

HCCC198/2025