壹傳媒創辦人黎智英上月被裁定串謀勾結外國勢力、煽動 3 罪成，與另外 8 名被告續還押至周一（12 日）處理求情，早上有逾 150 人排隊輪候旁聽籌，部分人上周五（9 日）已開始通宵排隊。
有前《蘋果》員工形容，黎智英入庭後見到熟悉面孔，均逐一雙手合十示意、揮手，又指有舊同事多年沒見各被告，「起碼有 3 個人爆喊出嚟」。另有員工向黎智英表達謝意，「好多謝黎生以身教話畀我聽，『人』係點樣」，又指《蘋果》停刊令人傷感，但仍有不少舊同事從事新聞工作，「大家都諗緊一啲方法繼續喺度生活，做緊自己要做嘅嘢」。
警方在人龍外設置橙帶，及後收窄以鐵馬圍起的排隊範圍，記者須隔逾 1 米採訪。另外，首日聆訊仍未結束，中午在庭外再現人龍，至少 4 人「翻兜」排翌日籌。
相關報道：
控方指黎健康正常 辯方指黎體重下跌11公斤 據悉黎沒撰求情信
陳梓華、李宇軒一方：非主腦、證供獲接納 應獲50%減刑
警方人龍外設橙帶 記者不准入內採訪
周一早上約 9 時，法院外有逾 150 人排隊，包括前社民連成員「阿牛」曾健成、曾任前職工盟總幹事的鄧燕娥、社運人士「大黃伯」等。黎智英的妻子李韻琴、前《蘋果》副社長陳沛敏的丈夫鍾沛權，以及多國領事代表等亦先後抵達法院。
警方在排隊人龍外加設橙帶，要求記者在橙帶外採訪，周一早上再收窄以鐵馬圍起的排隊範圍，令橙帶及鐵馬相距超過 1 米，記者採訪時均需伸直手臂遞出手機錄音。
中午再現人龍 至少4人「翻兜」排翌日籌
旁聽人士其後分批進入法院領取籌號，人龍陸續消散。至中午 12 時許，首日聆訊仍未結束，法院外再有逾 60 人排隊，輪候翌日的旁聽籌，大部分人戴帽、口罩，並以雨傘遮擋容貌。
記者現場所見，隊伍中至少 4 人在早上亦有排隊，部分人換了衣着，但穿攜相同的鞋履、背囊。記者向她們查詢再次排隊原因、為何持有即日旁聽籌卻不留在庭內旁聽，有人望記者一眼然後低頭看手機，有人則不回應。
有現場人士指，休庭期間到法院外休息時，目睹不少人離開法院後走到鐵馬範圍內再排隊。
前員工：舊同事看到被告「爆喊」
司法機構早前公布，正庭連同 7 個延伸庭合共派發 491 張公眾籌，其中正庭設有 42 個公眾席，以及約 100 張後備籌。聆訊另設 116 個記者席，正庭佔 42 席。
上周五（9 日）起通宵排隊的前《蘋果》員工 Ling，成功進入正庭。她指，與舊同事在胸口掛上針織蘋果，向前《蘋果》總編輯羅偉光擺出吃蘋果手勢，又向黎展示衣服上的蘋果，見到黎露齒笑，舉出抱拳手勢。
Ling 形容：「我哋一入到去，肥佬（黎智英）已經逐行逐行喺度掃，喺度睇有冇識嘅人，識嘅就（雙手）合十、揮手」，又指有些旁聽的舊同事多年沒見各被告，「起碼有 3 個人係爆喊出嚟，其他人本來無諗住喊，包括我，都喊埋出嚟」。
曾在《蘋果》任職逾 10 年的 Y 亦指，大家在正庭看到黎智英及各被告都十分激動，「大家都好積極揮手，做心心動作，黎生都好 responsive（積極回應），佢哋（其他被告）都有表示『收到』、『有心』」。
前員工：感激黎智英身教
另一前《蘋果》記者 A 小姐指，她在《蘋果》曾任職約 5 年，形容黎智英為人幽默，日常在走廊遇到任何人都會打招呼、點頭。她認為，黎在《蘋果》最後的時光，「都好清楚自己嚟緊會點樣，會放唔返出嚟」，惟他當時不忘向員工表示謝意，稱「《蘋果》有今日，都係多得你哋」。
A 續指，「好多謝黎生以身教話畀我聽，『人』係點樣⋯⋯喺佢（黎）身上面我會覺得，點解人可以咁偉大⋯⋯就算我無繼續喺呢一行做落去，都好多謝《蘋果》畀到我『人嘅價值』」。
A 又指，對《蘋果》停刊感到傷感，「但仲有喺度嘅人，仲有繼續做傳媒嘅舊同事，大家都諗緊一啲方法繼續喺度生活，做緊自己要做嘅嘢。」
市民：提前排隊因不忿「排隊黨」霸位
前東區區議員陳榮泰指，過往一直留意黎智英案的審訊，惟今次是他首度在法院外通宵排隊。他指，上周五（9 日）中午已到場，形容自己與隊伍中首 20 人猶如「旅行團」，「4 日 3 夜都喺度，不過冇得沖涼」。他指，不惜通宵排隊，因「如果我唔嚟瞓，就會多咗一個機會畀『排隊黨』，所以我留喺度，唔想咁多收錢嘅人喺度擺晒啲位」。
同樣周五已來排隊的黃小姐指，上月裁決日只有一位非「排隊黨」的市民入到正庭，「如果我哋唔早幾日嚟，我諗我哋入唔到（正庭）」，又指過去幾日天氣寒冷，在法院外難以入睡，「但點樣辛苦排幾日都要嚟，如果講辛苦，我哋梗係唔及黎生辛苦，佢喺入面幾年⋯⋯我哋排幾日，我覺得係一粒微塵。」
自上周五（9 日）中午起，西九龍裁判法院外已見排隊人龍，排首位的旁聽常客「姨婆」於凌晨約 4 時抵達。記者另發現當日下午 1 時多，約 10 名中年女子於相若時間到場排隊，大部分人戴上口罩、以雨傘遮擋容貌，未有回應記者提問。
HCCC51/2022、HCCC52/2022、HCCC147/2021