支聯會案周五（28 日）處理被告求情，鄒幸彤讀出陳情書期間被法官多番打斷，其 Patreon 同日發布全文。鄒幸彤媽媽散庭後稱女兒還押期間準備官司，「佢寫嘅每一個字出嚟呢，係經歷好多艱辛㗎，我希望大家可以仔細咁樣睇佢寫嘅嘢。」
李卓人妻子鄧燕娥表示，「其實今日就無乜嘢好講，繼續保持希望、繼續祈禱」，僅盼望法庭能如期在兩周內判刑，「唔好再拖」。前支聯會常委梁錦威則指定罪結果屬預料之內，但並非大家認同裁決，相信市民看到支聯會及負責人多年來為香港做的事。
鄒媽媽：寫每個字出嚟
係經歷好多艱辛
鄒幸彤媽媽與前支聯會常委劉家儀步出法院，有警員指示到較遠位置受訪。鄒母說出感受一度嘆氣，稱「好多人，對抗不公不義嘅人呢，其實佢哋係咪自然地勇敢同堅強㗎呢？我見到嘅係，其實佢哋呢啲勇敢同堅強，都係俾佢哋嘅善良逼出嚟㗎啫。」
鄒幸彤在庭上讀出陳情書期間，被法官多番打斷（見另稿），鄒的 Patreon 同日發布全文。鄒母稱，女兒在還押期間準備官司，「我想話呢，佢寫嘅每一個字出嚟呢，係經歷好多艱辛㗎，我希望大家可以仔細咁樣睇佢寫嘅嘢。」
被問到會否擔心女兒的狀態，鄒母稱女兒在庭上仍然「笑得出」、「佢就係咁㗎喇」，又向傳媒表示謝意，指報道令公眾更了解「呢個審訊究竟係乜嘢一回事。」
鄧燕娥：冀如期兩周內判刑
李卓人妻子鄧燕娥離開時，同樣被警員指示到庫務大樓外受訪。鄧指丈夫今天狀態很平靜、精神。對於刑期方面，她稱「唔諗喇⋯都係唔好講，講出嚟唔靈」，只希望法庭能如期在兩周內判刑，「唔好再拖」，又指「其實今日就無乜嘢好講，繼續保持希望、繼續祈禱」。
前支聯會常委梁錦威則指，定罪裁決屬預料之內，但強調不等同「大家好認同呢一個結果」，「我諗支聯會又好，幾個負責人都好，其實咁多年為香港做嘅嘢，其實大家都見到嘅，咁我諗究竟支聯會大家點樣睇？我諗每個香港市民都有自己嘅判斷」。
至於鄒幸彤的陳情，梁認為內容清楚，他相信旁聽的市民均會同意她的說法。
除他們外，李卓人的姨仔鄧燕梨、前支聯會常委陳多偉、關振邦，47 人案的吳敏兒與尹兆堅，以及前立法會議員何秀蘭、前社民連主席陳寶瑩、前職工盟主席黃迺元、前區議員陳劍琴、李盈姿、雷玉蓮、曾健成等人皆到法院旁聽。
前支聯會義工：對裁決感傷心
早上輪候旁聽的隊伍中亦不乏前支聯會義工、曾參與六四晚會市民的身影。
前支聯會義工史小姐（化名）指，對於支聯會、李卓人、鄒幸彤被裁定罪成，「坦白講，唔開心一定有，你話傷唔傷心一定有，擔心都係有」，指有朋友預計他們可能會被判最高刑罰 10 年，她說只能探監、寫信等，也只能對他們說「take care⋯⋯你冇得講任何嘢喇」。
早上近 7 時抵達法院外的 Simon 則指，自求學階段參與六四晚會，「所以佢哋有咩，我都走唔甩嘅，佢哋有咩問題我都會好關注」，今天一早到庭「嚟到一定要支持佢哋」。
HCCC155/2022