蔡天鳳疑遭殺害碎屍案，周三（11 日）踏入第 35 日審訊。鄺港傑在庭上指證胞弟鄺港智殺害蔡天鳳，而自己事前不知有人意圖襲擊蔡，亦不知蔡當天會被殺。
鄺港傑並供述事發經過，指他駕車，載蔡與胞弟到學校接長女放學，蔡責罵胞弟，提及「無腦呀⋯無撚用、垃圾」，而胞弟「一如以往咁唔出聲俾佢鬧」。但不久，他感到椅背被撞，驟眼回望有物體在地上，他判斷是蔡，而胞弟「崩潰咁喊得好大聲」（見文末示意圖）。
鄺續供稱，由於無法與胞弟溝通，他致電父親鄺球，對方指示他駕車到大埔會合。至於控方指鄺港傑事發前四處購買涉案用品，他解釋父提及想在龍尾新居裝圍欄，故為對方買物品（見內文表）。
Day34｜鄺港傑：不清楚售加多利山單位 蔡與父粗口對罵 胞弟逆來順受
訂閱／贊助／購物，支持《法庭線》報道香港，記錄香港。
鄺港傑解釋事前購儲物箱、索帶等
控辯承認事實提到，鄺港傑於 2023 年 2 月 21 日事發當天之前，曾數次到達龍尾村單位。他首次於 2 月 6 日到訪，隨後於 2 月 9 日、11 日及 13 日再次前往。
鄺港傑供稱，首兩次及 2 月 13 日到龍尾村與父親鄺球用膳；而 2 月 11 日當天，他與胞弟鄺港智一同探訪父親，逗留約半小時後便離開。
承認事實另提到，鄺港傑在事發前到不同地方購物，辯方大狀 Trevor Beel 逐一就鄺購買的物品提問，鄺港傑一一解釋，供稱是為父親購買安裝圍欄物品等，詳見下表：
鄺港傑提到，所有購入的物品均交予父親。而他從未在龍尾村單位見到他形容為「銀色機器」的絞肉機。至於他在購買錘仔、膠紙時向店員做的手勢，鄺指當時提到做圍欄要「插喺度捆住嘅嘢」，並以木板製作圍欄，故他向店員示範。
至於在購買童軍繩時，他向店員稱「幫屋企人買咋⋯⋯小朋友 」，鄺庭上指，因他當時「想買完快啲走，佢又係咁問我係咪玩繩結，其實我目的係想問係咪實用，啱唔啱用啫」。而同一時間，父親到刀莊購物。
傑指證弟殺蔡天鳳時哽咽
控方指蔡天鳳於 2023 年 2 月 21 日遇害，事發於鄺港傑駕駛的七人車上，由鄺港智以錘仔殺害蔡。辯方 Trevor Beel 詢問鄺港傑事發當日情況，庭上對話如下：
Beel：我們都知道，當天 Abby 死亡，你本人有沒有殺 Abby？
鄺：冇。
Beel ：你是否知道當天 Abby 會被殺？
鄺：唔知道。
Beel：你是否知道，有人當天有意圖襲擊 Abby，使她嚴重受傷？
鄺：唔知道。
Beel：當你駕駛 AA3383 時，你是否知道她會在車內遇襲？
鄺：唔知道。
Beel ：你是否知道誰殺 Abby？
鄺沒有回應，沉默數秒。
Beel ：鄺先生，你要回答問題。
鄺點頭，法官提醒他要出聲回應。
Beel ：你是否知道誰殺 Abby？
鄺點頭、不斷眨眼：知道。
Beel ：誰殺了 Abby？
鄺再度沉默。
Beel ：我知道很困難，但你要說真話。
鄺沉默 10 多秒後：細佬。
Beel：細佬即是 Alex？
鄺：係。
此時被告欄內的鄺港智神情平靜，沒有特別反應。而鄺球則取出紙巾拭眼、呻鼻。證人席的鄺港傑不斷眨眼、飲一啖水，及後取出一張紙巾，除下眼鏡拭眼，呻鼻水，語帶哽咽。
傑：在 Starbucks
與胞弟談做 Gym 話題
辯方播放事發當天中午 12 時 19 分，加多利山單位大廳的 CCTV 片段，顯示鄺港傑於圓枱吃外賣午餐。鄺港傑確認他隨後離開單位，到九龍塘接蔡天鳳到加多利山單位。他解釋，前一天晚上，他獲告知翌日下午 1 時有人參觀單位，而蔡囑勿留在單位。
鄺指，當時需找地方「kill time」，遂致電胞弟詢問其位置，並得知胞弟在新世紀廣場（MOKO）用膳，於是他駕車到商場，在 Starbucks 與胞弟會合。
CCTV 片段顯示，兩人在 Starbucks 交談時做手勢，控方在開案指，鄺港傑當時向胞弟解釋，如何將蔡的頭拉到其腿上施襲，鄺港智則做出前後搖晃的動作。
鄺港傑供稱，已忘記與弟交談的具體內容及當時的手勢含義，「Alex 就同我講，本身 plan 咗晏晝去做 gym 嘅。我相信喺 Starbucks，我有同佢講緊做 gym 嘅話題，但你要講邊啲手勢講緊乜句子，我就唔記得」。
他又指，及後收到蔡天鳳的訊息，指已完成帶人睇樓，着他回到加多利山接載她，隨後要接長女 X 放學。而他向胞弟建議，「你有時間、不如一齊去湊妹妹啦，難得有時間一齊湊妹妹，唔好嘥咗啲時間」。他庭上稱「因為我認為爸爸媽媽一齊去湊小朋友，小朋友會開心啲」。
鄺港傑指，蔡慣常與他一同接長女 X 放學，大部分時間均會這樣做，「當然有時佢唔得閒，我就會同我阿媽去接」。
他續稱，蔡約他兩時半見面，亦着他先去買蛋撻讓 X 放學後吃。因蛋撻店較遠，「要兜好大個圈」，故胞弟表示「我喺路口順路嗰度等你，你去買咗蛋撻接埋 Abby 先上車，咁佢（弟）就可以食枝煙同去個洗手間」。
鄺離開加多利山後，在基堤道路口接載胞弟。他指有告知蔡天鳳相關安排。
傑：蔡車上罵弟 其後沒反應
弟「好崩潰咁喊得好大聲」
鄺港傑又確認，他坐在司機位，而蔡坐在他的身後位置，胞弟則在蔡的旁邊。他又在提問下指，乘客座位的車窗有黑色硬膠遮光格及窗簾，而窗簾一般「長期都會閂晒，私密少少」。
他供稱，當蔡及胞弟先後上車，便出發到大埔的學校接 X，「咁我記得 Alex 同 Abby 都喺度各自撳緊電話嘅」，之後蔡與胞弟不時以海南話交談，他不明白內容。
他憶述，兩人對話一開始主要是「傾偈」，而蔡的語氣逐漸帶有責罵口吻，間中使用廣東話粗口字眼，「我記得嘅字眼類似係同 Alex 講嘅，『無腦呀⋯⋯無撚用、垃圾』之類咁嘅字眼」。鄺港傑形容，當時胞弟「一如以往咁唔出聲俾佢鬧，『哦、嗯』，無咩回應」。
車駛過獅子山隧道後，約 2 時 45 分，鄺港傑形容蔡的語氣變得「高昂」，聲線較大聲、「有啲尖」。當駛至御龍山、馬場時，他指「突然間我感覺到有啲嘢撞一撞我個後背、椅背，同時間有個聲音好似有嘢瀡咗喺地下咁，同一時間發生嘅，然後我聽到⋯⋯」。
鄺港傑停頓 10 多秒、一度閉上眼睛，哽咽稱當時聽到「細佬喊晒」，形容是「即係好崩潰咁喊得好大聲」，而「對白係類似『唔好再鬧喇、唔好再鬧喇』」。此時被告欄內的鄺港智沒有反應，神情平靜；鄺球則摸下巴。
鄺港傑不斷眨眼、哽咽稱，當時「我驚喇，我就問『咩事、咩事？』」他指快速回頭望一望，「因為椅墊遮住咗我嘅視線，跟住我見到細佬喺上邊，有個物體，我判斷係 Abby，喺地下」。鄺球則於被告欄內用紙巾拭眼、垂頭。
他續指，當時在原本蔡的位置上，已看不到蔡，而「Alex 喺 Abby 嘅上面」。但他聽到蔡有「好細聲」，「我會形容為好似被人捏住喉嚨嘅聲音，一兩下咁㗎咋，然後由於我記得 Alex 好大聲喊緊，佢都 cover 晒好多聲音」。
鄺：無法與弟溝通
致電父求助
鄺港傑指，感到有東西撞椅背和聽到胞弟喊聲是同時發生，當時「我咩都諗唔到，只維持返軚盤直行，我諗唔到嘢」。
至於胞弟的情況，鄺港傑指「Alex 喺 Abby 嘅上面」維持約分半鐘，胞弟「仲係不斷咁喊緊，形容為崩潰咁」。而除了喊聲，鄺指當時亦聽到「有啲『啪』嘅聲音，我形容為手腳撞到座位嗰啲聲音」，聽到一至兩下有物體撞到椅背的聲音。
鄺港傑續指，他繼續駕駛車輛，當時胞弟「好似變咗另一個人咁，同我冇對答」。他遂致電父親「啱啱發生咗事、好嚴重，Alex 喊緊、Abby 無反應」。
鄺港傑形容，父親聽到後「靜咗幾秒」，問他：「你記唔記得我大埔村屋前面有個停車場呀？喺嗰度等我吖」。電話掛斷後，鄺便前往該停車場。鄺港傑於庭上指，及後看文件得知該停車場為「大尾篤公共停車場」。
HCCC198/2025