身在現場 見證記錄

47人案求情.九東|早上8時約50人輪候旁聽 胡志偉友人:仲有好多人留喺香港

47人案求情.九東|早上8時約50人輪候旁聽 胡志偉友人:仲有好多人留喺香港

分享:

胡志偉友:仲有好多人留喺香港、
對佢有支持受關心

記者現場所見,至早上約 8 時,已有約 50 人排隊輪候旁聽,前觀塘區議會主席蔡澤鴻、民主黨前主席劉慧卿、年屆 101 歲的佔中「大黃伯」等人亦有到場。

有旁聽人士表示,因地區事務與被告認識,稱與胡志偉已相識約 16 年的姚小姐,於早上約 7 時 20 分已到場輪候。姚指,知悉胡在還押期間經歷雙親離世,故特意請假,到場支持,「希望佢知道,其實仲有好多人留喺香港,仍然對佢有支持同關心」。

姚指過往曾探望胡,認為胡頗積極、正面,「成日都對住我哋笑,其實唔係太覺佢有憔悴嘅感覺」,又笑言「佢呢幾年都有黑咗」,「多咗少少皺紋咁」。

姚憶述,曾於過往的選舉協助胡,覺得他「好勤力、好有禮貌、好提攜後輩」,願意教導年輕人,欣賞他做事低調,「都唔係一個做咗嘢,要周街同人講嘅人」。

譚得志友:人心不死,希望在前

稱是譚得志朋友的黃小姐指,過往曾探望譚,「佢身體情況可以,個人都樂觀,心靈都硬淨堅挺」,惟疑因天氣太熱,皮膚差了少許,有時會長些瘡。黃又笑言「見到佢上個星期五,(於庭上)啲神情動作,都有啲鬼馬」。

黃認為,譚和其他被告都有強大的心理質素,「都係用一個見證歷史,見證荒謬嘅態度去面對、去度過」,又說相信「我哋心入面有一種堅持」,會與被告一起「等待一個變好嘅機會」、「人心不死,希望在前」。

施德來前黨友李庭豐:送上我哋嘅陪伴

曾任民協主席的施德來,其昔日黨友,民協總幹事郭偉誠、前深水埗區議員及民協副主席李庭豐、民協前副主席譚國僑均有到庭旁聽。李稱,施德來是熱心社工,「好鍾意陪伴人哋,所以今日都係一個調返轉頭,我哋都可以送上我哋嘅陪伴,對佢嚟講係最大嘅支持」。李庭豐指,他於 2011 年認識施德來,其後兩人不時合作推動扶貧、環保政策,「對於弱勢社群、對於基層生活,我哋都好關心」。

譚國僑:感覺到佢對基層承擔

譚國僑則指,視施德來為兄弟姊妹,說過往共事期間,施做事勤奮,「我感覺到佢對基層、社區嗰種承擔」。

李庭豐又提及,施很照顧家人,「佢好識照顧佢小朋友」。郭偉誠亦形容,施是好爸爸、好丈夫,抽很多時間陪伴兒子、家人,「我認識朋友當中,佢係數一數二嘅好好先生。」

郭偉誠指,施德來被控後,仍然保持樂觀,即使沒再擔任區議員,仍積極增值自己、報讀不同課程,「由佢年輕讀社工,到而家 2024 年、都冇變過呢樣嘢」。郭又指,即使認識施德來時間短,「積極樂觀方面,我會視佢為一個學習對象」。

李庭豐則指,施德來還押後,有為對方安排物資、協調探訪,「(施)行緊一段比較艱苦嘅路,佢都仍然好樂觀,好積極,甚至乎好想將佢呢種諗法同精神,去傳播畀朋友、屋企人。」

HCCC69/2022、HCCC70/2022
焦點
最新文章
最新專題影片