蔡天鳳案Day41 鄺港智:四角關係複雜 譚方駿曾以米線向我示愛

蔡天鳳案Day41 鄺港智:四角關係複雜 譚方駿曾以米線向我示愛

分享:

鄺球:精神崩潰不知為何烹屍
否認有計劃行事

次被告鄺球第二日出庭作供,繼續受控方、資深大狀郭莎樂盤問。被問及為何要烹煮蔡的殘肢時,鄺球表示,「我都唔知點解,諗唔到」,又指「其實青紅蘿蔔一早我煮定咗喺度㗎,愛嚟餵啲流浪貓狗㗎,朝早、每日嘅習慣」。郭莎樂質疑鄺球說謊,鄺球否認,強調當時「自己精神都崩潰咗囉,自己都唔知自己做緊啲乜嘢」。

鄺港傑曾供稱,案發翌日凌晨曾扔湯渣及骨頭。鄺球回應,是將青紅蘿蔔拿到村口垃圾站附近餵流浪貓狗,又指鄺港傑當時可能記錯,「大家個精神情況呢都唔係好嘅」。郭莎樂指出,鄺球於事發當天下午已開始使用屋內工具肢解及烹煮蔡,而當晚已丟棄大部分蔡的屍體。鄺球一概表示不同意。

控方質疑連串「巧合」屬有計劃行動
鄺球否認

郭莎樂提出,案發前幾日鄺球有一連串巧合行為,包括租用凱旋門單位、將租約及鎖匙交予鄺港智、購買兩張新電話卡,均是鄺港智逃走計劃的一部分。鄺球表示,「巧唔巧合咪見仁見智去睇呢件事囉,同時你成日講話逃走返大陸,大陸啲公安拉你仲快啦,快過香港」。郭莎樂再提到,所有的「巧合」其實是有計劃的行動。鄺球否認。

對於上海街購入的物品,鄺球回應「我買嗰啲工具係 for 裝修用」,而租用龍尾村單位「係我做運動、養生嗰啲程序嘅」。郭莎樂指出,龍尾村單位與蔡的長女學校屬同一方向,所以當蔡在車上時,她便不會起疑。鄺球不同意。郭莎樂續指,其實是鄺球與兩名兒子有計劃殺蔡,再帶到龍尾村肢解及處理其屍體,所有「巧合」便可以輕易解釋。鄺球回應「唔同意你嘅推斷」。

鄺港智 鄺港傑 鄺球
鄺港智、鄺港傑、鄺球(繪圖:@wongyukkkshan)
鄺港智:自14歲認識蔡天鳳 與蔡母如同母子

第三被告鄺港智戴黑色眼鏡、穿黑色外套及長褲,黑色皮鞋出庭作供,先由辯方代表大狀安華暉主問。

鄺在提問下供稱,他於 2008 年在弘爵國際學校認識蔡,當時年約 14 歲。二人及後交往,鄺搬至黃埔花園與蔡母張燕花同住。鄺形容與蔡母關係良好,反而與父親鄺球「冇乜點相處倒」,父親亦「惡少少、嚴格少少」,指當時他與蔡母「大家對大家都好好」,他亦學習海南話以便融入及溝通。

鄺確認,蔡於  2012 年懷孕、翌年誕下長子 W,當時鄺及蔡分別 18 及 19 歲。鄺港智指當時他搬到黃埔花園另一單位,由鄺母支付租金。二人於 2013 年 9 月結婚、翌年誕下長女 X。至於鄺港智在該段時間干犯盜竊案,鄺稱當時「想賺多啲錢⋯⋯畀屋企」,包括「我同 Abby 同我嘅小朋友,maybe 張燕花」,又形容與張關係「好似母子咁樣」。鄺港智確認,他最終因盜竊案於 2015 年 8 月潛逃國內,當時乘「大飛」往返,每次包船要付 10 萬元。

鄺港智
鄺港智(繪圖:@wongyukkkshan)
鄺港智稱鐘錶業務賺 2000 多萬

至於控方指鄺港智依賴蔡供養,鄺港智否認,並指在買賣鐘錶的業務中,會先由蔡付錢予錶行、再着客人付款予蔡提供的戶口,蔡則在香港取錢。根據貴族鐘錶行的紀錄,鄺港智曾購入百達翡麗、勞力士、愛彼等品牌的多隻手錶。鄺指,鐘錶業務共約賺 2,000 多萬,「大多數我都唔攞㗎,畀晒 Abby」。

鄺稱他另涉足國內地產業務,包括做寫字樓的二房東,當時營運 3 個項目,每月可賺 26 至 30 萬人民幣。鄺又提到,他另於海南做土地租賃中介,負責租用農地及再轉賣合約,過程中由蔡負責匯錢,鄺港智則指他沒有自己的帳戶,業務每年約可賺約一百萬人民幣。

鄺港智:蔡稱「為錢」與譚再婚

鄺港智形容,他身在國內仍與蔡保持聯絡,「每一日都有傾幾個鐘頭電話吖,或者視頻咁樣」。鄺港智續指,他不記得與蔡於何年離婚,自己沒有簽署離婚文件,但知道蔡有辦手續。

至於蔡的丈夫譚方駿,鄺供稱譚是他的同學及朋友,鄺於 11 歲便認識譚,比認識蔡更早。至於蔡與譚結婚的原因,鄺港智表示「為咗屋企囉,咁佢嗰邊都要人照顧,佢覺得 Chris(譚方駿)份人幾好吖,我都識咗好多年,覺得(譚)OK」。鄺港智又指,他得知二人結婚時「有少少唔開心嘅,後來都祝福佢」,形容三人關係複雜。鄺港智補充,蔡告知他再婚是「因為錢囉」。

對於三人的關係,鄺港智表示,長子一出生時譚便是「契爺」,「Christopher 都想我哋三個一齊生活嘅」,與譚的關係「其實唔應該用朋友嚟形容,家人囉」。鄺港智表示,蔡與譚以夫妻身份一同到海口探望他,「我哋三個一起住喺 Langham(酒店)嗰邊,瞓同一張床」。鄺港智又指,他在廣州居住文華東方酒店期間,蔡、譚曾帶子女到訪,所有人睡在一張床。

至於鄺港傑曾供稱,鄺港智和蔡曾於海口接吻。鄺港智確認,並指他和蔡保持浪漫關係直至 2023 年 2 月。鄺港智又提到「每一日啲仔女瞓覺嘅時候,睡前故事時間,我哋一齊視頻住、一齊睇住」。

鄺港智供稱,他向蔡坦白在內地有女朋友,蔡因而感傷心,他決定回港。鄺港智補充,當時他不敢接蔡的來電,導致「佢搵咗我三日三夜,叫佢阿媽就搵晒我周邊嗰啲人⋯⋯叫人爆我個房門」。鄺港智指,他於 2022 年 6 月 乘坐快艇返港,他回港後沒有工作,但亦有積蓄,「我之前都有匯錢返嚟一路都有錢,如果我要錢我就會同 Abby 攞」。

蔡天鳳
蔡天鳳
鄺港智:譚方駿鍾意我 曾買米線示愛

鄺又主動提及,他與蔡的關係亦曾有性關係,又稱蔡與譚結婚,「其實 Christopher 本身係鍾意我嘅,咁但係佢屋企想要啲小朋友,我哋就 3 個一齊咁樣囉。佢屋企人又唔介意嘅,咁囉。」鄺又提到「佢(譚)買碗米線嚟示愛都試過啦,細細個因為我住黃埔花園時,佢日日都上嚟」。

安華暉問,所以鄺港智、蔡及譚方駿之間是三角關係?鄺港智形容關係複雜,「如果加埋(內地女友)Ivy落去就四角,我都唔想咁複雜,我冇可能捨棄啲小朋友同 Abby、Christopher。我又唔想害到 Ivy⋯⋯我又掛住啲細路仔,咁 Abby 叫我返嚟,我就返嚟」。

至於鄺港傑供稱,蔡經常責罵鄺港智。鄺港智形容二人關係有如「老夫老妻」,「同埋我都習慣咁,佢唔鬧我、我反而唔慣,但我唔係話 M 底嗰隻,但係就習慣咗」。安華暉續問,當時 3 人間沒有妒忌及仇恨(animosity)?鄺港智表示「冇嘅,咁我可能有吸引力啲,唔知佢(Chris)點諗,不過我諗佢都冇問題,佢都好鍾意我」。鄺又形容蔡為人「比較剛烈少少、火爆少少,我又比較柔和啲嘅,即係佢好容易嬲嘅,零到一百唔會有中間⋯⋯好似 angry bird 咁囉」。

鄺港智同意出售加多利山單位 

控方指,鄺家意圖從蔡手中謀取加多利山單位,最終導致蔡身亡。鄺回應「根本就唔可能」。鄺指他亦同意出售加多利山單位,方便子女於屯門上學。此外,考慮到曼克頓山單位有按揭,出售加多利山能助還清按揭。鄺港智又指,他亦打算搬到屯門和仔女一同居住,他曾留意屯門樓盤。

鄺港智表示只和蔡討論出售加多利山一事,並非有意向譚隱瞞此事,「只係費事咁長篇大論」。及至  2023 年 2 月 21 日,鄺港智離開加多利山單位,因前一晚蔡告知他,翌日有人上來睇樓,「佢叫晒所有人都唔好喺屋企」。

對於控方早前指,因為蔡急於出售加多利山單位,導致其死亡。鄺港智否認,「有人買先至急吖嘛,冇人買點急啫」。鄺又指,他返港前已與蔡討論出售加多利山一事,「佢(蔡)都好尊重我嘅意見嘅,咁我有份付出喺呢個家庭度」。他曾向父親鄺球解釋簽署授權書,當時父親語氣「中性」、並非生氣。蔡及後安排父親鄺球到中環律師樓簽署授權書,他亦有陪伴鄺球前往。

一點支持,一起見證。
與《法庭線》同行。
訂閱/贊助/購物,有力出力!

鄺港智憶述發燒衝突
指鄺球欲揮拳打蔡

庭上證供早前提及,於 2022 年中因應蔡的長女 X 發燒,引發鄺球與蔡發生衝突。鄺港智憶述,當天女兒不適、「我就埋去睇個女」,當時母親李瑞香及蔡亦在場,母親着鄺港智「唔好咁近,可能就會傳嘅」。而蔡聞言感生氣並罵鄺母,「屌你老母,你個仔就仔呀?我個女就唔係女呀?」鄺港智形容蔡當時「連珠發炮」,而父親聞聲亦「衝埋去 Abby 度,想打佢咁樣。」當時胞兄及譚方駿已拉開父親,父親罵「屌你老母你生仔機器」、又斥蔡當鄺母「好似工人咁樣」;蔡則罵「屌你老母你死老嘢」。鄺港智稱當時他亦安撫蔡,當晚父親亦離開單位。

庭上證供早前又提到,蔡與譚方駿於 2023 年新年期間身在法國,蔡當時欲與子女 FaceTime 不果。鄺港智供稱,由於他仍被通緝,所以他不會見其他親戚。新年當天胞兄、母親則帶兩名子女去親戚家拜年,鄺港智則沒有隨行。

鄺港智稱 ,及後蔡來電找兩名子女,鄺遂着蔡致電胞兄或母親,當天稍後他再與子女到冒險樂園玩耍。鄺指,他及後得知蔡欲與子女 FaceTime,但當時「爺爺帶咗去玩,我媽就好似同啲親戚打緊麻雀,都唔敢同 Abby 講我老竇帶咗去玩」。鄺港智解釋,「因為大家都知佢哋(鄺球與蔡)關係唔得㗎嘛,我媽就廢事講啦。即係鬧咗交囉,佢唔畀我老竇見啲孫㗎嘛」。

鄺又提到,於 2022 年父母慶生時,父親曾與兩名孫兒見面,事後遭蔡責罵。而蔡亦曾表明不得讓鄺球見孫兒,蔡亦禁止父親再到加多利山單位。安華暉再問,及至事發當天,蔡與鄺港智的關係有否變得疏離?鄺回應「冇喎」。

HCCC198/2025