一名 28 歲男督察涉於去年 8 月休班期間，駕私家車沿沙田圍路往馬鞍山方向行駛，至沙田圍路及沙田路交界時，與另一輛私家車相撞，司機及車上兩名乘客受傷，清醒送院治理。涉案督察承認「不小心駕駛」罪，但否認「危險駕駛引致他人身體嚴重受傷」罪，周五（2 日）在沙田裁判法院受審。
呈堂片段顯示，被告駕駛期間以藍牙通話，夾雜粗口埋怨工作，直至駛到案發地點前一段路，通話中斷。辯方指，被告同意當時衝紅燈，但強調他是「睇錯燈」，質疑「係咪等於危險駕駛？衝紅燈 by itself 唔一定係。」
裁判官則指，片段見撞車前 4 至 5 秒已轉紅燈，又指「睇錯」並非絕對辯解，稱「衝紅燈唔一定係危駕，但而家唔止係咁，盞燈轉咗幾耐？」案件押後至 5 月 23 日裁決。
甫開庭書記讀出控罪，身穿深藍色西裝的被告王昶然表示：「唔認罪，但我認不小心駕駛。」辯方表示，被告承認不小心駕駛的錯誤，不爭議事發經過，也同意當時衝紅燈，但質疑行為「係咪等於危險駕駛？衝紅燈 by itself（本身）唔一定係。」
控辯雙方的承認事實提到，被告向到場警員表示：「沿沙田圍路左三線向威爾斯方向，期間睇錯後一盞燈於是照過路口，當我見到架車都即刻踩剎車，但都係撞咗埋去。」辯方並同意，被撞車輛乘客陳國文骨折的傷勢，是由撞車導致。
被告駕駛期間以藍牙通話
夾雜粗口抱怨工作
控方於庭上播放王昶然行車攝錄片段，顯示當日王駕車從沙田警署駛出，甫開車便開始講電話。對話中較大聲的一方表示「開咗藍牙啊屌」，期後沿路繼續通話並夾雜粗口抱怨工作，直至駛到案發地點前一段路，通話突然中斷，再行駛一段直路後，被告車輛衝紅燈，片段中斷。
裁判官施祖堯問，當時被告是否在講電話，又提到通話中聲音較清晰一方在埋怨，而「按常理應該把聲清啲多數係車入面嗰個人」。辯方表示：「我冇咁嘅資料，冇咁嘅常識，但可以肯定其中一個係被告。」其後辯方向裁判官確認，通話中較大聲一方是被告。
辯方另指，案發前通話已中斷，惟裁判官質疑：「（通話）冇嘅方式唔係『byebye』，係 cut 咗線。」辯方續指：「（佢）未到（事發）街口之前已經冇再『喂喂喂』。」
記者欲取承認事實被拒
辯方：「佢哋聽到幾多寫幾多」
休庭期間，記者分別向控方及法庭書記索取庭上已讀出的承認事實，書記給予記者後，辯方大律師傅昶生問：「佢哋係邊個？」，指不應向記者提供承認事實，「佢哋聽到幾多寫幾多，我哋不嬲都唔會畀記者。」傅又問控方意願，控方指：「我哋都唔認為要畀。」在場記者表示，以往其他案件大多會向傳媒提供承認事實。傅即問：「你做咗幾多年？我 1984 年開始做」，及後要求記者交還承認事實。
被撞司機：「撞完頭暈，衝擊力都幾大」
控方傳召案發時被撞車輛司機許煥。辯方問許撞車後被告車輛位置，「架車有冇衝前，定係停咗喺嗰個點？」許指：「撞完之後我唔清楚，我個頭都暈晒，個衝擊力都幾大。成車人都被嚇親。」
辯方其後問及許駕駛車速，許指當時剛起步，時速約每小時 10 至 15 公里。辯方追問：「啱啱起步係 10 至 15，但之後已經遠超 40？」許回答指是正常起步，並在官追問下補充「轉彎啱啱打直佢架車就隊過嚟」，又確認當時正駛出沙田路。
辯方打斷指：「佢（證人）係話啱啱起步正常，之後佢速度話似乎係高。」裁判官和控方均表示證人並無說過。之後庭上播放盤問錄音，確認證人只答過兩次「唔知道」。辯方隨即表示：「我宜家 put 嘅 case（指出案情）係佢話唔知道，佢的確冇同意（車速高）…」
被告作供承認「睇錯燈」
控方完成案情，辯方表示被告王昶然選擇作供。
王庭上供稱，現年 29 歲，於英國取得碩士學位；其父親同是警察，是日亦有到庭旁聽。王續指，案發當日要上班，案發前剛從沙田警署下班，駕駛其母親的私家車回將軍澳住所，並透露母親是退休警察。
王續指，開車後他收到電話，於是用車內置設備接通來電，「用軚盤聽電話，邊行邊講。」被問及談話內容，王指是與同事朋友閒聊「冇咩特別」，「都係講瑣碎事，工作交流意見閒聊」，強調並非掛心的事、不影響駕駛，又指「當時冇嘢做，唔趕時間」。王又指，車輛駛至案發燈位時通話已經結束，「我有『喂』過幾聲 double confirm（確定）收咗線」，並指當時車速約每小時 40 公里。
王又說，駛至案發十字路口燈位停線前，曾兩次望過燈號，確認為綠燈，「之後見到右前方有架白色七人車高速喺我前面駛過，我有剎車同向左扭軚，但都係收唔切掣。」他指，事後有下車檢視情況，得知其車撞到七人車左邊車門，雙方同意報警處理。被告指，事後有向警員表示「睇錯燈」。被問及七人車的車速，他則指「幾快我唔清楚，係快過我揸嘅速度。」
另外，事發時王調職至沙田警署 4 個多月，他供稱自己該段時間駕車往返警署和住所的路段少於 10 次，並指「我平時係搭巴士返工」。控方盤問時質疑為何其供詞沒提及「一般搭巴士，間中會揸車」？王同意「咁講係比較好。」
王另同意撞車前看到七人車，「我見到佢，exactly（確實）幾遠我唔記得」。控方指出，直至撞車前，王都沒有減慢車速，王初指不肯定，之後補充指：「我承認望到綠燈後，我順住合適嘅駕駛速度駛出，見到白色車之後即時剎車扭軚。」
官指片段見撞車前數秒已轉紅燈
裁判官於辯方結案時提及，呈堂片段顯示撞車前 4 至 5 秒已轉紅燈，又指遇到案發十字路口應加倍注意。辯方強調被告是「睇錯燈」，官則指「睇錯唔係一個絕對辯解」，又說「衝紅燈唔一定係危駕，但而家唔止係咁，盞燈轉咗幾耐？」案件押後至 5 月 23 日上午裁決。
被告王昶然（28 歲，報稱警務督察），被控於 2024 年 8 月 3 日，在新界沙田沙田圍路與沙田路交界近燈柱 N0688 在道路上危險駕駛汽車，即展示登記號碼為 ZA2575 的私家車，引致陳姓男子身體受嚴重傷害。案件由新界南總區交通部特別調查隊跟進。
STCC370/2025