《反恐條例》首案，7 人不認罪，周二（14 日）在高等法院踏入第 16 天審訊。認罪被告、自稱「屠龍小隊」隊長黃振強續接受盤問。辯方關注黃自本案首提堂，至交付至高院約 3 年時間均不認罪，其後突然約見警察稱盼「交代事情」。黃重申想「交代返個事實」，又指是「出於自己個責任感或者良心囉」。
馬再引黃與控方的認罪商討信件，當中提及黃要在 5 罪中承認 2 罪，兼且完全同意控方案情，其餘 3 罪才可存檔法庭。黃同意。馬遂指，黃承認的案情中，有部分內容與庭上證供有出入，是否因「控方講得好清楚，案情寫乜你就要同意，否則個認罪協議告吹」。
法官張慧玲其後修正問題，指「你知係錯，明知係咁都認？」黃同意。官追問「要認晒，（其他罪行）先擺喺法庭檔案，呢個係你理解？」黃答「係」。
辯方指黃三度向法庭投訴
被捕時遭警暴
7 名被告中，6 人的法律代表已完成盤問黃振強。最後一人、被指協助「屠龍」籌款的女被告劉佩凝，其代表大狀馬維騉周二續盤問，並著墨黃由不認罪改認罪的時序。
馬指，黃在 2022 年 10 月 3 日，否認本案「串謀犯對訂明標的之爆炸」等罪、案件正式交付高院審訊；至翌年 3 月 18 日被加控「串謀提供或籌集財產以作出恐怖主義行為」，控方當時要求兩案合併高院審理。而黃同年 8 月 28 日改認罪。黃同意。
馬指，由首提堂起計，相距達 34 個月，「應該都好足夠長嘅時間畀你冷靜落嚟反思諗下個路向㗎啦？」黃解釋時值新冠疫情，「法律文件好遲先收得齊」，又覺當時法援委派律師「對我唔太上心」，故認為未獲有效法律意見下，自行判斷不認罪。追問下，黃同意對方提及，若在交付高院前認罪，可獲三分之一刑期扣減。
被問為何約見警「交代事情」
黃：出於責任感或良心
對於黃早前供稱， 2023 年 5 月在羈留所內，要求見警方「交代事情」；馬周二追問其目的，黃重申「想交代返個事實出嚟囉」。馬問，黃是想「良心過意得好啲」，想做證人協助警方，還是想認罪商討、獲得減刑？黃重申「想交代呢個當初嘅事實經過」。
黃其後進一步解釋，「當時都還押咗 3 年幾，沉澱咗 3 年幾，我認為我有責任去講返事實出嚟，去協助返法庭…」馬追問，「你呢個說法…係因為出於良心發現，定係出於希望警方就住你合作，有所回報畀你？」黃答，「我諗係出於自己個責任感或者良心囉」。
黃確認明知事實有誤仍照認案情
馬再指，律政司之後在認罪商討的信件中，提出黃須承認兩罪，即「串謀犯對訂明標的之爆炸罪」及「串謀提供或籌集財產以作出恐怖主義行為」，以及完全同意控方案情（agree and accept in full），就可不繼續起訴其餘 3 罪，歸法庭存檔。黃同意。
馬其後指黃的承認案情，有部分內容與庭上證供有出入，舉例指，案情提及 2019 年 9 月的台灣軍訓，是為 12.8 「恐怖主義活動」做準備；而黃庭上稱，台灣軍訓與 12.8 行動沒關。黃同意。
馬指，「你無提出，因為控方講得好清楚，案情寫乜你就要同意，否則個協議告吹」。此時控方要求陪審團避席，其後法官修正問題，「你知係錯，明知係咁都認，係咪因為當時你理解，總之案情講乜你都要認」。黃同意，其後指「認罪要認晒囉」。官再問，「要認晒，（其他）先擺喺法庭檔案，呢個係你理解？」黃同意。
馬再指，黃在案情中，僅承認「育龍」帳戶由他和劉佩凝共同使用、管有，而沒交代「屠龍」「軍師」林銘晧有份。黃同意沒交代，但指「份案情唔係我寫」。
辯方指社運前已頻下注
質疑黃稱藉賭博紓社運壓力
馬另就黃的賭博習慣盤問。按黃振強早前口供，他承認曾使用「屠龍」小隊所獲捐款賭博，並稱「當時我覺得呢種係我用嚟紓壓嘅方法，雖然唔係咁好嘅途徑」。
馬周二指，黃的馬會戶口在 2019 年 1 月至 12 月均有投注紀錄，而在 1 月、案中的社會運動爆發之前，「簡單講，都好頻密，有時差唔多日日賭，有時最多隔 2 至 3 日賭」，黃稱接受說法。
馬再指，黃早前盤問下稱，同年 8 至 12 月賭博，因要紓緩社運壓力，「呢個說法好明顯站唔住腳」。黃答之前有投注，但「話減壓站唔住腳係唔同意」。追問下黃續指「當時賭錢係我一種紓壓嘅方式之一，而唔係因為壓力而要賭錢」。
馬再質疑，「你咁樣賭法，咁密，一百幾十、一百幾十咁，紓唔紓到壓呀請問？」黃稱不記得。馬追問，「紓唔紓到壓都唔記得？」黃答，「相信 2019 年社會運動之前嘅壓力，一定無社會運動嗰陣咁大嘅，但紓唔紓到壓，我就唔記得喇」。
黃追問社運時賭錢蝕款
辯方貿疑「想畀陪審團講唔係輸好多？」
在馬盤問社運期間賭款時，黃突然問整個社運期間，他賭錢蝕款多少。馬指，以 9 至 12 月計，「你輸咗超過 10 萬」。黃指，「即係社運 4 個月期間，我總共輸咗 10 萬蚊？」馬問，「你意思係想畀陪審團講，你都唔係輸好多啫？」黃反駁指，「吓，我無咁嘅意思喎，點解你咁樣曲解我嘅？我剩係想知我輸咗幾多錢咋喎」。
馬再援引黃戶口入帳紀錄，涉多筆財務公司借貸、他人轉帳等；而獲款前，黃多次結餘不足一百元，獲款後部分又轉至馬會戶口。其中一筆他人轉帳，備註提及「慳啲使啦死仔包」。黃否認此類轉帳是「江湖救急」（借錢）。
馬再指，黃在 2019 年 8 月前，戶口基本上結餘以千位計，而 8 月最高金額是約 2 萬元。黃同意。馬質疑，黃主問稱曾為「屠龍」隊員掏出 5 萬元積蓄使用，但戶口不見有此金額。黃稱該 5 萬元是「家長」給他的現金，「嚴格嚟講，呢啲係我作為個人示威者嘅錢」。官追問，此筆金額不是他的上班工資，「係你做示威者…而你認為呢個係你積蓄？」黃同意。
HCCC164/2022、HCCC255/2023