持續更新|蔡天鳳案Day40 鄺球:對肢解負全責 與兩子無關

蔡天鳳案 Day40 持續更新

分享:

報道涵蓋庭上描述的案件過程細節,或會引起不安。

鄺球(繪圖:@wongyukkkshan) 蔡天鳳
鄺球之前在被告欄聽審。(繪圖:@wongyukkkshan)
14:50 鄺球稱不知譚家十億售米線公司

郭莎樂提到,及後蔡與譚方駿交往,她可從譚家得到金錢,因為譚家亦家境富裕。鄺球回應:「我唔知道喎,我都唔知道譚家富唔富裕家庭,我都唔識呢個人」。郭莎樂提到,譚家以 10 億出售米線公司。鄺球表示不知道,「我喺廣州,我點知你香港譚仔嗰啲嘢啫,我都唔識呢個人,我都唔食米線嗰啲嘢嘅,只不過第一次見阿譚生呢,係佢嚟囈我幫佢搞澳門賭債嗰啲還款啫嘛,第一次見佢。」

對於鄺球指他於國內有業務,郭莎樂續引述出入境紀錄,顯示鄺球於 2017 年有 78 天不在港,指出他並非在國內有大量生意來往,而是作為前警員,以退休金維生。鄺球否認。郭莎樂續指,蔡所擁有的錢屬於她自己、其母親及譚家。鄺球表示,「我唔知佢有啲咩錢,總之我付出咗嗰啲錢係匯嚟畀佢,負責支付我鄺家生活費、開支嗰啲嘢」。

針對購入加多利山單位的情況,郭莎樂指鄺球當時與地產經紀商討決定有 690 萬佣金。鄺球指當時沒有與地產經紀商討,「冚唪唥都係由 Alex 同 Abby 同地產經紀傾」。鄺球再指,他前往維港星岸時,「Abby 話有一疊文件,有關買樓嗰啲,擺喺屋企,叫我得閒就簽晒佢」。

庭上早前提及,譚方駿早前在澳門曾欠下賭債,最終有人到香港向譚家及蔡追數。鄺球指,當時譚老先生還 500 萬予債主,另外再付 45 萬予人處理還錢。郭莎樂追問,所以 45 萬屬於鄺球?鄺球否認,表示「我冇能力去做呢啲嘢」,亦強調「我義務幫佢㗎」。鄺球補充「處理完呢單收數債項,大約過咗兩、三個星期,匯豐銀行打電話畀我,就話有筆 500 萬錢入咗我戶口,就想問吓呢筆錢來龍去脈,跟住我就話呢啲錢係幫朋友去處理嗰啲債務問題嘅」,又指 45 萬中介費「有 30 萬係香港啲人幫手做嘢,15 萬係澳門啲朋友幫手做嘢」。

14:24 鄺球承認購入勞斯萊斯時 妻破產令未解除

安華暉完成盤問,由控方、資深大狀郭莎樂盤問鄺球。

郭莎樂指,鄺球並無證據證明,他在退休後在中國有賺錢;鄺球同意。郭莎樂引述指,鄺球協助鄺港智還錢予盜竊案的事主,是為了讓鄺港智免被拘捕。鄺球否認,指賠錢於受害人「可以減輕咗佢嘅罪責」。

郭莎樂質疑,鄺港智於 2015 年犯案,既然鄺球成功賺錢,為何他於 2019 年才為兒子還款。鄺球回應,「冇特別原因㗎,適當時間咪賠償囉,搵律師搞囉」。郭莎樂續指,鄺港智於 2015 年犯案,為何鄺球供稱他向蔡定期匯錢,但鄺港智又急切需要錢。鄺球表示當時不知鄺港智急切需要錢。

郭莎樂再問,即使是 2009 年之前,他從國內匯錢回香港予蔡?鄺確認指,「佢哋一結咗婚開始之後,就由 Abby 開始負責收錢」。法官打斷指,2009 年時蔡年僅 15 歲。鄺球重申,當二人婚後,便從國內匯錢回港,由蔡負責收錢。鄺球又提到,他之前亦會把國內賺到的錢匯予妻子李瑞香。

郭莎樂追問,由 2017 至 2019 年間,鄺球匯多少錢予蔡?鄺球供稱每月匯 30 至 40 萬。郭莎樂提到,但他的妻子李瑞香於 2017 年破產,李於 2021 年才解除破產令。鄺球確認,指妻子當時「自己同啲女人去做呢啲生意、時裝生意,佢自己做生意失敗佢嘅事啦,關家庭啲錢冇相干㗎,佢自己喺出邊做生意」。郭莎樂續指,當時鄺球沒有與妻子提到自己可以協助她?鄺球表示沒有。至於鄺球於國內擁有勞斯萊斯,鄺球指他於 2019 年後購入車輛。郭莎樂追問,當時妻子的破產令尚未解除,但鄺球又在澳門購入勞斯萊斯予兒子?鄺球確認。

蔡天鳳案 控方外聘資深大律師郭莎樂(翁志偉攝)
控方外聘資深大律師郭莎樂(資料圖片/翁志偉攝)
13:45 鄺球否認襲擊蔡天鳳

安華暉指出,事發當天下午,鄺球供稱當時鄺港傑表示蔡失去意識,而鄺港智則在哭,但事實上並非如此。安華暉指,鄺球作為前警員,在發生這種情況下與兒子在停車場會面,並不可能。鄺球表示不同意,強調他早已身處大尾篤「做緊運動」。

安華暉指出,關於該次通話,當時鄺港傑致電予鄺球告知發生嚴重事情,但鄺球沒有着他報警、叫救護車、去醫院,卻着鄺港傑到大尾篤與他會面。鄺球確認,「佢嚟到我睇咗之後,發生咩事先囉」。安華暉表示,其實當時鄺港傑致電表示蔡想與鄺球溝通。鄺球否認。

安華暉續指,當他們到達大尾篤後,鄺港傑及鄺港智下車,數分鐘後二人返回車輛,發現當時蔡已躺在地上,沒有知覺、大量出血。鄺球表示不同意。安華暉指出,當時鄺球即表示「而家唔好講住」,先回村屋。鄺球不同意,但提到有回村屋。

安華暉形容,當鄺球上車後,蔡非常生氣、對鄺球無禮,堅決禁止鄺球與兩孫兒見面,從而引發鄺球生氣。鄺球一概表示不同意。安華暉追問,假如事實如鄺球所指,為何鄺球要如此對待蔡的屍體?鄺球回應「維護兩個仔囉」。被告欄內的鄺球托頭、皺眉及閉眼。

安華暉續指,鄺港智事後嘗試潛逃不果,於碼頭被捕,鄺球亦知道鄺港智過往乘快艇往返中港兩地。鄺確認。安華暉形容,鄺球的行為其實並無協助到兩名兒子。鄺球回應「當時我覺得係可以幫到囉」。

安華暉向鄺球指出,「其實是你襲擊 Abby?」鄺球搖頭表示「冇」、「唔同意」。

安華暉提到,當鄺球與蔡於 2022 年在加多利山單位衝突後,鄺球沒有再返回單位,他清楚知道自己不受歡迎。鄺球表示「唔係,我唔返去,點會唔歡迎啫,層樓我個名嘅,我幾時返去都得啦,我唔想見佢,見 Abby 啫嘛。」

安華暉又形容,即使兩孫兒住在加多利山單位,但鄺球亦不會到訪,因為蔡會透過 CCTV 看到鄺球。鄺反問「有咩麻煩吖?」,「又鬧交呀?鬧咪鬧囉,我返去睇孫都得㗎」。安華暉提到,正因如此,鄺球於 2 月 21 日當天準備與蔡會面,鄺球回應「當然唔會啦,點會 21 號同佢見面,見面個目的是為咗乜啫,有啲咩電話聯絡都得啦」。針對出售加多利山單位的情況,安華暉指由鄺港智說服鄺球簽署授權書?鄺球不同意。

12:30 鄺球稱購電話卡僅為遵守實名制新規

安華暉詢問,鄺球購入 2 張新電話卡,目的僅為方便自己和鄺港智遵守 2 月 23 日起實施的電話卡實名制新規。鄺球同意。安華暉續指,購買新電話卡與鄺港智打算潛逃無關。鄺球同意。

安華暉再問,鄺球是否並無計劃與鄺港智共同傷害蔡。鄺球同意,「當然喇,冇呢個計劃」。鄺球表示,鄺港智身體較長子鄺港傑弱,「身體弱少少囉,冇阿哥咁強壯囉」。安華暉提出假設性問題,詢問鄺球假如有計劃傷害蔡,是否不考慮讓鄺港智參與,因鄺港智性格較軟弱(soft)、自我中心(self-centered)。鄺球同意,「可以咁講囉」。

鄺球表示,不清楚鄺港傑、鄺港智的抗辯理由,亦沒有就此事與兩個兒子溝通。安華暉續問,事發後鄺球是否曾和鄺港智討論過當日的事情,鄺球稱「冇」。鄺球供稱,在 2023 年 2 月 21 日當日收到鄺港傑電話,因此兩車在大尾篤停車場會合。安華暉詢問,通話內容是否提及蔡想與鄺球見面討論孫輩事宜,鄺球否認。

12:00 鄺球稱不知蔡拒讓見兩孫

安華暉又提到,庭上早前播放蔡生前與母親張燕花的語音訊息對話,當中以難聽的說話罵鄺家,特別是鄺球。鄺球確認。

安華暉再指,及至 2022 年,蔡對鄺家的態度惡劣?鄺球稱「佢同佢阿媽對話我都唔知喎,因為佢冇直接同我對過話吖嘛,係背後講人哋呢啲,係小人嚟嘅囉,我覺得」。安華暉形容,蔡當時看不起鄺家?鄺球回應,「點解睇唔起我屋企人啫?佢收咗咁多錢,負責 banker 一個咁嘅角色,啲錢邊個畀佢呢?」

安華暉提到,但譚家更為有錢。鄺球稱,「我唔知佢有幾多錢,佢有佢嘅嘢,我有我嘅嘢,佢譚家還譚家,哈哈、係咪?我搞得掂屋企嘅所有嘅生活就 ok 㗎啦」。

安華暉續指,在發燒事件衝突後,蔡拒讓子女見鄺球。鄺球稱蔡「冇直接同我講呢樣嘢⋯⋯你講畀我聽,我先知啫嘛」。鄺球亦於 2022 年 6 月至 2023 年新年期間見兩孫。安華暉再問,是否有人告知他,蔡對此非常生氣?鄺球表示沒有。安華暉提到,蔡於新年期間無法與子女 FaceTime。鄺球回應,「冇得 Facetime 好簡單姐,打電話畀我咪得囉,咪可以同佢直接 Facetime,佢唔鍾意打畀我,咪叫阿 Chris 打畀我一樣咋嘛,同埋我冇必要拒絕佢,唔畀兩個孫同佢 Facetime 㗎」。

安華暉提到,庭上證供顯示當時蔡致電多人,但沒有致電予鄺球。鄺球反問「係囉,點解唔打畀我呢」。安華暉表示無法代蔡回答問題,鄺球稱「嬲好多藉口嬲㗎嘛,樣樣嘢都可以嬲㗎每個人」。安華暉再指,鄺球知道蔡堅決地拒絕讓鄺球再見兩孫。鄺球稱他不知道,而他在自己與妻子的生日、農曆新年期間,亦曾與兩孫見面。

安華暉追問,鄺球有否想到他與妻子過生日時,蔡作為前媳婦並不在場?鄺球回應,「啲年青人好多節目㗎嘛,我點知佢係咪過咗澳門賭錢嗰啲啫,你都嗌得前新抱,人哋嘅自由嚟㗎嘛」。鄺又形容,「呢啲好小問題姐,佢唔出席咪唔出席囉,唔通佢唔出席我就唔開心咩,佢出席我就好開心咩。冇咁嘅必要,得閒佢咪出席囉,唔得閒咪唔出席囉」。

安華暉再問,如果不讓鄺球見兩孫兒,鄺球會感到非常不高興?鄺球反問「唔可以見?邊個權力唔俾兩個孫見我呢?有咩可以法庭解決㗎嘛」,又指「當然唔開心喇,如果唔俾見兩個孫」。安華暉形容鄺球亦會感到生氣?鄺反問「唔開心同嬲有咩分別吖」,又形容「其實唔開心呢樣嘢,我可以克制到嘅自己,如果佢真係唔俾我見啲孫嘅,就去家事法庭解決囉」。

安華暉質疑,但蔡獲得兩子女的撫養權。鄺球稱「但係撫養權佢都要俾我個仔 Alex 見㗎嘛,每個星期起碼見一兩次喇,呢啲係一般家事法庭做法嚟㗎嘛」。安華暉重申,事實上鄺港智被通緝,而蔡則負責主導,假如蔡禁止鄺球見兩孫,鄺球亦沒有辦法?鄺球回應「咁咪搵律師去處理囉,睇吓可唔可以做到囉,或者打官司囉」。

至於控方指鄺港智依賴蔡供養,鄺球強調鄺港智並非依賴蔡,而是由蔡負責「一個 banker 角色,邊個需要錢用嘅,就由 Abby 畀需要錢用嘅每個人、家庭成員」。安華暉再指,鄺港智於國內亦有賺錢?鄺球指「我冇理佢賺咩錢嘅」。

安華暉又針對出售加多利山單位一事提問,指當時打算搬到屯門,而鄺港智並無不滿?鄺球表示「個個都冇問題㗎,我都冇問題㗎,任何嘢都係為兩個孫啫嘛」。針對租用龍尾村村屋的情況,鄺球指由他自己決定,兩名兒子均沒有參與。至於鄺港智曾於 2 月 11 日短暫逗留在單位內,安華暉問當時沒發生事情?鄺確認,指當時煲、砧板及刀具等均在廚房,但他沒有留意到鄺港智有否進入廚房。

11:45 鄺球確認曾罵蔡為「生仔機器」

安華暉再指,鄺球與鄺港傑的關係,相較於與鄺港智更親密?鄺球表示「唔同意,一視同仁,兩個」。

安華暉又提到,鄺港智無法登記自己的銀行賬戶。鄺確認,指所以鄺港智從蔡手中取錢。安華暉續指,鄺港智亦會匯錢回港。鄺球稱「呢樣我唔清楚,佢有佢寄,我有我自己嘅運作」。

安華暉提及,鄺港智曾涉及盜竊案,而鄺球與蔡則負責還款予受害者?鄺球稱由他本人負責,共透過律師還 600 多萬予受害人。

安華暉再針對發燒事件提問,質疑鄺球把事件描述得輕描淡寫。鄺球庭上指,「呢個其實係一種家庭嗌交嘅嘢,係好小問題嘅嘢,係我心目中」。安華暉再指,鄺球當時不是只用手指篤蔡,而是曾打她。鄺球否認稱「冇打佢,如果打佢,報咗警喇」,強調「冇嘗試、冇咁嘅意識想打佢,係想鬧交啫」。

安華暉提到,鄺球當時罵蔡為「生仔機器」?鄺確認。安華暉再指,鄺球當時意思是,她為譚方駿父親誕下兩孫,從譚家得到金錢?鄺球否認。安華暉續指,當時二人互相大叫。鄺球回應「係吖係吖,鬧交係咁㗎啦,一人一句來來回回㗎嘛」。安華暉形容,當時令鄺球生氣是因為蔡對鄺妻子不尊重?鄺球確認。安華暉再指,蔡有時對鄺家不尊重?鄺球表示「佢唔係唔尊重我家人,佢係 180 度轉變咗,啲性格,原因就係話,佢知道 Alex 喺大陸有條女」。安華暉提到,但蔡與鄺港智一直關係密切?鄺球回應「可以咁講嘅,都親近嘅」。

11:07 鄺港智與蔡母同住
鄺球否認與鄺港智關係欠佳

代表鄺港智的辯方大律師安華暉開始盤問,指鄺球供稱曾任職警長,有多次上庭作供的經驗,知道在庭上講一個好故事(putting forward a good story)的價值。鄺球不同意,「係講事實吖嘛,唔係講故事,亦都唔係推測、斷估㗎嘛啲嘢」。

通話記錄顯示,2023 年 2 月 21 日中午 12 時 48 分,鄺港智曾致電鄺球。鄺球表示,對這次通話沒有印象,「Alex 好似冇打電話畀我,又或者我冇聽呢個電話」。安華暉指通話內容是關於鄺港智和鄺球討論處理公司文件事宜,與當日之後發生的案情無關,鄺球遂表示,「可能係囉」。

安華暉又指,鄺港智十多歲搬去與蔡母張燕花同住,理由是與鄺球關係欠佳。鄺球不同意,指同住理由是「痴個女朋友囉」。鄺球補充,當時自己在珠海做地產生意,每星期僅在香港一至兩日,「甚至乎佢(鄺港智)去邊度住我都唔知」。安華暉續指,原因是鄺港智不希望鄺球得知自己住處,鄺球反對,「錯」。

辯方代表 安華暉
辯方代表安華暉(資料圖片)
11:00 鄺球確認為保護鄺港智故沒報警

Beel 再提到,鄺港傑於 2011 至 2015 年間在美國留學,由鄺球支付使費。但鄺家於 2015 年遇到危機,因為鄺港智涉及刑事行為,被警方通緝,最終他潛逃國內,留下蔡及兩名年幼子在港;鄺港傑便要回港支援家庭,包括照顧蔡及兩名子女。鄺球一概同意。

Beel 又提到,鄺球於 2019 年退休,而他與鄺港傑於 2020 年 12 月成立投資公司,其子公司又於 2021 年成立;鄺球確認。Beel 又指,他與鄺港傑於 2021 年 4 月 15 日曾到國內簽署文件。鄺球確認。

Beel 又問及公司業務內容。鄺球表示不清楚生意內容詳情,「因為純粹都係 Abby 同 Alex 要求我同 Damon 幫手開公司,所有生意投資嗰啲佢哋兩個自己負責返」。Beel 續問及 2023 年 2 月 21 日事發當天的情況,指當 AA3383 車輛抵達大尾篤停車場時,鄺港傑顯得相當震驚?鄺球同意。Beel 再問,當鄺球打開車門時,看到鄺港智在哭泣,而蔡則面朝下地躺在車內,當時鄺球已發現鄺港智殺害蔡?鄺球稱當時「唔知發生咩事」。Beel 續指,鄺球最終發現蔡已死亡,鄺球當時沒有報警,因為想保護鄺港智?鄺確認。至於鄺港傑當晚返回龍尾村單位,Beel 指他當時留在廁所內,情緒相當激動及整晚哭泣。鄺球確認。

10:45 鄺球指鄺港智為人自我中心

Beel 續問到鄺港傑及鄺港智的性格,指二人性格迴異?鄺球同意。Beel 形容,鄺港傑為人忠誠及擁護家庭。鄺球確認。Beel 再指,至於鄺港智則為人較自我中心,只關心自己。鄺球回應「自我中心囉,可以咁講嘅」。

鄺球又補充,「因為有阿哥(傑)做咗呢 part 嘢,佢就唔使理。我分配晒屋企人所有嘅嘢㗎嘛、工作⋯⋯我吩咐李瑞香,即係我太太,就負責照顧兩個孫 W and X 嘅起居飲食,同埋返學放學;Abby 呢就負責做呢間屋企嘅財政責任,例如我喺大陸匯錢返嚟香港,所有錢都係由 Abby 攞同組織起來,屋企有咩支出就問 Abby 攞 ,Abby 工作係負責畀錢」。

鄺球續指,及至 2019 年,當蔡購入加多利山單位後,鄺球亦已退休回港,「結束晒大陸嗰啲生意,就冇再匯錢落嚟」。鄺球又提到,至於鄺港傑則負責「支援屋企任何大小嘅事務,同埋負責打理嗰啲車輛。仲有 Alex 未講㗎,Alex 負責呢,同 Abby 構思吓有咩生意可以做、投資」。

10:32 鄺球確認曾要求鄺港傑貼帆布

代表鄺港傑的辯方大狀 Trevor Beel 盤問鄺球。Beel 提到,鄺球曾着鄺港傑購入兩個 Ikea 膠箱,以便擺放物品由荃灣搬到龍尾村,所以事發當天 VY9157 內有膠箱;鄺確認。

Beel 再問及龍尾村裝圍欄的問題。鄺指當時業主提議裝圍欄,「多個私人空間喺度燒嘢食,佢話間間村屋都係咁喇,你睇吓隔籬都係咁整」。Beel 再指,鄺球沒有明確向鄺港傑提到要購買甚麼物品,但鄺港傑則主動購入索帶及繩等。鄺球確認。

庭上證供早前提到,有一次蔡的長女 X 發燒,鄺球與蔡於加多利山單位發生衝突。Beel 問,該次衝突後,如果鄺球使用 AA3383 車輛,蔡會感不滿?鄺球回應,「我唔知佢高唔高興,我不嬲都唔鍾意坐 3383 架車嘅,佢留返畀屋企人用㗎嘛,都唔係畀我用」。

Beel 續指出,鄺球需要一輛車把物品從荃灣搬到龍尾村、鄺球購入絞肉機;而當時只有鄺球向店員查詢碎骨機,而鄺港傑當時只詢問價錢,得知價錢後表示很貴。鄺一概確認。Beel 又提到,鄺球從未告知鄺港傑他租用了凱旋門單位?鄺確認。至於單位內的藍白色帆布,鄺球指在蔡遇害後,他着鄺港傑貼好帆布。

辯方大狀 Trevor Beel。(攝:張凱傑)
辯方大狀 Trevor Beel(資料圖片/張凱傑攝)
10:15 鄺球稱為肢解負全責

鄺球續指,當抵達龍尾村後,他便從 VY9157 取出膠箱,內有垃圾袋,並交予鄺港傑,而鄺港智則仍在 AA3383 內。鄺球再打開村屋大門,把垃圾膠袋放在屋內,脫下外套,再返回 AA3383 車輛。鄺球供稱,當時「我繼續安撫 Alex,叫佢鎮定啲、唔好再喊,咁冇幾耐,佢就停咗、冇再喊。」鄺球着鄺港智「落車先啦、抖吓氣先啦、食枝煙先啦」。

而鄺球則繼續在車內「諗吓用咩方法可以將 Abby 搬入去單位裡面,跟住呢我就攞咗一張被,3383 車廂裡面有張薄被,包住 Abby」,他再着鄺港傑取出膠箱,他嘗試把蔡放在箱內,最終成功把蔡放入箱內。

鄺球供稱,隨後着鄺港傑與他一同搬膠箱,「裡面有 Abby 個屍體喇,搬入去龍尾村單位,56B 地下裡面」,並着兩名兒子盡快離開單位。隨後兩兒子離開後,「我就企咗喺度,我自己都唔知做咩企咗喺度,對住嗰膠箱呆咗」。

戴偉奧提到,最終蔡的遺體「發生了些事情,她的屍體被切開」。鄺回應「係」。戴偉奧再問,鄺球是否對此負全責?鄺哽咽稱「係」。戴偉奧再問,此事與兩名兒子有沒有關係?鄺球回應「冇關係」。戴偉奧問:「是否有一個計劃殺害 Abby?」鄺回應「絕對冇」。戴偉奧問:「你是否知道是否有人有任何計劃殺 Abby?」鄺稱「冇」。

戴偉奧提及,鄺港傑於事發當晚曾返回龍尾村單位,當時他做了甚麼。鄺球回應「佢都冇入過呢啲房,佢喺廁所呀,佢要冷靜吖嘛」。

戴偉奧另提到,鄺港智被捕時,身上有凱旋門單位的租約副本。鄺球指他把租約及凱旋門單位鎖匙交予鄺港智,因為「原本個單位呢我係租畀我女朋友住嘅,但佢仲住喺銅鑼灣地方,佢租約未滿」。

辯方完成主問。

10:00 鄺球:於大尾篤收到鄺港傑電話

次被告鄺球續出庭作供,由辯方大狀戴偉奧主問,問及事發當天、即 2023 年 2 月 21 日的情況。

鄺球供稱,當天早上 11 時他駕駛 VY1957 車輛到大埔龍尾村,「做吓嗰啲運動吖,同埋散步嗰啲活動」,亦在村口的餐廳午膳。他隨後再駕車到教育大學打算提款,因為有朋友向他借 5 萬,他打算提款再帶回國內。但最終他沒有攜帶提款卡而作罷,他再駕車到大尾篤停車場泊車,「跟住就做運動,拉吓筋吖,同埋少少緩步跑嗰啲」。

戴偉奧問:「當你身在停車場時,有否發生任何事?」鄺球沉默數秒回應「呃,有」。戴偉奧再問:「發生甚麼事?」鄺一度垂頭、再沉默數秒,法官祁彥輝提醒,如鄺球有需要,可隨時提出休息。鄺表示可繼續作供,並取出紙巾拭眼,語帶哽咽稱「Damon(鄺港傑)就打電話畀我⋯⋯佢話有啲好緊要嘅事發生咗,好嚴重嘅⋯⋯佢跟住喺電話度講,『Abby(蔡天鳳)好似冇晒意識,Alex(鄺港智)呢就喺度喊』⋯⋯佢問我喺邊度,我話喺大尾篤停車場嗰個位置,我叫佢『你揸車嚟會合我先』,我喺大尾篤停車場度等佢」。

鄺球續指,他在等待十多分鐘後,鄺港傑駕駛 AA3383 到達。鄺球上前透過車窗看見,「Alex 呢就坐喺座位上邊」、「坐喺度喊」,「Abby 呢就瞓咗喺個車地下嗰度」。

鄺球續哽咽稱,他遂再打開車門,上車後「咁我就摸摸 Abby 嗰個呼吸,用隻手喺個鼻嗰度睇吓佢有冇呼吸」。鄺球形容,當時蔡面向地,鄺球則「移一移佢個身體,摸摸佢個心臟」,發現她的心臟「冇跳動、冇郁動」,再摸她手上的脈搏,「察覺到佢冇脈搏跳動,好明顯呢係冇咗生命嘅跡象」。戴偉奧形容,當時鄺球相信她已死亡。鄺確認,隨後他亦「安撫細佬唔好喊喇」,另考慮到大尾篤有人「行嚟行去」,遂着鄺港傑「返村屋先喇」。鄺球亦離開 AA3383,駕駛 VY9157 返回龍尾村,鄺港傑亦駕駛 AA3383 隨行抵達龍尾村。鄺球提到當時沒有看到血跡。

蔡天鳳 鄺港傑 鄺港智 鄺球
(左至右)被告鄺港傑、鄺港智、鄺球

3 人被控謀殺、阻止合法埋葬

被告依次為鄺港傑(31 歲,司機)、鄺球(65 歲,退休人士)及鄺港智(28 歲,無業)。鄺港傑由大狀 Trevor Beel、劉奕勤、李宣儀代表;鄺球由大狀戴偉奧(Oliver Davies)及羅天祺代表;鄺港智由大狀安華暉(Andrew J. Raffell)、劉皚淇及鄧樂齊代表。

控方由外聘資深大狀郭莎樂(Charlotte Draycott)、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝(Brian Keith)審理。

3 人承認阻止合法埋葬屍體罪,否認謀殺罪。阻止合法埋葬屍體指,3 人於 2 月 21 日至 23 日期間,在香港阻止蔡天鳳的屍體被合法埋葬;謀殺罪指,3 人在 2023 年 2 月 21 日,在大埔龍尾村 56B 地下謀殺蔡天鳳。

HCCC198/2025