2012 年造成 39 人死亡的南丫海難，死因裁判官周慧珠周三（21 日）裁定死者「非法被殺」。針對南丫四號沒裝水密門，官接納財利船廠董事羅愕瑩供稱，早於設計階段已決定移除水密門，以符合「船總長一成」規例，裁定屬有意識的設計決定，非疏忽或過失。
遺屬庭外受訪指，對此結論感到極度失望、匪夷所思。其中梁淑玲指，「消失的水密門」對意外造成很大影響，聽審時發現海難涉及失誤，「但係我今日聽嘅結論，係冇人有問題，係冇人有錯，咁你覺得我會唔會極度失望？」
另一方面，在海難中痛失女兒、其中一位入稟要求召開死因研訊的遺屬，首次到庭旁聽。他說，當聽到官裁定船廠董事誠實可靠，不禁覺得「咁多年嚟為咩，本來想搵到消失嘅水密門，原來唔重要」，並提到自己 13 年來從未夢見女兒，「本身係諗住裁決完之後，會唔會夢見返呢⋯」
相關報道：
官裁定39名死者「非法被殺」 船廠有意識不裝水密門非疏忽
官裁船廠不裝水密門非疏忽
死因裁判官周慧珠周三（21 日）開始宣讀裁決，預留兩日，裁定 39 人「非法被殺」，並逐一就議題分析，首先提及南丫四號「消失的水密門」。官接納財利船廠董事羅愕瑩供稱，早於設計階段已決定移除水密門，以符合「船總長一成」規例。
家屬方及海事處一方審訊時，質疑羅愕瑩撒謊，以掩飾船廠過失。官則認為，有關質疑沒證據支持，認為縱使羅對規例的理解有不準確，他的確曾考慮該規例而決定移除水密門，不涉誤導，裁定羅為誠實可靠的證人，而財利船廠不裝水密門，屬有意識的設計決定，非疏忽或漏裝。
梁淑玲：對官指水密門不重要感匪夷所思
首日裁決後，遇難者家屬趙炳全、徐志盛、梁淑玲庭外受訪指，對 39 名死者被裁定「非法被殺」不感意外，強調「唔係一個勝利」，指他們最關心的是真相，為何南丫四號迅速下沉、為何水密門消失了。
對於官裁定南丫四號不裝水密門，非疏忽或漏裝。梁淑玲指，「相信海事處同家屬係極度失望」，「佢哋好似講到，嗰個水密門係冇意義，我調返轉頭，想問返佢，咩原因咁多家屬、39 條人命，係會離奇喺短時間內死亡呢？」
她憶述，法官倫明高在 13 年前的調查委員會報告提及水密門一事，「令我哋知道，其實消失的水密門對我哋今次意外有咁大影響，咁我哋呢 13 年，都一直都抱住一個心情，係想知道邊個唔記得裝道水密門，邊個拆咗道水密門，又或者邊個從頭到尾，都冇諗住裝水密門。」
梁淑玲續指，「連專家報告都話，如果有嗰道水密門，唔會喺短時間內沉沒，相信係可以有船返轉頭，救到呢啲海難人士嘅時候，13 年後嘅今日，你同我講，話嗰道門唔重要，我相信在座咁多位，都覺得匪夷所思啦吓嘛。」
徐志盛質疑官將矛頭指向新加坡繪圖公司
根據財利董事羅愕瑩庭上證供，指設計南丫四號圖則時，發現若尾艙加裝水密門，長度會不符「船總長一成」規例要求，故與新加坡繪圖公司「Naval Consult」董事 John Lim 商討後，決定移除水密門。
徐志盛指，「依家好似將個矛頭指去，冇派代表出嚟嗰個（新加坡繪圖公司設計師），變咗係佢不誠實」。梁淑玲補充，「Naval-Consult 同埋 Ken Lo（羅愕瑩）一齊去搞個隻船 design（設計） ，姑勿論新加坡嗰邊其實有晒藍紙、香港法律喺手，就算瞇埋眼畫咗隻船出嚟，隻船個圖紙去到 Ken Lo 到，係咪就可以瞇埋隻眼就出街呢？」
她指，召開死因研訊是希望更了解事件，是次研訊有 80 多名證人作證，「當然都好多謝佢哋，去尋求一個真相，去傾成件事來龍去脈，越聽越清楚知道，原來係因為某一啲失誤，或者係某一啲人以為自己冇錯，去構成呢一件事，但係我今日聽嘅結論，係冇人有問題，係冇人有錯，咁你覺得我會唔會極度失望？」
趙炳全：公義何來
徐志盛表示，「死咗 39 個人之後，就開始各樣修改法例、完善個制度，咁點解要用我哋屋企人嘅命去做呢啲嘢？」當日在船上的趙炳全亦指，「我想問一句，既然嗰道水密門話唔重要，隻船 118 秒沉咗，沉到底，我唔該你解釋，39 條人命（點解）冇咗？感到極度失望，公義何來呢？」
被問及後續行動，梁淑玲指「我個腦依家空白，因為太大衝擊，我諗要過埋聽日，先可以 figure out 到下一步可以做啲乜嘢」。
首旁聽遺屬：13 年來從未夢見女兒
另一方面，庭內家屬席出現一張陌生的臉孔，在其他遺屬受訪時站在後方，側身聆聽——他在海難中痛失女兒、是其中一位入稟要求召開死因研訊的遺屬。
他說，這是他首次旁聽，之前不敢到庭旁聽，擔心聽到庭上供詞會氣憤、傷心，「但都嚟到最後一日，都想親身嚟聽結果。」他提到，當死因裁判官在庭上覆述死者死亡原因時，仍感到心痛，當中聽到 36 人主要是遇溺而死，其餘 3 人包括他的女兒，死因則為創傷性窒息、身體多處創傷等，「即係佢喺意外時應該被嘢撞到⋯」
雖然之前未有親身到庭，他指一直有透過新聞留意研訊進展，認為研訊揭示南丫四號未有安裝水密門，是嚴重問題，並有多名證人就此作供，「證明當年死者家屬決定入稟要求開死因庭係正確嘅⋯點解當年會話唔開呢？真相應該係越多越好㗎嘛。」
然而，當他在庭上聽到官裁定羅愕瑩為誠實證人，「我哋成班都笑，咁多年嚟為咩，本來想搵到消失嘅水密門，原來唔重要㗎。」
他又說，13 年來從未夢見女兒，「唔知係我潛意識裡面，唔想夢見佢呀，抑或唔知點講⋯本身諗住裁決完之後，會唔會夢見返呢⋯」。這些年來，還會想念女兒嗎？他淡然地說「冇得掛住」，但提到家中有女兒的相片，「得閒望吓佢」。
CCDI-1075-1113/2012(MC)