今年 1 月，南丫海難死因研訊宣判，死因裁判官周慧珠裁定，南丫四號沒裝水密門屬船廠的設計決定，並非疏忽；翌日再指，家屬要求海事處隔年驗船時核對圖則，不可行亦不切實際。旁聽家屬當場拍抬、集體離場。
「到而家我都係唔理解法官點解會做個咁嘅結論。」事隔大半年，遺屬梁淑玲仍然不忿。
鍥而不捨爭取召開死因研訊，最後換來更多疑問，他們再提司法覆核盼推翻裁決。不過，幾個家庭都未能通過法援一關，憂慮訟費會如無底深潭，只得止步。
背負重擔 14 年，遺屬趙炳全形容：「而家唔放低唔得，無奈被迫要放低。」梁淑玲慨嘆，多年來一直「咬實牙關」前行，「但而家係唔畀我咬啊，係冇得咬！」，自嘲如洩了氣的氣球，「除咗躺平，我真係諗唔到做啲乜。」
但她強調，無悔爭取召開死因庭，「心水清嘅人係知發生咩事，39 個靈魂喺庭上，亦都聽清楚每個人講嘅說話。」另一遺屬徐志盛亦說，法律程序終結不代表放下堅持，「我喺司法上面冇佢哋符咁解啫，唔可以阻止我愛我屋企人。」
【影片】南丫海難｜不獲法援撤覆核 遺屬：仍然覺得過去14年做得正確無誤 心水清會知發生咩事
南丫海難發生至今近 14 年，家屬爭取多年的死因研訊今年初宣判。死因裁判官周慧珠裁定，南丫四號沒裝水密門屬設計決定，非疏忽亦沒違規。家屬不服裁定，再入稟提出司法覆核。惟最後因不獲法援，無奈終止訴訟。 撤回覆核一刻有否掙扎？背負重擔 14 年，努力是否徒然？ 三名遺屬接受《法庭線》訪問，剖白心聲。梁淑玲慨嘆，多年來「咬實牙關」前行，「但而家係唔畀我咬啊，係冇得咬」；趙炳全形容：「而家唔放低唔得，無奈被迫要放低。」 徐志盛則說，法律程序終結不代表放下堅持，「我喺司法上面冇佢哋符咁解啫，唔可以阻止我愛我屋企人。」梁淑玲亦強調，無悔爭取開庭，「心水清嘅人係知發生咩事⋯⋯我覺得呢 14 年，係做得正確無誤。」 文字報道：南丫海難｜不獲法援撤覆核 遺屬：仍然覺得過去14年做得正確無誤 心水清會知發生咩事
