【實時更新報道】47 名民主派被控「串謀顛覆國家政權」罪一案，周三（12 日）展開第 84 日審訊。施德來第三日作供，他解釋在九東初選論壇發言稱「大家都要否決政府所有嘅議案」，並非在計劃之內，而是因為胡志偉稱要運用否決權、譚得志發言則更進取，令自己「要即場再諗得再進取一啲，而臨場爆肚咁樣講出嚟嘅。」 施又稱，自己發言亦曾提及「否決所有撥款」，屬「不合理的說法」，因為自己都會爭取失業援助金及強積金修例，「所以我無理由會否決所有嘅嘢。」法官問，施是否想比譚得志更進取？施否認，又稱民協最接近票源為民主黨，「所以我應該係集中喺胡志偉嘅說話嘅基礎裡面講得更進取一啲。」 周二審訊時，施稱理解《基本法》第 50 至 53 條，是解決立法會與特首間之嚴重分歧的處理機制，其觀點源於不同文章，包括時任全國人大常委譚耀宗 2020 年 3 月的專訪，又稱譚是《基本法》草委委員，明白條文起草原意，而從譚的說法，理解到當特首選擇解散立法會再重選，「香港人選民可以選擇邊一邊係合理，從而解決憲制危機」。 全日綜合報道： 47人案｜施德來稱林鄭「最少欠香港人一個道歉」 重提「我好鍾意香港」時哽咽 周二報道： 47人案｜施德來引譚耀宗專訪談原意 指理解特首解散立會重選是解決憲制危機的機制 本案 16 名不認罪被告，分別為吳政亨、鄭達鴻、楊雪盈、彭卓棋、何啟明、劉偉聰、黃碧雲、施德來、何桂藍、陳志全、鄒家成、林卓廷、梁國雄、柯耀林、李予信及余慧明。
16:24 休庭 周四續審
16:20 施德來否認有意顛覆國家政權、癱瘓政府
辯方大狀黃廷光問，在完成初選後，施德來重新恢復區議員的工作？施稱，「區議員嘅工作，無論係初選前後定係工作期間，我都係盡力去做。」
法官李運騰問，施其後與初選計劃無關？施稱，「完咗投票，我已經停止咗個選舉工程。」
黃問，施續任區議員，有與政府合作？施稱，「有嘅，亦都我喺區議會裡面其中一個委員會主席，負責審批唔同嘅議案同政府協作。」
施又在提問下稱，其後有為黃大仙區議會秘書處製作年度報告。
黃問，施其後有否繼續爭取民生？施答，「爭取失業援助金，係民協多年嘅工作目標，所以 2020 年 9 月 11 號，我寫咗信，透過黃大仙民政處交畀政務司，去喺新一輪抗疫基金裡面，希望設立失業援助…」
黃其後總結案情問施，有否串謀其他被告否決預算案、逼使政府回應「五大訴求」；是否有意當選後使用立法會權力。施均稱沒有。
法官李運騰笑稱，認為黃沒有清楚指出案情，問施當選後，會否履行立法會議員職責。施稱，「做好立法會嘅角色，係。」
黃續問施，是否有意顛覆國家政權、癱瘓政府？施亦稱沒有。黃稱完成主問。
法官陳慶偉問，有沒有辯方大狀需要盤問？何啟明大狀阮偉明稱有些問題作盤問。
陳其後下令休庭，明日再續。
16:15 施德來稱接受戴耀廷對於初選合法性的想法
辯方大狀黃廷光問，施德來有否聽到戴耀廷對於曾國衞的回應？施稱，「戴耀廷分別喺（2020 年）7 月 9 號下晝嘅記者會，到 7 月 9 號亦都喺 FB 出咗一個嚴正聲明，我 7 月 9 號晚係攞住個嚴正聲明內容，同埋曾國衞嗰篇訪問係去做對比。」
施在提問下稱，他於 7 月 9 日下午有看初選記者會的直播，「因為我知道嗰日朝早已經有曾國衞嘅訪問，所以我都會留意睇下戴耀廷有咩嘢回應。」
施其後續指，「就住曾國衞喺《文匯報》講及嘅 3 條唔同嘅法例，去逐條不同嘅法例去回應嘅，當然包括（國安法）第 22 條，係佢（戴）夜晚嘅嚴正聲明，亦都有再重申一啲觀點，就住 22條(3)，佢再一次重申講唔會係一個非法手段。」
法官李運騰問，施當時接受戴對於初選合法性的看法？施稱，「係我接受咗，我認為佢係合理。」
黃其後問及趙家賢在記者會的發言。李運騰則指已有謄本，毋須證人覆述。李問，聽到趙的發言後，對施有何影響？施稱，「我對趙家賢有認識，過去民協都參與多次民主動力舉辦嘅民主派初選，佢講初選係合法嘅公民權利，我都會加強咗我嘅相信，因為我認識佢都係一個穩陣嘅人。」
黃又轉問初選的結果，李指，不爭議的是，施是落敗。施稱，「落選亦都好低票。」
黃欲問施得票率的百分比。法官陳仲衡質疑有何相關。黃再問同一問題，被告聞言發笑。法官陳慶偉隨即打斷問，為何黃要重複問題？李運騰又問，黃是否想令其當事人感尷尬？黃遂問其他問題。
16:00 施德來稱有閱讀曾國衞指初選涉違法的訪問
辯方大狀黃廷光稱，施德來提到有在 2020 年 6 月 30 日讀過《國安法》條文，並於翌日收到戴耀廷的 WhatsApp 訊息，問他其後有否收到戴有提到《國安法》的訊息？
施稱，沒有收到 WhatsApp 訊息，但有讀到 7 月 6 日記者會的報道。施其後稱，他沒有看到現場直播，但看到 Now 新聞報道，「佢裡面有提到否決《財政預算案》嘅權力同《國安法》嘅關係，所以我有留意依一個環節。」
黃問，施其後有否看到整個記者會內容？他稱沒有。
黃問，除了戴耀廷，施是否認識記者會其他出席者？施稱認識區諾軒、鍾庭耀。黃其後問，施看到報道後，得到甚麼資訊？施稱，「戴耀廷喺開頭嘅時候已經會講到《國安法》實施，特別去就住《國安法》第 22 條同埋 29 條嘅闡述…」
法官李運騰打斷問，即他當時收到的訊息是初選不犯法，不論是普通法例或是《國安法》，且運用否決權都是《基本法》賦予的權力？施稱，「正確，佢嘅 7 月 6 號記者會同 WhatsApp 訊息係一致嘅。」
黃問，即施相信戴的說法？施稱，「因為 7 月 1 號係私人訊息，7 月 6 號係一個公開記者會，係加強咗我嘅相信嘅。」
法官陳仲衡質疑，但施只是從 3 個不同場合，聽同一個人的意見。施稱，他於 7 月 7 日黃大仙區議會，向黃大仙區議員廖成利律師詢問。
李稱，不用告知法庭當中的細節，即施聽到廖的說法都覺得更放心？施稱，「因為當時無其他不同意見，要數，要數到 7 月 9 號（政制及內地事務局局長）曾國衞嘅講法喇。」
黃問，即施得知曾國衞的訪問？施稱，「曾國衞嘅訪問係《文匯報》，我當然無睇到《文匯報》啦本身…」法官李運騰即打斷問，為何是「當然無睇」，問不是理應了解建制派對於《國安法》的說法，抑或施只是聽他偏好的意見？
施稱，「對唔住法官閣下，我更正我嘅用字，應該係話我平時無睇《文匯報》嘅習慣，但係就住曾國衞嘅嗰篇訪問，喺 7 月 9 號刊出之後，媒體有好多嘅轉述，所以我嗰晚特登攞咗《文匯報》嘅網上版，可以攞返嗰一份嚟睇。」
15:51 開庭
15:14 休庭
15:00 辯方展示施德來的選舉單張
施解釋不同字句意思
辯方大狀黃廷光其後展示施德來的選舉單張，施德來身穿黑衣的大頭照，他旁邊寫上「重新認識支持民協 抗極權衛我城」的口號，以及寫有「民主派初選九龍東 35+ 候選人 施德來」，另單張下方有 5 人的照片，包括蔡澤鴻、廖成利，寫上「九龍東民主派聯合呼籲」。
施稱，這個是初稿，但與係真實印製出來的版本「應該係九成九相同」。他稱，資料由他提供，交給公司設計，並於 2020 年 7 月 7 日下單製作，7 月 10 日印起，其後當日以及其後 3 日使用。
黃問，「重新認識支持民協」有何意思？施稱，「民協畀人怯懦、弱勢嘅感覺，我要刻意製造民協係顯得進取，所以依張相係嚴肅嘅，衫要著黑色衫，因為配合住我想大家認知民協進步咗。」
法官陳仲衡問，藉著施的表情及穿黑衣？施稱，「當然配合埋前面嗰兩個選舉論壇。」
法官陳慶偉一度發笑，其後稱海報下方的 5 人看似不支持施的動作。施稱，「嗰 5 個人係畀咗呢張相我，所以我惟有用呢張相。」
黃其後問及「抗極權 衛我城」一句，施稱，「抗極權個意思，正如左手邊內文講，『面對中共極權打壓』，呢個極權係指緊一種打壓嘅手法。」
他續稱，「呢個打壓係指緊民主同自治嘅空間，的確都係指緊《國安法》讓人感覺收窄咗民主同埋言論嘅空間，我將呢個感覺用咗一啲口號去展示出嚟。」
黃問，這些是為政治用語或是施的真正想法？施稱，「如果講一啲真正諗法，民主我覺得係一個重要嘅字，我覺得民主係講緊普選嘅承諾係收窄咗。」陳仲衡問，是「五大訴求」其中一項？施稱，「重啟政改達至普選係嘅。」
黃追問，是否為政治用語？施稱，「中共極權打壓係用得，有政治用語成分，裡面一啲反抗嘅字都會有，前面第一句保皇黨呢啲字，多少都會有啲政治用語，而我最尾講到運用否決《財政預算案》的權力，逼使特首回應五大訴求，否決《財政預算案》的權力，我一直都係視為談判同籌碼，不過呢度就要用呢個民意表達手法。」
陳仲衡問，施的單張又提到「所謂失誤包括 2000 億抗疫基金」、「逼使香港人全面反抗」，問是否籲他人反抗？施稱，「反抗係有政治用語，但係都係講緊我哋要爭取失業援助金，或者要喺選舉到，支持我去為大家爭取失業援助金，不過真係有選舉用語。」
陳續指，但其後提及「35+」，問兩者有何關係？施稱，他一方面想政府回應「五大訴求」，另一方面想在民生方面爭取失業援助金，故想列在單張上。
黃問，這不是施選舉活動中唯一的單張？施稱，他整個選舉活動中只有兩款單張。
14:50 施德來語帶哽咽稱「我好鍾意香港」
法官陳慶偉又引述九東地區論壇謄本的另一段，問是否為政治語言、政治修辭？施德來稱，「基本上選舉論壇，我一定有用到政治修辭、政治用語。」
陳又逐一讀出字句，「可能安排國家幹部走嚟學校入面」、「大公司隨時都會有」。施稱，「無錯都係政治用語。」
陳續問，那「願榮光歸香港」？施其後答，「後面有加埋一句會將佢改做數字，前面咁多句，都係一句總結白色恐怖嘅一個政治修辭用語。」
陳指，他是問是否為政治語言？施同意。陳追問，即施不想榮光歸香港？被告席的何桂藍探頭望向證人席。施稱，「願榮光歸香港係當時嘅一首歌嘅用字，所以就要將佢改做數字。」
陳再指，不用理會數字，又一度指著螢幕稱，只是問最後一句是否為政治語言。施稱，「係嘅，製造白色恐怖嘅呢一個感覺…係政治用語。」
黃問，施有否為論壇準備？施稱，「基本上喺依一個選舉論壇，係我當時都估唔到咁多問題，所以都係臨場諗一啲政治嘅用語去應對，喺依一個論壇，我最主要講一句說話，係一路用咗幾次嘅，無論開頭結尾中間我都有，就係我好鍾意香港。」施說出最後一句略帶哽咽。
黃稱，會轉問另一議題，留意施有些情緒，問他是否需要休息。他點頭舉出「ok」手勢，說出「ok！」，並一度索鼻。
14:45 法官就施德來於論壇上
「令到國際社會撕破呢個中共嘅面具」等發言提問
法官李運騰續指，但施德來當時在九東地區論壇提及「重要嘅一環就係要令到國際社會撕破呢個中共嘅面具」、「制裁中共」，問與「攬炒十步」是否有關？施表示無關，並指當時有一條題目，是有關「有條加料嘅確認書，問候選人簽唔簽嘅題目嘅，因為個條題目係問，喺《國安法》實施後，政府係會喺個程序到加個加料嘅確認書，當時我都係用一個好進取嘅取態，去講所有人都唔應該去簽呢個確認書。」
施又重申，當時不認為會被 DQ，故提及「國際制裁」時是想有進取形象。
李續問，但要做到「攬炒」，起碼要有一方以上，而施提到中共是「攬炒」一部分。
施稱，當時他及很多參選人都有使用「攬炒」，指在 2020 年 6 月份，「當大家問你支唔支持攬炒，即係講你會唔會支持透過否決財政預算案爭取五大訴求，當然個字源，係有機會嚟自攬炒十步曲，或者係戴耀廷唔同嘅文章，好多人都無睇過攬炒十步曲。」
他指，當時 6 月份提到「攬炒」時，「大家都會明係講緊兩次否決財政預算案，爭取五大訴求」，所以他指是《基本法》（第）50 至 53 條程序，即民主派立法會議席，以及整個程序。
他在追問下稱，當時沒有想法要「攬炒」中共。
14:40 施德來解釋論壇上提「攬炒」意思
辯方大狀黃廷光稱，在午飯前問及第二次、2020 年 7 月 4 日的九東地區選舉論壇。謄本段落顯示：
...已經唔係再代表自己嘅政黨呀，因為我哋全部都係要透過一配票嘅方式，一個抗爭陣營整體去攞到過半嘅議席嘅，喺咁嘅情況底下呢，我諗我哋每一位決定 35+ 嘅人都要一條心，一齊去共識，一齊去攞一個共識，咁…同時間呢當我哋喺度呢個情況嘅時候呢，其實第時…已經唔係民主嚟…第時可能要走出嚟衝可能係梁君彥，可能係張宇人，…因為人哋係要阻止一啲通過吖嘛，但係另一個情況如果我哋無 35 嘅話，我覺得我哋每一位入到議會嘅...
黃問，施德來當時提到「攬炒林鄭 攬炒呢個政府」，問他為何使用「攬炒」一詞？施稱，「攬炒係當時政治選舉用語，意思係透過否決兩次《財政預算案》嘅憲制程序，爭取五大訴求，所以我用咗攬炒呢個詞。」
法官陳仲衡追問，「攬炒」誰人？施稱，會「攬炒」林鄭及民主派，因為當第一次否決預算案時，民主派就會失去議席，當重選之後返回立法會，林鄭就需要透過《基本法》第 52 條的程序下台。
法官李運騰稱，但此會影響民生。施同意，稱會對政府運作構成妨礙，所以一直指是談判籌碼，「唔會真係想做」。
李又稱，施提到有看到《國安法》的條文內容，問施有否留意到「勾結外國勢力」一部分？施稱有。李引述謄本稱，施在該選舉論壇上提到「國際制裁」。黃稱，他對該部分沒有問題。李則指，他是提供機會供施解釋。
施則表示可以作出解釋，稱「呢一段係我分析如果政府大規模 DQ 嘅情況下，我嘅推論就係因為大規模 DQ，就會令到國際社會有一個制裁嘅原因，第一我就會實際嘅諗法同埋行為去令國際社會去制裁。」
施又指，「其實我相信政府係唔會大規模去 DQ，我琴日都有講到，甚至乎我自己會俾人 DQ 嘅機會，我都覺得係無，喺呢一段我主要講 DQ 係諗住顯得我自己係一個好硬淨進取嘅感覺，喺唔同嘅位置我都有講我唔怕 DQ，其實都係因為我覺得我 DQ 機會微…」
14:34 開庭
12:44 休庭午膳
12:40 法官問施德來
按林鄭性格是否認為她會回應「五大訴求」？
法官陳慶偉問，如果時任特首林鄭月娥委派一名高級政務主任商討，施德來會否提到，如果不回應「五大訴求」，就會否決兩次預算案？施稱有機會。
陳追問原因。施稱，「如果要詳細啲諗呢，可能有唔同嘅階段嘅商討嘅，就算五大訴求佢嘅回應方式都有好多種。」
陳再問，根據林鄭的性格（character），問施是否認為她會回應「五大訴求」？被告席的陳志全、余慧明聞言發笑，何桂藍則張開嘴巴發呆。施答稱，「就算佢對於五大訴求無一樣應承都好，我哋認為佢最少欠香港人一個道歉。」
陳慶偉笑稱，不要理會是否道歉，並稱在午飯後再續。
12:35 法官質疑施德來在論壇上發言「欺騙選民」
法官李運騰稱，但施德來在九東地區論壇的發言提到不只是代表民協，亦代表民主派。施稱，因為民協「俾人覺得好唔民主派」，故他在選舉論壇上抗爭陣營使用「好多同路人嘅字眼，我係會攞埋嚟用嘅。」
李續指，但施當時是向公開作出聲明，指一旦當選後會做的事，又引述謄本讀出一句：「我哋今日如果做到 35+，我諗每個人就已經唔再係代表自己嘅政黨喇，因為我哋全部都係透過呢一個配票嘅方式，一個抗爭陣營整體去攞到過半嘅議席嘅，喺咁嘅情況底下呢，我諗我哋每一位決定 35+ 嘅人都要一條心…」
施稱，這不是民協的看法，「呢個係我選舉上我要顯得進取，我自己諗出嚟去講嘅，如果我真係做到立法會議員，我當然係跟返民協去決定，因為我係代表民協。」
李追問，即施會作出相反的事情？施稱，「談判策略爭取籌碼唔會咁樣講出嚟嘅，因為講咗等於林鄭知道底牌，佢自然…都唔會回應五大訴求。」
李再指，但施不是在談判桌，而是在論壇上爭取公眾支持，施的發言是「欺騙選民」。施稱，「唔係欺騙，因為爭取五大訴求，我係認為應該要做嘅，所以就算我唔否決《財政預算案》，我都會想林鄭去傾，因為過去立法會如果民協有議席嘅話，喺《財政預算案》出之前，政府會嗌代表去同民協討論，喺民協嘅時候我都有參與過，所以其實係會有磋商嘅階段。」
法官陳仲衡問，施在論壇上稱會兩次否決預算案，但實際不會？施答，「否決《財政預算案》係爭取嘅手法，只係講出嚟嘅談判籌碼，我嘅目標係爭取回應五大訴求，我都認為選民係真係想政府回應五大訴求，而唔係否決《財政預算案》，所以即使個情況係最終即使林鄭對五大訴求會回應都好，選民見到我哋盡咗力去同林鄭磋商，甚至乎係有啲威逼都好，我覺得盡咗努力就已經無欺騙到選民喇。」
12:25 辯方引施德來出席九東地區論壇發言
辯方大狀黃廷光問，施德來出席 2020 年 7 月 4 日的地區論壇前，有否讀到戴耀廷的訊息，問其策略有否作出改變？施稱，「基本上無改變，因為我睇咗戴耀廷個訊息之後，講否決《財政預算案》，我理解唔到係一個非法嘅行為，所以我用相似嘅講法去應對第二次嘅選舉論壇。」
施又補充，這個不是主辦單位的論壇，而是九東秘書處安排。
黃其後展示該論壇謄本，庭上顯示施其中一段發言：
我哋一定會反抗到底，面對住極權我哋香港要打一場保衛戰，議會只係其中一個戰線，今日我哋坐喺度每一個初選嘅參選者，其實我哋都係一個抗爭嘅陣營，都係一個命運嘅共同體，我哋齊上齊落去抵抗極權，我哋都係承諾議會過半，我哋會兩次否決財政預算案，攬炒林鄭，林鄭下台，逼使佢回應五大訴求，香港人我哋嘅抗爭意識已經喚起，我哋香港人每個人都可以用自己嘅方式去承擔抗爭，今日嘅民協同香港人一齊打呢一場保衛戰，一齊組織工會、法團、黃色經濟圈。我哋有唔同嘅方法一齊做我哋香港人嘅抗爭，喺度想講一句，我真係好鍾意香港。
黃問及，「我哋會兩次否決財政預算案，攬炒林鄭，林鄭下台，逼使佢回應五大訴求」一句。法官陳慶偉一度協助翻譯此句。施稱，他想展示進取的感覺，並指否決兩次預算案是一個談判籌票，希望林鄭回應「五大訴求」。
陳慶偉問，假設施於 2020 年 10 月成為立法會議員，預算案約在 2021 年 3 月出爐，而政府在此期間沒有回應「五大訴求」，施就會否決預算案兩次？施稱，「依度所寫係，但係實際我唔係咁樣做」。
12:15 施德來：看不到戴耀廷有顛覆國家意圖
辯方大狀黃廷光問，在 2020 年 7 月 1 日晚，施德來是否收到戴耀廷的 WhatsApp 訊息？施確認，稱戴提到讀了《國安法》，審視了初選相關地方，並特別提到《國安法》第 22 條、第 29 條。
施稱，「佢（就着）22 條有提到，否決《財政預算案》係基本法畀立法會嘅憲制權力，不可能係一個非法手段，而按《基本法》（第）50 到 53 條嘅機制，香港特別行政區行政機關仍然可以依法執行職能，所以佢係一個結論，也不能說是干擾阻撓，因此佢（戴）話否決《財政預算案》呢種講法係唔會觸犯《國安法》。」
施又稱，「我有睇到呢一段，亦都有配合返琴日我喺法庭講，講返相關嘅文章，所以我審視返我選舉論壇嘅言論，我當時相信《基本法》都係畀我呢一個權力，亦都不會觸犯《國安法》第 22 同 23 條。」
黃問，即施當時相信戴的訊息？施稱，「我會用我睇咗佢嘅（訊息），再加上我一路對《基本法》同唔同嘅文章，有得到呢個結論。」
法官李運騰問，施當時相信，戴所指否決權不是非法？施稱正確。李續指，但一個人是否有意顛覆國家政權，是主觀事項及主觀心態。施稱，「如果 22 條(3) 係講嚴重干擾阻撓特區運作，《基本法》（第）50 到 53 條，係可以讓政府維持一定運作嘅方式。」
李指，其意思是指，是否有意顛覆國家政權，是個別人士的主觀想法。法官陳慶偉再指，不同人有不同意圖。施稱，「明白，如果講顛覆，即係其實 22(1) 係顛覆啦。」
李運騰再稱，他不是指當時施的心態，而是每個人有個別意圖，而戴耀廷不能代表其他人說出他們的心態，問施是否同意。施稱，「誒我睇唔到戴耀廷有顛覆國家意圖。」李再問，但戴不能代表其他人的想法？施同意。
12:10 施德來稱曾看《國安法》條文
當時關注民協會章 沒想過初選言論
辯方大狀黃廷光其後問，九東於 2020 年 7 月 4 日有舉行另一個論壇？施德來確認，並稱是一個地區論壇。
黃稱，《國安法》生效後，施有否看到條文？施稱，他有讀《國安法》66 條。
黃續問，施有否關注任何條文？施稱，「《國安法》裡面列左四大罪行，我睇《國安法》因為我係民協主席，所以我要睇下我哋會章政綱同《國安法》有無一啲抵觸嘅地方，當然初選期間我講嘅嘢或者我做嘅選舉工程，我都會去睇，我嗰晚睇完其實我無睇到有啲乜嘢有抵觸嘅地方…」
法官陳仲衡問，施有否考慮何啟明的發言？施稱，「我記唔晒或者睇唔晒佢所有講過嘅言論，或者咁講，我睇《國安法》其實係諗緊民協嘅信念同會章多過初選嘅。我嗰陣時無諗過初選嘅言論係同《國安法》係有關，但係當然初選期間嘅選舉行為，我都會一併去諗。」
黃問，施有否與民協黨員討論過？施稱，「嗰晚就無，第二日我有搵其中一位，民協有 19 位區議員，其中有兩位係執業律師，我有搵到，喺（2020 年）7 月 1 號中午左右有問過廖成利去問佢意見，佢都有同我去講一次《國安法》裡面嘅內容。」
12:00 辯方引施德來 FB 節目提「唔想中共去管治香港」
施：是指取消一國兩制變成一國一制
辯方大狀黃廷光稱，在休庭前問及施德來於 Facebook 發布的「區政好書」節目，並續引述提及西班牙加泰隆尼亞的一集。
庭上顯示的謄本提到：
...係一個逼出嚟嘅選擇，獨立呢本來有好多唔確定性嘅，特別係成個政治制度如何處理呀，各國外交如何處理呀？其實呢大家都好多未知數嘅，但係香港人同樣地點解我哋會慢慢趨向爭取獨立呢？好明顯地我哋就唔想北京管治，唔想中共去管治香港，爭取我哋最大嘅一個自治空間。如果中央中共選擇分權畀香港人實現民主自治，實現一定係中共選擇一個中共集權，令到官逼民反，其實呢一啲呢都係中共造成嘅局面，今日呢我哋知道喇，其實民主派呢即將舉行初選喇，嚟緊我哋好啲有一個目標，就係民主派望立法會爭取過半嘅議席…
施稱，他及民協反對香港獨立。黃問，那施為何會提到爭取獨立？他稱，整個內容都是提及高壓打壓，且一直提到一國兩制、高度自治，這才是他拍攝片段的目的。
黃問及，施不想中共管治香港？施稱，「呢個係指嗰種取消一國兩制，變成一國一制，我唔想咁，我係守護一國兩制嘅初衷。」
法官陳仲衡則稱，但施的表達方式看似是抗拒中央統治。法官陳慶偉則稱，「煽動、stir up、攪動」。陳仲衡再稱，或是「 挑起」。
施答，「我會講係國家安全法喺依一個 video 之後 10 日內就實施，當時未知道《國安法》嘅內容，社會係有一個感覺係民主自治嘅空間係會收窄，所以我依度咁樣用，當然都係有一啲選舉語言嘅成份，會用得誇張一啲嘅表達方法。」
施在追問下稱，他的意思不是不想北京管治，「係指直接管治，我係想一國兩制下嘅高度自治…所以喺成個 video 裡面係講自治空間。」
法官李運騰問，施想以攻擊中央政府的方式，以改善民協的形象？施稱，「我唔會話係攻擊中央政府，不過中央政府用直接頒布《國安法》嘅形式，香港人係擔憂我哋嘅民主自由既空間收窄，我將一個憂慮，用咗一個誇張嘅方法。」
11:57 開庭
11:14 休庭
11:00 辯方引施德來 Facebook 節目
曾介紹書籍《香港革新論》
辯方大狀黃廷光其後問及施德來推介書籍、名為「區政好書」的頻道，並在庭上播放片段。
片段中，施介紹名為《香港革新論》的書本。他提及西班牙有一個地方，稱為加泰隆尼亞，該處與西班牙的生活習慣、文化截然不同，過去爭取自治主權，中央政府對該處加強打壓，以增加對自治區的影響力。施續稱，有香港人慢慢想爭取獨立，不想中共管治，並提到民主派即將舉行初選，目標是民主派過半，與中央角力，爭取香港人最大的自治空間等。
黃問，這是否為一個 YouTube 節目？施稱，這個為其 Facebook 節目，其中一集介紹《香港革新論》，此節目是於 2020 年 1 月開始。
法官李運騰問，節目是否與初選無關？施稱，「『區政好書』本身我係想介紹畀好多新當選區議員一啲好書，所以喺初選前後，我有介紹到啲公屋重建、城市規劃，區議員實務寫書信，因為好多區議員新當選唔識做。」
在追問下他稱與初選沒有關係，但他於 2020 年 6 月因應初選選擇介紹此書，又稱「配合住 6 月尾係選舉論壇，講緊民主自治法治，國家安全法亦都即將實施，應該係幾日之後嘅，喺我呢個錄影，有呢個想法而揀呢一本書，同我平時喺『區政好書』係無乜嘢關係嘅。」
黃其後引述謄本，著施讀出節目一段：「嚟緊呢我哋有一個目標，就係民主派望喺立法會取得過半嘅議席，其實我哋就係透過制度裡面同中央去角力，爭取我哋香港人最大嘅自治空間，所以我呢今日推介呢一本嘅香港革新論呢。」
黃問，當施說出此句時，對於「一國兩制」有否改變？施稱，「一國兩制高度自治，係我一直嘅信念。」
李運騰稱，留意到施當時使用「我哋」、「民主派」一詞，問施是否提到「35+」目標。施指，「35+ 有目標係議會過半，呢個我知道亦都同意。」李追問，是否提到泛民共同目標？施則稱，除了剛才一段，「其實我覺得指我同香港人多啲。」
李又指，施提到與中央角力。施解釋，「立法會議會過半，我會話一定係民主派搞初選嘅目標，同中央去角力，爭取最大嘅自治空間。我會形容係爭取一國兩制，好強烈嘅選舉字眼，其實都係守護《基本法》下高度自治呢個原則，其實都係我嘅諗法。」
法官陳慶偉其後下令休庭。
10:50 施德來：即使沒勝算
「我都想營造民協一個改善嘅感覺」
辯方大狀黃廷光問，施德來提到在論壇上有準備策略，問是否成功達到目的？施其後答稱，「我想顯得進取嘅形象，同埋增加知名度，引起曝光率同討論，喺完咗之後會睇返 Facebook，睇返一啲網上討論區，我覺得我要計劃嘅顯得進取嘅一個感覺係做到嘅，不過頭先講話否決所有撥款，所有議案，呢個唔係計劃嘅說話…」
法官陳慶偉其後問，施的選民如何知悉，施實際上無意否決預算案？施稱，「如果用當時我想表達嘅感覺係，我哋會否決《財政預算案》去爭取五大訴求…喺論壇度我哋唔會喺論壇到講呢個係談判手法，呢個係籌碼，我哋唔會咁講囉。」
法官陳仲衡其後問，施當時是否想看似「更黃」？施稱，「有嘅，係刻意營造嘅。」陳指，他不是問及看似更進取。施遂稱，「如果『黃』嘅意思係重視民主訴求嘅選票，我喺論壇嗰啲做法係刻意，希望令到啲選民留意得到，即使我無勝算都好，我都想營造民協一個改善嘅感覺。」
陳追問，但會否影響何啟明的選舉工程？施稱，「會有啲影響，甚至可能有啲言論我係進取過何啟明添…」被告席的何一度抬頭四處張望，其後低頭。
10:40 法官引施德來兩段在論壇發言提問
法官陳慶偉其後著施德來讀出他於論壇的兩段發言：
佢呢，馮檢基呢就退出咗民協㗎喇，不過呢我諗最重要嘅呢就係香港人今次我哋好有決心，要爭取35+，35+ 最重要呢就係凡係有興趣，諗住去選嘅，就參加初選囉，唔參加初選你肯定唔係 35+ 嘅一員，肯定唔係同路人，所以今日在座嘅我哋 6 位都係同路人，因為一齊參加呢個初選。 今日嘅民協入到議會裡面，我哋一定會兩次否決財政預算案，否決政府嘅撥款，入到議會裡面，今日係要抗爭，唔抗爭就唔該行開。
陳慶偉問，當馮檢基當選，他都會在立法會提到民生議題，與施一樣，問施何以著馮檢基「滾開」（fuck off），傳譯未有譯出「fuck off」一詞，陳再稱，「go away, stay away」，傳譯遂譯出「走開」。
施稱，「有兩點，第 67 嗰度我想表達…係參選初選…，馮檢基如果去選嘅話，應該一齊參選，去達到議會過半呢個目標，亦都係初選…」
陳問，但馮入到立法會，與其他民主派沒有分別，只是他沒有提到「五大訴求」。施稱，「我相信，無論民主民生上，其實我嘅信念係同馮檢基相似嘅地方，林鄭做得唔好…」
陳執筆不斷指向前方，施是否指上述兩段都是政治語言，無反映其真正想法及思維？施稱，「正確嘅，我喺所有答案裡面，我都會用進取嘅諗法，去諗所有嘅回答。」
黃其後打算續問及其他言論時，陳慶偉則指，施已提到是不真實的言論，著黃問其他問題。
10:25 施德來否認想比譚得志更進取
辯方大狀黃廷光其後展示譚得志的發言段落。謄本顯示，譚提到「兩次否決財政預算案，癱瘓個政府，林鄭柒婆落台嚟到做 bargaining power，爭取五大訴求，缺一不可…」
施德來稱，「喺啱啱呢度講兩次否決《財政預算案》，去到爭取五大訴求缺一不可呢度，我覺得佢（譚）呢句係更進取，更加吸引公眾嘅關注，亦都令到我當場要諗點樣再進取一啲，所以我會話否決所有議案，喺後面再有一句，係後少少否決所有撥款，係一句不合理的說法，因為我都會爭取失業援助金同埋強積金修例，所以我無理由會否決所有嘅嘢。」
法官陳仲衡問，當譚提到「癱瘓政府」，施想比他更進取？施稱，「不是，民協最接近嘅票源係民主黨，所以我應該係集中喺胡志偉嘅說話嘅基礎裡面講得更進取一啲。」
法官李運騰則稱，但施毋須做到比譚得志更進取，更指施在政圈 10 多年，而施確信需要談判的想法，問施於 2020 年是否仍維持這個想法？施稱正確。
李追問，但為何施會突然在論壇上提到沒有談判的空間，而這是施從政 10 多年的信念。施答稱，「選舉論壇有一啲屬於選舉嘅需要，如果喺嗰個場合講我哋有得傾，有得談判，有得慢慢去磋商，以當刻嘅社會氣氛，民主派支持者對政府嘅不滿，如果咁講唔單止係我自己嘅政治自殺，亦都難以令到民協繼續運作落去，因為當時民主派支持者即使基礎嘅好溫和嘅市民，都對政府有不滿，我哋嘅表現都要接近民情。」
10:20 施德來：因「臨場壓力」
在初選論壇說出「大家都要否決政府所有嘅議案」
施德來其後在提問下稱，在 2020 年 6 月份初選的政治議題集中政治討論，所以他當時選擇最熱門的議題，即是《財政預算案》，所以他有計劃地提及，透過否決預算案去爭取「五大訴求」。施的代表大狀黃廷光其後展示論壇謄本，施確認有其名字，並稱，「雖然個德字錯咗，但係呢個係我個名。」
施其後應黃要求，讀出論壇他其中一段發言：「好，今日嘅香港人，今日我哋出嚟參選嘅人，我哋每一位都唔怕 DQ ，唔怕抗爭，因為今日嘅中共，我哋無討論嘅空間、無談判嘅餘地，只有抗爭到底，入到議會裡面，我哋大家都要否決《財政預算案》，大家都要否決政府所有嘅議案，同呢個政府抗爭到底，攬炒呢個政府，因為真正攬炒香港嘅就係林鄭，就係呢一個中共，所以我哋香港人一定要抗爭到底。」
黃其後請施解釋他發言的用字。施稱，「否決《財政預算案》去爭取五大訴求，係我一路諗住講嘅說話，我後面有講一句叫大家都要否決政府所有嘅議案，呢句本來無計劃講嘅，呢句說話。」
法官陳慶偉問，施沒有想過要說出這句發言？施答，「本身無諗住講，因為我自己聽睇返都覺得唔合理嘅。」
法官李運騰追問，哪該句是何處而來？施指，「真係臨場一個壓力，所以我會想引用返，其實我聽咗胡志偉嘅說話、譚得志嘅說話…要即場再諗得再進取一啲，而臨場爆肚咁樣講出嚟嘅。」
他又提到，胡志偉當時稱要運用否決權，譚得志的發言則更進取。
法官陳仲衡則稱，但胡沒有提到預算案。施答，「喺呢一句無提，不過本身我無預佢咁樣講，因為本身佢無簽〈墨落無悔〉，後面譚得志再進取。」
施又稱，「連埋譚得志嗰句呢，就對我有影響，因為本來我會講否決《財政預算案》去爭取五大訴求。」
10:15 施德來：民協在 2019 年社運用合法和平原則行事
沒成員被捕被控
法官李運騰問，「更進取」的意思，是指比實際民協的情況更進取，或是其他人認為更進取？施德來稱，「兩樣都有，我可以分別解釋，就民協而言，民協一路俾人印象喺民主議題上係比較保守嘅，甚至乎有位嘉賓主持係用怯懦個『怯』嚟形容『民怯』，所以我要係政治議題上顯得進取。」
法官陳仲衡問，但對於民協的批評是針對以往的主席，而不是針對施。施答，「係嘅，不過因為其實我本身知名度低，所以我嘅包袱其實就係民協自身嘅弱點，所以我要顯得進取，我都要喺其他 5 位參選既競爭者裡面，去搵一個對象，所以喺論壇度你會見到我對於民主黨胡志偉，作出一啲提問同埋對答。」
李運騰問，施是否指，民協的政治立場有調節？施表示，「民協喺政治立場其實係不變嘅。」
李追問，民協在施的領導下，方針變得更進取？施稱，「我純粹係選舉論壇顯得進取，即使係 2019 年嘅社會運動裡面，民協都係用一個合法和平嘅原則行事，我哋喺個運動裡面，包括我自己，係無一個成員係被檢控拘捕，呢個已經同其他民主派政黨有分別。」
李續指，不需要用犯法來表現進取，而是指比以往更進取，即施所說的，不只是表面上進取，問民協是在哪方面進取？施稱，「表達方式我係喺選舉論壇度係會表現得好強硬。」
李再稱，他不是問表達方式，而是問其爭取手法。施稱，「民協係重視溝通、協商，所以俾人話我哋係又傾又砌，你見無論係我喺選舉論壇，又或者係九龍西何啟明選舉論壇，又傾又砌其實係一句攻擊嘅詞語，所以我哋喺表達嘅時候，當講又傾又砌嘅時候，我哋會否認。」
李追問，當施否認「又傾又砌」，同時是否認會「砌」，問是否改變本質，而不只是改變了手法？施稱，「我哋會做但唔會咁講，亦都係我參與民協裡面，喺民協嘅成長裡面談判嘅手法，我係認同民協呢種談判手法，於是乎我一直留係民協，包括 2010 年支持政改，我當時係民協中委，我認同呢種手法，所以我一直係民協。」
10:10 施德來供稱在初選論壇前準備了關鍵詞
施德來第三日作供。施的代表大狀黃廷光問及 2020 年 6 月 26 日進行的九東選舉論壇。黃問，在未出席論壇之前，施有否準備策略？施稱有，「因為我會睇咗個論壇嘅程序去做準備嘅。」
他續稱，選舉論壇有開場、結尾、互相提問環節，當時亦都知道有誰人參選九龍東，故會分析對手特點，選擇向不同參選人作出提問。
至於他個人的表達，施稱，「我都會準備我嘅發言嘅方向同埋我要表達嘅重點，我會意識到呢個選舉係集中咗喺個政治議題嘅討論，所以我會選擇喺呢一個論壇入面，就住社會熱門嘅政治議題去表達我嘅睇法…」
法官陳仲衡打斷問，施有準備一些「關鍵詞」？他同意，「正確法官閣下，所以我會想講我有啲關鍵字係預備咗嘅：否決《財政預算案》、《國安法》、DQ、攬炒，呢啲都係當時熱門嘅政治詞語，我都會預備喺論壇入面去表達嘅。」
黃問，為何會選擇這些關鍵詞？施稱，「我想喺呢一個論壇裡面，增加自己嘅知名度、曝光率同埋改善民協嘅形象，讓我自己同埋民協顯得進取一啲，所以都會用到頭先我講嘅政治詞語。」
10:05 開庭
還押被告約上午 10 時 1 分入庭。黃碧雲、楊雪盈等候開庭期間撥扇，吳政亨與旁聽親友打手勢溝通，另鄒家成、陳志全交談。
HCCC69/2022