蔡天鳳疑遭殺害碎屍案,周一(16 日)踏入第 38 日審訊,鄺港傑在控方盤問下同意,曾擬與弟夾口供指控父殺蔡,稱「為咗呢個家庭囉,以為咁樣係最少嘅損失」,但聽了律師意見,改為供出事實。
控方多番質疑其證供,問鄺陪父親購買異常大的湯煲有何用途,他稱父有情婦,「我唔知佢有咩打算,會唔會打算喺度開大食會呢?」又指父提及牛肉刀、絞肉機都是幫朋友買。
對於鄺供稱弟失控並在車上殺蔡,控方問為何沒停車、沒嘗試阻止,鄺稱當時「乜都諗唔到」,反向主控稱「你真正面對過,你就可以咁樣同我去比較」,又反駁「可以阻止?呢刻你咁問我,當然話可以阻止,當刻我唔得囉」。審訊周二續。
Day37|囚中撰信指鄺球上車談判後蔡浴血 鄺港傑:為減罪責虛構內容
訂閱/贊助/購物,支持《法庭線》報道香港,記錄香港。
鄺港傑指虛構辯護理由
主要為胞弟
上周五庭上提到,鄺港傑透過囚友去信予胞弟鄺港智,談及案件細節。而他供稱信件的內容屬虛構,稱當時「我不斷喺度諗,點樣有個版本可以令大家個罪責輕啲呢?可以好啲呢?然後同細佬溝通咗幾次之後,就用我同佢嘅小聰明,以為得出咗呢個版本係好好嘅。」但最終他在律師勸喻後,決定供出真相。
鄺港傑周一在主控、資深大狀郭莎樂盤問下,否認虛構案情是為了讓自己脫罪,稱「其實我主要目的係 for 細佬」。
郭莎樂指出,鄺因應證據在法庭供述案情,例如警方在村屋現場找到他的 DNA、膠紙上亦有他的指紋等,他為了解釋指紋,遂承認協助父親掛起帆布。鄺港傑回應,「就算有冇(找到指紋),我到到上 court ,都會而家咁嘅版本,我相信」。
至於他供稱整晚留在村屋的廁所,控方質疑是因為警方在雨褸及水鞋找到他的 DNA,他的供詞是為了說明自己沒有肢解蔡?鄺港傑否認,強調「事實上係我真係着住呢啲雨褸同水鞋,成晚都喺廁所」。
控方續指,當鄺港傑留意到蔡天鳳的屍體被放入膠箱時,CCTV 片段裡面的他顯得太放鬆、冷靜,情況異常。鄺港傑庭上否認,「如果係好緊張我就會驚,所以我先要強裝我好鎮定囉」。


傑同意曾打算與弟夾口供
指控父殺蔡
針對鄺港傑寫給胞弟的信件,郭莎樂指他在信中指控父親鄺球殺人,打算與胞弟夾口供,惟事實上父親根本沒有殺人,因為蔡遇害時鄺球並不在車上。鄺港傑確認,並稱「當刻係有咁嘅愚蠢嘅諗法」。
郭莎樂追問,他是否認為歸咎於父親身上是好的辯護計劃?鄺回應「為咗呢個家庭囉,以為咁樣係最少嘅損失」。被告欄內的鄺球輕輕點頭,又用手摸頭。
鄺港傑早前供稱,他將信中的版本說給律師後,律師直斥「呢個係非常愚蠢㗎 、呢個係假㗎,呢個幫唔到任何嘅人,你要講真相先得」。
郭莎樂繼而質疑,鄺改變辯方案情,反映他為了脫身,可以在證人席說任何證供,他並不在意真相。鄺港傑答,「我唔認為我庭上面作供,會令到我冇事喎。因為呢個可能係法庭同陪審團嘅專業囉,我淨係講出真相就係盡咗力囉」。
控方:異常大湯煲有何用?
傑:不知父打算 或想開大食會
控方接續針對鄺港傑替父親購新居物品的情況提問。郭莎樂指鄺 2023 年 2 月 6 日首次到龍尾村單位時,單位沒有任何傢俬,質疑鄺第一件替父親買的傢俬,為何是涉案膠箱?鄺港傑回應,當時父親着他買膠箱,故他照辦。
2 月 8 日的 CCTV 片段顯示,鄺港傑與父親在上海街購買絞肉機、牛肉刀、湯煲等物品。
郭莎樂問,當時他對於父親購買的物品有否感到奇怪?鄺港傑回應「唔奇怪,因為佢同我講過㗎嘛」,即父親說過想維修門口圍欄。
控方指示捧起湯煲向鄺港傑展示,郭莎樂形容湯煲「異常地大」(exceptionally large),足足有 14 乘 14 吋,一般家居很少用,問鄺港傑期望父親用來煮甚麼?
鄺港傑指,父親「表面上係自己住啫,以我暗地裡知道佢有個情婦,我唔知佢有咩打算,會唔會打算喺度開大食會呢,我唔知道。」他亦稱,當時見父親買了「一拃嘢」,父稱部分物品自用、部分是替朋友買,故鄺港傑沒有過問太多。
至於父親購入的絞肉機,鄺港傑指他「唔係咁知道啲廚具,我淨係見到一個銀色嘅機器」,又指父親當時稱替朋友買,而自己「冇仔細問佢邊樣邊樣,我唔會 challenge(挑戰)我爸爸做嘢」。
郭莎樂指出,這些物品對於一名六旬男子而言相當奇怪,但就對棄屍相當有用。辯方大狀 Trevor Beel 打斷指,提問涉及個人意見。郭莎樂改問另一問題。

傑否認曾查詢碎骨機
根據店員證供,兩父子曾問及購買碎骨機。鄺港傑供稱,沒有聽到父親問碎骨機,又否認曾向店員要求看碎骨機。郭莎樂續引述店員證供,指鄺球進入店舖時,店員曾展示碎骨機的產品目錄,鄺港傑亦有詢問價錢。鄺港傑庭上指該店員記錯。
控方另播放鄺港傑與鄺球在上海街交談的 CCTV 片段。郭莎樂稱,鄺港傑的手勢似是形容一個煲的體積。鄺港傑否認,稱「我相信一定唔係煲囉,我嗰刻,我唔會講呢個內容」,重申不記得當時細節。郭莎樂質疑他正描述購買的煲是否夠大。他否認。
郭莎樂亦關注,其後鄺球在刀莊購買數把「巨大的牛肉刀」的原因。鄺港傑指,父親曾表示幫朋友買刀。郭莎樂質疑,刀具最終在龍尾村被發現,反映鄺球並非幫朋友買刀。鄺港傑表示不知道。
郭莎樂質疑,鄺港傑於上海街購入的物品,全部都能用於毀屍滅跡。他反駁指,自己也有購入繩索,但最終沒有使用。
控方續就鄺港傑購入的一包索帶提問,警方在現場發現,其包裝袋已剪開。
郭莎樂指,索帶是用於在車內處理蔡的屍體。鄺港傑否認。郭莎樂續指,從 CCTV 片段可見鄺港傑於龍尾村停泊的車外撿起一條索帶。他指,片中僅見自己檢起一長條狀物,不肯定是否索帶,亦質疑長度與他購買的索帶不同。
鄺港傑並主動提出,想讓陪審員檢視索帶。有陪審員取出索帶查看。
CCTV 片段顯示,鄺港傑拾起索帶後將它折成一半,形成一個圓圈。有陪審員問可否要求鄺把索帶折成一半,他照辦後指,現在手折出的圓圈比片段所見為大,「如果我相信呢個係索帶嘅話,應該唔係呢個 length(長度)嘅索帶喎」。
控方質疑所買工具用於棄屍
傑否認
控方續播放刀莊外的片段,郭莎樂描述鄺港傑似乎指示父親要買甚麼,描述鄺指向刀具店,用手比劃,父親點頭,然後做了一個切(chop)的手勢。鄺港傑庭上否認,強調與父談及圍欄,再分頭購物。
郭莎樂質疑,當時村屋內幾乎空無一物,為何優先設置圍欄?鄺港傑指,當時見其他村屋都有圍欄,唯獨父親的沒有,又指每人對裝修的優先次序不同。
郭莎樂續指,直至案發時,鄺父子都沒有購買圍欄,僅買了據稱用來固定圍欄的工具。鄺港傑指相信父親僅未買。郭莎樂進而質疑,鄺稱用來固定圍欄的工具,是打算用作棄置蔡天鳳的屍體。鄺港傑不同意,「我講嗰啲先係原因囉,你估嗰啲唔係」。
控方:鄺球非提早退休而是辭職
控方續關注鄺家的經濟狀況。郭莎樂問及,父親鄺球是否曾有心臟問題,由蔡天鳳支付手術費?鄺港傑指是由胞弟支付。郭莎樂表示,胞弟沒有錢、要依賴蔡的收入;鄺港傑不同意。
案情指,鄺球曾任職警長。郭莎樂向鄺港傑指,父親當時不是提早退休,而是辭職,無法領取退休金?鄺港傑指以他所知,父親是提早退休。
郭莎樂續指,及後一家四口要從德福宿舍搬到 300 多尺公屋單位,猶如「降級」?鄺不同意,形容「只係轉咗個單位之嘛⋯我從來唔覺得公屋係一個降級嘅住宅」。

傑否認與弟商討襲擊蔡
控方指,蔡天鳳 2023 年 2 月 21 日遇害當日,鄺港傑與胞弟中午在新世紀廣場 Starbucks 會面,胞弟攜有膠袋,入面有替換衣物。鄺港傑早前供稱胞弟當時打算去健身。
郭莎樂周一質疑,一般人應該會穿短袖衫褲健身?鄺港傑稱,「真係有啲人着好厚又長嗰啲㗎喎」,又指由於胞弟「弱雞」故會穿長袖衣物健身。
庭上播放兩人對話的 CCTV 片段,鄺港傑指正討論健身話題。
郭莎樂追問,當時討論甚麼健身動作?鄺反問「看圖作文呀?」表示他已忘記數年前的情況。郭莎樂指出,當時胞弟示範如何拉蔡的頭部,鄺港傑則示範如何打她。鄺港傑否認,強調「唔會喺呢啲地方講呢啲嘢,咁多人喺度。」
控方質疑事發時應停車、嘗試調停
郭莎樂續關注,鄺港傑何時發現蔡已死亡?鄺指自己「從來唔確定」蔡是否離世,及後車輛駛至龍尾村,「我先有多啲時間,停咗車喇,我先去諗呢件事」,繼而確定蔡已身亡。
郭莎樂追問,為何覺得蔡已離世?鄺港傑稱「因為冇晒佢嘅聲音」,以及「鑑於啱啱細佬發生嘅事、嘅行為」。控方質疑,即使鄺港智哭泣,而蔡沒有作聲,亦不必然指向蔡已離世。他稱,「唔係咁單純一個喊、一個唔出聲,有嗰時啱啱發生嘅事,我先咁判斷」。
鄺港傑曾供稱感到椅背被撞擊,聽到蔡的微弱聲線,又見到胞弟在蔡身上。
郭莎樂質疑,正常人只會覺得車內有人打架,然後停車嘗試調停。鄺港傑回應指,「如果呢一刻,我咁平靜,當然係,但嗰一刻 ,我諗唔係一個正常人諗嘅情況,因為嗰件事本身就唔正常」。
他又反駁郭莎樂,指自己當時「乜都諗唔到喎,唔係好似而家咁樣,同你傾計咁樣⋯⋯你(主控)都冇真正面對過呢件事,你真正面對過,你就可以咁樣同我去比較」。
被告欄內的鄺港智不時閉上眼睛。鄺球則雙手交疊,微微側身望着在證人席的鄺港傑。
控方質疑沒有致電父紀錄
傑:曾為隱瞞而刪除
控方續質疑,當時為何鄺港傑沒有停車介入、阻止蔡與胞弟的衝突。
鄺港傑反問,「可以阻止?呢刻你咁問我,當然話可以阻止,當刻我唔得囉」。郭莎樂再追問,他發現蔡受傷,至少可嘗試協助蔡?鄺反指,「太冷靜喇你講呢啲陳述,而家好似個錄影帶 pause 咗喺度討論,你嗰刻唔係停咗喺度嘛」。
郭莎樂指出,鄺既沒有叫救護車,亦沒有報警,續以時速 80 公里行駛,並選擇致電父親求助,「而他是當時最討厭蔡天鳳的人」。鄺港傑解釋,「我打畀爸爸係我求助嘅人物,冇諗佢係咪 Abby 討厭嘅人物,或者佢係咪討厭 Abby」。
控方指出,他的電話沒有該通話紀錄,鄺港傑質疑控方只是「搵唔到個紀錄」,着控方向微信查詢,又指他事後刪除過紀錄,「當時發生咗事,我想 cover up(掩蓋)佢,我想保護屋企人,我想全部關於嗰件事嘅都抺除囉」。

控方質疑知蔡重傷
途經兩醫院仍續駕駛
郭莎樂續就事發當刻的情況提問。控方提到,鄺港傑駕車於下午 2 時 39 分駛過獅子山隧道收費亭,而蔡於 5 分鐘後、即 2 時 44 分最後透過電話發訊息;而當車駛過馬場,鄺港傑覺得蔡已受重傷或身亡。鄺港傑確認。
郭莎樂提出,車輛駛過沙田醫院、中大醫院,他即使知道蔡受重傷,仍繼續駕駛?鄺回應「當刻係繼續揸車」。
郭莎樂引述蔡天鳳與譚方駿母親的語音訊息,指蔡的語氣平和、和善,但鄺港傑供稱當時蔡與胞弟在車上大聲尖叫及吵鬧。他確認,稱人很快可以「變面」,可在電話與人通話,以及當面罵人時,隨時變換語氣。
鄺港傑指,蔡當時「一路鬧緊,只係冇尖叫咁鬧緊,細聲咁鬧⋯⋯因為你鬧呢,唔係一開波零至一百,你有個時間漸進式。」他又稱,「我相信係每個對象唔同,就會用啲唔同語氣,我唔敢講係大部分女士,我覺得女士比男士更加厲害呀,switch 嗰個語氣」。
郭莎樂質疑,當時蔡一邊大鬧鄺港智,同時又以「小女孩聲音」 (little girly voice)發語音訊息?鄺港傑回應,「經常性發生㗎呢件事」。
郭莎樂續指,鄺港傑在蔡受傷或死亡後仍繼續駕車,是因為他當時已預計此事,駕車到已安排好的村屋與父親會面。他不同意。
郭莎樂再提出質疑,指鄺港傑他們到達村屋後,鄺球又「剛好在車上準備了疊起的膠箱?」鄺港傑回應,「唔係咁啱㗎,因為嗰期佢搬緊嘢」。
郭莎樂指出,該膠箱本原本就打算用作轉移蔡的屍體,而鄺港傑購買兩個膠箱,以確保膠箱不會因蔡的重量而破裂。鄺港傑一概不同意,反提出,警方應測試以一個膠箱搬運成年女性,「睇下咁樣會唔會爛」。
HCCC198/2025