宏福苑宏泰閣、宏盛閣居民周六（2 日）上樓。住在宏泰閣的葉家駒攜玫瑰與兒子上樓，回家悼念捨身救人的太太，一入屋便走向廁所、即太太遇難的位置，哽咽說：「老婆，我返嚟喇」，告別時也呼喊太太姓名，說「老婆，走喇，唔好再留喺呢度喇，去你想去嘅地方。」
宏盛閣大部分單位沒受損，居民取回不少物品，其中李太受訪時批評政府的居住安排，形容居民如「人球」，「好似流浪咁樣，迷你倉唔係永遠㗎嘛，到時扔去邊度呢？」李太兒子亦指，遲遲未開業主大會，「見到嘅就係漠視」。
葉家駒攜花回家「探妻」
宏泰閣居民第四日上樓，住在 17 樓的葉家駒跟兩兒子、媳婦回家，表示「主要都係探我老婆」。他手上的鮮花是太太最愛的玫瑰，「呢度每一枝花都係我孫揀、我仔揀、我揀。」
葉家駒保留了太太的電話號碼，不時向她傳送語音訊息，上樓這天也說：「我今日返屋企」。他上周曾陪伴幼子回宏昌閣住所，這天返回自己住所，有些緊張但未至於不能入眠，「我仲想早啲瞓，一覺瞓天光，早啲去」，又指心情複雜，「唔識形容」。
葉家駒早知道單位損毀嚴重，準備燒烤網、筲箕，打算在廢堆中尋回跟太太旅行時購買的紀念品、結婚戒指，以及媽媽留給她的金器。
由於單位損毀嚴重，葉家駒與兩子、大媳婦只能輪流進入單位。葉家駒一踏進家門，便走向廁所，亦即發現太太遇難的位置，哽咽說：「老婆，我返嚟喇」。兒子望見單位滿目瘡痍，亦不禁嘆氣，低喊一聲「老媽子」。
葉家駒向妻道別：老婆，走喇
葉家駒跟兒子在灰燼中尋找物品，包括相機殘骸、30 年服務金牌。他再望向廁所，輕聲跟太太道別：「老婆，我今日返咗屋企喇，白瑞蓮，老婆，走喇，唔好再留喺呢度喇，去你想去嘅地方。」
他將玫瑰花放在廁所一個角落，再說：「我唔知佢哋喺邊度搵到你，你去個安樂嘅地方啦，唔使掛住我哋，唔駛掛住啲孫」，兩名兒子其後亦在媽媽遇難位置悼念。
唐家上樓憶被困經過
宏盛閣居民首日上樓，住在 10 樓的唐小姐與父母、胞弟回家，指雖然單位沒有焚燒，但牆身熏黑、「地下濕晒」，「忍唔住喊，（家中）都面目全非」，打算「斷捨離」，取回一些回憶物品。她說，宏盛閣樓下有一個毛毛蟲爬架，「細個成日玩，頭先入去係爛地一塊」。
唐小姐又憶述，父母在大火當日被困經過，指兩人原以為隔壁大廈起火，出門逃生時發現濃煙，只好躲在廁所，開風扇及抽氣扇吹散濃煙，等候數小時獲救。她形容母親被救出時「個鼻黑晒，嚇到講唔到嘢」。她指，父母這天返回單位望住抽氣扇說：「嘩就係你啦，好彩你頂到」。
唐母則表示今次上樓，「執住啲緊要（物品）先，你依家三個鐘，無理由執晒」，又指「喺裡面覺得暈暈哋，走人先」；唐父則表示取回貴重物品。
住在 4 樓的張生說走廊很黑，取回電器等物品，希望能再上樓，「帶小朋友上樓懷緬」。張生說，兒子叮囑他帶走地震儀、玩具，又指「返屋企好滿足，但要 say Goodbye」。
宏盛李太：居民流浪如人球
住在 9 樓的李太表示，丈夫居於宏福苑 43 年，她嫁入後同住 34 年，「屋企 43 年未裝修過，養大三個仔已經好好」。
李太現與丈夫居於大埔善樓，跟兒子上樓，取回父親的缸瓦。她不滿居住安排，指暫時有地方落腳，惟其實是無居所，「好似流浪咁樣，迷你倉唔係永遠㗎嘛，到時扔去邊度呢？」她又形容居民是「人球」，「依家將我哋人球扔嚟扔去，呢度跑吓、嗰度跑吓，疲倦㗎嘛」。
她指很多居民不贊成買賣業權，批評政府未有就居住方案、買賣業權召開業主大會，「唔該你哋政府開一個會議，畀我哋全部集體一齊，依家又唔開會又唔剩，自己單方面自己講嘢，我哋已經水深火熱㗎啦」，斥「避開唔開會」，「合安嗰時話開會㗎，依家完全冇晒消息」。
李太兒子批各部門聽證會「射波」
李太的兒子 Kyle 說，很多人指宏福苑居民「好多著數」，他反駁「呢啲唔係著數，呢啲係有人不作為嘅後果，依家要補飛」，又指火災前已給予多次機會，向屋宇署、區議員黃碧嬌及羅曉楓反映，「搵晒咁多人，冇人正面回應」。
Kyle 又提到，各部門在聽證會上「射波」，「（政府）一句唔理想就修例喇，修乜例啫又無人問責，我喺寫字樓倒瀉攤水，我都會問邊個倒瀉啦，係咪呀？」，形容政府如「玩泥沙」，無人承擔火災責任，又沒開業主大會，「見到嘅就係漠視」。
