結怨 Archives - 法庭線 The Witness

2019 年，27 歲髮型助理疑因瑣事與髮廊女同事結怨，女方其後「吹雞」，其中 17 歲少年響應到場，爭執時遭被告多次刀傷，送院不治。被告經審訊後，被陪審團一致裁定誤殺罪成，周一（11 日）在高等法院被判囚 4 年 3 個月。據了解，扣除還押刑期後，被告料可即日獲釋。

法官張慧玲判刑時指，「好明顯呢件事係一個悲劇」，本案因小事引發雙方「先口角，繼而動武」，事情理應在女同事掌摑被告一巴後完結，惟她氣極難平、不接受被告道歉下「吹雞」，而死者只得 17 歲，「呢個咁樣嘅悲劇，如果雙方能夠節制，唔好咁大脾氣，根本唔會發生」。

宣判刑期當刻，坐在旁聽席的死者母親站起，大聲質疑法官判決，「死咗一個人」，及指著被告哭喊，「你個仆街仔唔會有好結果㗎！你咁樣殺死我個仔！我個仔得 17 歲咋！」隨即被保安帶離法庭。