2020 年初，明愛醫院、羅湖港鐵車廂被發現有爆炸品，Telegram 頻道「九十二籤」事後承認責任。7 人被控《反恐條例》罪名，餘下 1 人被控以「企圖製造炸藥」罪。8 人不認罪，周二（11 日）於高等法院踏入第 50 天審訊。
辯方對拘捕第三被告吳子樂的 O 記警員指出案情，指該警員帶吳進入殘廁，吳至少三度稱到涉案單位是「處理豬咀買賣」，但被警員指「玩嘢」，並強迫吳按其指示給口供，警員亦曾引「石棺藏屍案」的特赦證人「小草」為例，誘吳轉任污點證人。警員一概否認。
辯方又指，在吳關注女友安危時，該警員稱「你唔合作，我保證唔到佢無事㗎喎。旺角差館強姦案單嘢，你聽過㗎啦」、「你同佢得幾個月貨仔，我係你就推晒畀佢」。警員亦否認。審訊周三續。
第 48 天審訊｜辯方指警員塞被告頭部入馬桶沖水 強迫錄口供 O記警員否認
（第 49 天審訊處理法律爭議，陪審團避席）
辯方：通宵錄口供圖使被告屈服
O 記警否認
本案原定周一展開第 49 天審訊，惟控辯需處理「法律事項」，陪審團需避席。聆訊延至周二續，拘捕第三被告吳子樂的有組織罪案及三合會調查科（O 記）警員沈鴻源續作供，先由吳的代表大狀梁耀煒繼續盤問，再由外聘主控林芷瑩覆問。沈同日完成作供。
沈上周五的證供提及，在自己的記事冊上為吳子樂錄取 3 份「警誡口供」。辯方質疑 3 次的開始和結束時間都是凌晨時分，吳當時可能疲倦；沈不同意。
周二盤問下，沈鴻源同意梁耀煒稱，自己就 3 宗爆炸案警誡吳子樂及錄取警誡口供時，沒確認他需否休息。梁提出，沈 3 次錄口供都沒告知吳若覺倦可隨時停止；沈稱相信拘捕時的警誡詞「包括咗全部元素」，即若被告不同意，可隨時中止警誡口供。
梁質疑，沈刻意不讓吳休息，續在深夜錄口供，目的是讓吳「屈服於你」、「聽從於你」及在警誡口供中「作出你指定嘅招認」；沈答「唔同意」。
追問下，沈同意被告疲倦會影響答案準確性，惟應否繼續錄口供要視乎被告「點樣講」，警方仍有機會繼續調查，因案件調查「有迫切性」。
官一度打斷辯方盤問
梁再追問當時實際情況，沈稱 3 次錄口供，都有分別向吳問及其身體狀況是否適合錄口供，而吳 3 次都答「適合」。
梁續就此議題追問時，一度被法官陳仲衡打斷指，沈已問過吳是否適合續錄口供，「你講緊啲好抽象嘅情況，唔係實際情況」；梁否認指情況並不抽象，稱吳由凌晨至早上通宵受查必會覺倦，亦是當時實際情況。
梁遂引第二次錄影會面，指可見吳曾說「經過太長嘅嗰個審問，同埋我有啲眼瞓，所以霋時之間醒唔起」；而錄此會面時，已是他被捕翌日早上 10 時 7 分，此前亦已錄過長約 1 小時 40 分鐘的會面。
沈表示自己曾要求吳澄清「審問」一詞，因他稱審問致其「眼瞓」，其後同意自己沒要求吳澄清「眼瞓」意思，其後吳也沒再提及「眼瞓」。
梁提出，沈不斷「作出呢啲所謂澄清…直至到你逼到被告同意你澄清」，因沈「驚如果被告唔同意你嘅澄清，你會俾人發現，你曾經對被告打、嚇、氹，而逼出所有嘅招認」。沈不同意。
梁再提出，沈應待吳有足夠休息才再續錄影會面；沈稱不同意，其後沈在官追問下指，吳沒再表示需要休息，重申案件調查有逼切性，自己每次調查前都有問吳是否適合錄口供，吳都「表示合適嘅」。
梁質疑沈捏造口供；沈否認。梁再質疑，沈在沒文件紀錄協助記憶下，他根本不可能記得 5 年後的今天，在每次調查前都問過吳；沈不同意。
辯方指吳被帶到殘廁
至少三度提「處理豬咀買賣」
梁其後指出辯方案情：2020 年 3 月 7 日晚上 11 時 40 分，沈甫入去 503 室時，已見到吳已被鎖上手扣。沈起先稱不同意，其後改稱同意。梁稱「你聽清楚，唔係所有嘢都唔同意嘅」，旁聽席即傳出笑聲。
梁其後模擬沈和吳當天的說話口吻，續舉辯方案情指：
沈當時問控制吳的警員，「呢個吳子樂呀？」對方則搭著吳肩稱「係呀，硬淨㗎喎」。沈遂拘捕、警誡吳，把吳換上自己手扣後問，「阿樂吓嘛？有無偈傾先？」吳沒回應，沈續說「放心啦，我哋兩個而家傾嘅嘢，唔會落口供簿住嘅，傾好晒先會寫落去」。
沈一概否認。
吳聞言則稱「你塔咗我條女（指第六被告張琸淇）喎，傾咩呀？」沈答，「你唔係我哋嘅目標，我想要嘅剩係『五飛』（指首被告何卓為）同（第四被告）張家俊」；其後手持電話問吳，「1 月 25 號，上嚟做咩呀？」、「拎個煎 pan 係咪整炸彈呀？」當時吳否認稱「我上嚟係處理豬咀嗰啲買賣㗎咋」。
沈續問吳，「今日上嚟做咩呀，做咩唔走呀？留喺度做咩呀？」吳稱等女子回來把錢給他；沈聞言即稱「唔撚好扮嘢喎！入面嗰個，你條女呀？你都唔想佢有事㗎？不如同我合作！我轉你做污點！我保證佢無事！」在吳覆「唔好搞佢」後，沈稱「你諗下先啦」。
沈亦一概否認。
其後吳子樂眼見張琸淇被帶走，即大嗌「阿sir！係唔係我同你合作，就放過我女朋友？就保證我女朋友無事？」同場有警員聞言即稱「屌你老母！你咩身份呀？你有咩資格講嘢呀？有畀你講嘢咩？」隔一會後，沈再問吳「諗成點呀」，吳覆「咁你想我點吖？」沈遂指「呢度唔方便講嘢」，就帶吳至殘廁。
殘廁內，沈要求吳埋牆接受搜身，其後把吳的手扣解開，再把其左手鎖至馬桶旁扶手位，喝叫吳「跪低」，吳聽從。之後沈問「九十二籤」有何人、每次上去做甚麼事等。
沈同樣一概否認。
其後沈引「石棺藏屍案」的特赦證人「小草」為例，氹吳做污點證人，指「『小草』單嘢你聽過啦？間房入面發生咗乜，邊個知呀？佢都係咁甩身之嘛。間房入面，又無 cam 又無錄音」、「幫我隊死五飛同張家俊就得，咁我就幫你轉做污點證人」。
吳聞言問誰是五飛，沈斥「你係咪玩嘢呀？上得嚟呢度，你都話唔識五飛？」吳問是否即「大角咀隻揪王」？沈答「咁咪即係識囉」。之後吳稱「我上嚟係處理豬咀買賣，我本身以為你拉我呢樣嘢，我唔明你點解問九十二籤」。沈即斥「仲玩嘢？信唔信我搞埋你條女吖嗱？」
之後沈打了吳一巴，再用力把吳的頭㩒入馬桶內，同時沖廁。
沈續一概否認。
吳在被沖水後，問沈「咁你想我講咩吖？唔好搞佢呀！佢唔關事㗎，佢陪我上嚟㗎咋！」沈要求吳按其意思寫警誡招認，吳要求致電予女友，聽到她聲音確認其安全，否則「一隻字都唔會寫」。之後吳獲准致電，沈說「電話都畀你打咗啦，肯合作啦？」
之後沈再問，「1 月 25 號，上嚟做咩呀？」、「拎個煎 pan 係咪整炸彈呀？」吳再次否認稱「我上去處理豬咀咋喎」。沈斥「你唔好要我再問多次喇，又玩嘢？電話都俾你打埋啦！你而家又想反口呀？」並再把吳的頭塞至馬桶沖廁。其後吳開始聽從沈。
沈一概否認。
之後沈把記事冊遞予吳，著他寫「你負責搬、處理材料，成品由五飛及山雞處理」、「運送由山雞負責；電子器材，張家俊負責」，並稱「你將啲嘢推晒畀佢地咪得囉！」期間沈要求吳抹頭，喝他「唔好滴濕本嘢」、「整濕你就大撚鑊」。
其後吳按照沈的指示寫口供，期間沈再問及其女友於「九十二籤」中的角色，吳否認她和「九十二籤」有關，沈遂稱「你好撚串喎」，並再把吳的頭塞至馬桶沖廁，然後說「你同佢得幾個月貨仔，我係你就推晒畀佢」、「你唔合作，我保證唔到佢無事㗎喎。旺角差館強姦案單嘢，你聽過㗎啦？」吳遂再度屈服，聽從沈指示。完成警誡口供後，吳要求再一次致電女友、確認其安全，否則不會與沈錄影會面。
沈再一概否認。
之後辯方再指，沈除曾對吳作暴力行為之外，「你亦曾經喺其他嘅情況下，對你被捕嘅人士，作出過暴力行為」。沈稱「唔同意」。
至控方覆問，主控林芷瑩就截圖等與沈澄清後，沈完成作供。
HCCC186/2022