2020 年初，明愛醫院、羅湖港鐵車廂被發現有爆炸品，Telegram 頻道「九十二籤」事後承認責任。7 人被控《反恐條例》罪名，餘下 1 人被控以「企圖製造炸藥」罪。8 人不認罪，周五（11 日）於高院踏入第 86 天審訊。
首被告何卓為續作供，稱 2020 年 3 月 7 日晚上離開宏創方 503 室，打算留宿酒店、翌日往釣魚，因從其中學同學口中得知，「3 月 8 號將軍澳可能會有啲事發生」，並指「佢都勸我避一避開」，而他當晚前往酒店途中被捕。
法官追問打算不在 503 室留宿的原因，何稱「當時我自己已經懷疑喺我 503 室出入嘅人可能涉及爆炸品案」，並指「喺 503 室出入過嘅人都有可能」。審訊下周一續。
第 85 天審訊｜首被告稱受人所託買硫磺、沒過問用途 外出吃飯不知住所曾冒煙
何：受託買變裝用品
周五是何卓為第 4 日出庭作供，他續提到 2020 年 3 月 7 日被捕當天發生的事，稱中學同學「阿蛋」曾著他查看涉案 Telegram 群組「烘焙同好會0.3」的訊息，得悉 503 室「好大煙」。因擔心觸發消防灑水設施，遂在群組問「搞咩，咁大煙」，有人回覆稱，「大煙咗啲啫」。
何到 503 室發現沒有損害之後，便離開找友人 Vivien（控方指是第五被告楊怡斯，何否認）吃飯，當時李嘉濱和吳子樂仍在 503 室內。近晚上 10 時，吳和張琸淇進入 503 室。
何卓為約 10 時 2 分返回 503 室，其代表大律師姚本成展示閉路電視片段，問何當時為何手持白色膠袋？
何稱，袋中載有化妝品、假髮及假鬍鬚， 稱是由其友人 Vivien 所買。何解釋，他的朋友 April 有一友人為反修例案被告，「April 話佢俾人起底，擺咗上暴徒網，所以佢出入都會俾人滋擾，April 問可唔可以幫手買啲變裝用品」，何遂託 Vivien 購買。
何：獲告知「將軍澳可能會有啲事發生」
懷疑出入單位人涉案
何當晚約 10 時 27 分離開 503 室，指打算到酒店留宿及翌日去釣魚。何解釋，他從「阿蛋」口中得知，「3 月 8 號將軍澳可能會有啲事發生」。
法官陳仲衡追問，3 月 8 日將軍澳可能有事發生，與他打算不在 503 室留宿有何關係？何稱，「因為當時我自己已經懷疑喺我 503 室出入嘅人可能涉及爆炸品案」。
官追問「咩人？」何稱，「喺 503 室出入過嘅人都有可能」。
何並指，「阿蛋」當時是打電話告知他，「佢都勸我避一避開」。何稱，他當時託朋友為他預訂青衣青逸酒店留宿，「租咗兩晚先」，「諗住過咗 3 月 8 號睇下有冇事先，再睇下後續點樣」。
何稱 503 室石油氣罐
「用嚟燒魷魚」
辯方展示他離開時的閉路電視片段，何確認為他當時的裝扮，指背囊有假髮及鬍鬚，以便交予 April，另手持防毒面具，亦有帶備釣具。何稱，其後「突然間想飲酒」，故到酒吧飲酒；並確認飲酒後乘地鐵往青衣，在地鐵站被警員截停拘捕。
辯方其後展示於 503 室的證物相片供何確認，包括警員在行李箱內搜出的硝酸鉀、硫磺等化學物。何稱，留意到有行李箱但沒為意入面的物品。
至於相中可見共有 6 個滅火筒，何稱認得是在 2019 年10月尾、11月頭，示威者「用嚟噴熄啲催淚彈，但我唔知入面有汽油」，指是由示威者放在該處。至於 4 個石油氣罐，何稱是屬於他的，指會接駁噴嘴，「用嚟燒魷魚」。
單位內平底鑊
何稱沒想過與爆炸品有關
辯方亦展示 503 室內的平底鑊相片，何確認曾見過，但指當時沒有理會，解釋指 「我聞落去又唔係食物會腐爛嘅嘢，又見佢冇引啲烏蠅埋嚟」，他亦有問過朋友「Rachel」，「嗰堆野點搞」。
何補充，因為曾向「Rachel」透露過會想搬走，「如果我搬走，佢都要搵個地方儲存啲嘢，咁佢話唔使理啦，佢會處理㗎啦」。
辯方問，有否想過鑊中是「自製嘅 Rocket Candy」，即爆炸品。何稱沒有。辯方追問，「或者與爆炸品有關嘅物體？」何亦稱沒有。
何稱見過電路板及電池
曾問用途
辯方亦展示一張相片，顯示一塊電路板及兩粒電池。何稱在 2020 年 2 月時見過，並曾拍照向「阿蛋」查詢，「因為我唔知咩嚟嘅，所以我問佢咩嚟㗎，有冇用㗎，可唔可以抌咗佢」。
法官問，為何要問「阿蛋」？何答稱，因為「阿蛋」曾用其身分接觸其中一個群組，懷疑涉及爆炸品案。
官續問，為何不是問出入房間的人？何解釋，「當時睇返個紀錄，冇乜人出入」，又指「如果係 Rachel 嘅嘢，會放喺雪櫃，但呢舊嘢放喺我平時出入嘅吧檯附近」，故問「阿蛋」，「代我接觸懷疑涉及爆炸品案嘅人」。
7 被告被控《反恐條例》控罪
1 被告控以企圖製作炸彈
8 名被告依次為何卓為（37 歲，無業）、李嘉濱（26 歲，裝修工）、吳子樂（28 歲，金融從業員）、張家俊（30 歲，程式工程師）、楊怡斯（29 歲，文員）、張琸淇（25 歲，入境處登記主任）、何培欣（23 歲、浸大四年級生）及周皓文（25 歲、測量員）。
首 7 名被告被控以《聯合國（反恐怖主義措施）條例》下的「串謀犯對訂明標的之爆炸」罪，以及一項交替控罪；李嘉濱另被控以意圖妨礙司法公正罪，周皓文則被控一項企圖製造炸藥罪。
HCCC186/2022