港台《鏗鏘集》前編導蔡玉玲，被指為跟進元朗 721 襲擊事件，向運輸署虛報車牌查冊用途，2021 年被裁定兩項作出虛假陳述罪成，罰款 6,000 元。蔡申終極上訴，經聆訊後，終院 5 名法官周一（5 日）一致裁定蔡上訴得直，撤銷定罪及罰款。
蔡玉玲在庭外受訪時形容，今次裁決對所有記者而言是喜訊，「對我嚟講，好似好耐無遇過一件開心嘅事，可能對好多人嚟講，都有咁嘅感受」，最大意義是法院再次肯定，言論自由及新聞自由受憲法保護。她指，由她被捕至今歷時 30 個月，事件已為新聞工作者帶來不少採訪限制，希望業界就終院裁決能作出適當安排，「唔好因為今次案例而嚇怕咗」。
蔡玉玲強調，今次終極勝訴，並不是她一個人可做到的事，「係成個社會嘅支持、認同，亦係法律業界嘅幫忙，去促成呢件事發生」。她最後指，「呢幾年可能我哋都發現，好多嘢無聲無色消失咗，但我相信心入面嘅信念，始終好難畀人攞走，無論今日勝訴定敗訴，我覺得過去呢幾年嘅堅持，已經係一件有意義嘅事」。
文字報道：蔡玉玲查車牌罪成終極上訴得直 終院判詞：原審推斷造成嚴重不公