水警高級督察林婉儀 2021 年 9 月執勤時殉職，26 歲時任男警被指在 Facebook 發布「抵死」等言論，事後否認一項煽動罪受審。裁判官香淑嫻周一（5 日）裁定本案表證成立。 被告供稱，他中學從廣州來港後，由志願從軍改立志當差，投考 4 次後終入警隊。惟因本案遭同袍冷言冷語，最終辭職，但稱若「呢件事平反到，還返我清白，我就會返去（警隊）」。 被告又說，林婉儀執勤時墮海消息傳出時，他在警署聽到同袍議論，有人說上級部署失當、邀功而罔顧夥計生死。他稱替林感「唔抵」，遂發晦氣下才發布涉案帖文。案件周三（7 日）續審。
前男警作供：投考 4 次獲取錄
因案遭同袍冷言冷語終辭職
26 歲被告崔駿民作供時簡述個人背景，指自己在廣州出生，在當地軍訓式學校讀至中三。受同輩影響，志願從軍。其後父母離異，隨母赴港，改立志當差，投考 4 次終在 2017 年加入警隊。
崔續指，他在 2019 年示威時參與「踏浪者行動」，同事間為免擅離職守會長裹尿布，形容工作辛苦。時至發生本案後，他指遭受同袍冷言冷語，飽受壓力，最終辭職，但若「呢件事平反到，還返我清白，我就會返去（警隊）」。
崔：FB 發帖前聞同事議論
有人說「嗰啲狗官死一個都唔夠」
崔駿民續供稱，當日水警高級督察林婉儀執勤時墮海受傷消息傳出，他身在警署飯堂，當時電視正播無綫新聞台，「我哋同事圍住前面，喺度對事件議論紛紛」，人數約有「10 個 8 個」。
崔稱，有同事說「畀走私快艇撞沉咗，唔撞死都浸死，隔咗咁耐，真係好慘囉」，另一人說「冚硬區旗呀今次」。崔續稱，有同事說，「收到料，好似追咗去大陸海（域）個邊，畀走私船回馬槍撞返轉頭。」另一人問，「你又知佢過咗大陸海？個海都無界無線，你點知啫？」
崔指，該同事即激動說，「緊係知啦，有雷達，有 GPS 㗎嘛，點會睇唔到呀上面電台！其實一早過咗界，就唔應該追啦，唔係點會畀人回馬槍撞呀！就係之前啲走私太猖狂，上面詐型，今次先要（林婉儀）做場好戲佢哋睇，一定要拉到人…好明顯就邀功，罔顧夥計生死！呢啲咁嘅高官，最應該負責係佢哋！」
崔續供稱，當時有另一同事說，「如果林幫辦係咁樣死，最抵死係啲高官，嗰啲狗官死一個都唔夠」。
崔：發文因情緒不好、
替林婉儀感「唔抵」
崔駿民續指，同事討論十多分鐘後，他感到「好忟憎」、「戥林幫辦唔抵」，「聽到同事講部署唔好，我都相信」。崔指，他其後回家，在網上留言說「幫辦死咗啦」，因他相信林已過身，又認為警方過往在重大事故後會將 Logo 轉黑，他遂把相轉黑，「無任何誹謗佢嘅意思」。
辯方問他，他留言「不過係抵死」是何解。崔答，「我發晦氣」、「講反話」，稱「無諗住詆毀佢（林），純粹想發洩自己」，稱自己對事件真正感愛，是「愛之深，責之切」。
至於他說「好耶，有魚做嚕」，因警察術語中，會用魚形容「遺體或屍體」，「咁講係希望搵返條屍」、「打個比喻，就好似『財散人安樂』，財散唔通真係安樂咩，財散喎」。
崔否認「唔撐政府」
否認有意圖引人憎恨或藐視政府
辯方續問崔駿民，「你平時講嘢好鍾意講反話㗎咩？」崔同意，並舉例指，「同事病咗返唔到工，會打畀佢問『死得未呀？死咗唔使返工喇』，又或女朋友化妝靚，會講『唔好化到豬排咁』，但心入面知佢好靚」。
辯方又問，「你係咪唔撐政府嘅人？」崔答「我唔係囉！」並否認其言論，有引他人憎恨或藐視香港政府、司法制度，或引香港居民離叛的意圖。
主控、署理助理刑事檢控專員張卓勤盤問時，先後引述警員受職宣誓詞、警員守則、警察通例等質疑，崔駿民發布內容有否損警隊聲譽。崔指，「唔覺做嘅嘢有損警隊聲譽，或抵觸警隊核心價值」。
本案曾召「案中案」
爭議證物呈堂性
本案曾召「案中案」，辯方爭議被告手機數碼數據呈堂性，指內容是遭上司強逼交出而非自願提供。經「案中案」後，裁判官香淑嫻裁定內容均可呈堂，案件續審，被告選擇親自作供。
案情：被告 FB 發布
「狗官死一個點夠」等陳述
被告崔駿民（26 歲，報稱無業），被控一項「作出一項或多項具煽動意圖的作為罪」，指他於 2021 年 9 月 25 日至 2021 年 9 月 28 日期間，在香港作出一項或多項具煽動意圖的行為，即在 Facebook 發布公開陳述，意圖引起憎恨或藐視香港特區政府或激起對其離叛，引起對香港司法的憎恨、藐視或激起對其離叛，或引起香港居民間的不滿或離叛。
控方案情指，被告在「香港警察」Facebook 帖文下，發布「（林婉儀 ）生前職業係咩」、「水記女幫板應該死左喇」、「不過係抵死」等留言，又轉發與林婉儀失蹤有關的《立場新聞》報道，並表示「最好就死撚埋啦」、「希望有得認魚啦」、「狗官死一個點夠」。
WKCC4617/2021