2012 年 10 月 1 日國慶日晚上 8 時許，124 名港燈員工及家屬乘搭「南丫四號」，從南丫島出發準備到維港欣賞煙花。惟客船啟航不久即被港九小輪「海泰號」撞穿船身，船尾於 118 秒內直插海床，造成 39 人死亡，與家人從此陰陽相隔。 政府曾於 2014 年公布有 17 名海事處人員涉行為不當，但基於私隱等理由，至今拒交代相關人士身分及紀律程序結果。立法會經濟發展事務委員會於 2018 年，決定不再跟進海難調查。律政司 2020 年 11 月表明不再有檢控，死因裁判官同月決定毋須召開研訊。(另見報道) 十年間，家屬曾耐心靜候調查，亦曾經歷憤怒、徬徨、無助。多年心結未解，有人安慰「放下」、有人勸告「向前看」，但他們都未有放棄，為的只是能於逝去摯親墓前，交代完整真相。 究竟他們是如何走過這十年追討之路？由其中 3 位家屬親自剖白。
「十年嚟，舉步維艱、披荊斬棘。我有諗過停低，人總有累嘅時候，我地都有工作、都有家庭、喺呢件事上都要用好多心力、精力。你問我，係咪每一秒都咁勇往直前，就假嘅…… 但一停低，你就會發覺，成件事停落嚟架啦喎。跟住你就發現，我唔可以停落嚟，因為我係佢（弟弟）唯一可以倚賴嘅人。所以有路就一定繼續行，那怕已經無路，向上望、 90 度、原來仲有隻窗，咪向上爬囉。」
梁淑玲（海難失去弟弟）
十年，有死者家屬未及聞得真相便已離世；十年，南丫海難、鉛水事件等，政府都是高調介入而草草收場，雷聲大雨點小；十年，由當年傳媒廣泛報道，到如今部分媒體相繼消失或自我禁聲審查。十年，我再不認識這個香港。
徐志盛（海難失去哥哥和侄女）
「老實講，我曾經充滿憤怒，點解犯錯嘅人唔受罰，個心係耿耿於懷…… 但已經過咗去，都要學識原諒，如果唔係會更加辛苦。但追求真相嘅心，我係唔會變，你一日唔公開真相，我都會唔安樂。啲人都問，你追咩啫？就係當有事嘅時候，嗰種安全，我哋點樣去做呢？呢個世界唔係個個識游水，一定要改善陋習，錯咗，唔好繼續錯，呢啲就係向前看囉。」
趙炳全（海難倖存者，意外中失去姊姊）
