2012 年造成 39 人死亡的南丫海難，死因庭周五（6 日）展開第 24 日研訊。研訊議題之一是船員有否超時工作，營運海泰號的港九小輪控股董事張大基供稱，公司船員分單更制、雙更制，其中雙更制須 24 小時輪班，由清晨工作至翌日早上，午夜須留守船上休息。
張強調 24 小時工作制過百年來行之有效，船員「都情願行雙更制」而非 12 小時單更制，因船員毋須午夜來往家中，能在船上休息，「佢哋都開心」。家屬方質疑，無人可連續工作 24 小時。張則指，船員非無間斷工作，又指「佢哋（船員）都唔想離開隻船，佢哋都仍然想話 24 小時喺隻船度」。研訊下周一續。
同日報道：
南丫海難｜被質疑沒做好領導工作 海事處前處長廖漢波：「我盡咗我嘅能力」
另外，海事處時任處長廖漢波在家屬方提問下確認，不同意運輸及房屋局在 2014 年內部調查對海事處的批評，又指局方「都係監管我哋，佢都發生同樣嘅問題㗎」。至於他身為首長級官員，是否沒有做好領導工作，廖表示「我盡咗我嘅能力可以做，我用我有嘅時間做，我就盡咗我嘅力㗎喇」。（見另稿）
港九董事：24 小時雙更制行之有效
海難中港九小輪海泰號與南丫四號相撞，船員有否超時工作是死因研訊的議題之一。綜合海泰號船員證供，他們事發當天由清晨工作至晚上。庭上傳召港九小輪董事張大基作供，他於 1998 年成為港九小輪董事，主責管理及策劃。
研訊主任關注港九小輪於 2012 年的編更情況。張指，員工分為雙更制及單更制，雙更制即一班船員當值 24 小時，由早上 7、8 時工作至翌晨，之後休息一天，由另一班船員接手。至於單更制，則由清晨天亮時約 6、7 時繁忙時間開始工作，至黃昏繁忙時間完結便下班，約 12 小時。
員工另有例假、有薪假等法定福利。張補充，每次航行之間員工均有休息時間，繁忙時間約有 15 至 20 分鐘休息，非繁忙時間有半小時至 45 分鐘時間休息。主任問及，公司有否鼓勵員工利用船隻班次之間的空檔休息？張反問「鼓勵佢哋休息？」，並指在空檔時間「我冇工作派畀佢㗎喇當時⋯⋯做完工佢會休息啩」。
主任關注雙更制，當船員完成工作、船隻停泊後，為何仍要求船員留在船上？張指，公司提供公共交通運輸，須 24 小時服務，凌晨 5 時亦有船班，員工難以安排交通上下班，「我哋上手 20 幾年都係咁做，以前都係咁做，油麻地百幾年前都係咁做，個社會亦都接納，員工亦都接納，成個 system（系統）都接納，行之有效」。
張強調，員工更一度提出要取消單更制，因為雙更制假期更多，「各方面條件係好啲嘅，同埋交通唔使駁嚟駁去，我哋有安排佢哋喺船度休息⋯⋯成個 stand up 百幾年歷史，行之有效，佢哋（船員）都開心」。
港九董事：海難後獲悉海泰號 L 形圍板鬆脫
主任再指，百多年前的交通與現時不同，會否讓員工自行決定留在船上或離開船隻休息？張認為不需要，亦毋須考慮，強調制度「行之有效」，亦沒有船員表達休息時間不足。張又指，前線員工如有問題會向上司匯報，董事亦會視察前線工作。
針對海泰號的情況，張指海泰號 2002 年出廠後租予其他渡輪公司，2008 年才收回港九小輪營運，後期才知道海泰號船頭被加裝 L 形金屬圍板。他指，港九小輪部分船隻亦有裝圍板，解釋鐵板有保護作用，不屬船體。張又提到，於海難發生後，才獲告知海泰號於意外前，曾進行洗船底工程，發現其中一塊鐵板鬆脫，未有即時修理。
張又表示，當出租海泰號予其他公司時，會由對方公司負責維修保養，2008 年收回海泰號後，則由港九小輪安排財利船廠維修保養。
家屬方質疑不可連續 24 小時工作
家屬代表大律師譚俊傑關注，船員在午夜 12 時半尾班船後須留在船上等候翌日頭班船，是否因為合約原因以及制度運行已久？張重申，「船員都希望係咁做」，但同意家屬所指，制定 24 小時工作制須考慮海上安全。
家屬方質疑，即使中間有休息時間，亦無人可以連續工作 24 小時。張則指，船員並非 24 小時不停工作，反問情況「係咪 24 小時都係工作呢？係咪喺個廚房煮飯不停咁樣煮呢？」
他又確認，容許船員午夜離開船隻，不會增加營運成本，但重申「佢哋（船員）都唔想離開隻船，佢哋都仍然想話 24 小時喺隻船度」。
海事處代表大律師羅蔚山關注，船員午夜在船上休息時，須否同時留意船隻安全？張指，船會停泊在安全區域，用船纜固定好，船員毋須跟進任何事務，但確認在清晨頭班船前，船員須提早預備開船，包括操作船上機器。
張：船上有床鋪休息 每月 17 日假期
港九小輪的代表律師許洁瑜則詢問，有否船員曾要求午夜回家休息？張稱沒有，又指船上有床鋪、冷氣、水、洗手間，亦有床鋪供船員睡覺。
許洁瑜另關注船員的假期安排，張指船員每月「只係做 13 日嘅 full day（全日）、24 小時，佢有 17 日係唔需要到船上面」，另有公眾假期、例假、年假。
CCDI-1075-1113/2012(MC)