蔡天鳳疑遭殺害碎屍案，周四（12 日）踏入第 36 日審訊。昨日指證胞弟殺蔡天鳳的鄺港傑繼續作供，指弟與蔡出事後，他致電母親欲叫她接放學，而他事後回想，「我至少應該⋯報警或者 call 白車。」
辯方大狀 Trevor Beel 問為何當時沒有這樣做？鄺停頓數秒，稱「因為車後邊嗰個，兩個都係屋企人，我當時嗰刻冇⋯冇諗過呢個方向」。
Day35 鄺港傑指證胞弟殺蔡 稱蔡車上罵弟其後沒反應 胞弟崩潰大哭
報道涵蓋庭上描述的案件過程細節，或會引起不安。
第四年，我們仍在現場。
支持《法庭線》，讓我們走得更遠。
13:00 休庭午膳
12:25 鄺港傑指清潔車廂
「我覺得要抹到好乾淨，好似冇發生過任何事咁樣」
辯方大狀 Trevor Beel 指，鄺港傑於 3 時 34 分收到母親李瑞香來電。鄺庭上供稱，當時着母親「即刻搭的士去湊妹妹放學」，又補充，因為當日較早前蔡天鳳約人睇樓，加多利山家中不宜有人，所以母親約了朋友打麻雀，但當時他不知母親身在何處，而母親亦有追問要她趕往學校的原因，「因為佢嗰時打緊麻雀，冇諗過要接妹妹」。鄺遂告知母親「唔好問咁多，總之而家即刻去接妹妹喇」。
庭上續播放 CCTV 片段，一把男聲稱「我叫你依家即刻去」，又提及蔡長女的學校名稱。Beel 指按通話紀錄，鄺港傑 3 時 34 分再致電予母親。 Beel 引述兩人的通話謄本，指當時鄺港傑曾稱「唔使解釋咁多」。
鄺港傑庭上表示，當時母親表示在打麻雀，「即係有得揀嘅話，佢唔想離開麻雀嗰個 situation，所以我就叫佢唔好講咁多喇，你快啲 call 車出發先喇」。
Beel 續指，片段又顯示鄺港智離開 AA3383 車廂，所以當時胞弟並非在村屋單位內，而是一直在車內？鄺港傑表示可能記錯，那時胞弟仍未換衫。
Beel 提到，鄺港智離開車廂時，手持白色及紅色膠袋。鄺港傑指，白色袋為「（胞弟）本身諗住做 gym 嗰袋衫」，而當時鄺港傑用濕紙巾清潔車廂，紅色袋內有用過的濕紙巾。
Beel 追問為何要使用濕紙巾。鄺港傑回應「因為鑑於啱啱嗰 9 個字（45 分鐘）發生嘅事，我一路清潔緊個車廂吖嘛，我覺得要抹到好乾淨，好似冇發生過任何事咁樣」，他又稱，車內「其實冇啲可視、可見到嘅污糟或者咩嘢，其實我係成個車廂喺度抹」。
Beel 引述，法醫曾提及蔡天鳳所受的傷會令她內、外出血，問鄺港傑，有否在車內見到血跡？
他表示，「我冇見到有啲咩特別好似法醫講嘅，好多血咁樣，我冇見到嘅。但係我見到喺個中控台手枕後邊，有好少嘅血痕，我唔確定今日整到好污糟吖，定之前整到好污糟，因為平時我冇咁仔細去留意嗰個環境吖，所以我亦都有抹埋」。他形容，當時發現有「指甲咁上下、一條線嘅紅色嘅⋯⋯我唔知血定污跡嚟嘅」。
片段又顯示，鄺港傑從 AA3383 車廂內取出物品。他庭上稱，當時他取出地墊，因為「正如我啱啱所講，我想成個車廂中間，好似冇發生過嘢咁樣，清空咗佢先，我覺得咁樣安全啲」。Beel 追問，「安全啲」的意思。鄺指是「安全感」，又稱「始終啱啱 45 分鐘我知道發生咗事情」。
12:10 鄺港傑：父着與弟先行離開
大狀：為何沒報警？ 傑：唔識點處理
鄺港傑續供稱，父親鄺球隨後指示他把載着蔡天鳳的膠箱搬入屋內，他便隨父親走入屋內，把箱放入大門的左方地上。當他與父親入屋後，胞弟亦隨後入屋，「然後爸爸企咗喺度，思考緊咁嘅模樣」。他遂問父親：「而家究竟點做，你會唔會報警或者 call 白車之類？」鄺港傑指，「佢（父）諗咗一諗，只係叫我同細佬盡快離開，佢會盡快處理㗎喇」。
辯方大狀 Trevor Beel 追問，當時鄺港傑為何沒有報警？他形容「我當時唔識點樣處理」，而及後他想離開，但見車內中排座位「有啲狼狽、即係有啲亂吖，我諗我應該清理吓先再離開」。
Beel 問鄺港傑當時的想法。他回應「我認為鑑於啱啱嗰 45 分鐘入邊發生嘅所有嘢，應該清理咗成個車廂，起碼中排（座位）先，因為仲有啲雜物喺度吖」。他補充，當時 AA3383 七人車內，仍有「Abby 嘅薄嘅外套喇，有對涼鞋喇，有個袋喇，所以我⋯⋯誒⋯⋯執咗啲嘢⋯⋯誒⋯⋯叫埋 Alex 幫手清咗個車廂先⋯⋯誒⋯⋯搬咗啲嘢入屋先。」
CCTV 片段顯示鄺港傑曾出入 AA3383 車廂。他庭上指，已忘記情況，「但係我記得整個過程目的都係清潔緊架車」，而當時胞弟在屋內，「我記憶佢係應該換緊衫嘅」。他又認為，「我目睹啱啱 45 分鐘入邊，佢（智）喊到成身濕晒咁滯喇，佢覺得污糟，所以換衫」，但他沒有看到胞弟的衣服上有血跡。
11:50 鄺港傑：父將蔡放入膠箱
弟開車門 料為遮視線
辯方續播放 CCTV 片段，辯方大狀 Trevor Beel 指聽到有放下物品的聲音。鄺港傑稱，當時父親着他把膠箱搬離車廂，他遂把膠箱放在車外的地上。
片段顯示，鄺港傑與鄺港智於 AA3383 車頭附近位置交談，鄺港傑亦有打電話。Beel 指電話紀錄題示，鄺港傑於 3 時 17 分、18、19、20、22 分，多次致電予母親。鄺庭上確認，指當時母親沒有接聽電話。
至於鄺港傑與胞弟的對話，鄺港傑庭上形容，「其實當時個人係好騰雞嘅，我嘗試喺度同佢扮傾偈，其實有啲語無倫次嘅」。Beel 再問，鄺當時為何感慌張？他回應，「因為而家面前發生緊嘅事、呢一個鐘頭內發生緊嘅事」，即蔡遇襲一事。
片段續顯示，鄺港智由 AA3383 車頭位置走到兩車中間，向外望，吸煙。Beel 問，當時鄺港傑是否指示胞弟這樣做？鄺港傑表示沒有，亦不知胞弟為何這樣做。
片段可見鄺港智隨後打開 AA3383 司機位的車門。鄺港傑庭上指，當時父親着他打開趟門，「咁我見到⋯⋯誒⋯⋯面前個畫面已經係，見到用被鋪包住嘅物體，我覺得係 Abby 嚟嘅，同時間細佬就打開度門」。Beel 追問，當時鄺港智為何會打開司機位的車門？鄺港傑回應，「我諗係遮住個視線啩」。
鄺港傑續指，當胞弟打開司機位的車門後，「爸爸思考咗一陣，我諗佢應該思考緊點樣將個被鋪放落個膠箱度」，即當時在思考如何把蔡放入箱內。他續指，當時他身處車外，「我睇到爸爸將個被鋪、即係Abby 瀡咗落膠箱入邊，然後爸爸亦都跟住落埋車，然後就指示我搬起個箱跟住佢，就去屋入邊嘅方向」。
11:29 小休
10:30 鄺港傑：按父指示搬膠箱
蔡沒反應料已死亡
辯方於庭上播放，兩輛車駛到龍尾村屋外的 CCTV 片段，顯示鄺球駕駛的 VY9157 及鄺港傑駕駛的 AA3383 到達村屋外空地，原本車頭為同一方向，面向村屋，但 AA3383 隨後調頭。鄺港傑庭上指，當時父親着他調頭。他泊好車後下車，父親着他到 VY9157 的車尾箱，打開後，發現內有自己之前購入的膠箱，而兩個膠箱重疊、入面有膠袋。
他續指，當時父親把膠箱遞給他，稱「你拎住，跟住我」。他便跟隨父親，把膠箱放在單位門外地下。Beel 再問，當時鄺港傑有否想到之後會做甚麼事？他回應「由於啱啱嗰 15 分鐘發生咗好多事，當刻我只係倚賴住爸爸，好似 follow 咁，佢做啲乜，我就跟住去做」。
鄺港傑隨後指，應為當時 20 多分鐘發生的事，「發生事當刻，到 CCTV 見到呢刻，嗰時間其實好短㗎咋」，而「發生事」意指「Abby 遇到襲擊嘅事」。他形容，當時想法「一片空白咁樣、當機咁樣、hang 機咁樣」。
鄺港傑續指，及後父親着他把地上的膠箱放到車門旁。Beel 問，當時他是否知道會如何使用膠箱？鄺港傑指，當時父親「冇同我去溝通過，但我嗰刻嘅意識，我猜測到」。他續形容，「我估係可能想將 Abby 擺喺嗰箱度，搬咗入屋，先⋯⋯先⋯⋯先搞後續嘅嘢，離開咗架車先」。
從片段所見，鄺港傑及後再登上車頭位置。他在庭上解釋，當時「上一上車睇吓佢哋而家點，爸爸而家有咩諗法，諗住做啲咩呢」。而胞弟當時在車內的情況，「已經冇頭先咁崩潰⋯⋯但係個人都好呆滯咁嘅」。鄺指他沒有在車內與胞弟溝通。
鄺港傑續指，隨後父親着他把膠箱放入車內。至於蔡天鳳的情況，鄺港傑指車廂環境狹窄，車內又有人，阻礙其視線。他形容，「我見到有個物體，Abby 瞓喺度喇，但我啲視角唔係好見到佢啲面。因為呢我記得爸爸唔係一上車坐喺度，佢喺架車郁緊，所以佢都會遮咗我啲視線」。
Beel 追問，當時鄺港傑認為蔡是否仍在生？鄺表示，當時在過去約半小時，「我目擊唔到，亦都察覺唔到任何反應。即係你在生、會呼吸會盛吖嘛。佢（蔡）冇反應，所以我當刻，我會自己去諗，可能佢已經過咗身、死咗。」
Beel 續指，根據紀錄，鄺港傑於 3 時 17 分繼續致電予母親李瑞香。鄺港傑指，當時母親沒有接聽電話。Beel 續指，鄺港傑隨後打開車門。他解釋，當時欲了解車內情況，但「我係乜都見唔到」，因為膠箱亦阻礙其視線。
Beel 又問及鄺港傑把膠箱放入車廂之後的情況。鄺指，當時見蔡仍躺在地下。
片段顯示，鄺及後走入車內的乘客位，鄺港智則離開車廂，在車門外吸煙。鄺港傑憶述，他當時走入車廂，因為當時「想睇吓爸爸而家咩狀況」，「我記得佢（父）誒⋯⋯已經從後座攞緊一個平時畀小朋友冚住瞓覺嘅薄被鋪，嘗試包裹緊 Abby。」
Beel 再指，片段可見，車門外的鄺港智似乎與車內的人對話。鄺港傑指，當時胞弟與他對話，但他已不記得內容。庭上續播放片段，顯示鄺港傑隨後手持膠箱離開車廂，而鄺港智則關上車門，續站在車門外。
Beel 再指，片段可見，當鄺港傑取出膠箱時，箱內空無一物。鄺港傑庭上指，相信當時把箱內的膠袋取出，放在車上。
10:15 鄺港傑：父上車後嘗試觸碰蔡
之後兩車一同返龍尾村屋
鄺港傑在提問下續指，當他駛至大尾篤停車場時，父親鄺球的車輛已在場，鄺遂把車泊在旁邊。父親同時下車，走到司機位方向的玻璃，往車內望，並拉開趟門上車。鄺港傑指，當時他沒有下車，當時為下午，現場附近有海灘，「好多人行嚟行去，所以嗰個停車場好多車喺度泊緊」。
他續供稱，當父親打開車門時，胞弟鄺港智當時「佢仲坐喺地下，即係佢座位嘅下邊」、「發緊吽哣咁樣」。父親上車後「就冇出過聲，我同爸爸冇對過話」。他續指，當車輛駛到大尾篤停車場後，他往後望，「我望到⋯⋯Abby 瞓咗喺度，但我睇唔到佢面容，因為披頭散髮」。
鄺港傑指，當時父親亦嘗試觸碰蔡，「我形容為嘗試睇吓有冇心跳之類嘅動作」。而他則持續致電母親，「冇再敢望向後邊」，又指當時「好心急」，「因為嗰時妹妹已經放咗學一陣，但係仲未有人去接佢」。他持續致電母親，父親則着他「返返去屋企先」，即龍尾村村屋。隨後父親離開鄺駕駛的七人車，返回鄺球自己的車，兩車一同出發前往村屋。
10:00 鄺港傑：回想當時應報警或叫救護車
鄺港傑繼續出庭作供，他昨指證胞弟鄺港智殺害蔡天鳳，並供述事發時車上情況，提到胞弟大哭、無法溝通，而他致電父親鄺球後，父親着他到大尾篤停車場會合。
鄺港傑周四於辯方大狀 Trevor Beel 主問下供稱，當時他尚未駛至大尾篤，「我突然醒起，妹妹（蔡的長女）仲等緊人（接）放學，所以我就打畀媽媽（李瑞香）」，但當時「連續打咗幾個，媽媽都冇聽電話」。
Beel 引述鄺港傑與母親的通話紀錄，顯示他 12 時 55 分致電母親，又於 2 時 2 分、3 時、3 時 1 分及 3 時 2 分再致電。鄺港傑提到，在 3 時撥打的 3 個電話，均一直「響到尾」，沒有人接聽。他形容，他當時只想到「妹妹嗰時仲係學校冇人接，我要安排佢哋去接佢⋯⋯冇乜諗到其他嘢」。
Beel 追問，現時回看，他當時應該致電予誰？鄺港傑停頓數秒，說：「我至少應該⋯⋯報警或者 call 白車。」Beel 再問，為何他當時沒有這樣做？鄺再停頓數秒，稱「因為車後邊嗰個，兩個都係屋企人，我當時嗰刻冇⋯⋯冇諗過呢個方向」。
Beel 又問，現時回看，你如何看當時的決定？鄺港傑停頓約 10 秒後回應「我認為應該⋯⋯勇敢啲、同埋理智啲⋯⋯如果嗰時理智啲，嗰腦冇咁空白，件事可能冇咁惡劣」。
3 人被控謀殺、阻止合法埋葬
被告依次為鄺港傑（31 歲，司機）、鄺球（65 歲，退休人士）及鄺港智（28 歲，無業）。鄺港傑由大狀 Trevor Beel、劉奕勤、李宣儀代表；鄺球由大狀戴偉奧（Oliver Davies）及羅天祺代表；鄺港智由大狀安華暉（Andrew J. Raffell）、劉皚淇及鄧樂齊代表。
控方由外聘資深大狀郭莎樂（Charlotte Draycott）、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝（Brian Keith）審理。
3 人承認阻止合法埋葬屍體罪，否認謀殺罪。阻止合法埋葬屍體指，3 人於 2 月 21 日至 23 日期間，在香港阻止蔡天鳳的屍體被合法埋葬；謀殺罪指，3 人在 2023 年 2 月 21 日，在大埔龍尾村 56B 地下謀殺蔡天鳳。
HCCC198/2025