蔡天鳳疑遭殺害碎屍案周四（8 日）進行第 12 日審訊，代表鄺球的大狀盤問蔡母張燕花時指，鄺球曾於內地做生意，而蔡天鳳將加多利山豪宅單位及一輛勞斯萊斯登記在他名下，是因為鄺付一半錢買樓，而該車亦屬於鄺。
張一概否認，斥「佢做鬼啦，我個女個個月畀兩萬蚊佢⋯（鄺球病）就嚟死嗰陣⋯都係阿女拎錢出嚟碌卡、20 幾萬，如果唔係佢都死撚咗啦！」張強調單位由女兒斥資購買，而勞斯萊斯亦「絕對冇可能」屬於鄺球，「（鄺）飯都冇得開，有錢買勞斯萊斯？」
鄺港智一方亦開始盤問，張供稱當初視他為「半個仔」，用「畜牲」形容他是之後的事。
Day11｜辯方追問為何豪宅單位登記鄺球名下 蔡母：方便佢走嚟走去
訂閱／贊助／購物，支持《法庭線》報道香港，記錄香港。
辯方質疑蔡繼父生意失敗
兩度按黃埔花園單位
蔡母張燕花周四第四天作供，代表鄺球的大狀戴偉奧（Oliver Davies）繼續盤問。
張供稱，丈夫蔡楚生（蔡天鳳的繼父）每月給張過百萬元生活費，由她在兌換店提取現金。而張「每一個月都開支好多，要照顧好多人」，包括外傭與廚師的薪金、買餸支出、小孩讀書費用，但她並非每月都花光。
戴偉奧質疑，出糧給外傭與廚師，加上國際學校學費，也不過 10 萬元？張強調，「我要養好多人，我兄弟姊妹好多，我唔係淨係顧自己㗎」。她指，會予每人 10 萬元，「個個都有細路仔」。
戴偉奧再問及蔡楚生的經濟狀況，張燕花確認，她 2010 年至 2019 年居於黃埔花園某層 D 室，又稱該單位是「一次過畀錢」，沒有借按揭；又形容丈夫「唔係好有錢，但每個月都有一百幾廿萬」。
戴偉奧引述土地查冊紀錄，指黃埔花園的單位在蔡楚生名下，2010 年以 625 萬元購入，當時申請了按揭，而蔡於 2012 年再將單位抵押，然後 2019 年以 1,228 萬元售出。張反問：「呢啲佢要周轉做生意，都正常啫？」
戴偉奧追問，張稱丈夫每月予她過百萬元生活費，為何還需要再按揭？張指是家中支出，「按（抵押）呢啲好正常啫」。
戴偉奧質疑，張的丈夫每月予她過百萬元生活費，即 9 年間予她共 1 億元。張則回應「養咁多人，兩個孫、兩個細路仔，幾兄弟姊妹，呢家吸血鬼，一蚊都冇畀過養細路仔！」
戴偉奧又提到，其實張的丈夫債務越來越深，並非成功商人？張指「唔好咁樣抹黑喎⋯⋯幾多年前都開 3 間酒樓，都賺二、三百萬」。戴偉奧質疑，蔡楚生似乎沒賺很多錢？張反指「佢賺幾多錢要話畀你聽咩？」又稱「海南（生意）真係賺錢」。
蔡母形容鄺家「畜生」
辯方欲阻 控方稱有權
張燕花又形容，丈夫與蔡天鳳關係良好，「每次（蔡天鳳）一返嚟，（夫）幾十萬幾十萬咁畀，好錫㗎，親生一樣」。戴奧偉質疑，蔡楚生予錢蔡天鳳，也不償還自己的債務？張指，「呢啲佢自己決定囉」。
就張稱自己樂於助人，戴偉奧追問，即她每月獲得的百萬元生活費，90% 也拿來幫人？
張回答：「就係鄺港智一個月都用我幾多錢啦，用我呢樣、嗰樣」。被告欄的鄺港智沒表情地望向張。張形容，「佢都冇錢，佢買咩都係叫我買⋯⋯佢開親口都畀，買咩都買，有求必應嗰隻」，因為「佢當時係我女婿，孫我養啦⋯⋯我就係太過愛錫佢哋，一蚊都冇還，佢話愛阿女」。
戴偉奧最後指出，其實張沒有每月獲得過百萬元生活費。張指「我有兌換店嘅單㗎嘛」，又強調自己「親戚朋友都幫，唔好話個畜生我唔幫啦」。但張同意，她之前從未提及要養其他家人。
戴偉奧則關注不應使用冒犯性字眼，主控郭莎樂則認為，張有權使用這些字眼。暫委法官祁彥輝則表示，陪審團可透過張的用詞，了解張的為人。
張重申，鄺家「冇買過一樽奶粉係事實，（鄺港智母親）李瑞香嚟，買餸都係我買過去，佢有人工攞」。
辯方指蔡月入不多
蔡母不同意
至於譚家與蔡天鳳的關係，張燕花供稱譚家會給錢蔡天鳳，指她本人見過共值過億的支票，形容「譚生兩公婆對個女好似寶貝一樣，好錫佢」，聽過女兒說譚家予她 3 億元，包括曼克頓山單位。
有關蔡天鳳的收入情況，戴偉奧指蔡的網紅、模特兒工作每月賺不足 1 萬元？張指「係我認知，冇可能囉⋯⋯肯定唔止佢呢個數字」。
戴偉奧引述蔡天鳳的銀行帳戶資料，指蔡 2019 年 1 月之前每月收入少於 25 萬元，當中大部分來自丈夫。張指「以我所知真係唔止」，又指譚家在 2016 年蔡與譚婚後一直給她錢。
戴偉奧指，其實譚家在 2020 年已停止給錢？張重申譚家一直給錢、「阿女話一共畀咗就兩億幾」，而女兒於 2017 年已開始負擔與鄺港智兩名子女的開支。
辯方：蔡曾兩按曼克頓山單位
至於蔡天鳳的開支，戴偉奧指每月約 50 萬元。張燕花指，女兒每月會付 26 萬元供養加多利山單位的家庭，「細路仔讀書、買餸⋯⋯所有嘢都係阿女畀，佢哋從來未畀過一蚊⋯⋯兩個細路仔、李瑞香買餸，李瑞香人工 5 萬蚊，加起嚟就係 26 萬倒」。
戴偉奧續指，蔡的曼克頓山單位先後在 2020 年、2021 年申請按揭，分別為 1,040 萬元及 400 萬元，而蔡每月要償還 5 萬元。他又提到，張是女兒遺產管理人之一，女兒在銀行戶口的總金額只有約 600 萬元，而且她又把曼克頓山單位抵押。
張指，蔡戶口「冇少過 600 萬」，指自己對按揭一事不知情，至成為遺產管理人後，才知女兒按揭借款 900 多萬元。
戴偉奧續指，蔡於 2019 年股市高峰期入股，但股市 2023 年下跌近半，她大幅虧損。張指女兒未曾提及此事，又指女兒去世前 5 天曾透過語音訊息告知，會給她 500 萬元，「佢話做生意賺」。
戴偉奧又提及，蔡另有兩名同母異父的妹妹，兩人 2019 年到英國就讀寄宿學校，每月至少花 10 萬元，學費當時其實由蔡支付。張則回應「冇冇冇冇，唔好咁樣冤枉我同蔡生」，指當時丈夫會寄錢應付開支。
戴奧偉再指，蔡本人亦生活奢華？張則表示，「佢自己唔係好大使，都係畀呢班畜生多，佢自己唔係好大使」。張此時望向被告欄方向，「你問鄺港智攞幾多啦！全部同呢個鄺球話做生意做生意，唔知攞晒啲錢去邊，呢啲我最清楚㗎啦」。被告欄內的鄺港智神情平靜。
辯方：譚方駿賭博輸數百萬元
蔡母：譚父代還
戴偉奧另問張燕花，譚方駿沉迷賭博？張燕花稱譚有時會打麻雀，「我感覺佢都係玩吓㗎啫」。戴偉奧指，譚與蔡於 2021 年曾到澳門賭錢，譚當時借了 500 萬元，蔡為擔保人，譚最終全數輸光。張回答：「譚爸爸還咗」。
戴偉奧指，蔡與譚回港後，兩人沒有足夠錢還債，收數公司曾因此騷擾譚家。張否認，指當時賭場結業，「唔知還畀邊個，後尾有人打電話畀阿女，阿女唔想煩，跟住都諗辦法搵呢個公司嘅人」。張指，譚父曾說知悉後已馬上還債，「有人打畀佢（譚父），即刻畀咗」。
戴偉奧續指，當時譚父曾尋求鄺球協助，因鄺球曾於警隊工作，認為他可處理問題。張回應不知道，又引述譚父說過鄺球向他借錢。戴偉奧問，當時譚父付錢還債，是因為蔡無力支付？張指不是，因「老爺講阿駿唔想煩姐姐（蔡天鳳）」。
昨指豪宅登記鄺球名下為方便
蔡母今指僅為避稅
戴偉奧亦重提張燕花周三供稱，蔡沒將加多利山的豪宅單位登記在張名下，而是登記在鄺球名下，「因為鄺球當時冇嘢做，方便佢走嚟走去，大陸（的物業）都係咁」。張周四澄清，將加多利山單位登記在鄺球名下只有一原因，就是避稅；而將海南物業登記在鄺球名下，則因為他無業，「方便佢走嚟走去」。
戴偉奧質疑，此方法避稅屬刑事罪行，蔡及鄺球可因而坐監，更要支付 3 倍印花稅？張稱不知道，重申女兒信任鄺球。戴偉奧指，鄺球在過程中沒有得到利益？張反駁指，平時已負擔他的生活費，鄺港智稱要做生意，「攞成 7,000 幾萬，成家都知道」。
她指，蔡多年來為鄺球支付生活費，後來認為要斬斷「狐狸尾巴」，又指「老狐狸」是鄺球，「老狐狸好狡猾㗎」。戴偉奧指，蔡並無付錢予鄺球？張再指：「我絕對唔同意，嘩！洗咗又話唔畀，鄺港傑借幾多次錢又話冇！」
蔡母否認鄺球擁勞斯萊斯
內地做生意
戴偉奧指，鄺球做生意後亦會給錢予蔡投資？張反駁：「哇！你同殺人有咩分別？冇證據，億幾買呢層樓，俾個仆街攞埋啦，有證有據！」
戴偉奧續指，鄺球曾付一半錢購買加多利山單位？張指不可能，指買樓的錢由女兒支付，鄺球連裝 Wi-Fi 費用都沒支付過，「你話鄺球買咁多，全部嘅錢都係阿女，從來鄺球都話唔到事嘅，你係正常人都識諗啦」。
戴偉奧指，兩輛車登記在鄺球名下，因兩輛車均屬於他。張隨即表示：「絕對冇可能！勞斯萊斯係阿女碌卡，淨低嘅現金畀鄺球拎去攞，你聽佢吹，飯都冇得開，有錢買勞斯萊斯？！六、七百萬，眼甘甘講大話，呢啲我知道佢講大話」又反問：「咁鄺球點解賣咗（車）嘅錢，要畀阿女？」
戴偉奧指，鄺球在中國內地做生意？張反駁：「佢做鬼啦，我個女個個月畀兩萬蚊佢，阿女話我知，你哋去 check 吓個戶口，查到㗎嘛！佢（鄺球病）就嚟死嗰陣，都冇錢睇醫生，都係阿女拎錢出嚟碌卡，20 幾萬，如果唔係佢都死撚咗啦，半個鐘都死啦！」
蔡母：曾當鄺港智「半個仔」
鄺球一方完成盤問後，代表鄺港智的大狀安華暉開始盤問，提及蔡天鳳、鄺港智的關係。
張燕花指，蔡、鄺一起後，她當鄺港智「半個仔」，當時鄺不懂海南話，但因她與蔡在家以海南話溝通，而鄺 17 歲時亦跟她學海南話，「咪就係咁好，（女兒）先嫁畀佢咋嘛開頭」，又形容鄺會「刷鞋」。
安華暉指，鄺港智當時因為父親惡，搬入蔡家為「避難」，此事鄺多年前曾告知張。張稱「邊度記得，當時佢兩個有咗 BB」，她認為兩人真心相愛，又指鄺港智「好痴我哋，我行一步佢都跟一步㗎」。
安華暉指鄺港智溫馴、被動。張指他一直都很好、「把口好甜」，「嬲尾先變咋嘛，離咗婚大家都係好和平，三家人都係為咗細路仔健康長大，我哋真係冇計較佢冇錢」。
安華暉指，蔡天鳳比鄺港智大一年，張稱差不多。安華暉又指，蔡的個性強勢。張不同意，指她講道理，個性溫和、孝順、有愛心。他質疑，從訊息對話可見蔡很惡？張指，正是鄺家忘恩負義激怒蔡，「平時佢真係好愛錫細路仔」。
安華暉質疑張剪裁證供，張指「我第一次見到佢咁嬲，你可以問佢身邊，講嘢都唔大聲㗎」。
HCCC198/2025