蔡天鳳疑遭殺害碎屍案周二（6 日）進行第十日審訊，蔡母張燕花繼續作供。庭上播放多段她與女兒的語音訊息，蔡形容鄺球為「賊老頭」、斥鄺家不知感恩。張透露除了加多利山單位，蔡的海南單位、名車都登記在鄺球名下，蔡於案發前同樣要求鄺授權出售。
庭上播放蔡天鳳遇害當天，蔡在加多利山單位帶人睇樓的 CCTV 片段，張突然嚎哭，稱不想觀看，又稱女兒「信錯人⋯呢家人真係恩將仇報」控方停播。庭上亦播多段蔡的語音訊息，顯示她案發前屢次指責鄺球，形容為「賊老頭」、「垃圾球」。
張並供稱，當晚女兒下落不明，她致電司機鄺港傑，對方稱蔡「醉酒」、「有嘢做」，着她放心等蔡「聽日返嚟」，但不答蔡在哪處落車。而張問鄺港智「係咪你老竇攞佢（蔡）去邊度呀？」對方反問「點解你咁講呀？」又責怪張報警。
第四年，我們仍在現場。
支持《法庭線》，讓我們走得更遠。
蔡母：鄺球曾稱「殺咗你全家」
張燕花日前供稱，女兒蔡天鳳購買加多利山單位時，為避稅將單位登記在鄺球名下，及至 2022 年 6 月當蔡擬賣物業時，鄺球拒絕簽委託書予女兒賣樓。
張周二第二日作供，憶述女兒曾告知她，向鄺球談及賣樓但對方稱要「殺死你」，張稱「佢要打要殺，佢真係有打阿女」。張亦於 2022 年 9 月致電鄺球，向鄺指「你哋全家都知道，呢啲嘢係阿女嘅」，而鄺「好惡」稱，「你夠膽（賣樓）我殺咗你全家」。在被告欄的鄺球聞言冷笑。
張指，及至 10 月底，她向鄺球稱「要反面啦，我話要上法庭見」，鄺最終同意簽署委託書。
蔡母：女兒海南物業
亦登記鄺球名下
控方播放張燕花與蔡天鳳 2022 年 10 月的語音訊息，蔡提及「大陸屋，車、錶都畀咗佢」。張庭上解釋，「大陸屋」是指女兒購買的海南物業，同樣登記在鄺球名下，後來鄺球、蔡因加多利山單位爭執，蔡亦打算出售海南物業，而鄺球亦拒絕。
張指當時跟鄺球說：「唔輪到你唔肯㗎」、「大家都知道，啲嘢係阿女」，而鄺最終亦簽署了委託書，由張胞兄的女婿售出物業。張提到，當時「一路咁嗌交，阿女想收返所有嘢⋯⋯唔簽我就要告佢嘛」。
至於蔡在錄音提到的車及錶，張庭上指鄺球名下亦有兩輛車，包括勞斯萊斯及黑色七人車，後者已售出，而勞斯萊斯仍在深圳；手錶則屬於鄺港智。
張解釋，當時蔡把車登記在鄺球名下，「不嬲習慣大家咁好，攞佢個名，照顧佢」，而因為鄺港智說要做生意，「畀佢攞去賣，值錢就賣出去」。
控方追問，將車輛登記在鄺球名下有何好處？張答「有着數，咁投資呢啲嗰啲，咁賺錢就要賣，佢賣得到佢就攞去賣，錢就畀阿女」。
暫委法官祁彥輝聞言表示不解，指若然要讓鄺港智做生意，為何車輛不是登記在他名下？
張稱，「Alex（鄺港智）指定寫鄺球，Alex 話用佢老豆個名，因為佢用唔到自己名」。控方再問為何不能登記在鄺港智名下？張稱「我又冇問咁多」。
張指，她最初贊成女兒協助鄺家，但後來女兒與鄺球爭執，「搞到要埋呢間屋，呢啲嘢，嘈起嚟，又話要殺又要斬」，故她着女兒「該收嘅嘢就收返嚟」，而女兒亦有聽她的意見。
蔡天鳳斥鄺家不知感恩
指鄺球為「賊老頭」
控方再播放多段蔡天鳳、張燕花之間的語音訊息，夾雜海南話、廣東話。
其中一段蔡形容鄺球為「賊老頭」，又提到鄺家「要錢請工人服侍⋯⋯我養佢仔，我養佢同佢媽⋯⋯佢真係過嚟打我」。蔡另提到，如果鄺球不交還單位便「唔係人而係鬼」。張庭上指，女兒曾稱遭鄺球打。
蔡另提到：「做埋啲小動作，又唔珍惜，佢小孩一毛錢都唔會賺⋯⋯正常人都會多謝，咁嘅生活都不知道多謝我」。
張庭上指「小孩」是指鄺港智、鄺港傑，形容語音是「事實」，又指鄺家後期生活「又兩個工人服侍，有專人司機，靚衫靚手袋，又有錢養佢」。
蔡天鳳在語音又稱，「如果咁教我孩子⋯⋯『阿媽真係好、工作』⋯⋯我養佢都值，呢種人唔知感恩」。
張燕花解釋，鄺球一家「教到啲女（孫兒）唔好」，鄺母李瑞香常向兩長孫說蔡的壞話。庭上亦播放 2022 年 11 月 12 日，張向蔡傳送的語音，有女童聲說：「嫲嫲教我話媽咪發神經，佢好衰㗎」。張指，鄺球及李瑞香叫孫女「唔好聽媽咪話」。
蔡母嚎哭
稱不欲看女案發日片段
針對加多利山單位賣樓的情況，蔡天鳳 2022 年 11 月 1 日及 3 日兩度向母親發訊息，提到安排鄺球到律師樓簽署授權書，又在語音中罵鄺球為「垃圾球」、指鄺「會玩嘢」。蔡又引述律師指要盡快賣樓，因鄺球可以隨時註銷授權書。
張回應可「花幾百萬（將單位）轉名」，蔡則着母親為她打聽，表示已找 5 至 6 間地產代理出售，稱：「少幾百萬好過房子俾人騙了」。張指，蔡當時將單位減價，「賣得出就賣，如果賣唔出就使幾百萬（印花稅轉名），好過俾人呃」。
及至 2023 年農曆新年，控方提及蔡天鳳到法國參加時裝展，但鄺家不讓她與子女聊天。當蔡回港後，蔡拒絕鄺球見孫兒。張燕花確認，又指鄺球簽署委託書後、約 2022 年 12 月，蔡已不讓他見孫兒。
針對 2023 年 2 月 21 日蔡天鳳遇害當天的情況，張提到，張的朋友對單位感興趣，有意購買。控方播放當天下午 1 時 12 分，加多利山單位的 CCTV 片段顯示有人上門睇樓，蔡為對方介紹單位。
片段播放約數十秒後，張突然嚎哭，稱：「我唔想睇呀，我好後悔。個女真係好好，好孝順好乖㗎真係。佢信錯人、善良畀錯人，呢家人真係恩將仇報。」控方隨即暫停播放片段。
鄺球聞哭聲側身望向張、面無表情；鄺港傑則神情冷靜，手指托着下巴；鄺港智則望向張後低頭。
蔡母：問女兒下落
鄺港傑稱「你放心啦」
張燕花憶述，事發當天她與女兒保持聯絡，直至約下午 2 時蔡提到要接孫女放學。及至晚上蔡的丈夫譚方駿來電，查詢蔡行蹤，問「媽咪，姐姐（蔡）係咪同你一齊？」張回應沒有，而女兒的電話亦未能接通。
張晚上 10 至 11 時致電司機鄺港傑，問女兒行蹤。鄺表示不知道，又一度稱「Abby 同人哋打電話嗌交，好嬲落咗車」，又指她「突然間唔得閒，有嘢做」，稱已安排鄺母李瑞香接孫女。
及後鄺港傑又指「佢（蔡）去飲酒啦，約咗朋友⋯⋯唔使驚啦，你放心啦，佢飲醉酒，聽日會返嚟㗎啦」。當時張聞言即責罵鄺，稱女兒並不會喝酒。
張形容當時已感不妥，多次追問女兒落車地點，但鄺「一陣間就話大埔落車，一陣間就半路落車」，而且鄺生氣，曾斥張「唔好打嚟啦，飲醉酒會返嚟㗎啦，聽日會返嚟㗎啦，都成年人」。張當晚 12 時後亦致電予鄺，他稱「我要瞓覺啦，唔好再打嚟」。
蔡母：鄺港智叫「唔好報警」
張燕花續供稱，她當晚亦有致電鄺母李瑞香，但沒致電鄺球，她搖頭道：「（鄺家）冇一個關心㗎」。張指，晚上約 11 時與譚方駿抵達警署並致電鄺港智，表示會就蔡失蹤一事報警，鄺港智回應：「仆街啦，你報警都唔話畀我知」，張回應對方：「你仆街啦，我個女唔見咗呀，我報警關你咩事？」
張供述，她當時問鄺港智：「係咪你老竇攞佢去邊度呀？」、「係咪你同你老竇攞走？」而鄺港智反問「點解你咁講呀」，又指「等佢（蔡）返嚟，唔好咁快報警」。
張庭上補充，「個女從來冇得罪過人，就係呢排同佢嗌交⋯⋯鄺球，要打要殺，就係佢囉」﹐又指鄺港智不讓她報警「好恐怖」。
鄺港傑一方：
鄺港傑、譚方駿與蔡是好友
控方完成主問後，代表鄺港傑的大律師 Trevor Beel 開始盤問。Beel 指，鄺港傑與蔡及譚方駿 3 人是好朋友，3 人一同社交，而鄺與譚曾一同慶祝蔡的生日。張燕花同意。
Beel 又問及張，她與家人的居住安排，指張一家曾住在黄埔花園一單位，鄺港智於 2008 年入住，隨後他與蔡結婚，兩人搬到黃埔花園的另一單位。張確認，指當時兩名長孫與兩名外傭亦住在該單位。
Beel 指，2015 年鄺港智及蔡分手，蔡與譚方駿交往。蔡及後搬入譚父母的家同住，而張則由黃埔花園遷到譚父送予蔡的曼克頓山單位。張亦確認。
Beel 續提到，兩名長孫 2016 年曾與鄺球及李瑞香住在海逸豪園，及後搬到維港星岸。張確認，指鄺球較少住在單位。Beel 續指，及後購入加多利山單位，供兩孫兒居住，而鄺球亦偶爾在該單位。張確認，指當時大家均知道安排，「個個都知買畀細路仔住」。
辯方：鄺家有份出錢買單位
蔡母否認
Beel 再問，張燕花與女兒關係密切？張回應「梗係啦，日日傾電話」。Beel 指當時購買加多利山的單位，並非以蔡的名義登記，因為蔡不想支付 900 多萬元的印花稅。張同意。
Beel 追問，那為何不把單位登記在張的名下？張指，當時她亦持有黃埔花園的物業。Beel 指出，但黃埔花園的單位是登記在其丈夫蔡楚生的名下？張否認，指該單位屬聯名持有。Beel 追問，那為何不把單位登記在譚方駿名下？張指「呢啲當投資咋嘛，大家都商量好」。
Beel 指出，當時以鄺球名義登記單位，是因為鄺家亦有出錢購買。張隨即否認，稱「一切講證據㗎」。Beel 關注，既然單位用作投資，為何不使用譚方駿的名義？張回應「即係大家商量就話⋯⋯因為其他嘢都係畀佢，好似海南投資都係畀鄺球」。
Beel 問，所以當時只打算短時間持有，待樓價好便會賣出單位。張確認。Beel 再指蔡欲在 2022 年中疫情期間賣樓，但當時樓市低迷？張指，不是賣樓的好時間，但「嗌交啦嘛，就選擇賣啦嘛」。
Beel 再問，當時鄺球不欲賣樓，因為當時樓市低迷？張回應「有咩利益，講明時時可以攞返㗎嘛，唔輪到佢話事」。案件周三續，料張繼續接受盤問。
被告依次為鄺港傑（31 歲，司機）、鄺球（65 歲，退休人士）及鄺港智（28 歲，無業）。3 人否認謀殺罪；鄺港傑、鄺港智承認阻止合法埋葬屍體罪，鄺球則不認罪。
HCCC198/2025