蔡天鳳疑遭殺害碎屍案周四（15 日）進行第 17 日審訊，蔡的丈夫譚方駿供稱，在知道加多利山單位屬於妻子後，他表面上與鄺港智維持關係，因對方在鄺家有影響力，能令鄺球聽從其安排，所以譚不破壞與鄺關係，「小心翼翼、一步一步咁攞返自己嘅嘢返嚟」。
譚同意，案發前因養育小孩與鄺港智關係密切；辯方屢問譚與鄺是否關係良好，譚指兩人過往是好友，但「絕對唔同意」曾向鄺提出戀愛或性關係。此外，譚亦同意至案發前鄺港傑沒理由襲擊蔡，另確認借 500 萬賭錢後被追數，父親曾找鄺球幫忙處理。
Day16｜譚方駿：事後回想感覺李瑞香想拖延報警 鄺港傑好似呃緊瞞緊我
訂閱／贊助／購物，支持《法庭線》報道香港，記錄香港。
譚同意案發前一段時間
鄺港傑沒理由襲擊蔡
譚方駿周四第三日作供，繼續接受鄺港傑一方盤問。譚日前供稱，蔡天鳳 2022 年 6 至 7 月因長女發燒一事與鄺球爭執。代表鄺港傑的大律師 Trevor Beel 向譚展示鄺港傑、蔡天鳳 2022 年 8 月至 2023 年 1 月的自拍照及聚會合照，譚同意是兩人的合照。
Beel 指，以譚的認知，蔡從未給鄺港傑大筆金錢？譚指不清楚。Beel 指，鄺港傑與蔡當時沒有爭執？譚稱「以我所知，大爭拗係冇」。Beel 指，譚現在回想，鄺港傑沒有理由襲擊蔡？譚稱「當時係」。
譚：妻對子女非常盡責嚴謹
代表鄺球的大狀戴偉奧，問及鄺球妻子李瑞香照顧蔡、鄺港智兩子女情況。
他問，蔡的兩名子女搬到維港·星岸後，李瑞香是主要照顧者？譚方駿稱：「佢係長時間喺嗰度，因為佢同佢哋一齊住嘅嫲嫲，正常」。戴偉奧指，蔡及譚赴澳門、廣州、巴黎時裝展期間，蔡子女由李瑞香照顧？譚同意，但認為李跟孫兒關係不親密。
戴偉奧又指，蔡 90% 時間不在家照顧子女？譚不同意，指蔡會接放學、哄睡覺，訂立照顧指引，李瑞香再安排家傭工作。譚形容蔡非常盡責、對小朋友非常嚴謹，「佢想李瑞香幫佢做到，但（李）永遠做唔到 100% ，做到 50% 都好好喇」。
戴偉奧指，婆媳之間就小朋友的事情爭執是平常？譚同意，但指「小朋友面前 Daddy 媽咪先係真正角色，尤其是媽咪」。譚又指，蔡跟鄺家對於管教小朋友各持意見，「啲分歧一次我明，去到 10 次都算，但去到 100 次，你永遠都唔會聽我指引」，指蔡因長女發燒與鄺球爭執，「我會形容為最激烈嗰次」。
譚：看到鄺球
「完全俾憤怒遮蓋一切」
戴偉奧指，發燒爭執事件是在疫情期間發生？譚稱不記得疫情何時完結。戴偉奧指，每人在疫情期間都是小心？譚同意。戴偉奧指，李瑞香指小朋友發燒，着鄺港智不要入房，令到蔡生氣？譚指，是因李的態度令蔡勃然大怒，指李「嫌棄自己個孫」，「唔好惹到自己個仔，佢作為一個母親聽到，火都嚟」。
戴偉奧指，鄺球用粗口罵蔡，是想跟蔡說「不要這樣跟我太太說話」？譚稱不知道是否此意思，「但當時我見到嘅，佢完全俾憤怒遮蓋一切，係控制唔到」﹐又指「佢（鄺球）太太只係俾人鬧，言語上，我唔覺得應該受到攻擊」。
戴偉奧指，鄺球的妻子犧牲生活照顧孫兒卻被罵，鄺球見狀大聲責罵，屬正常反應？譚稱：「佢只係睇到佢太太被鬧，佢睇唔到點解佢個孫嘅媽咪（蔡），對住佢太太（李）咁嬲？」
戴偉奧又關注，譚於 2023 年 3 月 23 日的口供，僅稱鄺球向蔡發脾氣 ，衝向蔡想打佢，故譚即時擋開鄺球，鄺球便離開單位？譚庭上指，事發電光火石之間，只能大概交代，又指口供簡短，沒提及鄺球講粗口、指蔡是「生仔機器」。
戴偉奧又指，譚在口供指，鄺球沒接觸蔡，因被他擋開？譚稱：「我係有講過佢衝埋嚟，我係最後有擋住佢，你話口供冇寫，我白紙黑字冇，我冇講過，係咪代表佢冇講過（粗口、指蔡是「生仔機器」）？」
譚：知悉單位屬妻後
稱「要盡快攞返」
譚方駿指，妻子當晚與鄺球爭執後感生氣、不開心，向他說：「老公呀，我有啲嘢同你講，但你唔好嬲⋯⋯幾年前投資嗰筆錢，就係呢層樓（加多利山單位）」。譚稱，當時聞言十分驚訝，「我同佢講，咁唔得㗎喎大佬，屋企嘢、自己嘢嚟㗎喎，要盡快攞返」。
戴偉奧問，當時距離蔡買加多利山單位已有 3 年，譚 3 年來從不過問投資事宜？譚稱，對於投資沒能力、沒基本認知，均由蔡「揸數」，「我自己好多嘢都穩定，我每日生活基本上好一樣、好舒服，反而覺得要同我交代呢樣嗰樣，先係煩惱」。
戴偉奧指，但譚曾在加多利山禮賓部見過鄺球名字？譚同意，指正是他早前供稱的「包裝」，指發燒事件前，認為鄺球「有環境嘛，買呢度住呢度」，故當妻子說單位是由她購入時，他感十分驚訝，因與其認知不同。
譚早前供稱，蔡為了 4 名子女平等，而將鄺家包裝成過得不錯的假象。譚在盤問下補充，蔡沒實際說過此言，「佢作為離婚嘅婦人，我作為第二任丈夫，我明白點解佢會咁做，係一直佢畀到大家嘅印象，由始至終呢個係我見到嘅，都係我見到嘅感覺」。
戴偉奧關注蔡有意搬屋、賣樓的時間線。譚解釋，他知道加多利山單位屬蔡之前，已知道蔡欲搬到屯門，兩人曾設想過不同方案，包括譚、蔡及 4 名小朋友一同住在屯門。戴偉奧指，另一方案是買較小的屯門單位，由李瑞香繼續照顧子女？譚同意。
譚指發燒爭執事件後，蔡告訴他鄺家無業，「佢哋邊有錢買（樓）呢」，又曾予錢鄺港智炒賣鐘錶，但沒提及金額。戴偉奧問，譚不感生氣？譚指，妻子跟他說炒錶有錢賺，他認為「through 邊個對我嚟講，唔係最重要嘅嘢⋯⋯我唔覺有啲咩咁唔舒服，就算呢個係佢前夫都好」。
譚確認被追數後
譚父曾找鄺球幫忙
就譚方駿借 500 萬元賭博一事，戴偉奧指蔡天鳳是他的擔保人？譚同意。戴偉奧指，譚父為他還債？譚稱，2021 年太陽城（賭場）倒閉，跟蔡商量「都執啦，冇公司喎 ，咁我還咪好傻仔？咁去到有人嚟搵我哋時候，佢自稱嚟幫太陽城收數，公司執咗，你話係就係，我唔想還。但我 Daddy 收到訊息，佢就好想還」。
戴偉奧指，譚不理會賭債，任由父親被騷擾？譚否認，「我只係覺得唔使還，因為呢間公司執笠，我有同 Daddy 分析，佢想息事寧人，咁你輸咗。我正常人覺得，可以唔還唔想還」。
戴偉奧指，「正常人」認為公司破產就不用還？譚稱：「呢個係我角度，父親角度要還，都要搵啱人還，還完你話唔係太陽城，你第二間咁點？」戴偉奧指，所以譚跟蔡都沒還錢？譚稱：「呢個都係家族入面嘅錢，個人嚟講係（沒還），我哋兩個都冇」。
戴偉奧問，譚有否還錢給父親？譚稱「呢個係我哋嘅事，呢個係我哋屋企嘅事，對外嚟講，搞掂咗就係搞掂咗」，追問下承認他跟蔡都沒還錢予譚父。戴偉奧指，譚父曾找鄺球幫忙？譚同意，因鄺球曾任職警察，「佢識人多，黑白兩道」。戴偉奧指，鄺球幫忙不獲報酬，譚亦沒付錢要求鄺球幫忙？譚同意。
戴偉奧問，譚是否知道蔡曾以曼克頓山的單位進行按揭？譚指當時不知道，而他作為蔡的遺產管理人，他知道該按揭約 900 萬元。
辯方：譚曾提出同性戀愛關係
譚：絕對唔同意
代表鄺港智的大狀安華暉指，譚與鄺港智 2008 年在協同國際學校認識，兩人屬好朋友？譚回應「當時係」。安華暉指二人的好友關係維持至 2023 年？譚回應，「你可以咁睇嘅⋯⋯由 2023 年 2 月 21 日至 24 日我會覺得好大分別」。
安華暉展示譚於 2023 年 2 月口供，提及鄺港智當時就讀中一，「我們是好朋友關係」 ？譚庭上回應，「我 12、13 歲嗰陣係」。安華暉追問，二人當時不只是好友，譚曾向鄺提出戀愛關係、性關係？譚回應「絕對唔同意」。
安華暉續指，隨後譚到澳洲讀書，及至 2013 年放暑期回港時，透過鄺港智認識蔡。譚的口供提到：「當時我已知道 Abby 同 Alex 結婚，我跟他們都是好朋友」。譚確認，指回港後與鄺港智以社交媒體聯絡，曾在黃埔的平治汽車展場偶遇鄺跟蔡。
譚指，當他就讀中學、在澳洲留學時，跟鄺港智「都可以話係好朋友」。及後譚與蔡交往，鄺港智亦失蹤，「連人都見唔到嘅時候，你同一個人嘅情感會降低」。
譚指，他們的子女與蔡及鄺的子女，會互相到對方住所玩。安華暉指，譚與鄺港智關係非常好？譚指，「極大部分係小朋友嘅因由，佢哋係兄弟姊妹因由，所以係促使見多咗嘅」。
安華暉指，所以蔡、譚、鄺港智 3 人關係非常密切？譚指，「成日講小朋友嘅嘢，咁密切啲，我覺得都幾 make sense」。安華暉又指，譚不只一次赴內地見鄺港智，曾兩至三次與鄺見面？譚形容「我係帶小朋友上去見佢哋嘅爸爸」。
安華暉提到，譚曾到海南海口探望鄺港智，他與蔡及鄺港智曾在酒店用膳？譚同意，因蔡母是海南人，到海南後不只探親亦有遊玩，妻子告知他「原來 Alex 都喺海口喎」。譚重申，他與鄺港智見面不出奇，「我同 Abby 一齊後，通過 Abby 知道，佢（鄺港智）係祝福我哋嘅，我都知佢同鄺港智嘅事，咁喺海口食餐飯，當時關係 OK 嘅」。
辯方指發燒爭執後
鄺港智仍與蔡關係緊密
就發燒事件，安華暉指事件發生於 2022 年 6 月 13 日，鄺港智於 3 日前、即 6 日 10 日回港；譚回答「OK」。安華暉指事件後，鄺港智仍住在加多利山單位，他仍會跟譚、蔡一同外出、用膳，鄺亦會跟蔡父打牌？譚一概同意。
安華暉問，譚從未見過鄺港智以暴力對待蔡？譚稱「以我雙眼所見冇」。安華暉追問，譚亦未見過鄺港智對蔡威脅使用武力？譚指沒有。
安華暉指，在發燒爭執事件上，鄺港智亦有協助阻止鄺球衝向蔡？譚指，當時只記得鄺港傑協助分開鄺球，但發生於電光火石，不記得鄺港智有沒份。
譚：假裝跟鄺港智友好
安華暉再指，在發燒爭執事件後，譚形容鄺港智仍是家庭一份子，對他並無敵意？譚指「表面上係」，解釋因加多利山單位並非在蔡名下，「你知道啲嘢係你自己嘅時候，你只能夠小心翼翼、一步一步咁攞返自己嘅嘢返嚟，而唔破壞關係」。
安華暉質疑譚跟蔡虛偽，假裝跟鄺港智仍是友好？譚指，不會以「偽君子」形容自己，但確是「有啲 sneaky（鬼祟）嘅」，因為「本身啲嘢自己嘅，唔係用硬碰硬方法，攞返自己嘅嘢」。安華暉追問，但鄺港智無權處理加多利山單位的情況？譚指「法律上可能係，但喺鄺家，佢嘅說話各樣嘢係有影響力」，令鄺球聽從他的安排。
安華暉表示，蔡會經常就子女問題與鄺港智商討。譚形容蔡會通知鄺港智，「咁當然佢作為老豆，佢有畀意見係正常嘅，最後決定係媽媽嘅決定」。安華暉形容，蔡有較強勢的決定？譚形容，「我會話 Abby 會選擇最好嘅嘢畀小朋友，呢個係好正確嘅」。
安華暉再問，比起鄺港智，蔡的性格更強硬？譚指「可以咁講」，又指妻子對子女事情不會讓步。安華暉指，蔡對於投資亦是？譚指「咁佢有能力好正常啫⋯⋯佢會揸緊啲」。
安華暉再指，當鄺港智在 2015 年失蹤時，蔡仍與他共同撫養子女？譚不同意，但確認蔡每日與鄺港智透過訊息溝通，就子女問題商討。
安華暉提到，蔡於 2022 年 6 月曾懇求鄺港智回港，以及蔡曾感到妒忌，因鄺港智在國內有另一女友？譚均指不清楚。安華暉指，譚曾與鄺港智談及鄺的女友？譚指，以其印象沒有。
HCCC198/2025