蔡天鳳疑遭殺害碎屍案，周二（10 日）下午踏入第 34 日審訊。官准一名陪審員退出。首被告鄺港傑繼續作供，不清楚出售加多利山豪宅單位的情況，因自己無份投資，「咁重要嘅事情當中，我唔認為自己有資格加咁多意見」。
他亦供述眾人關係，指蔡與鄺球衝突時用粗口對罵，之後沒再見面，兩人關係惡劣，蔡不准子女見爺爺，但他與蔡關係沒受影響，形容「我係鄺家嗰邊，但同時同佢哋（蔡）好好朋友」；他又指蔡對胞弟「比較強勢少少」，胞弟「比較小男人」、「逆來順受」。
Day33｜鄺港傑作供：與蔡情同親兄妹 蔡愛面子着勿跟人說住居屋
訂閱／贊助／購物，支持《法庭線》報道香港，記錄香港。
陪審團減至 8 人
甫開庭，暫委法官祁彥輝提到，收到一名陪審員的信件，要求退出本案，官批准其申請，並提醒他在審訊結束前不得和任何人談論本案，法庭感謝該陪審員的工作。9 名陪審員離席，數分鐘後，其中 8 人返回法庭，審訊繼續。
鄺港傑：蔡知胞弟有女友感不快
首被告鄺港傑穿黑色連帽衛衣、黑色褲、灰色襪和黑色運動鞋，繼續到證人席作供。代表他的大律師 Trevor Beel 繼續主問，關注 2022 年其胞弟鄺港智從內地回港的情況。
鄺港傑憶述，胞弟 2022 年 5 至 6 月返港，而胞弟曾表示，蔡母張燕花在廣州探望他時，在其車上發現女子飾物，得悉他於內地另有女友；蔡天鳳從母親得知後「反應好大」。鄺港傑稱，曾見蔡向子女哭訴，「我咁辛苦湊你哋，爸爸就喺嗰邊有女朋友咁開心」。而蔡「畀壓力」胞弟盡快回港，胞弟於一個月後回港。
傑：蔡與父粗口對罵
庭上早前提及，蔡天鳳的女兒 X 發燒當晚，蔡與鄺球在加多利山單位有衝突。
鄺港傑供稱，事發當晚蔡、鄺母李瑞香、胞弟在 X 的房哄 X 睡覺。而他與父親鄺球、蔡丈夫譚方駿在客廳看電視。
鄺港傑憶述，當時「突然間聽到 Abby 好大聲⋯⋯好似鬧緊我媽媽嘅聲音」，父親鄺球立即衝到走廊查看情況並質問蔡，「你做咩鬧我老婆？」當時蔡及鄺球兩人互相用粗口對罵約 2 至 3 分鐘，鄺球一度衝向蔡。
鄺港傑指，他與譚方駿拉開鄺球，而母親及胞弟則拉開蔡。鄺港傑與譚把鄺球帶出客廳，再勸他離開，胞弟則安撫蔡的情緒，該次後，蔡與父親沒有再見面。鄺又指，蔡不時因教育上的分歧責罵母親李瑞香。
傑：不清楚出售加多利山單位一事
至於出售加多利山一事，鄺港傑指他並不清楚相關情況，沒有參與討論，「因為我冇份投資呢個屋企，我只負責湊小朋友，佢哋住邊、賣唔賣樓。呢個係 Abby、爸爸、媽咪之間，住喺度嘅人嘅事情。咁重要嘅事情當中，我唔認為自己有資格加咁多意見」。他又指，沒有親眼目睹蔡或譚方駿與鄺球討論賣樓一事。
鄺港傑補充，在衝突過後，鄺球搬離加多利山單位，改為每周住在荃灣尚文苑 3 日，其餘時間則在情婦家中居住。至於七人車 AA3383，鄺港傑指衝突前父親已甚少使用，而事發後即使蔡天鳳沒有明言，但「我知 Abby 唔鍾意吖嘛」，所以他亦會避免讓父親使用該車。
傑：我係鄺家嗰邊
同時與蔡「好好朋友」
至於蔡與鄺港智的兩名子女 W 及 X，鄺港傑指在衝突後，父親與兩孫兒「幾乎斷絕晒見面嘅機會」，蔡亦有向他、胞弟鄺港智及母親李瑞香表達，「唔再畀啲仔女見小朋友嘅爺爺」。
但鄺確認，父母分別於 10 月 23 日及 11 月 13 日慶祝生日時，W 及 X 均在場。蔡兩次事後得知鄺球與子女見面感生氣，向李瑞香及胞弟表達不滿，稱「點解要瞞住我帶仔女見爺爺，都話咗唔畀見」。
鄺港傑形容，在發燒衝突事件後，蔡與父親關係惡劣，但蔡與李瑞香及鄺港智的關係則分別不大。至於蔡與他的關係，鄺港傑形容「我角色喺屋企係特別嘅存在，我係鄺家嗰邊，但同時同佢哋（蔡）好好朋友」。
他又指，在 W 及 X 出生後，他一直協助打理屋企，「所以佢（蔡）對屋企有咩怪責，佢都係對媽媽或者 Alex，因為佢冇呢個資格去怪我」。
傑：蔡提議暫任司機
Trevor Beel 就鄺港傑接手擔任司機一事提問。鄺港傑指，當時上一任司機阿信除了偷錢外，又被加多利山禮賓部投訴以粗口責罵職員及其他住戶，而蔡對於會影響形象的事反應較大。
鄺提到，母親李瑞香亦接到找阿信的追債電話，於是他與母親、蔡及胞弟商量，決定要求阿信放無薪假，希望對方自行辭職，最終阿信 10 月中辭職，11 月為最後工作日。
鄺港傑續指，當時蔡向他提議，「不如你揸住先，一邊揸一邊請新司機」。鄺於 11 月開始司機工作，指一般星期一至五早上先到加多利山，送蔡的長子 W 到屯門上學，長女 X 則搭校巴上學；W 放學時則乘校巴，X 由他駕車接放學。在星期六，鄺則負責接送母親李瑞香、蔡及兩個小朋友外出，包括去興趣班。
傑：蔡為人較強勢
弟「逆來順受」
Trevor Beel 就 2023 年農曆新年，蔡天鳳及譚方駿到法國旅行一事提問。
鄺港傑指，年初一當日，他和父親、胞弟帶 W 和 X 到冒險樂園玩。他其後得知，蔡先致電鄺母，想和兩個子女 Facetime，李瑞香支吾以對，因不願蔡得知小朋友和鄺球見面。隨後，蔡又致電他詢問子女下落，他亦沒有直接回答；直到蔡致電胞弟時，鄺港傑指當時「冇開 speaker、我喺隔籬，都聽到佢 blah blah blah 咁⋯⋯（蔡）開始嬲㗎喇、着㗎喇，因為佢打咗兩三個電話都未成功 FaceTime 到小朋友」。
鄺港傑指，蔡從法國返港後，曾於吃飯期間指責胞弟「點解又帶小朋友瞞住我見爺爺呀？你明知我唔畀佢哋見爺爺」。他在提問下補充，胞弟於家中角色「比較小男人」，而蔡則「比較強勢少少」，「Abby 通常同 Alex 講呢啲話題、怪佢，都係比較嫌呀、鬧呀」。而胞弟則會「逆來順受」，「佢唔出聲，咁多年都冇駁過嘴，通常咁多年都俾人鬧」。
鄺港傑提到，他間中亦「睇唔過眼」，私下向胞弟表示「你似返個男人啦，唔可以成日俾人鬧」，但胞弟一般回應「算啦、佢係咁，咁多年都係咁，都習慣喇」。
傑：早知父擬租村屋
至於父親鄺球租用龍尾村單位，鄺港傑指父親於 2023 年 2 月 5 日告知他；自 2022 年發燒衝突事件後，父親搬離加多利山單位，在荃灣的居屋與他同住，但該單位面積較細，父親須睡在梳化。
鄺港傑續指，父曾向他表示想租村屋，因租金平、地方大。至於鄺球另外租用的凱旋門單位，他表示不知情，「我直至俾人拉咗，睇文件先知凱旋門呢個單位」。
控方早前表示，鄺港智向友人借七人車 VY9157，而庭上早前播放 2023 年 2 月 7 日，鄺球及鄺港傑借走 VY9157 片段。鄺港傑稱，父曾着胞弟向朋友借車，用作搬屋、購買家品。
他續指，第一次去龍尾單位是同年 2 月 6 日，當晚收工後大約 7 時，他致電父親鄺球約晚飯，得知父親在大埔村屋附近，於是他順便參觀新屋，形容當時龍尾村的單位「比較簡陋」。
HCCC198/2025