身在現場 見證記錄

47人案|第12日審訊 控方播首次初選記者會片段 戴耀廷談「立會過半」願景

47人案-第12日審訊

分享:

47 名民主派被控「串謀顛覆國家政權」罪一案,周二(21 日)在西九龍裁判法院(暫代高院)展開第 12 天審訊。控方繼續傳召區諾軒作供,並在播完超級區議會初選論壇片段後,開始播放 2020 年 3 月戴耀廷出席初選記者會的片段。

區諾軒在控方主問下確認,該次是首次初選記者會,講述「立會過半」的願景。法官陳仲衡一度問,留意到當日是港島區協調會議的日子,區同意,並指「記者會係日間舉行,港島嘅協調會議係晚間舉行。」

片段顯示,戴耀廷稱與區諾軒一直進行協調工作,希望將「光譜寬闊的陣營各方拉埋一齊」。他又提及欲取得地區直選議席的數目,「有組數字呢,我就覺得好容易記嘅,就係『66443』,就係新界東,新界西,我哋目標希望能夠爭取到 6 席,九龍西同香港島能夠爭取到 4 席,九龍東可以爭到 3 席,咁『66443』呢,加埋就 23。」

審訊下午續,控方將繼續播片。

周一(21 日)報道:
47人案|控方播初選論壇片未指明欲依賴的發言 何桂藍代表質疑提 法官關注
47人案|控方播新東、超區初選論壇片 被告看梁國雄發言一度大笑、起哄

控方周二續播超區論壇片段
片中李予信:《國安法》下沒法治可言

區諾軒周二繼續作供,續身穿灰色冷衫、深藍色裇衫,由 2 名懲教人員陪同下入庭。

控方續播放超級區議會的論壇片段,在「自由搏擊」的環節中,超區另一參選人王百羽問本案不認罪的被告李予信,法治是否已死,李稱「我必須好鄭重咁講,喺《國安法》底下, 香港已經冇法治可言…如果你話死咗定唔死,呢個問題會引導我哋去諗嘅係,我哋係咪要放棄對法治嘅追求….香港係需要法治。」

岑敖暉又問,李很關心社工的角色或《警察通例》的問題,議會戰線對於他有何重大意義?李稱,立法會議員的可以在議會及街頭發揮作用,「啱啱你講到 35+之後好似好冇用,但係當我呢去到呢一個位嘅時候,如果政權要打壓我哋,佢一定要展露自己最醜惡嘅姿態去打壓呢個立法會,唔跟以往一啲嘅規範去做呢件事…」

最終李在總結時重申,「北角係我從政嘅起點,對抗恐懼係我嘅初衷,香港人頂住,我哋一定要一齊贏,五大訴求,缺一不可,我係公民黨李予信。」

片中岑敖暉提問時稱
否決財政預算案未必會發生

岑敖暉向鄺俊宇提問時,提到他認為 35+ 的願景難以發生,「就算呢個九月嘅選舉,我哋真係奇蹟地做到 35+,喺呢個 《國安法》面前底下,就算民主派可以獲得議會過半數,大家可能講嘅否決財政預算案未必會發生到,你同唔同意?因為根本佢就唔會擺上嚟畀你哋傾… 」

岑又指,「我唔認為今次嘅議會嘅選舉,就算香港人大勝,係可以令到香港變得更加好;第二,係面對一啲制度嘅漏洞,譬如《警察通例》嘅漏洞,或者係黑警濫權,我唔認為 35+ 之後,我哋有機會做得到,再重申一次, 35+ 係要為香港人創造一個破局嘅機會。」

播片期間
正席及延伸庭被告發笑

另外,在超區的論壇上,當嘉賓提到有兩位參選人鄺俊宇及李予信都會跳街舞,邀請兩人出來「battle」,鄺俊宇則稱,「我曾經作出一個莊嚴嘅承諾…林鄭落台我就跳啦,所以呢唔好意思,呢個係我對香港人莊嚴嘅承諾。」被告席隨即傳出笑聲。

王百羽向涂謹申問及,民主黨黨綱第三條,涂回覆稱「對唔住我冇背」,立即引起被告發笑。王續引述第三條:「我們關心中國,作為中國人民的一份子,香港人有權利及責任去參與及評議國家事務」,並質疑是一個包袱。

涂片中大聲回應道:「我唔同意呢個係包袱,作為中國人呢,我哋係應該可以評議中共佢點樣治國…對唔住你話我大中華膠都好,我係中國人。」播放論壇片段期間,在延伸庭的黃之鋒曾回頭望向梁晃維等人笑。

控方播畢超區的論壇片段後,區確認論壇流程,與他所設計的為一致,另他不記得有否出席該次論壇, 但他稱有出席大部分論壇。控方其後問區諾軒有否出席論壇,他稱「我唔確定冇出席邊個,但有出席大部分論壇。」

控方播 2020 年 3 月「立會過半」記者會
區諾軒確認為首次舉行

控方其後向區諾詢問有關 2020 年 3 月 26 日的「立會過半」記者會。區供稱,該次是第一次舉行的記者會,講述立會過半的願景,「在我憶述當時主要就係介紹各區希望能夠贏取議席嘅目標。」區又指,出席者有戴耀廷,數位區議會主席代表、立法會議員張超雄、莫乃光,以及幾位區議員或者民間團隊的代表。

控方則展示片段,並定格請區逐一辨認出席者。區確認,出席者包括他本人、劉卓裕、蔡雅文、黎志強、張超雄、程張迎、劉志雄、 戴耀廷、莫乃光、張志偉。控方遂開始播放片段。

片中戴耀廷:
將光譜寬闊陣營各方拉埋一齊

戴耀廷在片段中稱,這段時間與區諾軒一直進行協調工作,希望能夠把「光譜寬闊的陣營各方拉埋一齊」。他又提到地區直選的議席目標,「如果地區直選要做到 35+ 立會過半呢,其實真係要去每一個區,要做好好嘅協調工作。有組數字呢,我就覺得好容易記嘅,就係『66443』,就係新界東,新界西,我哋目標希望能夠爭取到 6 席,九龍西同香港島能夠爭取到 4 席,九龍東可以爭到 3 席,咁『66443』呢,加埋就 23 。」

認罪列席被告
於同一延伸庭旁聽

本案 16 名不認罪被告,分別為吳政亨、鄭達鴻、楊雪盈、彭卓棋、何啟明、劉偉聰、黃碧雲、施德來、何桂藍、陳志全、鄒家成、林卓廷、梁國雄、柯耀林、李予信及余慧明。

不認罪被告當中, 10 人獲准保釋, 6 人包括吳政亨、何桂藍、鄒家成等正還押,其中 4 人被押逾 700 天。認罪列席被告,被拆至兩個延伸庭分座至少 4 日後,周二獲合併至同一延伸庭同坐,包括馮達浚、朱凱廸、梁晃維、譚凱邦、岑敖暉、黃之鋒、袁嘉蔚、吳敏兒。

HCCC69/2022
焦點
最新文章
最新影片