蔡天鳳疑遭殺害碎屍案，周五（13 日）踏入第 37 日審訊。鄺港傑早前指證胞弟殺蔡天鳳，今日他繼續作供，稱於蔡遇害後，父親鄺球要求他在廁所清洗器具，包括有血跡的刀具。父親則於房間及廚房之間來回走動，並傳出切割聲音。鄺港傑供稱，「我記得我喺廁所入邊一路洗⋯⋯我聽到切割聲嘅時候一路喊」。
Day36｜鄺港傑：清潔車廂棄蔡手機 因「冇諗過、唔識處理」故沒報警
報道涵蓋庭上描述的案件過程細節，或會引起不安。
訂閱／贊助／購物，支持《法庭線》報道香港，記錄香港。
1258 午膳
1245 鄺港傑：購買錘仔後放地上
直至被捕錘仔一直在相同位置
鄺港智代表律師安華暉開始盤問，指蔡與丈夫譚方駿屬夫妻關係，但蔡與鄺港智有真正的浪漫關係（ real romantic relationship ），鄺港傑回應「我會咁樣形容」。安華暉追問，蔡是否因金錢關係嫁予譚方駿，鄺港傑稱「呢個要問 Abby 先知了」、「我唔清楚」。
鄺續指，2022 年胞弟從內地返港主要是因蔡妒忌胞弟在內地另有女友，並同意蔡與胞弟自年少相識起於各方面均關係非常密切的說法。安華暉追問，是否比他和胞弟的關係更密切（ closer than you and Alex ），鄺肯定，「當然喇」。
據鄺港傑早前作供，2023 年 2 月起，父親鄺球和孫輩相處之間存在障礙，他在庭上確認該障礙是蔡。對於蔡的性格，鄺表示，蔡「比較強勢」。安華暉詢問，蔡是否對於想要或不想要的事非常堅持，鄺肯定。安華暉續指蔡與鄺球的矛盾不在於加多利山單位，而是孫輩，鄺同意，「係吖，淨係啲孫仔咋，通常拗嗰啲嘢都係啲孫仔」。
鄺供稱，2 月 15 日購買錘仔，但不記得自己是否曾在購買店鋪中拿起錘仔，亦同意自己曾購買保鮮紙、索帶、膠紙。鄺又指，從未在 AA3383 見到錘仔，亦未曾見過胞弟手持錘仔。龍尾單位現場照片顯示，錘仔被放置於客廳地上。鄺表示，錘仔是由他購買後放於地上，直至他被拘捕，錘仔都在同一個位置。
安華暉引述另一現場圖片，詢問鄺是否認得圖中物品。鄺港傑表示，「係拖鞋」，曾在父親鄺球家中見過，猜測「我覺得係爸爸嘅」。
1230 鄺港傑：殺害蔡對自己沒有好處
戴偉奧續形容，父親鄺球的生活簡單，不會穿名貴衣物，因為他為人腳踏實地。鄺確認。戴偉奧再指，父親不在意名牌。鄺確認，指他本人會買名牌，如果不合穿便會給予父親。戴偉奧又提到，父親是簡單的男人，他不會投訴要住在公屋等。鄺確認，指父親對此沒有所謂。
戴偉奧續指，鄺球住在居屋單位時要睡在梳化，他亦沒投訴，而加多利山單位亦不符鄺球的風格？鄺港傑稱「我形容為冇乜所謂，大細吖、靚唔靚都冇乜所謂」。戴偉奧又提及，父親曾做通波仔手術，又患有糖尿病；鄺確認。戴偉奧另指，父親住在尚文苑時，會對鄺港傑構成不便。鄺港傑同意。戴偉奧提到，父親於 2023 年打算退休，希望搬到鄉郊地方居住，欲過簡單生活。鄺確認。
戴偉奧又問及父親與蔡的關係，鄺確認該發燒事件衝突，是他們二人唯一一次衝突。戴偉奧續指，事後父親已不再回加多利山單位；鄺確認。
戴偉奧問及，針對出售加多利山一事，父親有否與鄺港傑討論？鄺表示沒有，但他曾從母親口中得知此事，蔡沒有與他本人討論，而他事後亦知悉父親簽了授權書，「因為我經常會喺加多利山食飯，Abby、Alex 同我媽媽喺食飯嘅時候，講過呢啲嘢，我聽過授權書呢啲字眼」。戴偉奧續指，出售加多利山購買屯門單位的決定，是希望方便蔡的子女上學。鄺稱「聽佢哋咁講」。戴偉奧又指，鄺球從未投訴簽署授權書、出售加多利山一事。鄺確認。
戴偉奧問及鄺港傑與父親在事發前購買的絞肉機，鄺供稱，他到場時父親已購買了絞肉機，他則從未在龍尾村單位見過絞肉機。戴偉奧形容，各人並無計劃要殺死蔡？鄺稱「完全冇」。
戴偉奧續提及事發當天的情況，指當時鄺正駕車到 X 的學校，而胞弟及蔡則有爭執，而蔡則在大叫，鄺港傑及後感受到有物體撞到椅背，又聽到胞弟大哭，當時鄺感到驚慌，鄺遂致電父親。鄺一概確認。
戴偉奧又指，鄺當天沒有特意向父親提到，他會前往大埔？鄺回應「冇冇冇」。戴偉奧又問，當時鄺有否向父親表示蔡已沒有生命跡象？鄺指「我冇講咁 detail，我淨係講『Abby 冇反應』呢幾個字」，確認他當時感非常恐慌。戴偉奧提到，及後父親曾觸碰蔡。鄺確認指，當時「我覺得佢死咗」。
戴偉奧又提到，鄺已說出真相，而父親當天不知道會發生何事、亦沒有計劃殺害蔡、鄺港傑兩兄弟亦沒計劃殺蔡？鄺確認。戴偉奧追問，殺害蔡對鄺港傑是否有好處？鄺回應「完全冇，我仲還押咗 4 年添差唔多」。戴偉奧又問，殺害蔡對父親是否有好處？鄺稱「我唔認為對佢有好處」。
戴偉奧另提及，鄺港傑曾供稱，當蔡母在鄺港智在內地的車上發現女性飾物時，蔡感不高興。鄺於庭上再指，「我認為 Abby 同 Alex 仲有親情呀、愛情嘅感情嘅」，「我會講我唔認為佢哋有真正分開過囉」。戴偉奧再指，譚方駿是否知道蔡與胞弟的關係？鄺回答「我認為佢知㗎」，而不見譚帶反對。戴偉奧續指，譚方駿、蔡及胞弟 3 人非常緊密？鄺確認。
12:15 鄺港傑確認母親非常疼愛孫兒
Trevor Beel 完成主問，而代表鄺球的大律師戴偉奧盤問鄺港傑。戴偉奧提到，鄺港傑與胞弟一直被還押在荔枝角收押所，而父親鄺球則在赤柱監獄。鄺確認，指只能以信件與父通訊，而懲教人員均會檢視，確認與父親甚少溝通。
戴偉奧再問及鄺家之間的關係，戴偉奧提到鄺球曾任職警員達 30 年，於 2000 年代初提早退休，當時約 46 歲，而他要到 55 歲才可領取退休金；鄺港傑確認。
戴偉奧再指，在鄺的成長期間，父親經常不在家，父親曾於西九龍重案組工作，負責刑事調查。鄺家曾住在德福的警察已婚宿舍，父親退休後，一家仍留在宿舍，及後才獲派將軍澳公屋，而公屋只有兩間睡房；而父親退休後，他亦沒有停止工作，曾於中國做生意，即使退休後仍經常不在家。鄺港傑一概確認。
戴偉奧再問，父親負責支付鄺港傑兩兄弟的學費？鄺確認，指「我知道父母畀」。戴偉奧續問，母親何時營運時裝店？鄺稱他讀小學時母親便開始經營。
戴偉奧形容，母親是主要負責照顧家庭，而兩兄弟與父親關係良好。鄺確認。又提到，鄺到美國留學一年後，父親才收到退休金，父親及後以退休金支付鄺港傑留美的學費，因為他鼓勵鄺港傑到美國讀書。而家庭如果遇到問題，一般會向父親尋求協助。鄺一概確認。
戴偉奧再形容，蔡母張燕花出庭作供時，身穿名牌衣物及攜有名貴手袋，而鄺母李瑞香則不會穿名牌衣物及名貴手袋。母親的主要興趣是照顧家庭，她愛錫兩名兒子及孫兒，即使胞弟鄺港智於年輕時便誕下兒子，但母親亦沒有不滿，而是歡迎孫兒。鄺一概確認，指母親當時非常高興。戴偉奧又指，母親李瑞香花大部分時間照顧孫兒，曾搬到海逸豪園、維港星岸及加多利山照顧孫兒，她非常愛孫兒。鄺確認。戴偉奧再指，父親鄺球同樣與孫兒關係良好？鄺港傑同意，稱「孫仔孫女錫爺爺多過嫲嫲」，「因為嫲嫲會管教佢哋嚴啲，爺爺就咩都就晒佢哋」。戴偉奧續指，母親事後因協助鄺港智潛逃而被捕服刑，正是出於她對兒子的關心。鄺確認。
11:50 鄺港傑：三人無計劃殺害蔡
鄺續指，他乘 Uber 回大埔後，與警方會面，警方把他帶到西九龍警察總部。Beel 指，他當時繼續告訴警方，蔡在大埔超級城下車。鄺確認，亦指他沒有告訴警方，當時胞弟亦在場。
Beel 再指，警方於 2 月 24 日凌晨拘捕鄺，而警方又在 AA3383 車上發現一點屬於鄺的血跡。鄺指不知道為何會有他的血跡。
Beel 再問鄺，蔡與其胞弟的關係。Beel 指，鄺曾目睹蔡責罵胞弟，而胞弟一般不會反駁？鄺確認，「形容好腍善㗎個人」。
Beel 續指，這是兩人關係的其中一面，鄺是否知道他們關係的另一面，二人自 2019 年離婚後，及至 2023 年間，鄺有否看到胞弟與蔡在一起？鄺回應「我形容為都係好close、好親密嘅」。鄺續指，他曾聽到胞弟與蔡通話，胞弟稱呼蔡「傻豬呀，嗰啲親密說話。如果你唔係話好親密，因為正常譬如，我唔會同我 ex 講傻豬咁㗎嘛」。
鄺又指，在 2017 至 2018 年間，他曾到海南見到二人相處，「我有見到佢哋kiss 呀、錫錫呀」，形容「當然唔係French Kiss 喇，但有錫嘴嘴嗰啲，我有見過，親眼見過」。Beel 最後再問，鄺本人、鄺父及胞弟，有否計劃於 2023 年 2 月 21 日殺害蔡？鄺回答「冇」。Beel 再問，鄺本人、鄺父及胞弟有否計劃於當天意圖使蔡嚴重身體受傷？鄺回答「冇」。被告欄內的鄺港智及鄺球神情平靜。
11:30 小休
11:25 鄺港傑：曾掀電鋸說明書或遺指紋
Beel 提到，雪櫃上有鄺的指紋。鄺指，他於事發前曾打開雪櫃，「入邊有普通嘅嘢飲，我打開雪櫃拎嘢飲」。而事發後已沒有再打開雪櫃，「都冇諗過有食嘢、飲嘢嘅慾望，所以自然唔會有開個雪櫃嘅動作」。Beel 再提到，電鋸說明書上亦有鄺的指紋。鄺稱，父親已在事發前購入電鋸，我有印象我喺屋入邊期間，我有掀過啲說明書，有係咁意䁽吓」。
鄺續稱，他於 2 月 23 日當天中午 12 時 20 分離開龍尾村到加多利山單位與警方會面，他便告訴警方「放低咗 Abby 喺大埔嗰商場度呀、Abby 嘅衣着呀」。但他當時沒有告訴警方，胞弟亦在車上，因為「我當時想保護佢」。及後警員着鄺提供協助，「兜一兜返去大埔，我話放低咗 Abby 嘅地方個範圍」。鄺指當時譚方駿、一名女警亦在場，一同出發到大埔超級城。
鄺指，及至當天約 3 時許，鄺與譚要接蔡的長女放學，「然後我就揸車，Chris 就同我一齊同車嘅，就去大埔車妹妹學校嘅方向，然後阿 Chris 收到個 Madam 打嘅電話，就話想再同我有 further 嘅對話。咁我同 Chris 交換咗個角色，Chris 揸 AA3383 去車妹妹放學，幫我 call 咗架 Uber 去大埔啱啱嗰個位置 meet up 啲警察。」
11:20 鄺港傑：丟垃圾時留意到有湯渣
無懷疑豬骨是其他物品
Beel 續問及 2 月 23 日的情況，鄺指當天早上他續接載蔡的長子上學。隨後父親再致電他，「佢話又想車我去大埔嘅村屋幫佢手」。鄺形容當時「我好攰，我幾日冇瞓過覺、揸唔到車，然後爸爸去咗加多利山門口接我，然後佢又揸咗去大埔」。
鄺續指，當天早上接到警方來電，稱警方已約母親中午到加多利山會所見面，亦相約鄺會面。鄺指當天他在單位時，「我就冇入去廁所度清潔嘅，個時我喺客廳，我記得⋯⋯仲有啲 Abby 嘅 card、身份證、銀行卡之類喺地下，跟住爸爸就叫我剪爛晒佢喇，然後擺喺燒衣紙個鐵罐度，仲有叫我將我身上嘅八達通都剪埋佢」。鄺指當時沒有過問為何要剪卡，「我當時冇去思考呢啲了，佢叫我剪就剪，我當時個精神好差」，「剪完嘢就⋯⋯已經經過咗兩日了，我個人都呆吓呆吓」。
Beel 再問，鄺早前曾於單位見到青紅蘿蔔，當天又有否再看到青紅蘿蔔？鄺表示有，「有喺嗰個廚房門口，有啲黑色膠袋我記得，我有幫手打個結，包好個垃圾袋咁」，並在離開單位時，把垃圾掉在村口垃圾筒。鄺補充，他於事發當天，隨後兩天，每天均有掉垃圾。鄺憶述，他記得於 21 號當晚掉垃圾時，「我淨係留意到有啲湯渣咁嘅嘢，青紅蘿蔔，有啲類似豬骨咁嘅嘢，我形容為嗰啲湯渣」。Beel 追問，當時鄺有否懷疑豬骨是其他物品？鄺指「當刻我冇諗，因為的而且確你買青紅蘿蔔都會買埋豬骨」。鄺又提到，他同時亦有掉一些用作清潔的抹布，「染咗血嘅手套，有啲濕紙巾同埋乾紙巾」。
11:10 鄺港傑：廚房有兩個煲
現場有青紅蘿蔔
鄺指完成拜祭後，當時已到下午，他到深水埗取車後，到加多利山接母親，再到大埔的學校接蔡的長女 X 放學。鄺憶述，隨後父親再到荃灣接他到龍尾村，「我意識到佢係想我幫一幫佢」。
當晚鄺於 9 時到達龍尾村，鄺形容「其實嗰個時間，同我早一晚相差無幾，我又係入咗個廁所入邊，又係見到啲刀，我又係一樣咁喺度抹吖，漫無目的咁抹，留喺個廁所入邊」。他繼續抹刀具，他自從貼帆布後，亦沒有再進入大房內，「我從來冇親眼目擊過任何 Abby 嘅屍首同殘肢嘅嘢」。
鄺又提到，他曾在廚房門外，「我見到有兩個煲，煲緊嘢」、「喺個爐上邊」，兩個煲上亦有蓋。Beel 追問，當時鄺有否留意煲內的物品，鄺指「我冇去 find out 呢樣嘢」。Beel 引述照片指，現場有青紅蘿蔔。鄺指他有看到青紅蘿蔔，部分已被切開，放在鋅盤隔籬，但鄺本人並無購買青紅蘿蔔。
Beel 續指，鄺當晚於 11 時 40 分離開單位。鄺指他逗留在單位時，父親「都係喺廚房同睡房之間來回，都係有聽到切割嘅聲音」，但他沒有聽到電鋸的聲音，二人亦沒有對話。
至於胞弟的去向，鄺指當時並不知道胞弟身在何處，又形容「嗰時個狀態我自己都理唔到，理唔到其他人，唔得閒諗佢，我冇時間去關心呢啲嘢」。鄺又在提問下確認，警方曾於 2 月 22 日聯絡他，指當時警方先聯繫母親，母親再把電話交給鄺，以警方所知，「我係最後一個見到 Abby 嘅人嚟嘅」，警方當時查問蔡的下車位置及衣着。鄺則回應蔡在大埔超級城下車。
10:25 鄺港傑：翌日與父燒衣紙拜祭
鄺續指，他於早上約 6 時離開單位，「我記得嗰晚好漫長，去到大概 6 點嘅時候，因為嗰日平日嚟嘅，我仲要去荃灣攞返架 AA3383，去加多利山車哥哥返學，跟住我就叫爸爸車返我返荃灣，我要攞返架車返工喇，我要車哥哥返學」。鄺隨後便駕車接載蔡的長子 W 從加多利山出發上學，母親李瑞香亦有同行。
鄺指當天早上沒有在加多利山見到胞弟鄺港智，亦不知道胞弟的去向。鄺憶述，前一晚身在龍尾村單位時，他亦曾與胞弟通電話。此外，當晚蔡的丈夫譚方駿又曾致電他，詢問蔡的去向。鄺指「我記得我同 Chris（譚方駿）講，晏晝放低咗 Abby 喺大埔，然後就唔知佢下落喇，唔知佢去咗邊」。
鄺續指，隨後蔡母張燕花亦於晚上 11 時左右致電予鄺，「我都係照舊（講）同 Chris 講同一番說話，晏晝喺大埔放低咗佢，就唔知佢去咗邊」。
Beel 指，蔡母張燕花作供時，曾指鄺港傑曾聲稱蔡與朋友喝酒。鄺指他「完全冇講過呢個內容」，「因為我都幾了解 Abby 㗎，佢完全唔會去飲酒飲嘢」。鄺指約半小時後，張再致電予他，鄺形容「我嗰時好想逃避呢件事」，遂告知張「我要瞓覺喇，聽日仲要返工呀，我要瞓覺喇，我要收線，聽日再講啦」。
及至 2 月 22 日早上，鄺送蔡的長子 W 上學後，便接母親回加多利山。鄺憶述當時為早上，「嗰時我仲係好不安，對於架車，所以我就即刻⋯⋯嘗試電話聯絡平時每個月都會去洗車嘅舖頭。喺深水埗，問朝頭早有冇時間，幫我做一個洗車嘅服務，咁我揸咗架車去深水埗」。
鄺續指，當他打算洗車時，父親亦致電給他，詢問他的去向，「我就同佢講我揸咗架車去洗吖，佢話佢嚟搵一搵我」。及後父親駕車到深水埗，鄺上車後看見「有幾大袋拜祭嘅衣紙，幾大袋，好大包嗰啲，跟住爸爸就話我哋去拜祭一下⋯⋯爸爸揸咗去將軍澳墳場度拜祭」。鄺指當時有燒衣紙，「通常如果有啲先人，或者人死咗，就會燒呢啲衣紙去拜祭」。Beel 追問，當時鄺在拜祭誰？鄺指當時「我哋冇咁樣直接講到」，但認為是蔡。Beel 追問，當時拜祭蔡，是否向蔡表達敬意（pay respect)？鄺稍作停頓後指「呃，係呀，燒畀佢囉、燒衣紙」。鄺補充，「呢個我相信係個傳統嚟嘅，中國人有人過咗身就拜祭，去憑弔」。
10:00 鄺港傑：於廁所清洗染血刀具
父來回走動傳切割聲音
鄺港傑續出庭作供，由辯方大狀 Trevor Beel 進行主問。他周四作供時講及 2023 年 2 月 21 日蔡遇害後的情況，他提到當晚父親鄺球着他到龍尾村單位，當時應父親要求把帆布貼好。鄺周五續指，及後父親留在房內、「掩埋道門」，鄺指無法看到父親在房內的行為，亦沒有聽到聲音。
鄺隨後到廁所，看到企缸內有一個膠箱，箱內有「兩把刀具，然後有啲水浸住」，現場亦有電鋸等，而且亦掛有雨褸、雨靴。鄺續指，父親步出房間，着鄺協助清洗器具，「同埋清潔吓企缸嗰個 area」。鄺指，當時看到「有少少類似血跡嘅係企缸嗰地下度，個刀上面都有少少血跡」。
Beel 續指，鄺與父親於翌日早上 6 時離開單位，着鄺講述當晚在單位內的情況。鄺供稱，父親着他清潔時，又提醒鄺要穿上雨褸、雨靴，「佢叫我戴埋啲手套」。當晚「我就留喺個廁所入邊，用水洗嗰個地方，我⋯⋯我唔敢出嚟呀，我留喺個廁所入邊，我記得我冇閂門嘅，一路咁樣時間過去喇，因為我冇閂門，途中我見到爸爸，喺房同廚房之間來回走動。」鄺續指，當時看到父親手持水桶走動，「係呢段期間，我有聽到一啲切割嘅聲音⋯⋯有喺房又有，廚房都有，但唔係用電鋸嘅聲音，係普通用刀嘅聲音」。但鄺指他沒有看到父親的行為，因為「我成晚留咗喺廁所入邊，我都唔敢出嚟」，「我記得我喺廁所入邊一路洗⋯⋯我聽到切割聲嘅時候一路喊」。而他開始清潔廁所後，「爸爸成晚我都冇同佢講過嘢」。
3 人被控謀殺、阻止合法埋葬
被告依次為鄺港傑（31 歲，司機）、鄺球（65 歲，退休人士）及鄺港智（28 歲，無業）。鄺港傑由大狀 Trevor Beel、劉奕勤、李宣儀代表；鄺球由大狀戴偉奧（Oliver Davies）及羅天祺代表；鄺港智由大狀安華暉（Andrew J. Raffell）、劉皚淇及鄧樂齊代表。
控方由外聘資深大狀郭莎樂（Charlotte Draycott）、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝（Brian Keith）審理。
3 人承認阻止合法埋葬屍體罪，否認謀殺罪。阻止合法埋葬屍體指，3 人於 2 月 21 日至 23 日期間，在香港阻止蔡天鳳的屍體被合法埋葬；謀殺罪指，3 人在 2023 年 2 月 21 日，在大埔龍尾村 56B 地下謀殺蔡天鳳。
HCCC198/2025