持續更新|蔡天鳳案Day12 蔡母:夫每月給逾百萬元生活費 在兌換店提取

蔡天鳳案 Day12

分享:

編按:報道涵蓋庭上描述的案件過程細節,或會引起不安。

第四年,我們仍在現場。
支持《法庭線》,讓我們走得更遠。

16:29 休庭
15:48 鄺港智一方開始盤問張燕花

代表鄺港智的大狀安華暉開始盤問張燕花,指張中午供稱「我相信警方」,張聞言稱「緊係相信香港警察啦」。官聞言提醒張,辯方尚未提問。安華暉指,所以張剪裁證供配合警方調查?張稱「咁係啦嘛,去配合警方呀嘛」。

安華暉指,法庭要求張作供期間,不得與任何人提及證供,但有警員聯絡她、兩人溝通?張指「冇講證供,佢叫我畀地址,我咪畀地址囉」。

安華暉就蔡天鳳、鄺港智的關係盤問。張指,蔡、鄺一起後,她當鄺港智「半個仔」,當時鄺不懂海南話,但因她與蔡在家以海南話溝通,故他在 17 歲時,跟自己學海南話,「咪就係咁好,先嫁畀佢咋嘛開頭」,形容他會「刷鞋」。

安華暉指,鄺港智跟張、蔡天鳳關係親密,張卻以「畜生」形容他?張指,以「畜生」形容是之後的事。

安華暉指,鄺港智當時父親惡,搬入蔡家為「避難」,此事鄺多年前曾告知張。張稱「邊度記得,當時佢兩個有咗 BB」,她認為兩人真心相愛,又指鄺港智「好痴我哋,我行一步佢都跟一步㗎」。

安華暉指鄺港智溫馴、被動。張指他一直都很好、「把口好甜」,「嬲尾先變咋嘛,離咗婚大家都係好和平,三家人都係為咗細路仔健康長大,我哋真係冇計較佢冇錢」。

安華暉指,蔡天鳳比鄺港智大一年。張稱差不多。他續指,蔡的個性強勢。張不同意,「好講道理,佢真係好溫和、好孝順、好有愛心㗎」。

安華暉指,但蔡的對話顯出她很惡?張指,正是鄺家忘恩負義激怒蔡,「平時佢真係好愛錫細路仔」。安華暉質疑張再次剪裁證供,張指「我第一次見到佢咁嬲,你可以問佢身邊,講嘢都唔大聲㗎」。

15:10 鄺球一方:勞斯萊斯是屬於鄺球?
張:咁點解賣咗嘅錢要畀阿女?

辯方大狀戴奧偉引述張燕花與蔡天鳳 2022 年 2 月 21 日的 WeChat 對話,指張在訊息提到「我憑良心說,他爸真的就是省咯,他爸就是省了,別人以為他爸很有錢,他爸就是說,阿駿已經花了很多錢了,他爸還是有一些錢的,沒有幾個億還是有的」。

戴奧偉問,所以據張的理解,譚家「花了很多錢⋯⋯沒有幾個億」?張解釋,這是「傾閒計,有時講下笑,呢啲唔關我哋事」,指當時談及譚父喜歡女兒,「佢爸爸都好佩服阿女好識教細路仔,就係咁樣,譚爸爸媽媽一直讚阿女好識教細路仔」。

戴奧偉最後指出,鄺球從未任職的士司機?張指當時女兒如此告訴她。戴奧偉指鄺球離開警隊後,曾在 2003 年至 2023 年在中國內地做生意?張稱,「我識就飯冇食一餐,冇洗過一蚊」。

戴奧偉再指,鄺球並沒有打蔡、威脅蔡?張否認,強調鄺曾打女兒,「講賣樓要打要殺」。戴奧偉另指,譚家只支付 8,000 多萬元及曼克頓山單位予女兒?張回應「阿女話畀我聽,絕對唔止咁多」。

戴奧偉續指,鄺球曾支付加多利山單位的一半款項,支付現金予蔡?張回答「冇可能」。

戴奧偉另指,張的丈夫亦有欠債?張指丈夫並沒欠人錢,「人品好好㗎,佢係好爸爸」。

戴奧偉再指,丈夫蔡楚生從未付款予蔡天鳳?張回應「唔好咁樣講呢啲嘢」。

戴奧偉又指,鄺球名下的勞斯萊斯是屬於鄺球?張反問,「咁鄺球點解賣咗嘅錢,要畀阿女?」

戴奧偉最後再指,蔡在投資課程上並無任何資歷?她曾報讀課程,但沒有上課?張回應,「佢大緊肚返學嘅」。鄺球一方完成盤問。

14:51 辯方指鄺球付一半錢買加多利山單位
蔡母:從來鄺球都話唔到事嘅,你係正常人都識諗啦

辯方大狀戴奧偉再就加多利山單位登記業主一事提問。蔡母張燕花日前供稱,女兒把單位登記在鄺球名下,是因為想避免支付 900 多萬元印花稅,而且方便鄺球「走嚟走去」。戴奧偉再指,蔡其實可以把加多利山單位登記在張的名下?張回應,「一直都係咁樣,大家商量好,投資㗎嘛,畀我做咩?」

戴奧偉再指,以此方法避稅屬違法?張回應「呢啲我真係唔知,阿女咁樣決定」。戴奧偉追問,蔡及鄺球可因而坐監,屬刑事罪行,更要支付 3 倍印花稅?張回答「呢啲我唔知啦,之前大家好好,阿女對佢信任,微信都講咗,佢攞唔走㗎」、「呢啲係阿女決定」。

戴奧偉另指,鄺球在過程中沒有得到利益?張反駁指,平時負擔他的生活費,鄺港智稱要做生意,「攞成 7,000 幾萬,成家都知道」。戴奧偉再指,蔡並無付錢予鄺球?張即反駁「我絕對唔同意,嘩!洗咗又話唔畀,鄺港傑借幾多次錢又話冇!」

戴奧偉指出,鄺球其實有付錢購買單位?張回應,「叫佢攞出證據吖嘛,你電視百幾蚊都未出過呀,即係裝 Wi-Fi 啲呀,全家都出糧畀錢照顧呀,聽佢講!」

戴奧偉續稱,鄺球做生意後亦會給錢予蔡投資?張反駁「哇!你同殺人有咩分別?冇證據,億幾買呢層樓,俾個仆街攞埋啦,有證有據!」

戴奧偉再指,即使鄺球簽署加多利山單位的授權委託書,但亦可以隨時取消?張稱,女兒曾引述律師指可隨時取消,「阿女話 3 個月內賣唔出就轉名,呢啲佢全家都知道!」

戴奧偉續指,鄺球曾付一半錢購買加多利山單位?張否認,指由女兒支付,「你話鄺球買咁多,全部嘅錢都係阿女,從來鄺球都話唔到事嘅,你係正常人都識諗啦」。張又指,女兒曾稱轉名要付數百萬元,「不如平啲賣畀人⋯⋯百幾萬架車,30 萬就賣,完全想收返嚟」。

14:35 辯方提及譚方駿曾在澳門賭博借數百萬元
張燕花:譚父稱「幫阿駿還」

辯方大狀戴奧偉就蔡天鳳去法國時裝展的情況提問。他指當時蔡坐頭等機位,是否住在奢華酒店?張燕花指,當時女兒與譚方駿一同前往法國,「譚家爸爸同媽媽好錫㗎」,但女兒「坐咩位我真係唔知,真係每一次都同阿駿一齊」。而酒店則由譚方駿訂,「阿駿好好人,好愛錫姐姐全家,畀班畜生貪得無厭」。

暫委法官祁彥輝提醒,張只需回答辯方問題,張表示「咁住邊度我真係唔知」。戴奧偉另提到,蔡當時要付費才可參與法國的時裝展?張指不知道,「佢同我講佢賺錢」。

戴奧偉另提及,譚方駿沉迷賭博?張稱,「佢有時打下麻雀,我感覺佢都係玩下㗎啫」。戴奧偉再指,譚與蔡 2021 年曾到澳門?張指知道當時二人去賭了一次錢,指「唔係 Abby 賭,係疫情阿駿玩下」。戴奧偉續指,譚當時在澳門借了 500 萬元,但全數輸光,而蔡為擔保人?張指當時「譚爸爸還咗」。

戴奧偉續指,蔡與譚回港後,兩人沒有足夠錢還債,而收數公司曾因此騷擾譚家?張否認,指當時賭場結業,「唔知還畀邊個,後尾呢就有人打電話畀阿女,阿女唔想煩,跟住都諗辦法搵呢個公司嘅人」。

戴奧偉續指,當時收數公司人員騷擾譚家,當時譚父詢問兒子何事。張指「人哋一搵都即刻還㗎啦」,只是一開始「賭場冇開,唔知畀邊個」。

戴奧偉續稱,當時譚父曾尋求鄺球的協助,稱因為鄺球曾於警隊工作,認為鄺球可處理問題。張回應不知道。

戴奧偉再問,蔡有否提及鄺球曾協助她?張指沒有。

戴奧偉再指,鄺球在此事亦有失去金錢?張回應,「嗰日同譚家飲茶先講呢件事,之前阿女登記嘅時候,佢話鄺球同佢借錢囉,譚老爺話鄺球同佢借錢,我就唔知道」。

戴奧偉最後指,最終而還 600 萬元予追數公司?張表示只知譚父有還債。戴奧偉追問,張是否知道女兒曾還錢給譚?張指譚父親口表示,「呢個錢係佢幫阿駿還」、「老爺話佢自己畀吖嘛⋯⋯呢啲係千真萬確,係老爺畀咗」。

戴奧偉再指,當時譚父付錢,因為蔡無力支付?張表示沒有,是因為「老爺講阿駿唔想煩姐姐(蔡天鳳)」。

14:24 辯方就蔡天鳳開支提問

辯方大狀戴奧偉就蔡天鳳的支出提問。他指蔡每月支出約 50 萬元,張則指約為 26 萬元,戴奧偉提到蔡在曼克頓山單位的兩次按揭,分別為 1,000 萬元及 400 萬元,而蔡每月要償還 5 萬元。

張燕花指不知女兒的按揭情況,但女兒每月會付 26 萬元供養加多利山單位的家庭,「細路仔讀書、買餸⋯⋯所有嘢都係阿女畀,佢哋從來未畀過 1 蚊」。

戴奧偉指,蔡另要支付 4 名子女的國際學校學費。張指,女兒與譚家的子女的學費由譚家負責。戴奧偉再指,只計兩名長孫(蔡與鄺港智的子女)的學費亦達每月 5 至 6 萬元。張回應,「兩個細路仔、李瑞香買餸,李瑞香人工 5 萬蚊,加起嚟就係 26 萬倒」。

戴奧偉又提及,蔡另有兩名同母異父的妹妹,兩人於 2019 年到英國就讀寄宿學校,每月至少花 10 萬元,而這些支出由蔡支付?張表示沒有,「Abby 從來冇畀錢兩個妹」,當時是由丈夫寄錢到家中應付開支,「有生意賣咗,就係畀細路仔讀書囉」。

戴奧偉則指出,當時其實由蔡支付兩名妹妹的學費。張則回應「冇冇冇冇,唔好咁樣冤枉我同蔡生」。戴奧偉再指,蔡本人亦生活奢華?張則表示,「佢自己唔係好大使,都係畀呢班畜生多,佢自己唔係好大使」。

張此時望向被告欄方向,「你問鄺港智攞幾多啦!全部同呢個鄺球話使做生意做生意,唔知攞晒啲錢去邊,呢啲我最清楚㗎啦」。被告欄內的鄺港智神情平靜。

12:51 午膳
12:30 辯方:鄺球名下兩車是屬於他
蔡母:絕對無可能

辯方大狀戴奧偉續關注海南物業的情況。張燕花指鄺球最終簽委託書賣樓,錢還給女兒,張又重複指鄺球每月取生活費,「阿女就係信佢,嗰陣時關係好」。而鄺球當時「佢都走嚟走去㗎啦,就係佢冇嘢做,(女兒)又畀生活費佢,最緊要係信任」。

戴奧偉指,對於鄺球而言,由他持有蔡的海南物業,其實對他並無好處?張則回應「佢全家係享佢兩個孫嘅福氣,貪得無厭」,而且海南物業由鄺球持有是「大家講好,賣咗錢就畀姐姐(蔡),開頭唔肯簽,後尾走法律程序先肯,啲嘢到佢手都唔肯畀」。張指 2022 年 3 至 4 月已告知鄺球要賣樓。

戴奧偉追問當時進行的法律程序。張指當時曾打電話給鄺家,稱「如果唔係(不簽委託書的話)大家就反面㗎啦,親戚都冇得做!」張指當時女兒曾致電鄺球,「(鄺)又係拖好耐先肯簽,每次講反面先嚟簽紙」。

戴奧偉再指,當時把海南物業登記在鄺球名下,因為當時鄺在中國內地工作。張回答「冇可能!」戴奧偉再指出,鄺球從來不是的士司機?張回答「阿女講㗎,佢(話)住九龍塘,(鄺)全家都係大話精,咁多年飲茶都未埋過單,佢有咩錢?就係嗰到吹」。

戴奧偉續指,鄺球有歸還出售海南物業的款項。張確認。戴奧偉又認為,鄺球在查個過程均合作。張反駁指,「都話嗌交要打要殺,鄺球幾時都係要打要殺」。

戴奧偉質疑,張從未把鄺球「要打要殺」一事告知警方?張表示「當時真係⋯⋯做阿媽嘅心情,係冇人理解到」,又指已事隔數年,「唔想想起我啲傷心事,想快啲忘記啲傷心事,我相信警方」。張又補充,「時間太耐,我唔知有冇講,但我相信警方查案還阿女清白,咁真係打吖嘛,有證據吖嘛,我錄唔錄口供都唔重要,佢真係打吖嘛」。

戴奧偉最後又指,其實鄺球並無打蔡?張回應指當時鄺球打女兒,譚方駿上前阻止。

至於鄺球名下兩輛車的情況,戴奧偉指當時把兩輛車登記在他的名下,因為其實兩輛車均屬於他。張隨即表示「絕對冇可能!勞斯萊斯係阿女碌卡,淨低嘅現金畀鄺球拎去攞,你聽佢吹,飯都冇得開,有錢買勞斯萊斯?!6、700萬,眼甘甘講大話,呢啲我知道佢講大話」。

戴奧偉再指,當時鄺球在中國做生意?張反駁「佢做鬼啦,我個女個個月畀兩萬蚊佢,阿女話我知,你哋去 check 吓個戶口,查到㗎嘛!佢(鄺球病)就嚟死嗰陣,都冇錢睇醫生,都係阿女拎錢出嚟碌卡,20 幾萬,如果唔係佢都死撚咗啦,半個鐘都死啦!」

12:10 蔡母指女兒曾給錢鄺球治病

辯方大狀戴奧偉續指,蔡天鳳在花旗銀行有 1,040 萬元的按揭貸款。張燕花指是屬於曼克頓山的物業。

戴奧偉追問,知否當時為何蔡抵押曼克頓山的物業?張指不知道。戴奧偉又提到,2020 年 3 月 25 日曼克頓山單位有按揭,之後又於靄華押業二按借貸 400 多萬元。張指並不知情。 

戴奧偉追問,為何蔡會如此借錢?張指「佢攞咁多錢畀佢哋,咁事實都畀咁多錢畀嗰家人」,她指不知道為何女兒會借錢。

戴奧偉再問,張是否知道,蔡天鳳於鄺港智在貴族錶行的戶口存入 1,800 萬元?張指女兒曾告知有 2,000 多萬,但一直沒有收回款項。戴奧偉追問,當時蔡有否借錢予鄺球?張指女兒給予每一人生活費,指把錢存入鄺球戶口,又指「鄺球條命都係阿女救」。

戴奧偉續指,既然給予鄺港智的錢完全無法收回,為何蔡仍一直給錢予對方?張指「佢話一路要投資呀嘛,阿駿都知道,睇到呢啲要斬斷狐狸尾巴,要收嘢,收返晒返嚟」。

戴奧偉追問「狐狸尾巴」的意思。張解釋,老狐狸是鄺球,「老狐狸好狡猾㗎」。張強調,女兒多年來為鄺球支付生活費,「啲錢都係阿女,照顧佢咁多年,以我所知鄺球有錢都係阿女畀佢嘅」。

張又指,當時「阿女有講,我哋大家都知道,照顧佢全家都畀錢㗎,鄺球病呢就嚟死啦,阿女碌卡使咗廿幾萬救返佢,唔係人嚟㗎呢班!」

11:50 辯方讀出蔡天鳳資產紀錄 
指未列加多利山單位

戴奧偉逐一讀出蔡的資產紀錄,指蔡沒有保險箱、她於粉紅佳人(集團)有限公司持有一股,而一股並不值錢。她另於熊熊小食有限公司持有一萬股,戴奧偉指股份同樣不值錢,張確認「熊熊」並無資產。

戴奧偉續指,蔡持有滙豐 3,600 股,於 2023 年 2 月每股值 60 元,總值約 20 萬;電能實業有限公司有 8.25 萬股、每股 60 元,總值約 500 萬;在中國儒意則有價值 35 萬的股票。而她沒並無持有其他珠寶、名畫、汽車及船等。

戴奧偉另提到,有關土地及大廈的物業,蔡名下有曼克頓山單位、兩個車位,但沒有提及加多利山單位。張指當時加多利山單位仍在鄺球名下。

至於保險,張指當時蔡的 4 名子女均每人有一份保險,張本人亦有兩份保險,屬人壽及儲蓄保險。張指,她本人及孫兒是受益人。

針對加多利山單位的情況,戴奧偉稱張曾代表蔡採取法律行動,入稟高院,該案被告為鄺球。戴奧偉追問,當時入稟狀填上的被告地址在哪?張指當時填上監獄。戴奧偉指出,實際上寫上加多利山單位,而入稟狀從未送達予被告?張指當時由譚方駿找律師處理,「佢收唔收到我真係唔知」。戴奧偉再指,2023 年入稟後,一直沒有送達予被告,一年後已失效?張指,她及後成為女兒的遺產管理人。

11:22 小休
10:56 辯方質疑蔡月入不足以購入2000萬毫宅 
蔡母:女兒稱可負擔

戴奧偉問,蔡天鳳的網紅、模特兒工作,每月賺不多於 1 萬元?張指「係我認知,冇可能囉」,「佢話個個都好愛錫佢,好多嘢都畀佢做囉」。戴奧偉問,那麼蔡能賺多少?張指肯定不只 1 萬,「個女同我傾偈,肯定唔止佢呢個數字囉」。

戴奧偉引述蔡天鳳的星展銀行帳戶紀錄,蔡在 2019 年 1 月前每月收入少於 25 萬元,當中大部分來自丈夫,她本人賺很少?張指「以我所知真係唔止囉」,又指譚家在 2016 年(即蔡及譚方駿婚後),一直予她錢。

戴奧偉指,譚家在 2020 年停止給錢?張稱不知道,重申譚家一直給錢,「我睇起碼成億,阿女話一共畀咗就兩億幾」。而女兒於 2017 年已開始負擔與鄺港智兩名子女的開支,「就係補習費有時我畀嘅啫」。

張又提到,女兒會買股票及把錢存入定期戶口。戴奧偉提及,她於 2019 年股市高峰期購入股票,但股市於 2023 年下跌近半,她在股市大幅虧損。張指女兒未曾提及此事,又指女兒去世前 5 天,更透過語音訊息告知張,會給她 500 萬元,「佢話做生意賺,但我唔知」。

戴奧偉續指,張是女兒遺產管理人之一,女兒在銀行戶口的總金額只有約 600 萬元,而且她又把曼克頓山單位用作按揭。張指她本身不知情,事後才知女兒按揭 900 多萬元。

戴奧偉逐一讀出蔡 3 間銀行戶口的存款數字,當中星展銀行戶口共有約 340 多萬、花旗銀行戶口有 200 多萬、渣打銀行戶口則有少過 100 萬。戴奧偉指,所以當時蔡並無足夠資金購入 2,000 萬單位?張指女兒說可以負擔,重申在她過身前 5 天,「佢錄音話畀 500 萬我,佢錄音呀,冇得假㗎⋯⋯佢冇講過大話,啲錢俾人呃晒」。

10:45 蔡母指供養孫兒
重申鄺家「冇買過一樽奶粉係事實」

辯方大狀戴奧偉指出,其實張燕花沒有每月獲得過百萬元生活費。張指「我有兌換店嘅單㗎嘛」。

戴奧偉指,張之前從沒提及,生活費包括要養其他家人?張指:「我親戚朋友都幫,唔好話個畜生我唔幫啦」、「我都唔求回報,講嚟做咩?」戴奧偉指,所以張確認之前從未提及要養其他家人?張同意。

張補充:「我講過養佢哋,照顧佢哋,兩個細路女,佢哋冇買過一樽奶粉係事實,(鄺港智母親)李瑞香嚟,買餸都係我買過去,佢有人工攞」。

就譚家與蔡天鳳的關係,張確認譚家會給錢蔡天鳳,「每次攞錢,大部分佢都話畀我聽,支票我都睇過」,形容「譚生兩公婆對個女好似寶貝一樣,好錫佢」。

戴奧偉問,張見過共 3 億元的支票?張初時稱「支票見過成億」,後澄清不是一張億元的支票,而是 4,000 萬、千幾萬的支票,共值 1 億元。張又指,聽過女兒說譚家予她 3 億元,包括曼克頓山單位。

10:30 蔡母:夫曾開酒樓、在內地賺錢
大概知丈夫債務

辯方大狀戴奧偉指,張燕花的丈夫每月予她過百萬元生活費,9 年間予她共 1 億元。張指「養咁多人,兩個孫、兩個細路仔,幾兄弟姊妹,呢家吸血鬼,一蚊都冇畀過養細路仔!」戴奧偉着張克制,張指「講事實」,戴奧偉反問「Really?」(真的嗎?)

戴奧偉質疑,張丈夫債務越來越深,張指是應付每月開支,「我覺得賣樓又好,按樓又好,呢啲佢個人需要嘅嘢」。戴奧偉指,張丈夫不是一名成功商人?張指「唔好咁樣抹黑喎⋯⋯幾多年前都開 3 間酒樓,都賺 2、300 萬」。

戴奧偉問是何時?張指認識蔡楚生時,他正在做團餐,「已經一個月賺 200、300 萬」。戴奧偉問,那他為何要結束生意?張指想回海南發展。戴奧偉指,蔡楚生似乎沒賺很多錢?張反指「佢賺幾多錢要話畀你聽咩?」又指「海南(生意)真係賺錢」。

就蔡天鳳與蔡楚生關係,張指「每次(蔡天鳳)一返嚟,(蔡楚生)幾十萬幾十萬咁畀,好錫㗎,親生一樣」。戴奧偉質疑,蔡楚生予錢蔡天鳳,也不償還債務?「可能我認為啦,大陸賺呢啲錢都好多,呢啲佢自己決定囉」,又指大概知悉丈夫債務。

戴奧偉問,為何張不對蔡楚生說,不要再給錢蔡天鳳,先償還他自己的債務?張指「我呢個人,本人所識我嘅人,你可以打聽,我好幫人嘅」。

戴奧偉指,即她每月獲得的百萬元生活費,90% 也拿來幫人?張回答:「就係鄺港智一個月都用我幾多錢啦,用我呢樣、嗰樣」。被告欄的鄺港智沒表情地望向張。

張續指,「佢都冇錢,佢買咩都係叫我買⋯⋯佢開親口都畀,買咩都買,有求必應嗰隻」。戴奧偉追問,為何要這樣幫鄺港智?張指「咁佢當時係我女婿,孫我養啦⋯⋯我就係太過愛錫佢哋,一蚊都冇還,佢話愛阿女」。

10:20 蔡母:丈夫唔係好有錢
但每個月都有一百幾廿萬

辯方大狀戴奧偉問及其丈夫蔡楚生的經濟狀況,張燕花指丈夫「唔係好有錢,但每個月都有一百幾廿萬」,又指「佢管出面、我管屋企㗎嘛」。

戴奧偉指,根據土地查冊紀錄,黃埔花園 D 室單位在蔡楚生名下,2010 年 9 月以 625 萬元購入,2019 年以 1,228 萬元售出。當中提到「法律押記」,即 2010 年該單位是有按揭,不是一次性全額付款。張反問與本案何關?

戴奧偉指,張曾供稱單位沒有按揭,但文件顯示有按揭?張指「咁當時呢度有按揭囉,600 幾萬買,先生個名呀嘛」。戴奧偉指,張的丈夫跟她稱是現金支付?張稱「佢又冇講,知道夠錢買呢層樓囉,間屋係佢簽名㗎嘛」。

戴奧偉指,文件顯示蔡楚生於 2012 年再將單位按揭,有靄華押業、「法律押記」字樣,張反問:「呢啲佢要周轉做生意,都正常啫?」

戴奧偉追問,張稱丈夫每月予她過百萬元生活費,為何還需要再按揭?張指是家中支出,「咁返大陸賺多啲錢,按呢啲好正常啫」,又指「呢個係我先生簽嘅嘢,你問我都係多餘㗎」。戴奧偉指,黃埔花園單位在 2013 年再有「法律押記」,張指「我見到,但按揭有咩問題!」

10:00 鄺球一方續盤問蔡母

代表鄺球的大狀戴奧偉(Oliver Davies)繼續盤問蔡母張燕花。張確認,她於 2010 年至 2019 年居於黃埔花園某層 D 室,其後她租對面的 A 室,又稱「D 室當時係一次過畀錢」,沒有按揭。

張確認,丈夫每月予她過百萬元生活費。戴奧偉問,丈夫如何給她錢?張稱:「我哋啲錢都係兌換店」,由她領取現金。戴奧偉問,如何使用生活費?張稱:「我照顧嘅人多」、「每一個月都開支好多,要照顧好多人呀嘛」。

戴奧偉關注,為何支出如何龐大?張指:「唔係每一個月都用晒,每一個月呢,50 萬真係有」,包括外傭薪金、廚師薪金、買餸支出、小孩讀書費用。

戴奧偉問,廚師薪金多少元?張指「萬幾二萬蚊」。戴奧偉指,這不過是過百萬生活費的 1 至 2%,外傭月薪 5,000 元,加上每月一萬元弘爵國際學校學費?張指,工人薪金「過萬㗎」,「兩個孫都要湊㗎嘛,全部都係我畀工人錢」。

戴奧偉質疑,即使如此,加起來也不過 10 萬元?張指「我要養好多人,我兄弟姊妹好多,我唔係淨係顧自己㗎」。她指,會予每人 10 萬元,「個個都有細路仔」。她重申有足夠金錢,「有時剩呀嘛」。

蔡天鳳 張燕花(中)
張燕花(中)昨午離開高院。(資料圖片/《法庭線》記者攝)

辯方代表大狀 戴奧偉(中)
代表鄺球的大狀戴奧偉(白衫)。(資料圖片/《法庭線》記者攝)

蔡天鳳 鄺港傑 鄺港智 鄺球
(左至右)被告鄺港傑、鄺港智、鄺球

3 人被控謀殺、阻止合法埋葬

被告依次為鄺港傑(31 歲,司機)、鄺球(65 歲,退休人士)及鄺港智(28 歲,無業)。鄺港傑由大狀 Trevor Beel、劉奕勤、李宣儀代表;鄺球由大狀戴奧偉(Oliver Davies)及羅天祺代表;鄺港智由大狀安華暉(Andrew J. Raffell)、劉皚淇及鄧樂齊代表。

控方由外聘資深大狀郭莎樂(Charlotte Draycott)、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝(Brian Keith)審理。

3 人否認謀殺罪;鄺港傑、鄺港智承認阻止合法埋葬屍體罪,鄺球則不認罪。謀殺罪指,3 人在 2023 年 2 月 21 日,在大埔龍尾村 56B 地下謀殺蔡天鳳;阻止合法埋葬屍體指,3 人於 2 月 21 日至 23 日期間,在香港阻止蔡天鳳的屍體被合法埋葬。

HCCC198/2025