蔡天鳳疑遭殺害碎屍案周五（16 日）進行第 18 日審訊，蔡的家翁、譚仔米線創辦人譚澤均開始作供，指兒子與蔡生活「非常開心」，而他亦「非常鍾意」媳婦，又指與妻子皆認為蔡有前夫與小孩無問題。
譚方駿早上完成作供，他在鄺港智一方盤問下稱沒見過鄺使用暴力，亦重申沒見過或聽過鄺會對蔡天鳳使用暴力。
Day17｜譚方駿指表面上與鄺港智維持關係 確認父就被追數找鄺球幫忙
編按：報道涵蓋庭上描述的案件過程細節，或會引起不安。
第四年，我們仍在現場。
支持《法庭線》，讓我們走得更遠。
16:12 散庭
15:50 譚澤均完成作供
鄺港智的代表大狀安華暉緊接盤問，指如果譚澤均對蔡天鳳的投資活動沒有信心，就不會一直向蔡注資，而譚對蔡的投資眼光有信心，尤其總計注資金額達 8,000 萬元。譚答「我覺得會係⋯⋯談話之間覺得佢都識啲嘅」、 「信心有嘅，但你話係咪百分百賺錢我都唔會知。」
辯方完成盤問後。主控郭莎樂開始覆問。就 2022 年的新年聚餐，她問譚澤均出席，是否為見鄺家的大人？譚答，「其實，準確啲嚟講，唔會好希望同佢哋食餐咁嘅飯，因為唔係好自在嘅嘢。」鄺港傑聞言，本已皺着的眉頭更加深鎖。
郭莎樂遂問，那為何譚會出席？譚答，「禮貌上嘅，同埋有小朋友嘅關係。小朋友過年着下靚衫、互相逗下利是，我都想小朋友過得開心。」郭莎樂問飯局是由誰約？譚答是鄺球邀請。她再問是誰支付了飯聚費用？譚答，「我想畀畀唔到，鄺球爭住畀。」
郭莎樂最後問，譚供稱有人向他提過，兒子的賭債不用計算利息，是從誰口中得知？譚答，「就係停車場開嗰個，即係話我新抱爭佢錢嗰個。」
郭莎樂完成主問後，法官向譚潭均表示感謝他的口供，指他現在可離開，而如果想留下，也可以隨時旁聽。譚聞言稱，「隨時可以？OK，好。」
15:46 鄺球一方指譚父主動給錢而非借錢
譚父：荒謬！
鄺球代表大狀戴偉奧繼續盤問，指譚澤均曾供稱 2022 年 4 月底時，鄺球致電問他借 40 萬元。譚確認。戴偉奧向譚指出，鄺球當時說法並不是說他的戶口因獲譚轉帳 500 萬元而被凍結，他只是稱害怕會被凍結。譚否認稱「佢係話已經凍結咗我。」
戴奧偉再指出，實際上並不是鄺球問他借錢，而是譚主動說要給他錢（It’s you, offer to give him money.）。譚聞言即加重語氣稱「荒謬！」鄺球則維持側身，睨視着譚。
戴奧偉轉問，不久之後便是農曆新年，譚澤均與鄺家一同在美麗華商場吃飯，出席者包括鄺球、李瑞香、鄺港傑、鄺港智，以及蔡天鳳先後為鄺港智、譚方駿生的 4 名孩子，提出這是一頓非常快樂的家庭聚餐（It was a perfectly happy family dinner.）。譚潭均答「開心嘅聚餐⋯⋯其實嗰陣，好似係年初二嚟嘅。係咪好開心嘅聚餐？其實我哋就，禮貌上去囉。」
戴奧偉表示，當時沒有爭拗，也沒有打交。譚確認。戴奧偉再指，聚餐是為慶祝過年。譚答，「唔係為慶唔慶祝過年，而係約飲餐茶，咁我咪都禮貌上去囉，而且牽涉到小朋友⋯⋯我都想見吓嗰兩個（蔡與前夫生的孩子）。過年吖嘛，我都想派吓啲利是畀小朋友。」
15:27 小休
15:14 鄺球一方開始盤問
辯方大狀 Trevor Beel 完成盤問後，鄺球的代表大狀戴偉奧亦開始盤問。戴偉奧問，譚澤均以 1.68 億元購入九龍塘海棠路的豪宅，連印花稅、裝修等，最後實付 1.8 億至 2 億元？譚答「我諗 1 億 8,000 零萬啦」。
戴偉奧其後引述譚的書面口供，提及「我再次搵鄺球，希望鄺球可以幫手聯絡債主，並且表示願意還錢，但要清清楚楚唔希望還完再還⋯⋯之後有一日鄺球表示搵到對方，並且已經上咗律師樓簽咗一份文件⋯⋯佢就話已經搞掂咗條數，所以我就用支票⋯⋯入數滙豐銀行」，問譚潭均的意思，是否鄺球已上過律師樓，並已簽署文件？
譚潭均表示，他在書面口供中表達得不好，「搞掂咗條數」的意思是「已經傾好咗」。戴偉奧問，所以當時尚未還債？譚提高尾音稱「未！我都未過數。」
戴偉奧轉指，譚早前供稱他總共給了約 8,000 萬元蔡天鳳作投資之用，問是 2016 年還是 2022 年一筆過給，抑或是持續給。譚答，「唔會 2016年，因為 2016 年佢先至結婚㗎。直至其實我個孫女出世，我覺得佢哋婚姻都好穩定，見到佢哋都好恩愛⋯⋯」說至此處，鄺港智輕輕咬唇，雙眼眨得比之前頻密。譚續說，「咁就陸續畀囉，但絕對唔係 2016 年。」
戴偉奧要求提供每次是何時給錢蔡天鳳，譚答「你咁樣隨便問一個時間我唔會答得到㗎。」
戴偉奧遂問，在他們一家搬入海棠路獨立屋時，有否給錢蔡天鳳？譚說應該有，因他們 2019 年夏天搬入，當時應該有給，並在追問下提到蔡天鳳有說過「佢投資呢有幾樣嘢嘅」，當中包括錶、物業，當中就物業，蔡有提過海南有樓可以平價購入，因她的爸爸有人脈，遂會把現金交給蔡再匯錢過去購入。鄺球聞言亦輕咬嘴唇。
戴偉奧問 2019 年搬入海棠路之後一共給了多少錢蔡天鳳？會是多於 1,000 萬元抑或少於？譚答「相信多過，唔會係 1,000 萬，可能係 2、3,000 萬。」
14:55 譚：媳婦比兒子有條理、有計劃
辯方大狀 Trevor Beel 指，譚澤均早前供稱，他先就兒子的賭債付 30 萬元，其後再給 500 萬元，然後是 15 萬，最後是 6 萬元律師費，表示這累計逾 550 萬元。譚點頭稱「你如果咁計，係咁上下啦。」Beel 問，譚知否原本 500 萬元的賭債，實際上要付約 600 萬元？譚在釐清問題後答「數係我找嘅」。
Trevor Beel 再指，在賭場借錢，不會不計債仔利息。譚答「呢個我唔認識，但當日同我聯絡嗰位，同我講話冇計利息。」
Beel 轉指，譚早前提過，媳婦蔡天鳳比起他的兒子更為成熟。譚答「嗯，冇錯」。Beel 問是否因蔡比起兒子更理智（sensible）？譚答「有條理啲，同埋係有計劃啲」，並提到兒子會負責處理譚氏的物業的收租、維修、「濕濕碎碎嘅嘢」。
Beel 再轉指，在 2022 年時，他的兒子和蔡天鳳是否計劃帶他們 4 名孩子到英國，因為當地環境較佳？譚答「係，佢係。但係唔係話即時，因為都輕輕等佢哋大啲。」Beel 問，以譚的理解，他們是否覺得英國的環境較好？譚答，「相信係指讀書嘅環境。我曾經建議過澳洲，但佢哋話都係英國個教育水平高啲。」Beel 聞言即稱，「好，非常明智」（Okay, very wise.），引來法庭內一陣笑聲。
14:47 譚：被截停追數翌日
發現座駕有追蹤器
辯方大狀 Trevor Beel 指，譚澤均在主問下提到，他曾被一堆男人在葵芳停車場截停，當時譚會否覺得他們能知道自己出現在該處，反映他是被跟蹤？譚稱「相信係」，並補充稱「我想講下就係，最後喺架車度，有個類似追蹤器係發現咗」，並提到「好快，第二日我已經知喇」。Beel 續指，此事必引起他警剔，因對方能接觸到他的車輛。譚同意。
Beel 再問，在這件事之前，譚曾否為兒子償還賭債、知否他常去澳門賭博？譚搖頭答「冇試過」，又指就賭博，他「唔知道有件咁嘅事」。
Beel 問，譚兒子是否有向他稱，500 萬元的賭債不一定要還，因「洗米華」（周焯華，太陽城集團創辦人）已被捕，其太陽城集團的賭場也已倒閉。譚確認。
Beel 轉指，「你創立的商業事業非常成功」（You yourself had built up a very successful business.），譚謙虛着側肩稱「誒⋯⋯小小成就。啲咁啄。」法官聞言側身，笑指「這不是一個讓你過份謙虛的時間（It’s not the time of being unduly modest.）」。
譚搖頭謙稱「我係好少嘅嘢嚟㗎咋。」官再笑住，「我們需要你的誠實（We wanted you to be honest.）」。Beel 亦加入笑稱，「不是要把你和馬斯克比較（Not comparing you to Elon Musk）。」譚再搖頭謙笑，慢慢稱「唔係咁嘅意思，但真係唔係咩大生意。」官再指，能夠以 10 億元售出的業務，都假設是成功。譚聞言聳肩，謙笑稱「誒⋯⋯冇乜特別意見」。
14:34 鄺港傑一方開始盤問
主控郭莎樂在陪審團入席後，表示沒有其他問題，隨即進入辯方盤問，由鄺港傑的代表大狀 Trevor Beel 開始。
Beel 問，譚澤均在 2018 年把「譚仔」生意售出後隨即退休？譚確認。Beel 再問，他的兒子譚方駿當時是否 22 歲？譚澤均笑稱「照減囉」。法官即代問，其兒子是哪一年出生？譚澤均答 1995 年。官即說，那應是 23 歲，又說「我可以負責計數」（I can do the math.），引來庭內包括譚澤均一陣笑聲。
Beel 再問，譚澤均除了餐廳之外，有否其他生意？譚說不知收租算不算。Beel 表示也算是收入。譚遂說「有收租，有收租㗎」。
Beel 續問，他在海棠路的物業是 2019 年購入，再和妻子、蔡天鳳、譚方駿以及孩子們搬入去？譚澤均同意。Beel 追問海棠路的物業比曼克頓山物業面積大多少。譚說「面積等於佢二點幾倍啦⋯⋯不如我用呎數嚟同你講」。法官一度指不需要，但譚仍有回答，表示「我之前住緊 1,800 呎，搬咗去之後住緊 4,000 呎。」Beel 即說「明顯大很多」（substantially bigger）。譚說「可以咁形容」。
Beel 再問，之後譚澤均把曼克頓山的物業，轉至蔡天鳳名下？譚同意。Beel 問，當時有否考慮過把曼克頓山的物業，作為兒子、蔡天鳳和孫兒的家？譚澤均答「冇乜特別咁諗過，因為我好想同啲孫住。」
Beel 追問，如果蔡天鳳在前一段關係的兩名孩子，搬來和譚澤均他們同住，譚會否覺得有問題？譚表示，「一啲問題都冇」，也認為全家與該兩名孩子同住也「冇問題」，「不過呀 Abby 從來冇提出過。」
13:03 休庭午膳
12:55 譚父：鄺球還押時寫信請求代付律師費
郭莎樂轉問，譚澤均在蔡天鳳消失後不久，是否收到名為 Ivan Tan 的職員的 WhatsApp 訊息？譚表示，「個信息係講一封信，係鄺球寫嘅，唔係實質嘅紙，係影相畀我。個內容係講想我幫佢，因為佢已經唔畀保釋，需要啲律師去協助佢。」
郭莎樂問信中寫了甚麼。譚表示，「封信係講，『我哋好好朋友吖，我為人又好正直』，即係類似嘅說話。跟住話，『而家係處於非常不利嘅狀態，而我係冇錢去請律師』，咁就要求我，即係代付律師費」。
郭莎樂問譚當時怎樣做？譚答「嗰陣時我剛剛有個朋友係律師嚟嘅。咁我就請教咗佢，佢就建議我唔使理佢。」當譚說到「唔使理佢」時，他加重語氣。
郭莎樂問他是否最後沒理鄺球？譚答，「唔止，因為之前有位差人同我錄口供嘅同我講，收到任何訊息都可以轉達畀佢，所以我冇回應⋯⋯」官打斷指，譚毋須複述有關對話，着他只需回應大狀的問題。譚聞言道歉，並稱「我唔明白法庭嘅規則。」
12:48 譚父：鄺球曾借 40 萬元
借出 25 萬後鄺沒還錢
主控郭莎樂問譚澤均，鄺球曾否問他借錢？譚答，「佢喺 2022 年尾、未到聖誕節，佢問我借 40 萬。」
郭莎樂問是甚麼情景下借？譚答，「佢打電話畀我，話因嗰 500 萬存咗入佢戶口，佢畀緊商業罪案調查科查緊」。他等候傳譯翻譯時，喝了一口水，再把手擱在水樽上續說，「所以佢個戶口就凍結咗，咁因為臨過年喇，佢需要啲錢用。」
郭莎樂問譚，有否向鄺球借出 40 萬元？譚答，「冇，我借咗 25 萬畀佢。」當譚緊接稱「點解唔借足全數」時，鄺球皺眉望向譚，譚續說「係因為，Abby 同我講過，呢個人信唔過。」鄺球聞言低頭看文件。
譚續答，「但係因為佢曾經幫我解決過呢件事，我都決定幫佢。但係唔係佢要求嗰 40 萬，只係畀咗 25 萬。我哋喺旺角交收嘅，喺旺角警署門口。借完錢之後⋯⋯一蚊都冇還過」，並提到是以現金給鄺球。
法官問，譚與鄺球有否就借款商議還款？譚答沒有，其後表示「其實呢，自從我新抱同我講話，鄺家啲人非常之差之後，我已經有戒心，所以 40萬，我都借唔足畀佢」。在郭莎樂追問下，譚表示「其實我心裡面預咗。還，開心。唔還，唔打算追㗎喇。」
12:28 譚澤均：託鄺球幫忙處理還債
500 萬直接存鄺戶口、「茶錢」亦支付予鄺
譚澤均指，之後再次收到追債者的訊息、致電要求還錢，「除咗呢啲之外，我哋仲會見到，有啲着黑衫嘅人，係我屋企門口徘徊」。譚指，「因為我屋企有小朋友，為免（他們）受驚嚇，就想找數，都要搵到渠道，淨係找畀佢哋我唔放心」。
譚澤均續指，其後從蔡天鳳知悉，她的前家翁鄺球曾是警員，經蔡介紹認識鄺球，而此前不認識對方。譚指，鄺球初時籲他報警，譚遂報警，「佢仲話，佢差館仲識啲人嘅，可以幫我加快處理，但係我之後並唔覺得呢件事有加快處理，我依然俾人追緊」。
譚澤均指，再問鄺球有沒有其他方法，例如找江湖人士，鄺球稱有辦法，故決定找對方幫忙。
譚指，鄺球介紹一位朋友予他，但他現已不記得該人的姓名，而譚跟該人見過一次面，「佢話佢搞得掂」，「咁我就話，我希望唔係淨係用一個江湖式嘅方法，希望係一個有根有據嘅方法，譬如係律師樓處理呢件事」。譚指，鄺球稱「去律師樓都有辦法」，表示認識一名謝姓師爺。
譚指，他跟鄺球、鄺球的朋友見面，其後鄺球要求他支付 30 萬元現金「茶錢」。鄺球之後告訴他，「律師樓嗰度開始做嘢㗎喇，而鄺球呢邊嘅朋友就會幫我，同追我債嘅人聯絡」。
譚澤均指，至 2022 年 3 月中旬某日，鄺球稱「搞掂好喇，預備好喇，可以去律師樓簽，可以去律師樓處理」，但指譚毋須前往，「我會搞掂㗎喇⋯⋯好似係話收我 6 萬蚊」。主控郭莎樂問，該筆數萬元，是律師樓「做嘢」費用？譚同意。
郭莎樂問，6 萬元是給誰？譚稱「呢個真係好模糊」，指不記得是給 6 萬元鄺球，或是拿了支票上律師樓。他重申，最終沒有上律師樓，「因為鄺球同我講我唔需要上，佢會搞掂晒」。
譚續指，鄺球 3 月中要求他存入 500 萬元至其滙豐銀行戶口，故他入了一張支票。官問，鄺球有否表示，為何是存入其個人戶口，而非律師樓戶口？譚稱，「其實我當時係有問號，但係我就因為當時已經冇再俾人騷擾，我認為俾人點搞唔重要」，最重要是結果。
譚指，鄺球收了 30 萬元「茶錢」，偶爾會致電他「誒，仲有啲嘢要搞搞⋯⋯佢話都好多兄弟做緊嘢，都畀錢個茶客」。
12:17 譚父：2022 年初遇追債
兒子及媳婦承認曾借錢
針對譚方駿借 500 萬元被追債一事，譚澤均指是 2022 年初發生，當時他到政府指定地方接種新冠疫苗，獨自一人將私家車泊在葵芳某停車場時，對面車位有 5 個人下車，告訴他「Abby 欠債」，他形容對方「惡形惡相」。被告欄的鄺球抹眼。
譚澤均指，「佢就話我新抱欠債，咁我就話欠咩債，跟住佢就話佢同我個仔，就係澳門賭錢輸咗，Abby 就簽咗張單，係欠債嘅，欠 500 萬」。譚指，當時跟對方說「我個新抱應該冇賭錢㗎喎」，對方指「可能係你個仔賭，而 Abby 做擔保」，要求譚澤均處理，並留下聯絡電話號碼。
譚澤均指，打針後回家問蔡及兒子是否有此事，兩人承認。他稱：「我嘅考慮係還錢可以，但係要清清楚楚，即係搞清楚件事、搞清楚條數，唔好有啲咩手尾」。他續指，蔡及兒子不建議還錢，「因為佢哋話，當時佢哋去嗰個賭場叫做太陽城，當時佢哋新聞出嚟，就係太陽城倒閉⋯⋯佢哋話要睇吓件事有咩進展先」。譚則認為，「既然欠咗債就還錢啦」。
12:04 譚父：將錢交兒子與媳婦投資
不少於 8000 萬、媳婦管理得不錯
譚澤均指，家住曼克頓山單位時，蔡天鳳已與譚家同住，一家人之後再搬到九龍塘海棠路。他指，約於 2018 年將曼克頓山單位贈予兒子及蔡天鳳，登記在蔡名下。譚又確認為兩人舉辦婚宴。
主控郭莎樂問，他給予蔡母 400 萬元禮金？譚稱「準確應該係 399 萬，因為呢個係中國人嘅幸運數字」。
譚澤均指，搬到海棠路後，他在經濟上支持兒子一家，每月平均予 20 至 25 萬元蔡及兒子，「有時啲旅行、過年，會另外畀多啲⋯⋯要出門，要訂機票、酒店，會另外畀多啲錢」。
郭莎樂問，如果兒子及蔡要求更多錢，譚澤均也會支付？譚稱「特別嘅，佢開到口通常都會畀」。他指，家人的車主要由他購買，「買咗屋企用，屋企有兩部車」，當然蔡與兒子也可使用。
郭莎樂問，蔡的衣服、珠寶由誰購買？譚澤均指，「咁佢自己用錢買，平時家用有淨咪攞嚟買囉」，又指送過手袋予她，妻子則會買飾物予蔡，「一般首飾未必好貴，有冇貴嘅嘢，我太太先答到你」。
郭莎樂問，譚澤均買的手袋值多少元？譚稱：「準確數字唔記得，20 零萬，3、40 萬呀，每生一個小朋友，我都好高興，我都會送禮物畀佢」。譚提到小朋友時笑一笑。
他又指，會給錢兒子及蔡投資，「憑記憶唔會少過 8000 萬」，並非一次過付款。郭莎樂問，錢落在誰手？譚稱是蔡，因為「我個仔冇 Abby 咁成熟」。而以他印象，「（錢銀）係管理得唔錯嘅」。郭莎樂問，譚澤均有否限制蔡投資甚麼？譚稱沒有，「基本上我畀佢哋兩個揸主意，佢哋兩個商量完，由 Abby 出手囉」，他亦不知道蔡會投資甚麼。
譚父指，之前曾建議兩人買舖位收租，並帶兩人睇樓盤，「回報率我諗佢哋認為太低」，最終沒有購入。
11:58 蔡天鳳家翁譚澤均開始作供
控方傳召譚方駿的父親譚澤均，他穿深綠色西裝外套進入法庭。書記稱「證人請過嚟呢度」。譚揚手回應：「呢度？好！」宣誓後坐低。
譚澤均確認，譚方駿是他的獨子，而譚方駿與蔡天鳳是夫妻關係，但兩人未有註冊，因蔡未辦好離婚手續。他們一家住在九龍塘海棠路獨立屋。主控郭莎樂問譚父，蔡與譚方駿關係幸福？他指「非常開心」；郭莎樂問譚父喜不喜歡蔡？他指「非常鍾意」。
郭莎樂問譚父，他對於兒子與蔡一起也感開心？譚稱「佢自己揀嘅，我冇意見⋯⋯冇唔高興，因為佢都有同我講，Abby 有個前夫、有小朋友，我同我太太都聽過」，指自己跟太太認為沒問題。
郭莎樂指，譚澤均有營運餐廳「譚仔」，2018 年退休及賣盤？譚同意，「成盤生意賣咗 10 億港幣」。郭莎樂問，他將生意賣盤後，再將錢折現購買海棠路豪宅？譚同意。
11:50 譚完成作供離開法庭
主控郭莎樂最後問及熊熊雞蛋仔店。譚方駿指，蔡天鳳沒提及為何開設雞蛋仔舖，但據他理解是小投資，而鄺港傑是主要打理人，但好像因他回大陸疏於打理而結業，最後店舖蝕錢。
郭莎樂指，鄺港傑除了管理雞蛋仔店、擔任蔡的司機外，有否見過他上班？譚稱沒有。譚方駿完成 4 日作供。
暫委法官祁彥輝向譚指，對他失去妻子感遺憾，他可以留下旁聽或離開。譚拿着紙巾、握緊在手，離開證人枱時吸了一口氣，行到門口重重嘆了一口氣、眼有點紅。被告欄的鄺港傑則望着譚離開法庭。
11:23 小休
10:59 蔡遇害當日曾向譚說
鄺港傑「奸狡」、「個心幾唔好」
主控郭莎樂問及譚方駿與鄺港傑的關係。郭莎樂指，鄺港傑接手成為加多利山單位的司機？譚稱是 2022 年底。郭莎樂引述辯方指，譚、蔡與鄺港傑都是親近朋友，譚稱「當時係」，然後嘆一口氣。郭莎樂指，友好關係直至 2023 年 2 月？譚同意。
郭莎樂問，一位朋友成為受聘的司機是否好主意？譚稱「唔認為係，其實」，指撇除鄺港傑跟小朋友有親戚關係，「作為朋友去畀錢佢做嘢，呢件事係有啲 odd 嘅」，而譚曾向蔡提過此事。郭莎樂問，那為何仍聘用鄺港傑？譚指，當時鄺港傑只是「臨時做住先」，亦沒太大不滿。
郭莎樂問，鄺港傑在 2023 年 1 月成為司機後，與蔡、譚關係如何？譚指「個感覺係好似佢係工作緊囉，好多時候係」。郭莎樂指，即鄺港傑受聘後，大家關係有變？譚同意。
郭莎樂指，鄺港傑受聘如何令到關係有變？譚指，「當然佢個作息時間，就完全唔同晒，因為佢要就返小朋友嘅返學時間」，又指大家相處減少，「即係就好似一個職員囉」。
郭莎樂問，譚知悉上任司機阿信（音譯）離職後有否感驚訝？譚稱有，他聽聞阿信被解僱的原因是「態度唔好」，以及賭波欠債。郭莎樂問，誰告訴他？譚稱在客廳聽到，當時蔡、李瑞香、鄺港傑在場。郭莎樂問，鄺港傑有否提及司機一事？譚稱不清楚。
譚指，鄺港傑會接女兒放學，蔡經常也會，而譚自己則每周一至兩次。
郭莎樂展示蔡與譚於 2023 年 2 月 21 日（蔡遇害當日）的語音訊息謄本，蔡稱：「轉頭得閒同你講啲嘢，你睇吓，Damon（鄺港傑）幾奸狡吖，呢啲人個心幾唔好呀，一陣同你講嘅嘢」。譚稱，不知道蔡想跟他說甚麼。
郭莎樂指，當蔡提及鄺港傑奸狡、「心唔好」時，譚有否驚訝？譚稱「要用到呢個形容詞，我覺得係（驚訝）」，同意是蔡首次這樣形容鄺港傑。郭莎樂問「呢啲人」是指誰？譚稱是鄺家。
郭莎樂繼續展示兩人對話，蔡向譚稱「你望吓，你一返工，個個好似好唔抵得咁」、「Damon 連續 3 日（問）：『咦今日返工咩』、『今日返工咩』、『係唔係真係返工呀』」，當時譚正工作，不能送小朋友返學，而蔡跟鄺港傑在車上的情況？譚方駿同意。
10:38 譚：妻告知給錢鄺港智炒錶時
感到「俾人瞞」、不快
主控郭莎樂問及譚方駿與鄺港智的關係。譚確認，在學期間與鄺港智為好友，當他在澳洲留學後回港，亦與鄺、蔡天鳳為好友。譚指鄺港智失蹤後，他與鄺的感情降低，曾跟蔡帶子女回內地與鄺見面一次，又指跟鄺維持關係的最重要原因是小朋友。
郭莎樂指發燒爭執事件後，蔡天鳳告訴譚，關於鄺港智的甚麼事情？譚稱，妻子說有給錢鄺港智炒錶，但譚不知道總額，而以他理解至少過千萬元。郭莎樂，資金來源是甚麼？譚稱是譚家的錢。
郭莎樂問，譚知悉後有何反應？譚稱聞訊感驚訝，「即係又去攞去畀佢哋屋企嘅人，去攞去投資呀？」、「嗰下係打咗個突囉」。郭莎樂問，當時他對鄺港智的感覺有轉變？
譚稱有，「雖然我知道，我太太之前有同佢（鄺港智）交易鐘錶呢啲事，但係都總會有啲俾人瞞嘅感覺，因為我唔係好清楚，我太太點解當時會咁樣啦，即係會搵佢（鄺港智），咁所以唔開心就一定有嘅」。
郭莎樂問，他對誰感不開心？譚稱「老實講，係對兩個人都有唔開心嘅嗰陣」。郭莎樂指，譚仍跟鄺港智維持關係是因小朋友？譚稱是「最主要係啦」。
郭莎樂問，為何要跟鄺港智維持關係？譚稱表面上視他為好友，「目的係，想攞返屬於自己屋企嘅嘢」。郭莎樂問，那麼實際上？譚問「實際上，即係個心入面呀？」郭莎樂指「你的心入面」，譚稱「此情不再」，補充「I would say the friendship」（我是指友情）。
10:27 譚：父親找鄺球幫忙處理還償
鄺球向父稱涉「偏門嘅人」需 100 萬「茶水錢」
主控、資深大狀郭莎樂開始覆問譚方駿。就償還 500 萬元一事，郭莎樂問有誰牽涉在內？譚稱「我 Daddy 同埋鄺球」，指以他印象，父親「寫咗張票畀鄺球」。郭莎樂問，即鄺球是譚父及賭場之間的中介人？譚指，父親找鄺球幫忙，「搵渠道搵返正確嘅人或者公司去還」，也無法知悉騷擾者是否債主一方。
郭莎樂問，支票是多少錢？譚稱父親告訴他是「590 幾萬左右」，但他未見過該支票。郭莎樂指，如譚還錢予騷擾者，已可了結事件？譚稱「完全識別唔到呢班人，講真定講假嘅」。郭莎樂指，所以他找鄺球調查？譚稱「當時係」。
郭莎樂關注甚麼是「茶水錢」，譚稱據他理解，「搵黑道嘅人做啲嘢，畀啲錢佢哋打通關係，因為賭場係偏門嘢啦，可以搵啲賭錢偏門嘅人，咁去幫我哋搵返嗰間（債主）公司」。
郭莎樂問，是誰收「茶水錢」？譚稱是以他所知是「黑道嘅人」。法官祁彥輝問，「以他所知」是基於甚麼？譚稱是「基於成長嘅一個認知」。
郭莎樂問，譚方駿有否直接跟鄺球溝通？譚稱，跟父親、蔡天鳳、鄺球吃飯時，「我 Daddy 同鄺球講，我哋俾人騷擾，有冇方法解決呀，佢意思係還返錢畀人」。他指，知道鄺球是前警員，「黑白兩道都識」，事前有「出嚟同佢哋交代下」，收錢後再沒有。
郭莎樂問，除鄺球外，譚方駿沒法接觸到「偏門嘅人」？譚稱沒有。郭莎樂問，是鄺球跟譚說，「偏門嘅人」要 100 萬元？譚稱是後期從父親得知，「鄺球係咁樣同佢講」，又指還錢後沒再被騷擾。
10:00 譚：沒見過鄺港智使用暴力
代表鄺港智的大狀安華暉繼續盤問譚方駿。譚日前供稱，蔡天鳳 2022 年 6 至 7 月因長女發燒一事與鄺球爭執，而他與鄺港傑曾阻止鄺球衝向蔡。譚同意，鄺港智當時只說話，而鄺一貫不會動手。
安華暉指，鄺港智是一貫不會動手，他也很細膽？譚指，「我噚日都講過，我冇見過或者聽過，佢對蔡天鳳使用暴力」。安華暉指，鄺港智對其他人亦一樣？譚稱沒見過他使用暴力。
代表鄺港傑的大狀 Trevor Beel 針對譚方駿借 500 萬元賭博一事補問。Beel 指，譚借 500 萬元，而與追債者商討後，最後還了 600 萬元？譚稱「應該係」。Beel 指，他錄口供也是這樣說？譚同意，還款比原本金額多 100 萬元，「係好多所謂茶水錢、跑腿（錢）」。
Beel 指簡單而言，大部分向財務公司借錢都有利息？譚稱不同意，因對方是澳門賭廳，不是一間真正財務公司，「佢出咗 100，你畀返 100 佢，冇一個利息喺嗰度」，指多出的 100 萬元是「茶錢」，「呢度亦都可以問返我 Daddy，因為呢個最後係佢同佢（追債者）交涉」。
Beel 指，但他知道向賭場借錢要還利息？譚不同意，指涉龐大金額，「點解要搵呢啲人交涉，因為從中可以同佢講，600 萬變 500 萬得唔得呀？」
Beel 指，譚同意借了 500 萬，還了 600 萬？譚稱「我同意亦都唔同意」。Beel 指，但譚已承認在口供也是同一說法？譚稱「所以我依家要解釋返，多咗 100 萬係所謂嘅茶錢，請人飲吓茶，幫手搞返掂呢單嘢」。Beel 重複問題，譚稱「數字上你可以咁睇，係」。
3 人被控謀殺、阻止合法埋葬
被告依次為鄺港傑（31 歲，司機）、鄺球（65 歲，退休人士）及鄺港智（28 歲，無業）。鄺港傑由大狀 Trevor Beel、劉奕勤、李宣儀代表；鄺球由大狀戴奧偉（Oliver Davies）及羅天祺代表；鄺港智由大狀安華暉（Andrew J. Raffell）、劉皚淇及鄧樂齊代表。
控方由外聘資深大狀郭莎樂（Charlotte Draycott）、高級助理刑事檢控專員梁育珩、高級檢控官林曉敏、吳希樂與檢控官尹培軒代表。案件由暫委法官祁彥輝（Brian Keith）審理。
3 人否認謀殺罪；鄺港傑、鄺港智承認阻止合法埋葬屍體罪，鄺球則不認罪。謀殺罪指，3 人在 2023 年 2 月 21 日，在大埔龍尾村 56B 地下謀殺蔡天鳳；阻止合法埋葬屍體指，3 人於 2 月 21 日至 23 日期間，在香港阻止蔡天鳳的屍體被合法埋葬。
HCCC198/2025