身在現場 見證記錄

黎智英案第35日審訊|辯方指飯盒會主要討論業務 陳沛敏:亦會討論新聞角度

黎智英案第35日審訊|辯方指飯盒會主要討論業務 陳沛敏:亦會討論新聞角度

分享:

案件由高院《國安法》指定法官杜麗冰、李素蘭及李運騰審理。控方由副刑事檢控專員周天行、助理刑事檢控專員張卓勤、高級檢控官陳穎琛代表;黎智英由資深大律師彭耀鴻、大律師關文渭及有香港執業資格的新西蘭御用大律師 Marc Corlett 代表。

辯方:黎藉「飯盒會」收集員工意見
陳:包括表達時政理念

陳沛敏第 14 日作供,繼續接受辯方資深大律師彭耀鴻盤問。辯方圍繞「飯盒會」提問,指黎智英於 2018 年對《蘋果》的參與度增加,當時員工士氣低落,他希望設有渠道與員工溝通,收集意見,因此設立「飯盒會」。陳確認,黎召開「飯盒會」後,曾改善飯堂服務,但指黎亦有透過「飯盒會」講述「做生意」及時政理念。

陳在盤問下同意,《蘋果》各部門都有「飯盒會」,例如報紙版、網上版,員工在會議前幾天於工作平台「Slack」提出問題,黎之後會在會議上跟進討論。她補充,「但係我會有個感覺,如果黎生對嗰個題目冇咩興趣,會輕輕帶過。黎生都係好有自己睇法嘅人,如果個題目想講嘅,佢會講多啲,多啲佢嘅睇法出嚟」。

陳:「飯盒會」觸及新聞角度
黎有個人看法及「一錘定音」

辯方展示 Slack 紀錄截圖,黎詢問同事對報紙雜誌化的意見,時任執行總編輯林文宗提出意見,黎回覆他「到時拿出來討論」。陳確認,最後有在「飯盒會」討論林的建議,並指黎回覆林文宗時,「一定會觸及佢角度覺得係點呀,佢覺得好定唔好呀,咁其實都會討論到做新聞角度嘅問題囉」。

陳續指,黎作為老闆,「佢喺飯盒會講咗佢嘅意見,咁我哋所謂嘅跟進,係跟進佢同意咗啲咩嘢,調返轉,佢喺會上覺得唔需要做、覺得冇咩意思,變咗我哋唔會特別去跟進呢件事」。她強調,「正如我之前講,黎生好有自己睇法,同埋喺某啲時候都比較強勢啲嘅,咁所以我哋其實都係由黎生一錘定音咁囉」。

陳不同意黎沒予編採指示

辯方指出,「飯盒會」目的是討論業務或改善報紙內容,而非黎給予編採指示?陳稱「唔係好同意」, 認為黎與編採部同事商討報紙如何改善,「就自然觸及新聞點做」。辯方再指,黎從沒著記者報道甚麼或不報道甚麼,陳表示「佢比較少講咩嘢唔要報」。

陳解釋,若有大新聞發生,如 2019 年反修例社會運動、疫情,上述內容一定會報道,黎在會議時亦會觸及相關內容。她舉例指,黎要求訪問示威者,「佢唔會話訪問某個某個示威者,佢會講到個方向,例如想知多啲呢個人嘅心聲」。

她再舉例,黎在會議上提到論壇版寫手、疫情時要求中國版多做內地隱瞞源頭報道,亦想記者訪問多些質疑內地隱瞞的人,如李文亮般的疫情「吹哨人」。陳重申,黎在「飯盒會」除了討論業務及如何改善報紙,亦會討論新聞角度。

HCCC51/2022
焦點
最新文章
最新專題影片