壹傳媒創辦人黎智英與《蘋果日報》3 間相關公司，被控「串謀勾結外國勢力」等罪，案件周一（11 日）在西九龍裁判法院（暫代高等法院）展開第 42 日審訊，第三位從犯證人、前《蘋果》主筆楊清奇第六日作供。
楊供稱，反修例運動期間，《蘋果》立場激進是「眾所周知」，又指黎智英專欄文章經常呼籲上街，報道亦經常有「上街」字眼，「我覺得唔係好嘅標題囉」。楊又指，《蘋果》對「和勇不分」比較寬容及支持，主張「三不」，即不譴責、不割蓆、不篤灰。控方完成主問，周二（12 日）由辯方開始盤問。
案件由高院《國安法》指定法官杜麗冰、李素蘭及李運騰審理。控方由副刑事檢控專員周天行、助理刑事檢控專員張卓勤、高級檢控官陳穎琛代表；黎智英由資深大律師彭耀鴻、大律師關文渭及有香港執業資格的新西蘭御用大律師 Marc Corlett 代表。
相關報道：
實時更新｜黎智英案第42日審訊 楊清奇：《蘋果》經常呼籲上街 對「和勇不分」有三不
楊：「香港監察」較關注香港人權
李兆富支持民主派
楊清奇第六日作供，控方張卓勤繼續圍繞論壇版作者提問。控方展示一篇於 2020 年 11 月 24 日由「香港監察」高級政策顧問 Sam Goodman 撰寫的〈加拿大加入救生艇計劃〉，楊稱「知道有呢個機構，但唔係好清楚個運作」，又指上述文章由《蘋果》英文版同事轉發給他，「作者嗰邊提供咗中英文版本」。
楊另稱，知道「香港監察」負責人 Ben Rogers（羅傑斯）在《蘋果》英文版撰文，但沒印象他在中文版撰文。控方詢問羅傑斯及「香港監察」的撰文角度，楊指「香港監察」比較關注香港人權狀況。控方再問，那麼制裁方面的角度？法官杜麗冰打斷指，證人僅稱關注人權，其問題是引導性問題（leading question）。
控方之後提及筆名為「利世民」的李兆富，楊稱他是《蘋果》論壇版專欄作者，用經濟角度分析政治同社會問題，形容「其實我同啲同事、讀者都覺得悶，冇特別文章畀我深印象啦」，又指其政治立場明顯支持民主派，觀點與黎智英一致，「黎生搵佢打理 Twitter 帳戶」，不清楚他有否為英文版撰文。
至於作者桑普，楊稱他是自由撰稿人，「間中有投稿畀論壇版」，而楊有時亦會找他回應新聞。楊形容桑普「比較激進」，「我都知道佢喺網上嘅文章係公開支持港獨，但我喺論壇版唔會支持港獨嘅，所以用佢文章嘅時候，主題唔會涉及港獨問題」。控方另問及前《眾新聞》主筆楊健興等人撰文角度，見下表：
控方引黎訊息指
針對習近平弱勢「時機正好」
就楊早前供稱，黎智英於 2018 年談及時任美國副總統彭斯在哈德遜研究所（Hudson Institute）發表對華政策演講，其政治立場開始變得激進。控方展示同年 10 月 5 日楊與黎之間的對話，黎稱：「剛聽了彭斯演講，反檯，美國帶領西方日本等國重新調整中國政策明顯不過了。這是針對習現在弱勢而來的，時機正好！」、「是趁中國弱乘機落井下石」。
楊庭上解釋，「時機正好」可連同黎下一句一併理解，「習近平比較弱勢，美國喺呢個時候改變對華政策，呢個時機係啱，調整對華政策，如果講埋下面嗰句會好啲，乘機落井下石」。
楊：《蘋果》經常籲上街
「我覺得唔係好嘅標題囉」
楊同日向黎傳送由他撰寫的社評〈美國發宣戰檄文 香港挺身撞槍口〉，楊庭上解釋「呢篇係我自己當晚寫嘅社論，寫完之後 send 畀黎生睇一睇，印象中佢冇提出意見，第二日報紙刊出」。
控方問，黎於 2018 年變得激進，在 2019 年反修例運動有何看法？楊稱「正如我畀黎生嘅社評文章標題，2019 年發生嘅反修例事件，真係撞正個槍口囉」， 提到「美國舉槍對中國時，香港企起身擋住槍口，自己送一個目標畀美國打」。
控方詢問，這與 2019 年反修例運動有何關係？楊稱「我之前都講過啦，我覺得黎生曾經係一個成功商人，擅長把握市場、顧客需求」，又指他辦報時都擅長把握形勢及市場需要，「咁佢睇到美國對華政策變化之後，都會調整報紙立場」。
楊續指，「喺反修例運動中，《蘋果》立場激進係眾所周知啦，新聞報道入面經常睇到『上街』兩個字，我覺得唔係好嘅標題囉，成日見到今日上街、明日上街、今日又上街、明日又上街⋯成日都見到好多呢啲標題」，黎專欄文章亦經常呼籲人上街。
楊：《蘋果》支持和勇不分
主張「不譴責、不割蓆、不篤灰」
他稱，初時社會爭議「和勇不分」，但從黎專欄文章及報道可見，《蘋果》對「和勇不分」比較寬容及支持，當時有「三不」，即不譴責、不割蓆、不篤灰，「咁從報紙嗰個報道同評論嚟睇，係落實呢三個不嘅」。楊稱《國安法》實施後﹐黎基本上沒再提「三不」，「但都冇話立場改變」。
至於楊早前供稱黎部分專欄「成敗樂一笑」文章提及制裁，控方展示〈時間就是武器〉、〈大時代快將來臨〉，內文分別提及「我也不相信美國等西方國家對中共的制裁會放緩」、「西方國家的制裁帶來的經濟損害一定非常大」﹐他理解是黎對制裁形勢的判斷，以及肯定制裁成效，確認上述兩篇文章反映黎對制裁的看法。
HCCC51/2022