壹傳媒創辦人黎智英與《蘋果日報》3 間相關公司，被控「串謀勾結外國勢力」等罪，案件周二（9 日）在西九龍裁判法院（暫代高等法院）展開第 56 日審訊，第四位從犯證人李宇軒第 13 日作供。
李宇軒確認，2020 年 7 月曾與陳梓華互通訊息討論國際及社運形勢，當時認為會面對「樽頸」及「權力真空」，有需要「拱個『枱面人』出嚟」，為運動帶來推動力。由於找不到合適人選，李指陳曾稱「Shit 咁我做啦屌」，並指「枱面人」要離開香港，在其他地方組織「香港流亡政府」。
至於陳在訊息中問李「你安排好晒香港 D 野未？」，李回覆指已「搞掂家人」，李在庭上解釋，因為有「political prosecution（政治檢控）嘅地方喺香港…無論離開定留喺香港，都要 settle（安頓）喺香港嘅嘢」。
周一報道：
黎智英案第55日審訊｜李宇軒確認以義工角色 助日本議員推動制裁
12:56 休庭
12:12 控方於李手機檢30人制裁名單
李：不記得由誰發
控方續圍繞英國國會跨黨派國會香港小組（All-Party Parliamentary Group on Hong Kong）新聞稿〈APPG Inquiry report reveals Hong Kong tolerated the abuse of humanitarian and medical workers〉、SWHK（重光團隊）新聞稿〈美國國會議員報告證實香港警察於示威行動行使暴力〉提問。李供稱當時由 SWHK 的成員傳給他作參考之用。
法官李運騰引述文件內容提及，報告參考了超過 1,000 份證據，屬於大型研討。當時李是否得悉有相關研討？李指當時知道「有啲唔同嘅 inquiry going on（調查進行中），但我冇 pay attention（留意）邊個打邊個」，他亦沒有參與相關研討。
控方再展示另一份從李電腦檢取的文件，封面題為「Investigation Report of potential Sanction targets for Hong Kong Human Right democracy Act」（中譯：香港人權民主法案 潛在制裁目標調查報告），及「Phase 1- The Gang of Thirty」。文件顯示部分制裁目標，分成 6 個類別，包括香港官員前行政長官林鄭月娥等、中國官員及行會成員等，共涉 30 人。李表示不記得由誰及何時向他提供相關報告，他收到後亦沒有跟進，不知道報告最終有否公開。
控方另展示「SWHK IPAC」的 TG 群組，當中李發訊息提及立法會選舉被「DQ」名單，包括楊岳橋、郭榮鏗及黃之鋒等人。而英國保守黨人權委員會委員、有份成立 IPAC 的裴倫德（Luke de Pulford）透過 IPAC 發聲明，並由李上載至網上。李另協助把聲明翻譯成日文予 JPAC（對中政策相關國會議員聯盟）。
控方表示需時準備文件，押後至周三（10 日）續審。
11:24 小休
11:26 李：SWHK 成員代表港人促成遊說
控方展示 SWHK 新聞稿，顯示發言人為「John Song」，李確認這是假名。法官李運騰問，2020 年 8 月仍未發言人使用真名，當時有否 SWHK 成員公開身分？李宇軒稱「我算係用真身分做過幾次『枱面人』，另外喺 UK 都一定有真人見過 MP（國會議員），唔知係邊個」。
控方問，除了李使用真實身分，還有沒有其他港人使用真實身分？李稱香港有很多社運人士，「但係 SWHK 個 focus 唔喺香港 local event（本地活動）嗰度，應該話個 theme（主題）係香港，但香港 on the ground（在地）已經有好多人做好多嘅嘢，所以唔使一個 SWHK 嘅『枱面人』喺呢度」。
法官李運騰問，即只有李宇軒是 SWHK 的「枱面人」？李宇軒回答「而我都係算半個」，因為 SWHK 未就「枱面人」達成共識，「因為如果要做到企出嚟講野，suppose（會假設）你講嘢係 represent（代表）到成個 SWHK 嘅 consensus（共識）」。
法官杜麗冰問，那麼誰代表 SWHK？李稱「不如話有唔同 occasions（場合），用過 SWHK 身分去做唔同嘢、見唔同人」。他補充，「instead of represent（與其說代表）SWHK，應該係話 represent（代表）緊香港人，咁就有一班 SWHK 或者其他港人組織去做 volunteer（義務）去 facilitate （促成）個 lobbying（遊說」，例如「攬炒巴」，「村長」及張亦澄亦曾與日本時任議員菅野志櫻里見面。
11:18 官問是否 SWHK 所有成員同意中文譯名為「攬炒團隊」
控方在庭上展示從李的電腦搜出、於 2020 年 8 月 4 日刊出的英國國會跨黨派國會香港小組（All-Party Parliamentary Group on Hong Kong）新聞稿〈APPG Inquiry report reveals Hong Kong tolerated the abuse of humanitarian and medical workers〉、SWHK（重光團隊）新聞稿〈美國國會議員報告證實香港警察於示威行動行使暴力〉。
控方詢問，英國國會跨黨派國會香港小組（APPG）新聞稿與 SWHK 有何關係？李指，「 SWHK engage 咗 Whitehouse consultancy，跟住我唔肯定 Whitehouse consultancy 喺 UK 嗰邊，exactly（確實）點幫 APPG on HK member（跨黨派國會小組香港成員）」。
法官杜麗冰關注，SWHK 新聞稿上，SWHK 的中文名是「攬炒團隊」。控方周天行補充，APPG 新聞稿亦將 SWHK 譯為「攬炒團隊」。法官李運騰問，「攬炒團隊」名稱是否常見於新聞發布會？李宇軒稱「唔係好經常」，「應該話擺返喺當時個 context，啲 member 會覺得，與其斟酌中文名呢啲咁嘅問題，不如做啲有意義啲嘅嘢」。
李運騰追問，不同意使用「攬炒團隊」的成員，仍會同意其他成員使用「攬炒團隊」？李宇軒稱「大家個 consensus（共識）喺英文名嗰邊」，加上主要由「攬炒巴」劉祖廸發布中文材料，「用返『攬炒團隊』、或者同攬炒有關嘅 labelling（標籤），去 reach （接觸）到攬炒巴嘅受眾呢，就比較有 resonance（迴響）」。
李運騰再問，換言之以當時情況而言，即使 SWHK 成員不同意使用「攬炒團隊」，他們都會容忍？李宇軒稱「係某啲 occasions（場合）會 tolerate（容忍）」。
控方展示 SWHK 網頁，提到「We further support the APPG’s call for Magnitsky-style sanction」，詢問 SWHK 是否支持 APPG 呼籲制裁？李同意。
11:15 李：《國安法》後出現政治逼害
庭上續顯示，李於 2020 年 8 月 10 日發訊息提及，當有人「出事」便有人著他及陳離開。陳回覆「As a leader, I have to be the last one standing.(身為領導者，我必須是堅持到最後的人」、「走走走，我若離開 誰來帶隊」。李在庭上指，「出事」意指有人被警方拘捕，又指在該段期間，兩人不時討論應否離港。《國安法》實施後亦有相關討論，會傾談離港的好處及壞處，「走唔走好、走咗做咩好」，因為在《國安法》實施後，便出現政治逼害。
法官李運騰問，當時李宇軒預計自己可能因違國安而被捕？李宇軒指，「應該係話唔好 anticipate（期望），無論政權話關唔關條文事，都會搵到啲方法去拉我」。
11:00 官問國安法已實施為何仍考慮「浮上枱面」
李：香港政治逼害環境已夠差
法官李運騰追問，當時《國安法》已實施，為何李宇軒仍考慮「浮上枱面」？李宇軒解釋，「因為唔企出嚟，香港依然會被中國共產黨控制嘅香港政權統治，所以已經跌咗入一個有政治逼害嘅環境入面。即係，已經夠差。」在此情況下出現成立流亡政府的討論。
李補充，要成立流亡政府有兩個先決條件，首先流亡政府離開香港，因為「喺香港會被香港政權冚佢檔」。另外需要「枱面人」，因為只有「枱底人」的流亡政府「冇人會 take it seriously（認真看待）」。如果有流亡政府的話，國際遊說的工作應該「put it under （交給）流亡政府」。
庭上續引述二人的訊息指，李問陳「組員問洗唔洗踢你出 TG，因為肥佬黎出事」。陳表示沒有需要。法官李運騰追問，當時該組員問了甚麼？李解釋，當時該組員發現陳的 TG 帳戶「太 well-connected（人脈廣泛），估個 account（帳戶）係咪肥佬黎其中一個仔」。而當時黎被國安警拘捕，所以該組員問李，需否把該帳戶移除。
李憶述，當時把該組員的擔憂轉告陳梓華。庭上訊息顯示，李向陳表示「有人發現呢個 acct 太 well connected」，「一開始估個 acct 係肥佬黎其中一個仔」。
10:20 李：曾與陳梓華討論做「枱面人」
考慮離港組「流亡政府」
法官李運騰問，李與陳梓華的對話提及前立法會議員梁頌恆、前香港民族黨召集人陳浩天、英國駐港總領事館前僱員鄭文傑及港大《學苑》前總編輯梁繼平等人。李宇軒庭上指，當時在「數緊邊個做枱面人好」。李續解釋，當時與陳梓華討論李將來的工作方向，當時二人談及國際及社運形勢，認為會有個「bottom neck（樽頸位）或者 power vacuum（權力真空），就講緊拱個『枱面人』出嚟，去 provide impetus （推動力）畀movement（運動），就數緊有邊個人可以去到呢個位呢」。
庭上顯示，李發訊息指，「 數完一圈…總結無人」及「無枱面人」。陳則回應「Shit」、「咁我做啦屌」。李則問「堅？」及表示「要至少一個枱面人，離開香港，去第二度開政府。」陳再指「仲有本記嗰班問過未」。李續指「我靠一兩個圈子嘅人問得七七八八 仲有本記 & 學生動源？」
李庭上解釋，「本記」為組織本民前。當時李總結沒有「枱面人」時，陳表示「『Shit 咁我做啦屌』，所以佢（陳）本來嗰下佢 consider 過『咁我做啦屌』」，跟住陳問「仲有本記嗰班問過未」，陳意指「係咪可以問埋佢哋先」。而「枱面人」要離開香港，要去「第二度開政府」，開「香港流亡政府」。
法官李運騰問，他們當時是否認真討論？李宇軒解釋，他在訊息問「堅」，當時意思是問「『堅』真搵個枱面人離開香港去開政府」，「堅係T做」、「你（陳）真係諗住咁做」？李宇軒庭上指，當時正在考慮此提議。
針對對話提及的「照肺」，李指「照肺」意指政治逼害或者政治檢控。當時陳指其他人會被「照肺」，而李當時回應「無論我打唔打都好，政權要照佢哋肺嘅話，都會照肺」，「政權要 backdate（追溯） 嘅 law 都會去照 backdate；政權要秋後算賬佢，都會秋後算賬佢。我嘅 judgement（判斷）係，似乎其他人照唔照肺呢，似乎唔係取決於我打唔打嘅問題」。
10:05 李：香港有政治檢控「要安排好家人」
控方續圍繞李宇軒及陳梓華的訊息提問，庭上周一（8 日）展示，陳問李「你安排好晒香港 D 野未？」又表示「你去打最終件事會係，你身邊所有人都會照肺」。當時李回應「我搞掂咗要搞嘅家人s」。
控方續問，當時李表示安排好家人，是甚麼意思？李解釋，因為有「political prosecution（政治檢控）嘅地方喺香港，唔係第度，所以要安排好喺香港嘅嘢」。控方追問，意指李要離開或者留在香港？李表示，「無論離開定留喺香港，都要 settle（安頓）喺香港嘅嘢」。
控方續指，李周一指訊息中提及的「去打」是指「浮上枱面，做枱面人」。李周二續解釋，「枱面人」是「出名、用真名嘅人」；「枱底人」則為「唔用真名嘅人」。李舉例指，在 Telegram 不少用戶屬「枱底人」。李續指，當中意指繼續做國際遊說等工作。
10:02 開庭
HCCC51/2022