民主派初選 47 人案中，選擇認罪、成為控方證人的趙家賢，被法庭裁斷為「首要分子」，經減刑後判監 7 年，早前有報道指他獲獄中減刑，成為案中首名提早獲釋的被告。《無綫》周一播出趙家賢出獄後的專訪，畫面所見趙明顯清減，旁白指他「瘦咗 60 磅」。
趙在訪問中回憶 2019 年，稱「修例風波去到暴亂，去到初選案，其實整體係一個套路，背後係有啲別有用心嘅人士 ，喺後面操控住佢」，又稱「當時鄧伯伯（指鄧小平），係好形象化咁樣講，民主嘅發展係要一步一步走，欲速則不達，2019 年正正就係咁樣」。
趙又稱，要為自己在初選案中「衝擊咗特區政府，以及係國家嘅憲制秩序」，向國家、香港及市民大眾誠摯道歉。
47人案判刑專頁：他們為何面對這樣的判刑？
趙家賢出獄後首專訪
旁白：瘦咗 60 磅
《無綫》周一刊出的訪問片段全長近 5 分鐘，趙家賢穿着與作供時同款的 Adidas 黑色風褸，與記者一同步行，其中一幕可見是馬鞍山一帶。他的身型較以往公開露面清減，與庭上作供時相若。節目旁白稱，趙「瘦咗 60 磅」。
旁白亦稱，趙是提早 2 年多獲釋，「成為國安罪成者第一人」，又指趙「感恩獲懲教署長信納自己有悔過的決心」。旁白又引述，趙繫獄時未能看到患癌父親離世前最後一面，稱「未來最緊要係為屋企人而活」，他又稱，料自己不會移民。
趙：痛恨當時嘅趙家賢
趙家賢在訪問亦稱，在判刑後「開行 Turbo」，閱讀許多與國家發展相關的書籍，包括國務院發布的國家政策，以至「習主席佢有關『一帶一路』嘅發言、一啲重要嘅講話」。
旁白又提到，「趙家賢話未被判刑，還押幾個月就已經想幫控方做從犯證人，因為有責任講出真相，但承認獲釋之後擔心被人報復，又話早喺反修例期間已經唔認同暴力」。
趙指，反修例運動期間有伯伯在馬鞍山被示威者放火燒傷，稱「係淋電油燒⋯⋯我見到整件事係失控，去到一個都幾恐怖嘅情況」。被記者問及為何不抽身，趙答，「就係因為係人在江湖，身不由己」、「而家嘅趙家賢 ，係痛恨緊當時嘅趙家賢⋯⋯係點解唔係跳出嚟呢？」
趙：修例風波背後有人操控
趙亦評論 2019 年，指「修例風波去到暴亂，去到初選案，其實整體係一個套路，背後係有啲別有用心嘅人士 ，喺後面操控住佢。」
趙又表示，「我喺初選案，衝擊咗特區政府，以及係國家嘅憲制秩序。我好想就自己過錯，係向國家、香港以及市民大眾，誠摯嘅作出道歉」。
被問及從政多年，獲釋後遇上新一屆立法會選舉，他有何看法？趙稱自己是溫和保守派，「我會係退後一步睇全局，可見嘅將來（自己）都唔會係政界。」
他續說，「當時鄧伯伯（指鄧小平），係好形象化咁樣講，民主嘅發展係要一步一步走，欲速則不達，2019 年正正就係咁樣」。
趙又說，「未來處世原則就係，當有啲嘢唔係百保百確保係合法合規嘅話，就唔好有任何一啲嘅叫做擦邊球呀，係一啲叫做偷雞嘅做法」。
《無綫》 指「上月底出獄」
《星島》10 月底指已出獄
趙家賢是 47 人案的第三被告，他被控方指稱為案中組織者，與戴耀廷、區諾軒等人籌辦 2021 年民主派初選。他選擇認罪，並成為從犯證人，作供時提及感到初選被戴耀廷及部分本土抗爭派騎劫，「覺得完全係好無辜」，又指自己若有履行謹慎責任，「作為召集人如果做到好嘅話，應該避免咗成件事包括民主動力仝人係牽涉喺入面。」
在求情階段，趙經代表大狀提出，他屬「超級金手指」，期望獲扣減 66% 刑期，被法官質疑後改稱減刑幅度可為 40％ 至 55%。3 名指定法官最終裁定趙與戴耀廷、區諾軒、鍾錦麟屬於「首要分子」，以判監 15 年為趙的量刑起點，因認罪、任控方證人、受戴耀廷誤導等，減刑至判監 7 年。若沒獄中減刑，預計趙需服刑至 2028 年才獲釋。
《無綫》的訪問指，趙家賢於上月底（11 月底）出獄，不過《星島日報》10 月底引消息報道，指趙家賢當時因獲得獄中減刑，已經提早出獄。若以 10 月底提早獲釋計，趙很可能獲得全數三分一獄中減刑。
連同趙家賢
暫共 14 人出獄
民主派初選 47 人案，案情圍繞 2020 年 7 月民主派就立法會換屆選舉所籌辦的一場初選。事後共 47 人被起訴，45 人罪成，判監 4 年 2 個月至 10 年。
連同趙家賢，2025 年先後有 14 名罪成被告出獄。預料 2026 年有 8 人將出獄，包括朱凱廸、梁晃維、張可森、岑敖暉、楊岳橋、胡志偉、尹兆堅、伍健偉。（見報道）
上訴庭在 2025 年 7 月中一連四天處理罪成的 12 人，就定罪及或刑罰提出上訴，以及律政司就劉偉聰無罪裁決提上訴的聆訊，法官指將在 9 個月內，即不遲於 2026 年 4 月中頒布判決（見報道）。
HCCC69/2022、HCCC70/2022（CACC253/2024、CACC263/2024、CACC268/2024）